名館 (希慎廣場) (Closed)

名館 希慎廣場分店位於12樓 喺food court上面嗰層佢做緊 平日一至五 90分鐘 點心放題$148, 計埋加一 茶芥 大概$170一位個人覺得 點心選擇 雖然唔係話超級多但大部份味道都正常 有啲仲幾好食添 呢個價位 🐼 都會推薦當中特別介紹嘅點心有 :櫻花蝦混醬豬腸粉 - 腸粉滑嘟嘟熱辣辣 加埋面頭嘅麻醬 甜醬 同豉油 一定唔會差嘅 😆炸鮮奶 - 長條型一條嗰個就係啦 雖然外表冇乜特別 但鮮奶食落口 好香甜濃郁 👍🏻涼菜 - 我哋叫咗雞絲粉皮 京醬秋葵 肴肉 同桂花淮山四樣都唔錯 同埋放題呢啲嘢 你知啦 會食到好滯㗎嘛 😂 中間可以食幾碟啲涼菜 消下滯 又可以再食過 銀湖天鵝酥 - 呢個樣幾趣緻 純粹叫黎打下卡 入邊係紫薯蓉 唔會太甜個樣得意得來 都食得落口 蒸點 - 最推薦係筍尖蝦餃 👍🏻 入邊蝦肉彈牙 出邊蝦餃皮煙煙韌韌 軟硬度適中我哋食咗好似有10粒 🐼Lunch time都坐得幾滿 枱同枱之間分隔都算足夠 同埋梳化位幾舒服如果有興趣去嘅 建議早啲book定先 同叫侍應mark 定梳化位俾你🍽 餐廳: 名館 (希慎廣場)🏠 地址: 銅鑼灣軒尼詩道500號希慎廣場12樓12

最初見到有食評話點心放題食唔飽，自己都覺得要親自去試吓先可以再下評論。所以決定都去試一次。自己星期日就去咗一試，到到之後先發覺之前個食評真係冇錯，第一兩round啲order係好快，而且冇漏單但係跟住啲單就甩晒。12：25落嘅order, 1:10都嚟唔到，仲要吹我哋埋單（90分鐘放題）。嘢食方面，點心真心麻麻，好多嘢都冇咩味，賣相又求期。要食點心放題，去返普通酒樓食會好好多。真係去一次就夠，唔會再有第二次。

黎《名館》食放題已經幾次，唔好以為點心放題，選擇就會少，用$168 +1就有咁嘅質素同咁多選擇嘅點心（超過廿幾款），喺銅鑼灣，仲可以喺邊度搵？一直都喜歡呢度點心精繳又好食， 《蝦餃》係重點，《黑松露燒賣》都好正， 每款點心色香味俱全👍🏻小菜都有幾款， 梗有一款啱口味，我個人喜歡《雲南涼拌貓耳朵》及《和麻醬雞絲粉皮》，辣辣哋，早前菜一流😋😋坐低就奉上玄米茶，淡淡茶味，配搭點心，飲茶都係一種享受 😋甜品除咗有《陳皮紅豆沙》，仲有出邊好少有嘅《腐竹鵪鶉蛋糖水》 ，紅豆沙比較淡口，我唔喜歡，我鍾意後者😋😋服務員醒目又唔會漏單👍🏻👍🏻抵讚

上星期平日去一去到門口等左好耐都冇人出黎帶位但裡面唔多人好多枱都未執入到去又冇人serve又等左一陣最後要出聲先拎menu個個講野帶大陸音既waitress 同我講一句我真心聽唔明既廣東話最後佢只係拎一張放題紙比我我好奇怪問 得一張？佢之後再拎埋下午茶同主menu 後來我諗 佢應該第一次問我係咪放題但佢發唔到音但態度冇問題不過個時13:5714:00下午茶時段 佢一開波唔拎下午茶比我駁我唔知比張一人268既放題紙我真係冇得頂跟著我望到附近擺晒貨 擺晒出黎 唔係咁好睇話晒都係希慎裡面既餐廳吖而且全部都係大陸貨 係 都預左大陸野而家用 但始終心裡面驚驚而佢跟餐送既所謂燈膽豆漿我諗 個杯口咁細 平時裡面點清潔？！諗諗下飲都唔敢飲嘞跟著比內地貨/扮晒野燈膽杯既影響下再睇下佢周圍 感到好重大陸感布周圍掛隔板都周圍擺真係好似大陸餐廳一樣擺埋一邊當處理左而且睇著職員抹都唔抹就放埋一邊 頓時都好想快d食埋走點心都唔好食燒賣肥豬肉一堆平時茶樓粉果比佢既粉果好食 佢既粉果軟patpat咁整體感覺好大陸再細心望下周圍環境係淘寶好興既雲石設計總之好耐冇食過一餐飯想咁快離開唔會再去 亦唔會叫人去

店舖格局寬闊，設計典雅優美，以湖水綠色座位配搭雲石枱，仲設有窗邊枱位，坐得好舒服🪟餐廳主打新派又多元化既中菜點心，仲有點心放題可以選擇，係用QR Code落單😚茶位每位$8架~-✍🏼食評❞ 🔸花膠海皇魚翅撈飯🍲 | $198造型好吸晴🤩以小火爐裝住海皇羹，中間有個金黄色既炸飯球，外層係金黃脆口既飯焦，而內層係軟腍既米飯😍店員會幫手整開炸飯球，飯粒浸滿花膠、海蔘同魚翅，而且份量都唔少，絕對真材實料，食落有滿滿既骨膠原，夠晒滋潤，味道好夾而且口感豐富，推薦推薦😚-🔸銀湖天鵝酥🦢 $58天鵝造型可愛，呢個係紫薯酥，酥皮鬆脆香口有層次，入面滿滿紫薯餡，甜而不膩，好食啊😋-🔸宫庭妃子笑🍢 $32外型好似粒荔枝，外皮脆脆地，咬開會有金黃色既奶黃流沙，特別得黎味道都唔錯🤓-🔸名館筍尖蝦餃皇🦐 $48蝦餃都幾大粒，但味道唔夠鮮甜，略嫌個皮有啲厚🤫-🔸詐糊🀄️ $68成副麻雀像真度極高，其實係椰汁糕🤪盤上全部野都食得，而底下張鈔票係米紙黎~味道清甜，打卡一流😍-◾️整體而言❞餐牌選擇多，食物不但賣相精緻，質素都高，員工服務態度都好好👍🏼呢間絕對係睇得又食得既中菜館😚

An alright dim sum joint with good service (one of the staff was very friendly to my boy albeit he wasn’t behaving) but I felt kinda gross when I saw the staff pushing a kart around to collect used utensils from the tables, not something that I would expect from a non food court set up.Food wise, the dim sums are quite tasty and not overly greasy unlike many dim sum joints out there.

之前成日都有聽過朋友介紹銅鑼灣希慎廣場呢間名館，話佢個點心放題好多嘢食，所以忍唔住都嚟咗試😆😆 記住一定要訂位，因為有時候都要排隊㗎😂 環境都坐得好舒服，地方都幾大，佢落單好方便，用QR code落單就得啦！點心紙有好多嘢食，蝦餃燒賣當然走唔甩啦，仲有唔同種類嘅包類、小食、粉麵同埋甜品😋 個人覺得放題抵食好多，又可以任叫任食，鍾意食嗰啲就可以叫多幾碟😛 不過佢都有90分鐘限時㗎，一定要把握時間落單！

由名館在14樓時已經開始幫襯，而家搬左去12樓，格局沒有太大轉變，還是有做點心放題。點心放題食物很精緻，不會偷工減料，有機會可以試試，同埋佢台隔得開，坐得都舒服。

同朋友去銅鑼灣買完某牌子運動用品，順便發掘下有咩好野食～跟住就Search 到名館幾有打卡feel ，去到又見唔使等好耐，就決定入去試下♥️一坐底淨係個碗都特別吸引：我所有的不開心都是因為未食飽！😂醉蝦～一黎到首先試左個醉蝦先！🙊蝦肉爽口～淡淡酒香散出黎又幾開胃🤤酸菜魚～唔好睇佢個煲細細煲，原來佢勁深，勁多料！魚夠新鮮！唔會梅deaddead 🤣仲有薯粉係底，絕對唔驚唔夠飽🤤🤤點心拼盆～成餐飯最好食嘅野反而係呢個！每件炸物細細件！件件都好好食！有煎堆！炸奶！蓮蓉酥！仲忍唔住口食埋對面個份🙊🙊仲有個上湯浸白菜🥬～呢個就不過不失啦～總括黎講都幾正，坐得舒服，同朋友傾下計都唔錯。樓底都高，整體唔會太菜～想食下酸菜魚又想坐得chill 啲都可以考慮黎下呢度～埋單嘅時候我仲買左佢包麥茶添🙊幾正架！

星期日銅鑼灣邊度搵食好？又要搵到位，又要地點好更要價錢合宜，難度很高。名館主要出品滬菜。今日放題只需$168，就可以試吓粵式點心如蝦餃、燒賣、鳳爪、咸水角、炸牛奶，也有滬式小籠包，擔擔麵，涼拌木耳，肴肉、鍋贴、紅油抄手。我們也吃了一隻黑毛豬糉及甜品。整體來講，名館是一個約會，飲茶的好地方。用手機掃QR code落單。每次落order都要隔十分戶啲食物種類多，味道也不錯，員工服務態度又很好，是一次很滿意的經驗。

黑色暴雨⛈️，唔使怕要等位。名館做緊90分鐘點心放題，$148，今日就同太太來試吓。整體點心質素不俗，但又不至於很美味。對得起個價錢。當天坐於窗邊，出邊灰濛濛一片狂風雷暴，另有一番體驗和風味。

生日諗住好耐無食過上海菜，食下小籠包，睇食評見好似好多Lam Lam脷，所以就揀左呢間試下，睇下有無驚喜去到先知，原來呢個鋪位既前身就係南小館。睇個餐牌好似幾吸引既，但最後黎到既野就……大良鮮奶一口酥同我想中有啲出入，呢個一口酥有3吋長，想問諗餐牌個人既口有幾大？係新鮮熱騰騰出黎既，但係一咬落去，已經係好油淋淋，啲油味重勁過啲奶味，係咪應該索下油先拎出黎！？咖喱蒙古羊肉餅一上枱，望落去有啲薄 ，食落去無咩口感可言，有少少羊肉味咁啦冰鎮菠蘿骨得個樣既菠蘿骨，我未食過一個生炒骨啲肉係咁細舊既、菠蘿入邊有一半係冰，食到個底果啲肉好似係雪櫃拎出黎唔煮就食咁，比個建議你、如果要做冰鎮一係就做拔絲嘅效果，如果唔係就食到人地好奇怪，索性做個普通生炒骨吧啦鮑魚雞粒炒飯不過不失啦，個份量都大既，可以少啲油既金銀蒜銀魚蒸勝瓜好鹹，用油浸住啲勝瓜，食到好嘔心，本身啲勝瓜好食既，但比啲油整衰晒鎮江水晶餚肉啲水晶同肉既比例唔夠好，肉太多，食到都唔似食緊水晶肉小籠包個底痞夠薄，但係個頂好厚，有啲唔熟咁食到我對呢間野都無晒期望，對呢餐飯好失望，都唔知點解咁多好評

花膠魚翅海皇撈飯撈飯並不是一般既撈白飯，而是首先將飯炸成一個圓球，將放入有醬汁內，令食時有飯焦既感覺。而且湯底味濃，花膠同魚翅十分，十分有驚喜。沸騰水煮肥牛肥牛十分入味，而且內有粉皮，煮得想當滑溜，而且還有其他配料，例如，豬紅，娃娃菜，牛餐肉等，材料豐富及份量十足。而且裝嘅容器十分精緻，內有加熱，一路食都係暖笠笠。不過水煮肥牛無得選擇自己合適既麻辣度，稍為有d失色。這舖其他菜式都煮得十分精緻，有機會值得一試。

雖然話係放題,但叫咗嘅點心只嚟到3份1, 尤其係蒸嘅好似蝦餃嗰D甩單甩得特別多, 最終在限時個半鐘內只食到1粒蝦餃同燒賣！ 其他全部都係D平價炸嘢, 絕對唔會推介人去試！ 追單多次但無人理, D阿姐仲要態度奇差第一次食放題食唔飽, 絕對覺得被騙, 話係任食但用cut單呢D劣手段, 等消費者只食到有限嘢仲要只上平嘢, 其實變相呃錢. 平時唔會特別寫食評, 因好唔好食,好個人喜好. 但呢間明顯經營手法有問題, 希望其他人唔好中伏.

屋企人生日最鍾意食中菜, 呢間新派中菜餐廳位於銅鑼灣Hysan12樓真係好方便, 一出地鐵站就到, 帶老人家黎唔怕揾唔到。我地有5個人一共叫左11個菜色, 介紹下先:陳醋珊瑚海蜇頭 $88前菜陳醋海蜇頭, 陳醋味好濃，配合海蜇頭口感酸甜爽脆，非常開胃。冰鎮鮮菠蘿咕嚕肉 $138 呢度菜睇得又好味, 首先整個菠蘿放係d煙上面已經好吸睛，打卡一流, 呢個係我其中一個最愛的菜色😍。而咕嚕肉炸皮都好薄, 外脆內軟加上酸甜醬, 食落肉質新鮮又有咬口, 睇落份量好似不多, 但食下食下都好多件。 小肥腿 (脆皮鹹豬手) $188原件脆皮豬手連薯條，有d似德國餐廳的豬手，好大份！個皮勁脆，肉就唔太干，太多肉最後要打包走！伴碟有厚切薯條，有西餐的水準，呢道菜係有驚喜🤩！蔥爆藕帶安格斯牛柳粒 $118牛柳粒有牛味，焗甜薯都夠香脆，不過牛柳粒好多肥膏。石鍋鮑魚炆雞 $138成個石鍋上，雞肉大件仲好入味。鮑魚仔雖然細粒，不過都有好多件，個菜式都算好足料。名館厚切叉燒皇 $88一碟有6件，件件都咁厚身, 唔算好肥，但食落肉軟好嫩好軟，加埋蜜汁一流，正！欖菜肉崧炒四季豆 $88欖菜四季豆炒得好香, 加上有少少