名館 (希慎廣場) (Closed)

星期五晚7點幾左右食晚餐，見餐廳無咩人又有空枱，所以選擇入來食飯。餐廳不大，整體乾淨，員工服務不錯！姐姐係幾有禮貌！食物選擇都好多，食物質素都不錯！當晚叫咗烤魚同串物，個人認為係算幾好食！烤魚係$298，條魚都好大條。但係無奈真係等野食等太耐！！每樣食物都至少要等40分鐘！隔離枱叫白飯，佢等咗45分鐘先有碗飯！而我條烤魚都等咗50分鐘！姐姐話煮多5分鐘先食，我因為玩手機所以都有等至少15分鐘，但條魚都係未熟。。我等咗一個鐘都係未食得！但係餐廳係坐唔滿！仲有空枱都要等咁耐另外我叫咗烤魚配菜，係未煮既薯粉同枝竹，配菜都係要等45分鐘先會上菜 搞到我完全唔敢唔加單！！我見其他食客都等到黑哂面，係咁問姐姐幾時會上菜，已經等咗好耐。。。所以如果大家要試就一定要一次過點好d野食！真心幾好食我都唔會再來。。。真係等太耐。。我7點幾入坐，食到10點都未食完。。

川菜新餐牌有驚喜 經典冰鎮鮮菠蘿咕嚕肉仍是必食--銅鑼灣希慎上面嘅呢一間餐廳，一向鍾意佢環境好坐，食物水準都一直穩定高質。今次黎到，發現佢餐牌轉咗唔少，多咗好多川菜，但同時亦有保留以往嘅人氣小炒同湯品等等，幾有新鮮感。🥢-🐟麻辣青江魚 （$348）辣度自選，🌶️小辣香而不嗆，魚肉滑溜，而且夠大條，兩個人食感覺非常飽足，青江魚無咩細骨，啱曬我呢哋鍾意食魚但係又驚多骨嘅人。order魚就可以自由追加配料，萵筍爽脆，午餐肉同麻辣汁極其合拍，紅薯粉彈牙非常，索汁之後令人欲罷不能。-怕辣的話，可以一試佢地嘅飲品。order咗浪漫玫瑰青檸梳打同🍋百香果檸檬梳打，兩款都好大杯，少甜之後依然夠味，清爽解辣，甜度自然，而且顏值也不錯。-🍢另外，佢地嘅餐牌亦新添咗燒物類，推薦蒜蓉滿滿嘅惹味烤茄子同鮮甜非常嘅蒜蓉燒扇貝。兩者味道調配都到位，不太鹹太重手。-朋友話出國之前好想再食一次佢哋嘅冰鎮鮮菠蘿咕嚕肉，好在呢款經典名物依然係餐單內，加入咗乾冰嘅仙氣造型都不及佢酸甜有致，彈牙帶肉脂香嘅味道咁令人印象深刻，一如以往地高質😋。-最後，甜品部分，必食佢地嘅古法紅棗盞，糕點散發紅棗香氣，食落煙韌彈牙，一人一件，實在係

前幾個月先嚟過名館食飯，今日再嚟，原來佢哋依家轉左餐牌，有烤魚同埋串燒食呀！香辣豆花烤魚- 青江魚好大條烤魚😊好厚肉，肉質滑滑，冇細骨👍🏼普通辣，越食越滋味，啲新鮮嘅辣椒辣味好突出👍🏼👍🏼配埋白滑嘅豆腐，好正🔥🔥除咗魚同埋豆腐之外，仲包括左一啲芽菜、白蘿蔔，越煮越入味😌😌食烤魚，又點少得薯粉😎吸晒啲辣辣湯汁，又滑又好食鴨血同辣嘅湯底都幾夾，但鴨血本身味道比較淡，同台灣嗰啲有少少分別🤔重頭戲！手切特級安格斯牛肉牛肉非常靚！紅紅嘅色澤，脂肪分布平均，口感柔軟，牛肉味亦都好出，性價比非常高嘅選擇👍🏼青瓜金桔梳打非常清新，有淡淡的青瓜香氣又唔會太甜百香果檸檬梳打百香果味零舍開胃，清爽清新另外仲叫咗幾串串燒過吓口癮燒雞翼同燒菠蘿就最穩陣啦❤️雞翼調味得宜 唔會太鹹，又唔會太過乾燒菠蘿係超級超級甜，仲好多汁依餐飯真係大滿足😎😎換咗餐牌之後，又一番新景象，下次再約其他朋友嚟試埋其他烤魚先～

🥢點心放題($148，茶錢再加一後$171.5)因為當日叫左25款野食左右，就唔逐樣講了，只重點介紹下比較有印象既野食🥇最好味必試item🥇▪︎大良鮮奶一口酥：同常見既炸鮮奶唔同，外層有啲似蛋卷，入面既鮮奶好滑奶味香濃，外脆內軟，好食有驚喜▪︎泡椒魚皮絲：口感似海蜇，食落酸酸辣辣好開胃▪︎七彩鬆化蛋散：食落真係如其名咁炸得極鬆化，上面淋左啲糖漿，甜甜地但完全唔漏🥈可以一試item🥈▪︎名館荀尖蝦餃皇 ＆ 黑松露燒賣：2款都足料又夠大粒，鐘意食蝦餃燒賣既話呢度既質素實滿足到你▪︎鮮肉一口小籠包：超多湯汁! 內裡既肉仲好juicy，皮好薄所以夾個陣要小心▪︎迷你香菇雞粒炒飯：飯底粒粒分明，調味適中唔會咸，上到枱仲熱辣辣㗎▪︎鎮江水晶餚肉：其實自己好怕啫喱口感既鹹食，不過都抱住一試無妨心態夾左嚟食，又意外地幾好食喎，夠冰凍爽口，配埋醋汁食好醒胃▪︎啤梨咸水角：啤梨外型整得幾cute，皮唔會太厚幾煙韌，入面好多肉粒大良鮮奶一口酥❌唔使試item❌▪︎四川擔擔麵：我就冇食，但有試既朋友一概話唔好食，見佢地食到面有難色咁▪︎遠年陳皮紅豆沙：完全冇起沙，紅豆還紅豆水還水咁，紅豆仲要偏硬，整體味道好淡唔好味雖然冇試曬所有

呢日去左銅鑼灣行街 行到希慎廣場食晚餐 見呢間餐廳食新派中菜 食物比較吸引 就入去試下餐廳裡面好大 好開揚 座位十分舒適 食物選擇多 🔸招牌酸菜滑魚片 （$298）嘩 成個爐上😄 大大份 大約有3-4人份量魚片口感滑滑 配有酸菜 芽菜 花椒 薯粉等 味道很好🔸鮑汁豬手煲 （$88）原個砂鍋上 滾到卜卜聲熱辣辣的 豬手多肉 算入味 索左d鮑魚汁好正啊🔸煙燻嫩滑妙齡鴿 （$68）乳鴿唔算大隻 不過外皮香脆 唔算厚肉但肉質嫩滑 有肉汁🔸宮廷妃子笑 （$32）個名好特別 甜品又熱又脆 外皮香脆可口裏面似湯圓軟軟的

點了兩份飯，收了三份飯錢。。不喜歡這家餐廳，都非常不用心。另外呢菜就真的一般，性價比也不好。以後不會再去了。總之是一次並不愉悅的用餐體驗。希慎廣場選擇非常多，確實不太幸運。

週六日90分鐘午市放題連茶位費+服務費每人183，食物基本都是現蒸，味道不錯但是等待較久，建議早下單。另外每份分量太少（如春卷一份為一根，蝦餃一份為兩隻），建議根據自己胃口，每次點多份。最推薦菜式：麻辣鳳爪（涼菜，鮮辣爽口，解膩），蝦餃（整隻大鮮蝦不錯），芝士春卷（口味不錯，芝士含量相對不多），滑餃子（即雲吞），炸鮮奶，餚肉相對不推薦菜式：蒙古羊肉餅（幾乎沒有羊肉只有羊肉味道，份量超級迷你）餐廳環境同服務都不錯總體來講個人認為性價比很高，值得一嘗

新開無耐嗰陣食過一次，覺得放題嚟講食物質素算係幾好！今日一個人，唔知食乜好！諗住中秋節食好啲！食返個點心放題！點知換去只有失望首先，我最唔滿意係瘋狂甩單！叫好多嘢都冇嚟！冷盤小食，機乎全部冇嚟！係之後落一款咁先有嚟到咋！貓耳朵、餚肉、雞絲粉皮全部冇嚟炸鮮奶、酥皮菠蘿包、天鵝酥！炸鮮奶油淋淋唔熱架！菠蘿包都係唔熱，咬落去黐口！天鵝酥算係好少少！微䁔！酥皮都脆嘅紅菜頭鍋貼真係好難食！冷冰冰已經扣唒分！仲要厚皮蝦餃好腥，擺明啲蝦唔新鮮小籠包冇肉味！賣相又差！扁扁的！燒賣算係幾正常！黑金流沙包啲餡有少少漏油，我覺得唔好食！但都叫係正常嘅桂花鐵棍淮山！唯一我會讚嘅！微酸爽脆！好食啤梨咸水角，皮勁厚！但總算熱熱地，都脆芝士鮮蝦春卷係完全食唔到芝士同蝦但又熱又脆！都叫做好食架啦⋯⋯芝麻芋絲軟夾真係冷架！又唔脆！真係好難食！完全唔覺得有芋絲！宮廷妃子笑！呢個又熱又脆！裏面似係湯圓！軟軟的！外層就好脆鴛鴦流汁叉燒包，個面應該煎過嘅！但嚟到凍咗！個面一層油！但餡就咪忘想會流汁啦⋯⋯煎藕餅熱嘅！已經贏咗啦⋯⋯唔會要求咁高啦咖哩蒙古羊肉餅！賣相核突！又多油，塊餅又唔脆青瓜正常嘅！但就偏辣紅豆沙咁基本嘅嘢都可以

第一次食，係食佢個點心放題。佢就將隔離枱同我地枱分左做5a同5b枱。點知佢就將隔離枱張order落左我地度，我地果張order就落左隔離枱度，諗住好簡單姐，調返轉佢咪得，點知最後佢地落到亂晒。每上一碟野食，都唔係我既，係隔離枱。佢每上一碟，就問：「係咪你架？」如是者問左6-7次。我已經忍唔住問：「我係咪要一邊食一邊幫你分？我叫左十樣，前後淨係上左兩樣，期餘果啲都無上過，其實係咪要我再落過？」佢地話唔洗。好！咁我等。等左10分鐘，我見佢都無上野食，我再問究竟係咪要我再落過單？佢又話唔洗。再過多10分鐘，我又問其實係咪要我再落過單？佢先話你宜家再落過啦，之前果張order cancel左。？？？？？有冇搞錯，我問左兩次，佢都話唔洗，搞左咁耐，cancel左我啲order都唔同我講？佢仲話：「落單同事同上菜同事唔同呀嗎，你宜家再落過啦。」咩態度嚟。😡我小朋友等左好耐都餓，佢都問點解啲野食咁耐都未嚟，最後因為太嬲，帶小朋友走左去第二度食！完全係離哂大譜。本身我已經唔打算再比機會呢間餐廳，唔會再去食！但係朋友想食，結果又去左呢間餐廳，本身已經同左朋友講我上次食已經有一個唔好既經驗，但係佢都堅持要

上星朋友去過銅鑼灣希慎廣場名館食點心放題，送咗張免費片皮鴨比我，但是要平日星期一至星期四，六位食點心放題才可以用。今晚一行人六人去食點心放題，片皮上枱熱辣辣脆卜卜，還有八款不同的拌菜和醬汁，侍應還窩心將鴨髀和鴨鎚分開上枱，超好味😋😋😋

All I can EAT! Quality was worthy for money, in particular if you wish to eat different dishes at one time!Love the starters the most!cucumber; fungus; and okra - all were nicely seasoning, wouldn’t too salty or oilychicken feet was the most impressive with it black skin; a bit spicy Dim SumSiu Mai was good taste with balanced portion of meat and shrimp; Ha-gau - good just skin was a bit thickdeep-fried taro cake was super yum! soft inside sweet taro, best to have it as soon as it was served!Ove

今天一行8人去食點心放題，人多嘅好處就係可以試多幾款不同嘅點心，店員都有講解如何落柯打，是用QR code來下单的，每款點心一件起，每10分鐘可以再次柯打， 食物質素中規中矩，蝦餃皮太厚，黑松露燒賣好大粒但吃不到黑松露味，另外都有一些特別嘅點心值得推介例如咖哩蒙古羊肉餅，大良鮮奶一口酥，而銀湖天鹅酥就係打咭首選，涼拌小菜方面推介鎮江水晶肉同泡椒魚皮絲，出面洒樓少有，我地落左兩次柯打已經食到飽飽而其他食家說的漏单情況就末有出現，服務方面上點心同執枱都好快手，叫拿牙籤同幫我們影相都10分樂意。最後而加惠顧滿1000元還送片皮鸭！

今日4人來名館食lunch, 唔想食點心放題，而係試散叫，原來個午市套餐$68-72 都抵食👍叉燒配竹筒藜麥飯，叉燒半肥瘦偏瘦唔會嚡Juicy好味😋推介👍另外都選了酸菜魚套餐跟一個粉果及妃子笑- 荔枝造型炸的奶黃餡甜品。午市套餐係有跟飲品，選了健康熱豆漿都好味。另叫了咖哩蒙古羊肉餅就麻麻地，冇乜肉。而野菌竹笙餃就好味, 晶瑩通透😋呢個環境都舒適闊落，方便聚會傾談🥰#飲食情侶🥰#MagicCherry攻飲食

一星期嚟咗名館兩次食點心放題🤪第一次嚟食覺得幾好，星期六帶埋老公嚟食😋晨早做完眼Laser 等11:30am開門飲茶🍵食點心🥟🍤名館位於銅鑼灣希慎廣場12樓，地鐵站上蓋好方便。環境舒適、好寬敞、樓底高🤩裝修方面以Tiffany Blue 為主調👍🏻配搭簡約設計舒適。本身有點心、小菜，可選散叫又可選點心放題，可以盡情試多幾款👏🏻放題既點心多數按叫的數量件上，不過澱粉質類好似會大份D😳例如鳳爪真係一隻上，而雞絲粉皮d涼菜及粉面就滿滿一碟，似散叫size ，1人真食唔晒😂建議可再整小份，以免浪費。茶方面冇得選（咁佢冇問我又冇提😂）畀我哋好似係麥米茶都幾好味。點心紙都涵蓋前菜、經典點心、包類、腸粉、炸物及甜品等。天鵝酥🦩賣相好靚好得😍餡料是紫薯蓉😋春卷 🫔係用 羅漢齋 做餡料，唔會炸燶🔥，都okay，不過比起傳統春卷、特色春卷就略為清淡D。炸鮮奶 🍼做型似春卷，奶滑唔會膩及過甜。 #煎魚餅 🐟係控制油份方面唔錯，味道都okay，如果有泰式甜酸醬就更好。混醬腸粉 好大碟🆒 頭先提過，澱粉質類會特別多，佢大碟到可以當正餐。質地都滑，唔會淋左，應該係即蒸。本身配左甜醬、花生醬，花生味唔夠出，另外叫佢

見到有點心放題就諗住去食食點心唔會夠飽，所以就諗住叫左細炒飯我食左第一啖之後，我男朋友先發覺個炒飯底有一隻燶左 fully cooked嘅曱甴留意返呢個係佢上黎嘅第一道餸黎🤦🏼‍♀️往好個方面諗，佢可以煮到隻曱甴燶咗，證明佢係有鑊氣嘅，仲殺哂菌，我食左一啖應該冇事嘅，同埋我好感激佢係好完整嘅！！！但係第一道菜就比啲咁刺激嘅嘢比一個驚曱甴驚到會尖叫嘅我，我真係🤦🏼‍♀️唔知講乜好Waiter收走完個碗之後，仲冇主動比一個新嘅比我，而係要我男朋友三催四請先比我地🤦🏼‍♀️炸物方面，上黎個陣已經凍左，不過都脆嘅😂