明記潮館 (砵蘭180+商場)

Open Now

Now Closed

在旺角地區吾易找的大廈內，大廈上了一層係茶餐廳，好彩問吓樓面服務員，轉個彎再上一層就係《明記》，因朋友話要食地道潮洲菜，就試下呢間，原來此店只做晚市。潮州菜一定要叫《豬紅韮菜》《滷水鵝肉》《豬大腸拼墨魚》等等。環境比較嘈，有啲服務員比較惡。最後發現檯檯都叫《熊仔檸檬茶》，我哋有叫左杯來打卡，真係好得意。訂位都係用Openrice 超方便。

街邊求其搵一間都好食過佢，𧐢餅難食，外皮多過乜。椒鹽白飯魚啲魚似樹枝，好柴。豆腐魚雲湯啲豆腐酸（壞了）。服務員（男士，中等身材，個頭插住頭箍，眼細，穿便服）態度超差。

今晚收工加班到九點同同事一齊去咗旺角「明記潮館」打冷食宵夜🤗呢度提供正宗潮州打冷及多款小菜！我哋就點咗鹽焗馬友連外皮作鹽烤😬內部魚肉保留豐富水分和鮮嫩的口感且帶微咸味道😌亦可點埋豆醬增鮮👍每次食潮州菜都會點嘅蠔仔粥☺️蠔仔粒粒正常算飽滿😌湯飯加入香芹、冬菜及肉碎及大地魚干提升湯的鮮味🤤剛巧釋放慶祝旺角店六周年依家點菜滿$300就可以用$8叫一碟韭菜豬紅滑滷水雜錦拼盤🤗我哋今次就揀咗滷水就咁拼包括鵝腸、豬大腸、猪耳、五花肉、紅腸及芽菜☺️每種食材都以秘製調味料和香料製成滷水滷到非常入味🫢送洒一流😎飲品有大大隻🐻啤啤熊檸檬茶Sapporo啤酒🍻打冷必點🤗

鍾意打冷食潮州野嘅朋友，千祈唔好錯過位於旺角呢間❣︎明記潮館❣︎開業多年，每日營業到凌晨0330，收夜左嘅朋友都唔怕食唔到👍🏻呢到有成八千呎噤大😯設有多間大房，好適合團體/親朋戚友晚飯聚會。今晚平日星期一我來晚飯都座冇虛席，證明呢間一定係好東西🙂‍↔️👍🏻❣︎滷水鵝片❣︎$188滷水鵝肉嫩香腴，鵝肉滷得好入味，個滷水汁味道好特別😋香氣馥郁，鋪底嘅豆腐亦都相當滑👍🏻❣︎蠔仔肉碎粥❣︎(小）$80必食推介🌟蠔仔份量超多👍🏻好新鮮😋好肥美，最重要係洗得好乾淨👍🏻無蠔殼碎，啲粥煮到粒粒分明👍🏻加埋芫荽同方魚，成煲粥鮮甜無比🙂‍↔️我地兩母女好快手就清晒😆❣︎海味粉絲什菜煲❣︎$128超足料嘅粉絲煲😋有白菜仔，西蘭花，娃娃菜，蝦乾，魷魚，冬菇，瑤柱，啲粉絲索晒啲湯汁，超正👍🏻❣︎滷水雜錦拼盤❣︎(優惠價)加$8凡惠顧任何食品滿$300可以優惠價加$8選購滷水雜錦拼盤或者韮菜豬紅，超抵食呀🤩唔加就走寶啦，雖然係加$8但份量係正價嘅份量😍鵝腎，豬耳，五花腩，豬大腸，紅腸，墨魚片，鵝腸樣樣有👍🏻鵝腸整得好爽脆🌟必食之選。

今晚約左好姊妹食飯，竟然湊合地大家都話想食打冷😂立即就醒起呢間明記，每次行旺角都會見到大大個招牌😂蒜蓉開邊蒸海中蝦本身餐牌係$188，店員話會係急凍蝦，但係加$12就可以轉新鮮蝦，咁當然轉啦咁抵😍一上菜份量都好多喎！有成十幾隻，兩個人爭啲食唔晒👍新鮮蝦亦都係唔同啲，蝦肉鮮甜爽滑，推介😛椒鹽鮮魷呢個就朋友好想食既，炸皮夠薄，鮮魷厚肉，唔錯滷水雜錦拼盤惠顧滿$300就可以優惠價加$8叫碟滷水雜錦拼盤或韭菜豬紅，咁我哋就揀左滷水。有紅腸、墨魚、豬耳、大腸、腩肉、鵝腸等等。雖然係優惠價加購，但感覺同單點一樣咁大碟🙆🏻‍♀️

嘢食整體嚟講上OK，但係啫啫大鱔雞煲冇雞🙁其他嘢食OK 水準就差緊D 煲仔冇火侯 。應該燒D陣先上枱＂真心好食＂平均一至2分鐘就上枱1855 5條友真係抵到爛平均371 1位個蠔餅多油 💩啫啫通菜夠味👍🏻$8韭菜豬紅夠大 相對嗰陣喺荃灣明記食唔夠大煎蠔好食 夠香 炸鮮魷應該落蛋白漿。炒出嚟炸蒜味好濃家鄉炒米粉冇味 基本上味都未兜勻☹️有少少失望，同埋太多油超好食，滷水鵝👍🏻其實D煲仔應該要整耐少少先有炸一聲嗰吓鑊氣先出嚟，到時就真係好好食，總之一句係爽嘅👍🏻個環境其實幾好，可以令到我哋幾個同事傾偈傾得好開心👍🏻

媽咪鍾意食潮州打冷，呢間餐廳之前同朋友食過一次好正，於是帶媽咪嚟食吓😬餐廳鄰近旺角地鐵站，交通好方便，餐廳地方寬敞，坐得幾舒服，餐廳除咗一般套餐之外仲推出咗好多孖寶菜式，兩樣菜式加埋一齊叫抵好多，餐廳六周年優惠，逢星期一至五旺角店加$8仲有滷水拼盤或者韭菜豬紅，超抵👍🏻我們點了蠔仔粥、孖寶A餐：客家黃酒雞煲、潮式凍馬友、當然仲有$8嘅滷水拼盤😆首先來了潮式凍馬友，魚夠晒鮮甜滑溜，而且唔會太鹹，媽咪讚不絕口👍🏻之後來了滷水拼盤，估唔到$8竟然份量咁大超抵食，裏面有滷水豬腩肉、紅腸、墨魚、豬大腸、鵝腸、豬耳、芽菜，這個滷水汁都不錯幾入味，豬腩肉好香吸收晒滷水嘅香味、墨魚爽口之餘仲有啲鮮味、豬大腸同鵝腸都好正，完全冇內臟嘅羶味，而且爽口彈牙👍🏻豬耳同芽菜都好正😊吸收晒滷水嘅香味👍🏻之後到蠔仔粥，蠔仔鮮甜肥美，蠔既鮮甜味融入晒喺粥入面好正😊最後到客家黃酒雞煲，雞煲一上已經聞到酒香撲鼻，雞件大大件之餘鮮甜嫩滑，吸收晒黃酒嘅香味，入面仲有勁多配料，有龍眼肉、杞子、紅棗、雲耳，滋補養生，配埋雞湯一齊食好正👍🏻這間餐廳除了食物質素好好，環境舒適，而且價錢合理，可推介俾鍾意食潮州菜嘅朋友☺️

每次針灸完之後都會路過這裏，今晚趁着有空，便來到這裏一試。這裏的地方面積很大，帶點大排檔的氣氛，而且坐得舒服。另外晚上七點後，建議先行訂座，否則晚上八點之後，可能已經沒有空位。這裏有很多不同類型的套餐，其中以這個孖寶J最為合胃口。孖寶J：豉汁蒸大白鱔，配金牌滷水鵝，原價$396，優恵價$368。豉汁蒸大白鱔，白鱔表面帶了點豆豉芡汁，沒有泥味，只有鮮味，而且份量都不少，大部份都是魚腩部位，爽口彈牙。金牌滷水鵝，滷水汁味道香濃，鵝肉鮮嫩可口，加點香醋，可以去除油膩感。六周年優惠價凡惠顧任何食品滿$300 ，可以優惠價$8。滷水雜錦拼盤，內有滷水腩肉、滷水大腸、紅腸、豬耳、鵝腸、墨魚和芽菜。其中以鵝腸最為爽脆。小食加茶位，兩人共$30。

🚩明記潮館中菜黎講潮州菜喺我心目中都名列頭三，但大家發唔發覺香港打一次冷都好鬼貴，食完原地跌入貧窮人口🥲今次就比我發現左間好野，抵食得來坐得又舒服😌〰️〰️〰️〰️〰️〰️〰️〰️〰️〰️〰️〰️〰️〰️🌈 孖寶J $368✨豉汁蒸大鱔✨金牌滷水鵝 呢個孖寶真係絕對抵食‼️白鱔切件再拎豉汁蒸，好傳統嘅粵式做法鱔肉爽彈，不過切得唔夠厚滷水鵝夠入味，充滿醬油香但又唔會過鹹墊底嘅豆腐吸滿精華，記得要點白醋食🌈潮州炒麵線 $118有啲似港式嘅星洲炒米🤭不過麵質更為幼細食到辣嘅記得要加埋佢哋嘅豆瓣醬同埋辣椒油簡直昇華左個味道😎🌈蠔仔肉碎粥 $120蠔仔粒粒飽滿，冇沙好鍾意佢哋嘅柴魚碎已經炸得香脆浸住湯增加風味得黎同時增加口感我哋叫嘅係大份，應該分到八碗左右🌈枝竹蒜子火腩炆豆腐煲 $118豆腐超級嫩‼️豆腐炸至虎紋，吸滿湯汁腐竹亦都浸得透徹，好入味🌈滷水雜錦拼盤 $8惠顧$300，加$8就可以有滷水拼盤一開始以為細細份，點知都好有誠意一碟有齊晒墨魚頭，紅腸，鵝腸，豬大腸等等十分推薦大家加購埋呢個

一直都想食呢間潮州打冷，坐低個伴碟花生都好好味，今次試咗佢個蒸鱔同埋滷水鵝，啲鱔超級肥超級好味，另外滷水鵝都啖啖肉，口感勁豐富，最後叫多個滷水拼盤，食潮州打冷必點嘅。

🍽 明記潮館 潮州菜我一直都好鍾意食，今日我同幾個朋友黎呢間位於旺角砵蘭街180號明記潮館食潮州菜🎉餐廳非常熱鬧，啲人一早就入座，7、8點鐘就坐到差唔多滿晒，餐廳出品都唔錯，價錢合理。➰➰➰➰➰➰➰➰➰➰➰🔱 孖寶J $368✨豉汁蒸大鱔白蟮新鮮彈牙，香濃嘅豉汁令白蟮更加惹味✨金牌滷水鵝 滷水鵝大大碟，鵝肉夠林，肉質嫩滑鵝肉冇肥羔，之前我食鵝係唔食皮😋今次我連皮都食埋，因為佢唔肥，夠淋。🔱潮州炒麵線 $118潮州麵線我好耐都冇食過麵線爽口，有鑊氣，材料豐富。🔱蠔仔肉碎粥 $120蠔仔新鮮加上鮮味嘅上湯，呢個粥一定好好味。🔱枝竹蒜子火腩炆豆腐煲 $118火腩煲仔豆腐，非常之香熱辣辣上，非常惹味蒜子都爆得好香，冇咗嗰種辛辣味🔱滷水雜錦拼盤 $8呢個滷水拼盤非常超值，份量比我想像中大里面有不同材料好入味👍特別推薦鵝腸

Openrice訂左，因爲預遲5-10分鐘上去，打上去通知餐廳一聲，佢地大聲話有咩同Openrice講，唔關我地事之後到餐廳，睇得出佢有佢自己既訂枱系統，無理過Openrice既booking。上到去基本上有枱就俾你，唔係因爲Openrice訂左而留定俾你所以大家可以去食，但就建議打電話訂算

早前試過銅鑼灣一間新式潮州菜，今日就到旺角另一間頗有名氣的傳統潮州菜。餐廳內部類似傳統大排檔，座位、餐具、格局都幾有風味，至於菜式種類繁多，除了潮州菜，亦有一般大排檔常見菜式，碟碟都有鑊氣。💙石鍋啫啫通菜石鍋一上枱熱騰騰，滾燙的石頭鍋令到內部仍然翻騰，蒸氣不斷冒出，而通菜就煮得腍身，啫啫味道濃烈但又不會過鹹，非常惹味，配合白飯就一流。💙煎蠔烙煎蠔餅似乎是潮州菜必食菜式之一，此款蠔餅外皮炸得鬆脆，雖然炸漿不算薄身，但酥脆口感有少許似日式天婦羅。至於蠔仔處理得宜，沒有半點泥味，粒粒飽滿而且蠔味鮮甜。沾上少許魚露，咸鮮味道更能凸顯蠔仔味。💙潮式炒麵線麵線共有粗幼兩款一齊炒，食起來口感有層次，另外加上蝦仁及魷魚等配料，爽口彈牙，有少許似海鮮炒麵，而味道較為淡，與其他濃味的菜式做到平衡。💙雜錦鹵水拼盤非常吸引的優惠，只要惠顧三百元，另加八元就可以有鹵水拼盤(中)，裏面的配料包羅萬有，包括：紅腸、魷魚、鵝腸、大豆芽、豬大腸及腩肉。鹵水汁應該經過多次鹵水步驟，令到味道更加香口但又不會過鹹。其中推薦鵝腸，沾滿醋汁後食落更加爽口而且充滿油香。💙潮陽鹽水炸豆腐這道炸豆腐是將豆腐切件，放入熱油中炸制而成。吃

最新潮聖地，感受最潮滋味，盡在這店子。位於旺區的，經典潮菜演繹，走入餐廳就如置身潮州船艦一樣，感受到水鄉風情鹵水拼盤嚴選潮州特產，香口味，陳年鹵水膽浸泡，鵝香入味，拼盤更包括：鹵水鵝腸、鹵水鵝腎、鹵水豬腩片、鹵水豬腸、鹵水墨魚及鹵水鵝等多款馳名鹵物，獲老饕高度認可。傳統潮州菜・全新驚喜沙拉骨相當新鮮彈牙的豬扒。肥美鮮甜，炸過好香酥脆口，外層很香脆，肉嫩嫩，棒。蠔仔粥潮式經典，味道特別，香口蠔，保留傳統潮州菜蠔仔精髓，美味精緻潮式風味，潮式打冷！經典潮菜有多款， 一於和朋友來享用，棒

book咗20：15時段，20：00到咗，但等到20：45都未有位。職員就一路係咁話張檯已經埋單，d客未起身。一路等，等到隔離遲過我嘅都入咗座，8人位又有檯，4人位又有檯，甚至連未齊人嘅都入咗座，唯獨我地早到齊人冇檯。直至等到20：40，我地同櫃檯講等多5分鐘冇檯就走，個櫃檯就忽然間話畀過另一張埋緊單嘅檯我地。最後，20：45我地喺冇檯嘅情況下離開間餐廳。呢間餐廳冇位就唔好開放timeslot畀人book位啦，遲過我地到嘅都入哂座，得返我地企喺度乜都冇，服務態度極差，完全唔尊重顧客，以後都唔會再幫襯。