明廚

Open Now

Now Closed

朋友推薦這家裏，說食物質素很高加上又新鮮，非常有特色，今晚便專程來到一試。火焰A級奄仔蟹，招牌油鹽焗$438。店員會將奄仔蟹淋上酒精，然後點火，待火種熄滅之後，便可以享用。奄仔蟹的海報非常豐富，蟹肉鮮甜美味，這種做法第一次吃頗為有新鮮感。油鹽野生大筍殼魚$380約一斤半，這款野生魚，骨比較少，魚肉比較嫩滑。筍殼魚外表香脆夜魅，內裏肉質紮實，第一次吃野生的筍殼魚，印象深刻。馬友鹹魚煎肉餅$128，肉餅外脆內軟，鹹魚份量適中，沒有過醎，是用來佐飯的一道小菜。麵豉油麥菜$78，油麥菜香脆爽口，加上麵豉醬，雖然清淡，不過非常健康。花生$10 :#旺角明廚 #明廚 #旺角 #旺角美食 #香港味道 #上海街火焰蟹 #奄仔蟹 #小菜 #中菜

因為好鐘意食蟹，所以朋友帶路叫我食佢返工附近既油鹽焗火焰A級奄仔蟹🤔 「上海街火焰蟹」招牌油鹽焗火焰A級奄仔蟹 $438奄仔蟹係我心目中係好細隻？店員話有至少8-9兩重？好！叫嚟試下。獨家菲律賓拉戈諾伊灣！蟹膏滿滿，金黃色🤪 粗鹽上插住隻奄仔蟹，有台型。加花雕同特殊玫瑰露均勻地倒入鍋再點火，打卡相。香氣十足！酒有助提起蟹嘅鮮味，蟹肉鮮甜有肉地。油浸野生筍殼魚 $380泰國河魚「河中石斑」，約1-1.2斤。野生既肉質鮮味肉滑啲，油浸令外層香脆，外酥內嫩。有蔥絲油膩感無乜，又香口！魚豉油比外面無咁咸，突顯筍殼魚！冰鎮花甲皇係用花甲公，話比較肥滑。事因朋友唔方便冰野，下次要食花甲！招牌九制陳皮骨 $98 oh yeah南乳底配陳皮味！乾身左少少，無海鮮咁正！但份量好多！蒜頭炒石斛苗 $128水耕菜之一，係中藥既苗。佢講吓喺清熱、養胃、生津而唔苦澀。性微寒。咬落似咬一堆紙，爽爽脆。明廚龍門炒米 $88配余均益辣椒醬，帶酸個款「古早味」。鮮魷魚、豬肉絲、荳芽菜、芹菜、雞蛋、洋蔥、蔥、韮菜等等。油香但唔肥，有鑊氣炒好香口大大份，4-6人share都得啦！

位於旺角上海街嘅優質中菜館 ［明廚］，主打世界各地不同品種嘅野生海鮮，再用自家創製嘅烹調方法，令食客感受到與別不同，另外中式小炒選擇眾多，非常有鑊氣，招牌菜冰火辣味魷魚；火焰鹽焗大A奄仔蟹；涼拌花甲皇；油浸游水筍殼魚；鹽焗野生泰國大花螺；椒鹽生猛泰國賴尿蝦，鍾意食海鮮嘅朋友一定要黎試吓😋🐠▪️油浸野生筍殼魚 $ 380呢度嘅主打招牌菜，筍殼魚非常大條，經油炸之後外皮超級酥脆，香脆到連骨都可以食埋，而且一啲都唔油，肉質更加非常精彩，好細滑，加上香蔥，薑和店舖自家製嘅魚豉油一齊食，尤如食緊蒸魚嘅口感，必食推介🦐▪️火焰斷片海中蝦 $ 328什麼叫斷片？店家解釋呢道菜比較要用時間，首先要將蝦浸洒，令蝦飲酒飲到醉醺醺，體內充滿酒精，然後放在爆炒過嘅蒜頭，姜蔥，大蔥既小瓦煲內內焗熟，最後上枱嘅時候再臨上酒精火焰一下，蝦既味道充滿蝦嘅鮮味和玫瑰露香味，而且爽口彈牙，好用心嘅一個烹調方法😋✨▪️蒜蓉粉絲蒸日本元具 $ 78 壹隻好大隻又新鮮，配上粉絲，大量蒜蓉，香蔥，最重要係海鮮豉油加埋滾油，超級好食，醬汁唔好浪費撈白飯好正🐷▪️即炸菠蘿生炒骨 $ 98生炒骨粒粒外脆內軟，肉質半肥瘦啖啖肉，酸甜汁調味恰到好

大陸同事嚟香港出差，呢幾日都帶咗佢食火鍋烤肉，今晚同佢喺旺角shopping後，佢話想試吓啲地道嘢，就同佢去朗豪坊後面搵吓啲地道小炒。行過見到呢間「明廚」，地道得嚟又乾淨企理，就入去試吓。【油浸野生筍殼魚】來自泰國嘅筍殼魚，開邊起炸，食嗰陣唔駛兩邊反。魚皮炸到香脆，魚肉非常多，口感帶少少結實，簡單蘸少少豉油食，鮮味倍增。【招牌油鹽焗火焰A級奄仔蟹】店員先倒酒然後再點火，酒係由包括玫瑰露、外國玫瑰酒、花雕，總共五種酒混合而成，點火之後更加係酒香飄飄。店長介紹奄仔蟹係來自菲律賓， size比其他出面食到嘅更加大隻，膏多肉多。蟹膏係軟膏嚟，食落juicy，蟹肉就雪白鮮甜，鹽油味濃加上火烤味同酒香，滋味十足。食完海鮮就試吓小菜，【招牌九製陳皮骨】陳皮嘅甜味同肉嘅鹹香平衡，非常惹味，越食越開胃。【御膳金湯雞煲翅】打開煲蓋，雞湯仲翻騰緊，黃金色聞到已經超香濃。雞肉新鮮嫩滑，魚翅同雞肉都特多，配濃厚嘅雞湯，每啖都食得好滿足。食咗四道菜，每道都非常滿意，由選料到製作都好有心，下次會再搵多啲friend嚟encore。

👍🏻招牌油鹽焗火焰A級奄仔蟹🦀️一隻開邊A級奄仔蟹放左一大煲嘅粗鹹上 店員將酒倒在煲邊 再用火焰燒 非常適合打卡📷 A級奄仔蟹非常大隻 好多蟹膏🦀️ 非常高質😋蟹殼充滿焦香味 而且蟹肉非常鮮甜 加上油鹽焗嘅味道 超級好味🤤 值得推薦比大家👍🏻 油浸野生筍殼魚整條野生筍殼魚用上油浸嘅方法處理 令到魚皮非常脆口 又同時保持到魚肉嘅幼嫩 好好味😋👍🏻 蒜蓉粉絲蒸日本扇貝日本扇貝好新鮮 好大隻 食落口啖啖肉 而去鮮味十足 加上用左蒜蓉粉絲嘅煮法 整道菜非常吸引🤗👍🏻 椒鹽鮮魷🦑熱辣辣嘅椒鹽鮮魷以鮮魷製成 外皮十分脆口 口感酥脆 鮮香味十足 食到停唔到口注意事項⚠️- 餐廳受街坊歡迎 想食就記得預約啦

朋友同我都好鍾意食蟹，尤其是去奄仔鞋，今日就同朋友喺旺角一間餐廳度食一晚滋味海鮮餐上海街火焰蟹，招牌油鹽焗火焰A級奄仔來自蟹菲律賓，用上餐廳自家調配既玫瑰露再打起火，火焰效果澎湃！奄仔蟹既膏好軟糯綿滑帶濃濃膏香。蟹肉幾鮮甜夠紮實。油浸野生筍殼魚，老闆推介泰國野生的，粉漿夠薄所以炸到非常脆身！什ftt至炸到細骨到食到！肉厚鮮嫩，廚師功價十足控制得好好，內層魚肉唔會過熟。蒜蓉粉絲蒸日本元貝，蒜蓉調味剛好，又濃又香！粉絲入味味道超正！元貝大大隻非常厚身，肉質鮮味質感幾綿密。

要搵食去旺角真係無錯咩菜式都有總會搵到啱心水的，而我和媽咪今日就搵到明廚，佢係一間中菜館，環境潔淨，鑊氣小炒。我地就叫左幾味來嘆下⬇️⬇️⬇️🔯 火焰油鹽焗A級奄仔 ～ 一座低侍應就即介紹呢味奄仔有10兩重，我地見咁正即order ，因為呢個要45分鐘先有得食的。嘩！上枱時已經見到好多膏的奄仔在鹽上焗熟，侍應再倒入酒加火添， 即時火光紅紅，酒香滲入蟹肉， 蟹肉鮮甜美味蟹膏好濃郁。🔯 油浸野生大筍殼魚 ～ 約一斤半重的筍殼魚，外邊脆脆，內裡肉質鮮嫩毫無腥味，口感清甜綿密，入口即化愛吃魚人士絕對唔可以錯過。🔯 日本芥末牛柳粒 ～ 香滑軟嫩的牛柳粒口感豐富，加上每粒都沾滿芥末沙律醬，芥末香而不攻鼻。🔯 豆豉鯪魚油麥菜 ～ 我自己不嬲都好喜歡食呢碟的，因為油麥菜好爽口配上濃濃的豆豉鯪魚超夾。呢間質素好高適合家庭聚會，因當晚就見到人地慶生，下次我都會帶成家人來再食過。

呢間菜館比較舊式，環境一定唔係最好，價值亦唔算平，但係食物好有水準🤤我已經食過幾次，佢嘅小炒夠鑊氣，而且小菜嘅款式夠多‼️全部餸都係即叫即整😋•脆皮牛坑腩 ($128)我每次都會叫脆皮牛坑腩，牛坑腩口感煙韌又有啲爽脆，外皮亦炸到好脆😋朋友今次第一次試，話無諗過牛坑腩可以咁整，食落有驚喜🤭•沙嗲粉絲滑牛煲 (108)牛肉都真係幾滑，上枱個煲仲要滾緊😋送飯一流！•椒鹽九肚魚 ($108)九肚魚就正正常常😂無太大特別

「上海街火焰蟹」明廚- 高質招牌油鹽焗火焰A級奄仔蟹驚喜中餐館！位於食晚飯 呢間叫明廚既中餐館位於旺角鬧市，交通方便八達，餐館內環境裝修四正乾淨，燈光光猛，座位空間度適中。食物種類和款式都相當豐富，海鮮、肉類、蔬菜，小炒和湯品樣樣齊。招牌油鹽焗火焰A級奄仔蟹 $438來自菲律賓奄仔蟹，重約10両，爆膏！ 上枱後，服務員會先將花雕、玫瑰露均勻地倒入鍋中，然後點火加熱，更能迫岀奄仔蟹的鮮味。不論蟹肉或是蟹膏，都甘香鮮甜濃郁，蟹膏入口隨隨溶化，齒頰留香；蟹肉肉質新鮮鮮甜，質感札實肉汁豐富。油浸野生筍殼魚 餐廳用上泰國野生筍殼魚，比一般筍殼魚肉厚，肉質更鮮味嫩滑，油浸過後，外層炸至香脆，口感更豐富，外酥內嫩，完全沒有油膩感！ 豉椒炒花甲 $168花甲隻隻飽滿脹卜卜，餐館盡量揀選花甲公為主，務求肉質更彈牙，咀嚼時花甲內全無沙粒，令食客食得更滋味！大廚會先烚熟花甲，然後去半殼，再用豉椒鑊氣炒熟，非常惹味！瑤柱蝦乾粉絲什菜煲 $98以煲上熱度可持續保持，什菜煲非常足料，整煲滿鋪瑤柱、蝦乾、雲耳、冬菇、金菇、八爪魚、粉絲、西蘭花、菜心、白菜，應有盡有，非常滿足餐館不論食材、味道賣相同樣高質，色香味俱

💡滋味火焰A級奄仔蟹同朋友行完街，就搵野食，朋友知我鐘意食海鮮，但又驚大排檔唔乾淨，所以就介入左呢間，店面雖小，但整體整齊乾淨。而且仲有好多海鮮選擇，岩曬同朋友慢慢chill。🍽招牌油鹽焗火焰A級奄仔蟹🦀黎到已經見到有好多蟹膏，令係流曬口水，店員先將花雕加玫瑰露均勻地倒入鍋中，之後再點火，好有霸氣，哈哈。啲酒會提升蟹嘅鮮味，令蟹膏鮮味更加濃郁，膏呈金黃色，食落去蟹肉扎實鮮甜，真係好香。注意由於即叫即整，所以需時比較耐少少。🍽油浸野生筍殼魚🐠第一次食呢隻魚，估唔到有咁大條，將成條魚炸咗之後再淋上油同蔥絲，所以切下去仲嗦嗦聲，炸得勁香脆。雖然經過油浸，但做到完全不油膩，肉厚鮮嫩，好滑。🍽冰鎮花甲花甲是新鮮的，經飛咗半殼，入口內沒沙，以姜蔥蒜、辣椒、芫荽、醋等調成的醬汁中浸泡，個醬汁好好食，而且花甲好大粒且實用，索曬醬汁，酸辣適中，值得推介。🍽啫啫通菜煲上到枱仲熱辣辣，「揸揸」聲，入面有好多蝦米及肉碎，拎黎撈飯食一流。

平時同朋友外出食飯都好少揀食中菜, 但今晚同媽咪食生日飯嘅呢間小炒, 竟然令我回味, 連自己都要bookmark encore。就近朗豪坊不遠, 門面小小, 內裡座位亦唔多, 有別於一般大酒樓, 不過隔幾間舖位都仲有幾檯食客同獨立包房, 啱哂三五知己一聚, 而包房設最低消費四千。入座先送上前菜--花生($10), 唔開茶只供熱水可免茶位 ($5/位)呢度嘅小炒款式多, 而我最中意食嘅蟹仲係明碼實碼逐隻計, 唔洗擔心海鮮價。【油鹽焗火焰A級奄仔蟹】HK$438以瓦煲放咗少量鹽, 放上開邊奄仔蟹, 店員將秘調過嘅酒淋係蟹嘅周邊, 再點火。火焰一起, 滿足到相機食先! 奄仔蟹超爆膏, 金黃色蟹膏極為甘香鮮味, 剛才嘅酒加上蟹殼表面嘅鹽, 令蟹肉更為鮮甜惹味, 超推介!!【油浸筍殼魚】HK$380店員指所供應嘅筍殼魚來自野生嘅淡水魚, 雖說油浸, 但竟沒有預期中油淋淋, 筍殼魚開邊經油炸, 油溫掌握得唔錯, 先可以令整條魚炸後超脆而不油, 炸皮薄脆, 魚很厚肉, 骨比較少, 魚質很鮮嫩有魚鮮味, 點上秘製過嘅甜甜地豉油, 提鮮美味。 另外order咗兩款煲仔菜, 熱辣辣滋滋聲上檯, 香噴噴令人

今日同朋友去左間超大驚喜既中餐館食晚飯 呢間叫明廚既中餐館位於旺角鬧市, 交通非常方便~~內裏環境裝修四正, 燈光光猛, 座位都幾寬闊, 唔會坐得迫~~食物種類就真係超級豐富!!! 仲多選擇過酒樓淨係餐牌都有好多版, 海鮮, 肉類, 蔬菜樣樣有~~火焰油鹽焗A級奄仔 $438/隻睇到餐牌介紹奄仔蟹就覺得好吸引喇, 忍唔住叫要黎食~~呢隻菲律賓奄仔蟹約10兩重~~ 一上枱職員就黎個火焰表演先..... 真係未食先興奮經過火灸燒一燒更能帶出蟹肉既鮮味食奄仔蟹最期待就係見到好多好多蟹膏果然冇令我失望, 整隻蟹滿滿金黃色既蟹膏, 味道鮮香質感軟棉啖啖蟹膏係口裏面溶化, 齒頰留香油浸野生大筍殼魚 $380筍殼魚有一斤6兩, 好大條囉, 第一次食咁大條既筍殼魚餐廳用上泰國野生筍殼魚, 呢款筍殼魚比一般筍殼魚大, 肉質更鮮嫩~~外脆內滑既魚肉啖啖肉, 口感豐富, 極之美味，完全冇油膩感絕對對得住個價錢, 物有所值職員幫助將魚切件~~西蘭花炒龍躉球 $178龍躉球件數都幾多, 而且每件都係厚切, 啖啖都超厚肉喔~~魚皮爽彈充滿骨膠原, 魚肉結實鮮嫩沙嗲金菇粉絲牛肉煲 $108好惹味既一個煲丫!! 送飯

成日經過呢間小店都以為係食普通小菜點知同事食完係咁大讚火焰蟹 等我都去試下先職員好熱情介紹佢地嘅招牌菜 咁我就跟推介叫啦 見到真係枱枱都叫火焰蟹同油浸筍殼 未食已經好期待金湯雞煲翅魚翅另上睇得到真係好足料 兩個人每人分到兩碗 雞湯好鮮甜仲有一梳梳翅 238好抵食油浸野生筍殼魚勁大條勁厚肉 好少食到一斤半咁大嘅筍殼炸到金黃色好香脆 但魚肉依然嫩滑加埋店家秘製醬汁 又鮮又惹味一啲都唔油油鹽焗火焰A級奄仔蟹呢個真係不得了大力推介 色香味俱全淋上玫瑰露點火 一邊燒一邊打卡一邊聞到勁香超過八両重嘅奄仔蟹爆曬膏好甘香蟹肉結實鮮甜 果然係招牌名菜冇介紹錯啫啫通菜煲夠晒鑊氣 惹味得嚟又唔太咸 調味走健康路線仲有好多野都想食 下次約多啲人再嚟過先

印象中的上海街砵蘭街，除了近朗豪坊一帶外，都是比較龍蛇混雜，若不是友人帶路，絕對想不到此處會有海鮮菜館。明廚海鮮菜館雖然裝修比較平民，但海鮮菜式很別出心裁。冰鎮花甲王 食花甲或蜆最怕遇到有沙，此花甲處理得宜，沒有遇到有沙情況。新鮮花甲本來就已經鮮甜味美，再加上微鹹酸辣冰凍的涼拌汁，就更加提升其味道。蒜頭豆豉炒番薯葉見到介紹此番薯葉為水耕菜，入口的確比一般番薯葉滑溜，簡單以蒜頭豆豉辣椒同炒就已經很好。油浸野生荀殼魚荀殼沒有一般淡水魚的泥味和草腥味，此野生荀殼比平常所見的更為大條及肉厚，魚肉鮮甜，雪白滑溜。御膳金湯雞煲翅雞湯非常鮮甜濃杰，就算翻滾後，湯面依然有一層薄薄的雞油。日本牙㨂翅寫著足有七両，上枱時才將翅放入雞湯中，一煲雞湯翅可以分到四至五碗。招牌油鹽焗火焰A級奄仔蟹最期待的火焰奄仔蟹是最後一道菜，奄仔蟹分開兩半，插入粗鹽中，點火燒至酒精揮發。奄仔蟹大隻爆膏，酒香四溢，蟹肉吸收鹽味，不用任何醬料，味道已經非常吸引。

都幾近朗豪坊，可以行完街之後黎食野，多款大份鑊氣中菜同海鮮料理，如果多人食就可以試到多啲菜式🌟「上海街火焰蟹」招牌油鹽焗火焰A級奄仔蟹 $438呢度嘅其中一個招牌菜式，A級奄仔蟹睇落都會比較多蟹膏，上菜之後會有店員拎住杯酒淋落個煲度，然後就會點火。啲酒會提升蟹嘅鮮味，蟹膏鮮味濃郁，即叫即整所以等嘅時間都會耐少少🌟油浸野生筍殼魚 $380將成條魚炸咗之後再淋上油同蔥絲，炸完之後外脆內滑，肉質比較實，點少少豉油食就可以，唔會過於油膩🌟即炸菠蘿生炒骨 $98成日都叫嘅小菜，即叫即煮，咬落外皮仲好脆，仲有啲菠蘿同青椒🌟沙嗲金菇粉絲牛肉煲 $108係成個鐵煲咁上菜，即煮即出熱辣辣，就咁食會有少少鹹，好啱送飯，牛肉嘅份量都算多🌟金銀蛋時蔬 有唔同嘅蔬菜可以揀，要咗番薯葉，有鹹蛋、皮蛋同肉碎煮，都幾好食