米線陣

Open Now

Now Closed

除左譚仔之外，米線陣都係我既米線首選😎價錢可能比譚仔貴少少，但我對佢既麻辣蕃茄湯底真係情有獨鍾🤤同樣係可以自選辣度，之前就係試過選擇中辣、大辣，搞到冇晒蕃茄味😪所以而家我每次都會選擇小辣，咁樣就唔會掩蓋左蕃茄既味道😎大家不妨可以跟我既食法試試❗️另外佢麻辣味其實唔會好重，所以唔鍾意麻辣既朋友都可以試下，仲有，每次都不能缺少的黑醋豬軟骨👍🏻呢個豬軟骨既味道，出面其他米線鋪真係食唔到❗️查度推薦大家真係要去試一試👍🏻

我係一個米線迷，經常試大大小小既米線店🧐。但米線陣係一直想試又無機會試，今日經過哩區咁岩有分店，一於就試下先。我叫左大汗豬扒🥩擔擔米線，朋友就叫左美國肥牛手打豬肉丸麻辣湯米線🐮🐷🔥。大汗豬扒既辣粉係哂底，完全沾唔上係豬扒，所以可想而知辣極有限，如果就咁點個粉係幾香辣，但可惜可惜。不過豬扒就炸得香脆可口又唔會皮肉分離❌，切埋件就方便哂食。米線睇落同一般擔擔麵唔太一樣，比較偏黃，食落花生味🥜香濃，初初食唔辣，慢慢有陣辣味湧出黎，唔係辣到噴火個隻，辣度對我岩岩好，不過越食越重口。值得注意係湯底好油，大家小心選擇。-朋友既麻辣湯米線叫左少少辣🌶，但仍然辣勁十足，麻味欠奉。豬肉丸口感似鯪魚肉，味道尚可；肥牛一般貨色，無咩牛香味。整體黎講，完全符合連鎖店既要求，不過不失。如果偶爾想食米線，但附近無咩選擇，都可以再幫襯下⭕️。-

今日天陰陰咁，lunch 向街到行左好耐都吾知食咩好，想姇啲濕啲既野，又諗起米線陣由於之前申請左做會員，所以每次食都會減$5，加上入會送既現金券（$10），所以今餐決定用埋啲券。呢間餐廳自從改左用手機自助落單之後，上菜快左好多，電腦化的好處。如果手機沒有網絡上網落單，鋪頭重會提供埋Free Wi-Fi 比你，非常貼心。今日我叫左個番茄湯豬扒米線，加再餸，加左雞俾肉，蟹柳。野飲方面要左凍檸蜜。有少少驚喜，佢個蟹柳係蟹肉呢款，好多鋪頭會用平價麵粉肉條果一種，當然呢一種好味好多❤️👍🏻雞肶肉都算大件，有4-5件，好抵食。豬排都好大塊，保持到水準，無雪藏味，好易咬爛。餐廳支持無飲管，但吾習慣的話，可以問店員攞紙飲管，值得一讚。但今日個番茄湯有小小辣，可能個廚師個湯羹曾經整過麻辣湯。食左咁都野，減埋會員優惠，都係$47蚊，真係抵食到喊😂😂😂

今日食Lunch 又吾知食咩好，諗左陣，想食啲濕啲既野，所以就去食米線陣。之前重用$100蚊 join 左佢地會員，送一本優惠券送，所以今餐可以用返啦。米線陣而家改左用手機自行落單，好方便，但睇清楚無錯先送出，因為本人中過招，自己睇錯野，落錯單😂😂😂今次食左最口鍾意既豬扒番茄湯米線，飲品方面叫咗熱檸蜜，在用埋會員優惠券送咗一杯凍嘅羅漢果蘆薈冰，超好飲同好味。值得一讚既係，佢個蕃茄湯好濃，食完米線一定要飲埋啲湯，會夠晒飽。跟住再慢慢飲埋杯熱檸蜜，再慢慢飲埋杯凍飲，喉嚨潤晒。食左咁多野都係$42蚊，抵到爆又飽到上心口。（如果吾夠食可以加錢加底）

係中國客運碼頭搭船返香港，係中港城食個飯仔先返屋企！不過係無咩選擇，最後就揀米線陣食個米線！朋友仔揀個皇牌套餐，有一個米線+特選小食+飲品首先來個涼拌三絲粉皮，粉皮唔滑，麻醬唔夠芝麻味，唔夠正宗，味道一般！麻辣蕃茄肥牛餃子皇米線就來得慢啲，要催單先有！但味道係ok，麻辣惹味開胃，除左肥牛，有兩隻餃子，唔使食來食去一味餸咁寡！跟餐有杯特飲，叫左杯紅豆冰！而我就揀肥牛魚腐米線，其實佢係麻辣蕃茄湯系列，可以揀麻唔麻辣！今日少少喉嚨痛，清清地蕃茄湯底就算！蕃茄湯味濃，明顯唔係茄膏溝出來，有4舊魚腐同幾片肥牛(唔係勁肥嘅cheap cheap牛！)，份量都夠，都ok喎！

和同事們去睇學友演唱會，在中港城樓下的「米線陣」開餐，估唔到有2款湯底---「農場蕃茄湯」、「香菜豬骨濃湯」，都可以分別轉為「素蕃茄湯」、「素清湯」喎。今晚選了「素蕃茄湯」🍅，不過湯底淡了一些，蕃茄味再濃些就更好了。湯底的味精應該不多，多喝幾口也不會覺得口乾，這個倒是不錯的👍配料方面，也有豆卜、紫菜、腐皮、雲耳、金菇、冬菇等多款食材選擇，今晚選的食材中，冬菇的口感頗滑，不會太靭，可以一試😋

同BB去中港城平台睇兔仔，之後去左樓下食米線，二人餐都唔駛200蚊仲食得好飽。有2碗米線加2個小菜 再加一碟油菜同2杯特飲，抵到冇朋友～味道仲要係幾好～可以每碗選2餸～BB 點左藩茄湯，我點左酸辣湯。個酸度係一流唔會太辣。口水雞就冇乜特別，但勝在份量夠多。呢個豬扒真心好食好脆口，但始終係雪豬就冇乜肉汁。醋汁青瓜木耳就正常味酸菜一流，食到停唔到不過搞笑嘅係我地明明點魚腐，但係佢地俾左方型魚蛋就扮魚腐，有d取巧……

今天突然下雨，都係在商場午餐隱陣啲！美心集團屬下的米線陣，方便、快趣⋯⋯全場爆滿，但勝在很多野都自己攪掂由於朋友是常客，所以一早申請咗張米線咭，$100會費除有一些優惠卷外，我們每食滿$50 即減 $5自助檸檬🍋水機，感覺健康啲！餐牌上有皇牌推介酸辣和麻辣都是這裡熱門選擇由於怕辣的我，選了北海道3.6牛乳南瓜濃湯底北海道3.6 牛乳南瓜竹笙雞肉米線，朋友試了我一啖湯！話我未戒奶奶味香濃，南瓜滋味濃郁，加上竹笙、腐竹雞肉，清新又滿足黑醋豬軟骨，豬腳薑醋味道的豬軟骨，味道確係神奇雞絲粉皮$34 ，味道唔錯清甜蘿蔔，唔覺清甜，太多糖水浸過⋯⋯太過做作AI 人工智能出現，減省人手，一坐落，列印此單，用手機去QR code ，再找餐單，落order 好快食得⋯⋯從自助水機、落單、付款一take過，還有會員咭優惠⋯⋯方便、快趣、好野可是AI 的出現，未來會越來越多食店減省人手，日後服務性行業必漸漸受到影響⋯⋯

最近俾左$100, 做左米線陣既會員, 佢逄星期一就有儲分雙倍, 所以今日就特登去食~為了盡快用了個會員優惠, 我點了一個皇牌套餐: 金菇牛展蕃茄生菜米線+黑醋豬骨+咸檸蘆薈熱飲。其實米線陣既米線不算味味道很濃，很多人都會喜歡食味道更濃的南記、譚仔等，但米線陣勝在款式多，味道也較港式，容易揀到自己鐘意食既野。今日點的金菇牛展蕃茄米線幾好食，湯底幾清甜，不過米線一如既往, 份量很少，黑醋豬骨的醋很入味還配有一些酸瓜, 很開胃~~~

今天胃口不開，吃個有湯的就最好不過了，剛好好一段時間沒來米線陣了。中午時間人很多，幸好不到15分鐘就有位了。今天點了濃茄牛肉鮮蝦雲吞米線，湯底有點酸酸甜甜的很開胃，當然沒有什麼味精。有圖有真相，牛肉大大片，還好幾塊。雲吞皮薄鮮蝦肉結實而彈牙。米線滑白而嫩，所以喜歡配米線。剛剛吃了兩口就被老闆催回公司了，搞到吃個午餐都要狼吞虎嚥。

間鋪頭啊只可以用恐怖形容！係服務態度好得恐怖！香港呢啲餐廳就來絕種星期六同朋友傾生意，入去呢間米線食早餐，有一個女職員好有禮貌咁問你幾多位，之後帶你去坐。然後另一位女職員同我地講可以用手機落單，真係好先進。當我要去廁所，有位男職員立即好詳細話俾我知商場廁所喺邊度，仲有位女職員帶埋我出去。入面啲環境雖然唔講得上係豪華，但絕對係整齊乾淨，座位亦都好寬闊講番啲食物，一個餐$40竟然有西多士，蛋或肉，同埋米線。朋友嗰碗米線一啲都唔細，佢啲午餐肉睇落去不過不失。 我就叫咗一碗蕃茄通粉，啲蕃茄係有鮮蕃茄味，唔要肉而叫了太陽蛋同炒蛋。炒蛋同太陽蛋雖然唔係好夠熱，但唔會煮到好老，多士一齊食真係天下間美食。仲有一杯有檸檬味嘅凍檸茶添！嗰度坐幾耐都得，絕對唔會有人叫你躝！俾錢嘅時候收銀員唔該前唔該後，亦都有一位男士應同女士應同你講拜拜，我相信食開澳牛香港人一定好唔慣，會話呢啲完全唔係香港嘅文化，佢哋認為畀侍應呼喝責罵單打係應份，佢哋去呢間米線陣一定坐到周身唔舒服！做人點可以咁冇態度，鬧多幾下啲食物先好食，先至值門票價！

行中港城經過米線陣，睇睇餐牌，被佢個椰子雞米線吸引住，所以就入去想試一試，呢個組合果然冇令我失望。椰子雞米線，椰香非常濃，原來湯底下面有少許椰蓉，怪不得椰子味這麼濃，而且椰子油是健康食物，食多啲都無妨，雞件夠嫩口，而且都有四五件，夠足料，湯夠熱，邊飲湯邊食米線，實左係幾享受。女友就點咗個“鮮茄雞肉凍蟹棒烏冬“估唔到茄湯都做得唔錯，烏冬係手打烏冬口感而且夠彈牙。雞肉與椰子雞雞肉一樣，非常鮮嫩，今次確實係有驚喜，再配合一杯龍眼茶，滿足！！

Nice food. Can pick your old preferred order. With undo and mixian. For the shop, with chilly, sour and chilly, tomato and else. The options of topics are ranged. Overall, around 60 per bowl. A bit expensive but you are refill cup of water anytime. That's good

午餐去到米線陣排隊，呢間店的等候時間比我想象中多，大概半個小時先有位子。之前在openrice見到，來呢間店必須要叫（大汗豬排擔擔米線）。於是我點左呢份擔擔米線。不得不說，豬排炸得很脆，而且裡面的肉質嫩滑，一D都唔老。配上辣味粉，雖然有點辣，但是這個辣主要是提味，點多點少任君選擇，所以就算平時不吃辣的客人應該都可以接受。米線上面有擔擔麵的醬汁，配合米線口感都好正。不虧是推薦必吃的主打米線，給予好評。（南瓜牛乳雞肉米線）在米線陣算系冷門，但是味道卻非常出色。南瓜牛乳的湯底味道濃郁，牛奶味十足。喜歡清淡口味的客人一定很喜歡。湯汁入口的感覺很入味，加上雞肉也鮮嫩爽口。原本想著試試新食物會中伏，但無唸到呢份米線完全可以媲美主打的大汗豬排擔擔米線。如果鐘意試新口味的朋友不妨試試。

平時都幾中意食米線陣，今次黎搭船，幫襯下尖沙咀分店。叫左個冬蔭雞髀米線，竟然，係，白湯ᖗ( ᐛ )ᖘ味道好獵奇，問侍應，佢話冬蔭功本身就係呢個色ᖗ( ᐛ )ᖘ最後搵左兩個侍應先俾我加10蚊換一碗番茄湯倒落去。想念屯門/樂富嘅醒目姨姨