米線陣 (中港城)

Open Now

Now Closed

本身好鍾意食米線 而且一路都覺得米線陣嘅湯底好滋味 又好足料 所以今晚就決定外賣米線陣食😋😋😋😋😋原本諗住食佢個麻辣蕃茄肥牛魚腐米線 但今晚竟然無任何蕃茄湯底 好失望😫😫 之後就揀左佢個大汗豬扒擔擔米線😝😝 擔擔米線個湯底辣得黎又有花生嘅香味 加埋啲炸菜肉碎 唔會太膩 個比例啱啱好😝 就算無餸 淨係食米線都好好味😝個大汗豬扒都幾厚身 而且炸到好脆但又好juicy 下面仲墊左啲辣椒粒 好香口 但真係好辣 食到成身汗😂😂😂😂😂 唔係太食得辣嘅你可以轉配花雕醉雞🐥 但個擔擔米線真係值得一試😋

打包麻辣番茄米線，特地升級嘅，返來先發现是普通番茄，未升級，都冇辦法返去再換，咁大意真是坑人，如果唔是想食指定味道，都唔會特登行咁遠拎外賣，亦都唔會加錢升級吖😤同埋收銀態度都差，餐牌點餐的說明方式比較唔清楚，問多句都黑面。總之非常唔開心的下午茶經歷

本身好鍾意食蕃茄相關既食物，所以一見到有蕃茄濃湯底都會叫，目前為止，係呢間最俾到我驚喜。大大粒蕃茄除了原有既蕃茄味外，仲有淡淡的甜味，呢種甜係好似本身屬於蕃茄既咁，但我喺其他地方搵唔到，如果佢有個餸係蕃茄粒既話，我應該會叫三份。雖然如此，但d米線有d硬，唔鍾意太淋既朋友可能會鍾意。另一個小食 - 醋香雲耳就唔ok。酸到有d over，仲有小小salt，食完碗米線後將d雲耳浸落去都幫唔到好多。不過我下次都會再去食呢個蕃茄濃湯。

聖誕大餐推介食乜好, 其實聖誕邊個話一定要食西餐? 食個暖笠笠既滋補火鍋一樣好開心! .我係男仔就最明白, 如果又要逼, 又要一早book位, 又要明知貴都要比一筆, 咁聖誕又點會快樂呢? .最近聽frd講話米線陣出左個花膠雞二人火鍋都係$168, 好抵食咁話, 又唔洗book 位, 花膠雞咁補又岩哂老婆(女人唔補好易老架), 一於今日捉老婆去試試佢_________________________🔹養生姬松茸花膠雞鍋 $168 (2人份)首先講下佢個湯底先, 就咁睇都幾多料下, 有紅棗, 姬松茸, 鮮雞件, 薑片同D花雕酒做底, 一聞就覺得好濃既藥材味, 店員會準備好一大碗雞湯比你加入去, 加完就可以開火滾喇.加左雞湯, 聞落藥材味無咁重, 放D菜試下個湯底先, 比起平時既火鍋, 呢個明顯無咁油膩, 而且飲落有淡淡藥材味, 有少少似肉骨茶既感覺.二人鍋既配料都有好多, 花膠、雞件、肥牛片、手打豬肉丸、手打香菜魚肉雞丸、真姬菇、白玉菇、雪耳、 雲耳、 金菇、南瓜片、唐生菜、 金菇、米線 (2 碗).因為開頭唔知道夠唔夠食, 所以又叫多左份迷你菜肉餃($16/份, $8/半份), 一份

香港人真係好中意食米線！周街都係！😁😁所有米線鋪，連鎖唔連鎖都好似好受歡迎，近期唔知點解米線陣好多分店，lunch又多個選擇。不過其實都唔係太好食！今日唔想諗食咩餸，見到有皇牌推介，就叫左呢個 麻辣蕃茄肥牛魚腐米線。我唔食芫茜，所以我走左佢。米線好快便上枱，真係同相差好遠，😓😓連牙菜都好似冇幾多條，肥牛呢？真係太少啦，都唔知有幾多件，魚腐有4件，最值得一讚既就係個麻辣蕃茄湯底，麻辣味適中，但食落去又有好甜好甜既蕃茄味，兩者好夾。魚腐味道其實ok, 不過真係煮得過耐，淋得濟！一個$50有找既lunch, 係香港地都係唔好咁高要求。

本身諗住比較新開既米線店，點左個醋辣湯底米線加冬菇，雞翼，肥牛，另加口水雞同熱檸水個湯底好求其，米線，冬菇還可以，雞翼梅既，肥牛更加垃圾，口水機都還可以，夠味夠辣但講起服務就真係不得了，有個後生女待應，佢招呼我隔離台客好似吠狗咁，個客問呢個點叫法，女侍應"你揀呢個呢個呢個，你自己諗好再叫我啦"全程西面！欠左佢咁！我係隔離睇到O左咀，然後個兩個食客無食，走了！食物已經唔係好食，態度又衰，真係無下次！！

米線陣係大家樂旗下既餐廳。嗌左兩樣野 兩樣都黎錯。。雖然吾收加一，但跟單好大空間去改進！店員之間關係應該吾太好 因為一路食既時候有個女待應係咁同個男待應講吾好煩我啦！聲線都頻大...講返食物質素，食完你會覺得譚仔既米線就好似返左屋企食媽媽煮飯既味道！點解？！因為呢到碗湯又吾熱，份量可能譚仔嗌小米之後仲多過佢！😡至於花雕醉雞冇酒味、超䶢 而且$49好吾抵食⋯啲雞咬落*鞋烚烚*的🤢

呢間餐廳待客態度惡劣，侍應毫無禮貌，衛生情況令人懷疑。之前喺其他地方幫襯過米線陣，今次行過見到，就黎試下呢間。起初食物送到黎，賣相﹑味道還可以。點知食左無耐，就不斷有蚊飛來飛去，用餐期間都唔知到底係食野好定趕蚊好。後來更有幾隻蚊同時圍住張枱同食物飛，令人好懷疑呢間餐廳嘅衛生情況。食物黎左無耐，就開始見到一個侍應問附近幾張枱嘅客人野食齊未，又叫埋單先，但其實人地仲食緊，有D甚至剛剛落單，野食都未送黎。當時外面雖然有人等，但店內其實仲有位，都唔明佢做咩要存心趕客。後來，同一個女侍應拎張單黎，話：「D野食黎齊未？」(野食齊就齊，但仲食緊囉。)答左佢齊，佢就一副黎討債嘅模樣，話：「我地要收錢先。」態度惡劣，一副趕客嘅樣，令人超級不爽。你一係就叫人比左錢先食啦，人地食食下黎收錢，一D禮貌都無。

今日要去分公司交完文件後約左同事食LUNCH, 平時好少閒日到尖沙咀食LUNCH, 因為分公司近中港城, 就近近地係中港城搵食。中港城新裝修後靚左好多, 食肆都唔少, 同事帶我去佢地平時去開的飯堂 - 米線陣, 顧名思義係食米線啦 !餐廳都好大, 但人流亦好多, 我地3個人取完飛等左3-4分鐘就有位啦 ~入座後見到侍應們好忙, 但好有禮貌, 茶水係自助的。睇下餐牌先, 有午餐亦有散點....最後我要了一個午餐, 另外兩位同事要了散點米線 :午餐 : 醋香一口排骨豆卜米線 + 熱柚子茶 $55散點 1 - 蕃茄湯米線配魚蛋, 五香肉操, 魚腐 $47散點 2 - 香菜濃湯米線配魚蛋, 唐生菜 $42小食 : 紅油珍珠餃子 $8紅油珍珠餃子即係紅油抄手, 有6粒, 上枱時唔覺得熱, 只係微暖, 少少辣浸下湯都OK, $8 價錢就好抵 醋香一口排骨豆卜米線 (忘記影相......) 排骨大約有6粒, 要了蕃茄湯底, 欣賞好多蕃茄,  米線少硬但能夠接受 $55 真係唔錯熱柚子茶味道正常蕃茄湯米線配魚蛋, 五香肉操, 魚腐 一開始侍應無比肉操, 問返先有。魚蛋算彈牙, 魚腐似魚片, 完全無魚肉