金滿庭京川滬菜館 (荷里活廣場)

Open Now

Now Closed

一行9人到金滿庭食飯, 親戚表示用信用卡會有優惠, 但職員為了不給優惠而說卡機壞了, 食了一千元居然要客人給現金, 以後也不會幫襯叫了生煎包和煎鍋貼, 餐牌上寫制作時間十五分鐘, 食上去很乾,设有肉汁, 小籠包皮薄, 算是不錯, 肉汁也不夠, 奧海城那家分店較好食.還點了傻佬炒飯, 挺有特色, 是比較好食的一碟. 上海粗炒的味道差一點點, 色澤足夠. 紅柚炒手味道不錯, 但不夠濃味, 可以更多汁和多些調味總括來說,用餐經驗不太好, 不會再去

How good is the Modern China Restaurant? Well, we came to this Hollywood Plaza Branch 5 times during our 13 days visit in Hong Kong. (If it wasn't good then we wouldn't keep coming back)Food: We are Shanghai cuisine lovers and I believe this restaurant produces one of the best Shanghai foods in the world. My favorites were: Small Shanghai Steamed Dumplings $68, Pan-fried Pork Dumplings $52, Peking Dumplings $62, Deep Fried Spare Rib in Noodle Soup, Braised Spare Rib with Dark Vinegar $102, Pork

之前幫襯過大角咀的分店，家中的小食神對呢間餐廳的銀絲卷念念不忘，於是趁住假期到附近的分店就餐，滿足小朋友的食慾。餐廳午市11點45分開始，11點半開始派籌。我哋到達時11點20分，前面大概4至5張枱已排緊隊等攞籌，比起大角咀要少人d。准時入席，已在等籌時諗好食咩，所以落單異常果斷。小籠湯包，味鮮皮薄，任夾不穿👍🏻。銀絲卷，絲絲入扣，技勝一籌。翡翠魚羹，魚鮮湯甜，功夫考究。手撕雞，雞滑汁濃，不負所望。排骨頭，飯粒甘香，排骨酥脆。敗筆之處卻是海蟄，上碟仍出水，海墊不爽脆。

嚟到金滿庭食飯，小籠包一定要點！甫坐低先揀茶包，有三種口味，個人鍾意人參烏龍茶，夠清香！（茶芥$8/位）是日前菜係味菜牛腩絲（$20），帶微辣。頭盤有好多選擇，水晶肴肉（$82）好大份，人少少可以考慮自選雙拼小食（$88），加多幾蚊就可以樣樣食吓。正如我一開始講，一口小籠包（$68/8隻）係必點嘅，小籠包一口一個，內裡充滿湯汁，小籠包包皮薄得嚟又唔會穿，包得幾好。蟹粉豆苗（$178）秋冬係蟹粉季節，蟹粉食物都好好食，豆苗上舖滿蟹粉，顏色靚，味道鮮。蝦仁蛋餅（$128）厚厚蛋餅煎得夠香，蝦仁反而成為配角，蛋香厚蛋餅至係皇道。食蛋餅再搭配一碗上海鹹肉菜飯（$35），好下飯。甜品係高力豆沙（$18/隻），熱辣辣加豆沙香蕉餡，令人難以抗拒。小提示：落單後會一次過上餐，所以最好分批order。

今日到鑽石山探望朋友,順便一起午膳所以就到了鑽石山荷里活廣場搵野食不過好多都要等位,見到金滿庭好似小人一點所以我們就到金滿庭午膳機本上不用等就有位了,安頓好仕應就拎住一大盤野問飲咩茶我就選了人蔘烏龍茶以前金滿座既人蔘烏龍茶係超正好甘香依家轉左用杯去沖就真係唔同晒,味淡晒.非常失禮之前成日去金滿庭食飯因為貪佢茶靚,依家就好失色了一口小籠包-有小小失望,雖然夠熱但同平時買雪櫃拎出黎蒸冇咩分別賽螃蟹-都幾好食,蛋白都幾多,用黎配合飯食就OK招牌炒飯-都算乾身炒得,料都足既,份量都唔小

放假人又多又唔知去邊度食飯好，行附近個商場睇下間間食肆都好多人等位，朋友想食中菜但又唔想飲茶最後來這間食，等左半個鐘有位了已經好肚餓呀！前菜 海蜇同毛豆好開胃“螞蟻上樹” 辣辣地好醒胃有啲肉碎加埋粉絲一起炒。“炒膳糊” 有好多韮王一齊炒夠多汁配白飯一流。仲有點了幾樣餸唔記得影相添...哈 “小龍包” 一口一個熱辣辣多汁、“炸銀絲卷” 最鍾意加練奶一起食、“上海粗炒” 每間做法都差不多不過這間都好足料、 最後就是“豆沙窩餅” 都是必食甜品之一呀!

平時都係黎食晏晝，今次帶兩老嚟金滿庭食晚餐，見到啲相好精美，其中樣餸就諗住試下個招牌松子魚。 個汁係酸酸甜甜相當醒胃， 仲要炸得好香脆!最緊要係條松子魚係冇骨架， 啱曬大人小朋友食，值得一試呢。

呢日同屋企人食飯，去左荷里活廣場搵食，行過見到間食京川菜就心心眼，因為想食小籠包，哈哈😄入到去睇左好耐Menu,,因為有太多選擇手撕雞。雖然佢個賣相麻麻地，但食落去都幾滑，好味香酥鴨。本身想食北京填鴨，但佢呢間分店無，所以就揀左呢個，由於未試過咁樣整既鴨，口感同味道都幾得意，值得一試紅油抄手。唔夠辣，但餃子皮夠薄，我都幾中意小籠包。入口有好多湯汁同肉汁，都幾好食，但個皮略為厚，如果薄多少少就好估唔到全餐最好食係呢個。其實佢呢度既菜都幾原汁原味，好少加好多調味落去，而呢味菜就夠晒惹味，好食。松子魚。麻麻地。無乜魚味，又唔夠酸，唔個食緊咩整體都ok,,服務員都幾勤力加水同招呼。環境都唔錯。會再黎試下其他菜

曾經有段時間，經常到馬鞍山金滿庭晚餐，在美食沙漠嘅馬鞍山，金滿庭成為我家的飯堂！搬遷以後，就是另一種生活，今晚路經荷里活廣場，知道有金滿庭的分店，當然要回味一下！星期五的晚上，訂枱已滿，只好早點來碰碰運氣，慶幸食店預留了部份walk in 位，所以可以順利用餐！小龍包，當然唔少得！山東手撕雞紫心蕃薯莧菜，很有營養！擔擔麵排骨擔擔麵，炸排骨分開上，炸得恰到好處！傻佬炒飯，真材實料，好豐富呢！總的來說，美味依舊！很滿足！

今日同媽咪去鑽石山行街順便食個lunch， 媽咪話突然好想食小籠包，所以我哋就嚟咗金滿庭京川滬菜館， 當行到去餐廳門口嘅時候大概2點20分， 店員好好啊提醒我哋有冇興趣食下午茶？只需要等多一陣。我哋當然有興趣啦，兩點半就有得食入到餐廳入面 店員們都親切和藹，服務態度非常之好又有禮貌！下午茶嘅餐牌亦都好抵食我叫咗普洱茶， 店員們斟水亦都非常之有效率！五香金錢展湯拉麵， 拉麵煙煙靭靭 ， 金錢展好入味！ 湯底清甜配搭得好好！ 一口小籠包，入面嘅肉汁熱辣辣， 包皮軟硬適中！ 好好味！闊佬炒飯，細碟咗d唔係咁闊佬， 不過都炒得唔錯，飯既質地一粒粒夠乾身！鍋貼嘅皮就比較硬身， 肉質都算新鮮！

呢排母親大人好多活動去呢度去嗰度，無飯開我哋唯有出街搵食，我哋都經常會喺金滿庭食架。招牌松子魚次次黎都必點既松子魚，味道夠酸，醬汁再加埋松子、蝦仁、雜豆等等，呢個松子魚係很開胃的一道菜色。不過條魚真係比起之前幾次黎食細條咗，無以前咁抵食啦。砂鍋雲吞雞(1/4隻)上菜時1/4雞係未斬開既，俾你相機食先後就會幫你分湯。湯汁鮮甜，鍋入面既娃娃菜索晒啲雞湯，雲吞就普普通通。螞蟻上樹好惹味既菜色，香辣的肉碎、辣椒粒加上入晒味變晒色既粉絲，送飯一流。上海粗炒同螞蟻上樹一樣好惹味，不過呢個偏油，隔壁的外國人似乎不太欣賞上海粗炒，食剩咗半碟。黑松露手撕雞呢個本身係侍應推薦話係是日廚師推介，上菜時係一陣好強烈黑松露既香氣，但係放入口真係滿頭問號。點解呢個手撕雞咁香但無味道既？淡到好似白洽雞咁，廚師推介？

金滿庭久不久都會去食，以前是要排長龍的，現在已經冇咁多人潮。今天人少少可以直入唔使等位。富豪健康菜$88是必點的， 一來因為比較喜歡食菜；二來可能名字有「富豪」同「健康」關係，好鬼吸引，但以前感覺上會大份D，而家好似縮水了。露荀亦比較老，食落有渣。水煮魚片 $180， 味道 ok ，香得來又唔會太辣，好啱個人口味。魚片夠滑，芽菜亦好入味，可惜實在太少了魚片了⋯⋯唔抵食。仲叫左小龍飽同蒸銀絲卷，一貫的好味道。仲有一個問題係菜式無乜新意，餐牌似乎從來沒有變過，有點悶。

每年年初二都同我姑媽拜年，今年唔自己煮啦，落街食去咗金滬庭，唔係第一次去，不過好少去，原來價位都幾高，比北京樓還要貴，😂😂😂 係...我淨係識北京樓，不過份量原來都多，所以又唔係貴。 新年點了個意頭餸「撈起」，哈哈，其實即是高級版雞絲粉皮！不過又幾好玩，傳晒成張枱「撈起」先食！今年轉新工，不求撈起，只求安定！ 醉雞，老公好滿意！ 燻魚，比北京樓貴少少，但原來好大碟既！感覺好似炸過，食落好脆好香口﹗ 呢個饅頭就貴...不過2個女鍾意食就無計。 生煎包好夠熱，味道都唔錯﹗ 咕嚕肉啖啖肉，今日無叫白飯，用來送飯更加正。 鱔糊...我唔食...但老公好鍾意食，人多食飯就可以一齊食﹗ 沙鍋雲吞雞，無特別。 上海粗炒...如圖...無咩料，味道就OK既。 炒飯 整體食物質素真的不錯，雖不至於物超所值，但都物有所值。

京川滬菜式一向給人的印象是紅油赤醬，配料、醬汁的味道都特別濃，感覺油膩，雖然對京川滬菜情有獨鍾，但食得舒服和健康都是首要條件！乾煸四季豆，是星期二的午市半價優惠鹹淡適中，四季豆爽脆醃篤鮮，奶白色的湯內有鮮肉鹹肉，特別鮮美，加上竹筍的鮮甜爽脆，我尤其喜歡當中的百頁結，吸收了湯的鮮味，很好味，連盡幾碗燻魚，用的是鯇魚腩，醬汁掛在魚肉上，鹹甜適中，上桌前還炸了一遍，香脆可口不用吃太飽，兩人只點了一碗鹹肉菜飯高力豆沙，大大粒，滿足麥米粥，不太甜，但花生似乎多了點午市光顧的客人不多，但反而覺得環境寧靜，可以慢慢品嚐食物的真味

今日聖誕節🎄🎄🎄又係同未來奶奶補祝生日飯👵🏻當然要揀番d啱2老食ge菜🥟🍚🥘聖誕節食西餐一定貴到痴左線，都係食嗰d嘢咋嘛，而且仲會勁快趕你走，想傾耐d都唔得🤭🤭🤭所以揀咗金滿庭🤤🤤🤤一坐落枱就有客小小ge前菜（$20）😱4個人可以試多少少餸😋😋😋前菜-手撕雞d骨喺下面頂住，其實份量好少🤦🏻‍♀️🤦🏻‍♀️🤦🏻‍♀️不過調味係ok ge👍🏻前菜-雞絲粉皮普通正常嘢，係未來老公仔鍾意食，所以點都要叫，其實好貴🤦🏻‍♀️🤦🏻‍♀️🤦🏻‍♀️主食-小籠包正👍🏻👍🏻👍🏻熱辣辣。皮薄多汁重點係唔貴又得睇🤣🤣🤣主食-炸羊腩本人比較鍾意食羊，所以見到就叫啦🤣🤣🤣羊味濃。脆脆的不過肥膏多咗少少🙈🙈🙈我怕肥吖嘛🙊🙊🙊主食-蒜蓉炒豆苗普通嘢但好味同埋食菜好緊要咖🤓🤓🤓主食-賽螃蟹撈飯一流感覺好健康。實際好肥😂😂😂即刻嚟番個「傻佬炒飯」我覺得佢係用甜豉油炒ge估唔到又幾好食😋😋😋主角出場啦⋯⋯全晚最受歡迎ge⋯⋯炸饅頭🤣🤣🤣熱辣辣加上勁多煉奶冇得輸🤘🏻🤘🏻🤘🏻聖誕節肥死寶寶系列，完滿結束🎉