金滿庭京川滬菜館 (荷里活廣場)

Open Now

Now Closed

今日，媽咪生日，全日自由行兼…食、食、食，到晚飯時間，行到荷里活廣場，媽咪話想入呢間食，於是就二話不說…入去食。6pm坐低，服務員話8pm交枱，而家好多地方都係咁，反正兩個人，冇所謂啦！都唔會食到兩個鐘，最後，7點15pm前已經可以埋單，反正，老人家已經好眼瞓。話說，我哋叫咗一條松子魚，一碟奶油津白，一客窩貼，一盅菜胆翅。好彩冇叫飯，飽到……食唔晒，份量十足，味道ok,服務態度良好，都可以再嚟幫襯。

正所謂出外靠朋友，事緣幾個月前已幫公司訂銅鑼灣金滿庭廂房進行午餐例會，會前一星期再打去確認，以防萬一，點知話我哋無訂房紀錄，仲要話如果要訂房盡快落嚟交訂金。因為幫襯咗十幾年，同啲經理頗熟稔，所以，一向都豁免啲繁文縟節，依家一句話轉晒人，上面要求樣樣要執正嚟做，真喺激氣。今晚，同一班舊同學嚟金滿庭，不過，大家都喺九龍人，揀鑽石山店自然理所當然，其次同經理相熟，招呼好啲。幾家金滿庭都光顧過，呢家鑽石山店算最細，一入門口整個大堂都睇晒，而我哋所訂嘅房晌大堂最埋一角，雖然話喺房，其實喺開放形式，數條柱隔住，內外視線通透。個房基本喺坐12人，我哋有大有細一共14位，難免有少少逼。間間金滿庭嘅生意都幾火紅，訂枱喺常識，而晚市間間分店更分兩節，我哋有小朋友當然唔好食咁夜啦，所以，揀第一節（5:45-8:15pm），最低消費$2,000。另外，中式酒家嘅慣常雜費，茶水巾芥$8位，餐前小食$20碟，我哋14人收4碟錢。下面仲有一段文字，大意喺叫啲客咪擅自拎走個餐牌，如欣賞據為己有，每本$500，真喺會有人偷走個餐牌？不過，呢度提供嘅茗茶有少少特別，唔喺一般慣常嘅壽眉、水仙，而喺人參烏龍、野生大葉普洱及玄

是日跟家姐一齊做孝順女，同母親大人出街食晚飯，等佢可以抖下，食完順便去行下街媽媽食慣中式菜，所以揀返食上海嘢，餐前小涼菜各人可選擇自己喜歡的茶品種必點的當然是這店的小籠包，一口小籠包(8隻)不負所望，每隻都是充滿湯汁，每次夾起都是好考功夫，深怕會爆皮，把精華湯汁浪費了今次我失手了....幸好手快用匙勺兜住擔擔麵因媽媽不太能吃辣，所以選了小辣湯底濃香，叫小辣果然沒錯微微的辣度十分開胃，又不至於使舌頭都麻痹這次我們選了幾款之前未試過的小菜鳯梨魚柳應該叫作魚塊吧.....細細粒的，SIZE比較易入口因炸漿比較厚，所以夾起來不會散但不太有魚味，有點小失望不過鳯梨甜酸汁的味道調校得不錯鐵板京葱爆牛肉上桌是熱氣騰騰，京葱微辛的清香味撲鼻而來熟後的京葱微清甜甜，帶出牛肉的香味十分惹味，令人回味無窮鍋塔豆腐跟我之前在山東曾品嚐過的鍋塔豆腐有點不同，這個比較濕潤，表面淋上了少許醬汁，及芫菜葱段，豆腐以蛋漿包裹，再煎香，不過豆腐本身沒作預先調味，只靠醬汁的味道因此整體比較淡味，記得之後在另一分店食另一款豆腐菜色也是有點失望，看來下次要慎選這裏的豆腐菜色了

約咗朋友去志蓮淨苑參觀，行完之後就去荷里活廣場行街食午餐，朋友話想食京滬菜，所以就嚟咗呢間食肆午膳。平日經過呢間食肆，都見到好多人排隊等位，我諗食物都應該都唔錯。今日可能時間尚早， 居然唔使等位，都算幸運。砂鍋雲吞雞雲吞大大隻，雞肉煮完湯仍很嫩滑，加上大白菜，湯底很清甜。紫心番薯浸莧菜很有創意的一道菜，但吃起來卻不甚特別。莧菜和紫心蕃薯不很配合，感覺是在吃兩種蔬菜，但卻不失是一道健康的素菜。椒鹽小黃魚逢星期二提供的一道半價菜， 魚煎得非常香，黄魚皮脆肉滑，加上椒鹽，非常惹味。傻佬炒飯炒飯有菘子、肉碎， 最特別是加了肉鬆，似是雜亂，但其實味道唔錯。生煎包生煎包皮很軟滑，肉汁豐富，但包底煎得不夠香口，有改善空間。麥米粥飯後送甜品，居然是麥米粥，非常有驚喜。粥微甜，很對胃口。。

兩個人到金滿庭，畢竟叫不到太多款式，所以盡量以平時少吃的為主。首先點了小籠包，小籠包上菜時才發現原來是一籠8粒，二人齊齊欣喜大家下單時沒點太多食物！小籠包皮夠薄，湯夠多，肉味十足，質素OK。主菜點了半隻樟茶鴨，第一次食樟茶鴨我先沒有搜尋過應該是什麼味道，不想食前有太多主觀感覺。首先因爲名字有茶這個字，我會覺得應該會有茶香，但這鴨沒有。而旁邊的飽味道不錯，夾鴨進食多一重口感。食後我在網上搜尋了一下：用肥嫩公鴨先以陳皮、肉桂、芫荽、紹興酒及其他醃料塗抹鴨身，再放入蒸籠蒸，然後在炭上撒上樟木碎和茶葉慢煙燻，即為樟茶鴨。坦白說我點的這鴨沒有這些層次，只是一隻燒鴨而已。最後還有吃上海菜幾乎必點的津白，本是穩陣之選，所以⋯OK啦。最後一提，在金滿庭喝茶可以點選人蔘烏龍，好喝啊！不是太多餐廳有提供。

鑽石山荷里活廣場，自從我的前度「食堂」「札幌Mixx No.1＆辛味屋」的VIP卡到期，和現金券又用光後，我現在已經甚少踏足荷里活廣場，和光顧荷里活廣場的食肆和商店。我現在甚少再踏足荷里活廣場，除了因為「札幌Mixx No.1＆辛味屋」的所有優惠已經被我消耗殆盡之外，荷里活廣場中央位置長期打開電視，滾筒式播放電視新聞臺的新聞報道，才是我發誓不再踏足荷里活廣場的真正原因之一。九龍灣德福廣場內其實都（曾經）長期有電視，和播放電視新聞臺的新聞報道，但是德福廣場播放電視的位置，相對而言比較容易迴避和無視它，加上德福廣場最近曾經換過商舖和食店，所以現在德福廣場比荷里活廣場更有留下觀光的價值。說回鑽石山荷里活廣場，今次我要留下荷里活廣場食飯，其實都是因為我妹的關係，而且要給三個姨甥在暑假結束之前，留下一些美好回憶給她們，所以晚上我留在荷里活廣場的京川滬菜館「金滿庭」，亦留下「金滿庭」的食評給各位。很久以前，我早在九龍灣德福廣場的時候，就已經跟阿媽，在德福廣場分店的「金滿庭」飲過一次午茶。但是當時的我，還沒有為意，發現「金滿庭」原來是一間，集合北京、四川和上海三地飲食精粹的「京川滬」菜館。今日我因緣

我早排同家人去咗這間金滿庭食晚飯，叫咗我家人鐘意食嘅小籠包同鍋貼，重有係京燒羊腩、醉雞同擔擔麵後，我就試了豆腐三文治同上海雪菜黃魚麵。豆腐三文治我覺得都幾得意的，夏天食都幾好，但賣$70就好似貴咗啲。而雪菜黃魚麵就好大碗，不過啲湯就有啲腥味，所以佢哋都跟埋胡椒粉送上，這麵試過就算了。而小籠包可算是水準之作。可能懶咗寫食評，其他食物都無影到相。另外等位期間發現咗啲特別事情，在小弟自己一個人等位期間，我見到在取票位的職員無端端係咁㩒啲票出嚟，之後就掉咗啲票。當時我都不以為意，因我就有枱了。之後食完飯走時我太太又同我講我剛才所見到的情況(因當時我哋分別單獨輪流等位的)。所以真係唔明

成日都黎食架啦 今次寫食評主要係發表下希望佢地負責人可以改善下我地今日二人星期日黎食中午，點幾黎 要排隊 完全明白，叫飛 我地行慢一步 然後飛左我個號比下一個都算啦 啲態度呢（你懂的）然後再排過都唔緊要 咁你張飛唔好寫（如叫號超過5個必須重新排隊等字眼啦）算啦 鬼叫自己唔夠人大聲 又唔夠人行得快咩好啦 我地等多4個字終於坐低左，叫左個腰果雞丁，牛展麵，小龍包牛展唔太好，男人話啲牛肉質好硬，唔係應該係林身啲？我戒左牛 冇食過唔知了。只是$7X個麵再加一再加茶水 都要成百元啦，得幾片會唔會小氣左啲。算啦 反正質素麻麻 佢都冇食晒麵湯完全好淡味 好似冇味咁 唔知點解同之前分別大左咁多 真係好似飲緊熱水咁腰果好食，有益冇林到，但係雞丁醃得太差，得表面有味，裡面有雪味，完全係食完腰果然後啲雞冇咩食過囉小龍包質素最正常 新鮮出爐，而且多汁係我地兩人食八件好漏 如果推出4-6件會好開心下次仲黎唔黎？應該唔再黎呢間分店 去第二間囉

食過幾次，預咗假期會多人，5點半就去到攞飛等位，佢話5點9就可以開始入座，細檯等第6張檯。等到5點9，知客開始派飛，總共派咗5張細檯，跟住話全場坐滿曬，無位再派，但望入去其實超多檯無人坐，話全部都係俾人訂曬檯喎！但檯面上面係無booking牌既……個知客話要等人埋單，入座果啲連茶都未叫，但叫你慢慢等，8點前交檯，換句話講叫你由5點半開始等到8點囉！佢話你都可以訂檯㗎，即係叫你walk-in就咪食，又唔係特別平，當啲客傻㗎？明知無檯就一開始派咁多張飛？後面仲有好多人攞咗飛囉

今晚約左個朋友係鑽石山食飯，上網睇到呢間既評分吾錯，朋友都介紹食呢間，一去到，就即刻有位，服務都好好，有3種茶包比你簡。朋友就點左4道餸：1. 上海炒年糕：呢道餸好好味！而年糕既軟度適中，又吾會太硬，甜中帶辣，但反而啲菜就咸左啲，但整體都好好味！奶油津白：啲芝士適中得黎又幾好味，加上啲菜又軟，岩晒我口味！仲要清清甜甜 . taste good!!餐前小食：豆好軟、豆腐好食，雖然吾滑，但吸晒豆既味！正涼拌青瓜：呢道不過不失，中意佢啲辣醬，好好食！烤夫：好中意啲道餸！啲豆腐吸晒啲味，好juice , 花生都好好食！整體黎講真係好好食，道道餸都好岩我胃口！一定會再食！

今晚老公唔舒服，我地揀左食金滿庭，盡量食清少少。2人晚餐只係叫左1菜1麵1湯，結論係我食左80%（肥)。富豪健康菜（$88）：好清的蔬菜，老實說我唔鍾意食，純粹個人喜好，我嫌佢太清，d菜冇味嘅。排骨湯拉麵（$68）：我食左一整碗！拉麵都可以，不過今晚塊炸豬扒炸得有點過火，變得太乾了。淮山瑤柱燉雞（$62）：呢個反而有驚喜，雞湯幾清，有件雞脾肉、淮山同冬菇，不過呢個係餐廳推介餐牌，應該唔係成日有得食。

老友當然要定期聚一聚，每次都要諗吃甚麼，朋友建議到荷里活廣場去，有人出聲便有和議，所以搵食搵到嚟荷里活廣場。未人齊，食住些冷盤先啦。這客花彫醉雞，花彫味極濃，滲透入雞肉內，雞肉嫩滑且帶點酒香，雖非酒徒也愛上它。這客素鵝真的能做到外脆內鮮，蘸上點醋來吃，更能帶出食材的鮮味，且多吃也不覺得「漏」。這松子魚比較一般，沒有甚麼特別驚喜。最欣賞這客鍋塔豆腐，很有特色，很鮮味。這個豆腐用了類似山根的東西包裹着，賣相吸引，吃起來豆腐嫩滑，外面的腐皮有點煙煙韌韌，配合薑蔥來吃，香味更提升了不少。不一會整碟豆腐便被我們K.O.了。嗅到陣陣鹹魚的香味，侍應說是鹹魚炒菜，我們當然也不會放過，便馬上 order一客鹹魚芥蘭煲。鹹魚芳香撲鼻，芥蘭炒得很稔，配飯或啤酒一流。這個招牌炒飯炒得夠乾身而不油膩，配料又多，有肉粒、菜圃、蔥粒，蝦米、雞蛋…再配上蟹籽，好味。

又到左一年一度嘅情人節喇～禮物就買左個名店嘅銀包給老婆，但食飯就冇諗住有乜特別慶祝，咁啱外父打電話來，問我地有冇著落，不如一齊出去食飯，我冇異議應承他。於是我地一行四人去金滿庭等位了，等一陣就入得，四位茶，服務員先會問客人飲乜茶，之後就每人可以各自選取什麼茶，服務員就會給你獨自嘅茶包，有乜選擇，有普洱、烏龍、鐵觀音等，我就要烏龍茶，飲落幾清香啊！先來水晶肴肉，啫利狀物體軟滑，0k的。再來跪皮素鵝，素鵝冇乜特別，有點油膩。砂窩雲吞雞（半隻），雞件足，湯都清甜的，雲吞普通，d皮好似浸得太耐，有點爛皮。金磚豆腐，外脆內軟，點些華鹽，幾好食丫～松子魚都幾好味丫，外脆內軟，松子唔夠多，如果多點夾著一齊食會好味d～唔想食白飯，叫左個招牌炒飯，成晩最有水凖之作，一碟炒飯可見廚房師傅嘅功架，炒得好有獲氣，唔油膩，唔乾口，洽到好處，炒到d飯一粒粒的，加上一d魚子，有唔同嘅口感夾集一起，好味道！整體都OK的，炒飯有功架！可以一試啊！

聖誕節+自己生日同家人在此店食飯，其實已光顧過N次，上兩個月還讚賞，但估唔到假期食物 & 各服務員態度非常差！可能應付假期人流，特別請了part-,time，落單唔熟手，好慢，明明講菜式名稱，但服務員偏偏要你讀No. 又要客人搵番menu出黎指俾佢地落單😒，好麻煩！今次點了好少，皆因下午食太多，菜式如下：1. 京醬肉絲+叉子2. 小籠包3. 素菜包4. 糖醋魚塊5. 肉鬆皮蛋豆腐6. 高力豆沙球首先講講“京醬肉絲”，今次整得甜了點，蔥條好少好少；“叉子”夠鬆脆新鮮，但肉絲還有剩，於是再叉子追加一份；“皮蛋豆腐”夠凍夠惹味，豆腐好滑，這道菜必點；“小籠包”鮮肉和湯汁好夾，就算變凍了也好味，but體積好似一年比一年細小；“素菜包”多菜，好味；“糖醋魚塊”夠酸甜醒胃，魚肉好嫩滑，但唔係咁抵食，份量唔多，得8件左右，收百幾蚊；最後點了幾件甜品“高力豆沙球” ，要說重點了，因為斷件計，每件收$16，還要加10% ，竟然做出黎有大細之分，搵職員黎也嘥氣，佢地解釋話廚師傞粉問題，但這個甜點每次前來必點的，個個Size正常的大，點解今次會咁參差？唯有食埋啦，唔係可以點？再講番侍應們，服務態度好唔掂，再

家人想食中菜 之前食過都覺得唔錯就encore左 但大失所望 叫左雪菜肉絲炒年糕同埋 花香玫瑰骨先講炒年糕 無味既 個年糕一d都唔入味 連d肉絲既味都好淡😢 然後叫人俾d鹽我地啦 佢就俾左胡椒粉😆🙄個花香玫瑰骨就反而唔錯 好惹味而且酸酸甜甜咁好開胃😝食得到係新鮮炸起 但係差唔多一百蚊一碟小菜 佢竟然得十舊都無🙄性價比有d低 真係唔係太抵食如果唔係得配菜 份量多翻少少會好d既 見到旁邊既人叫左紅燒獅子頭賣相不錯 如果再回來食既可以試一試🤔🤔🤔🤔😌😌