滿泰小廚

Open Now

Now Closed

難得入來西貢搵朋友，未到約定時間，所以先吃個brunch先，見小巴站附近嘅呢條小巷有唔少小店，呢間泰國菜就吸引左我。見佢哋炒粉麵類都有好多選擇，就叫個大路小小嘅炒河粉啦，見佢上枱香噴噴，真係即炒㗎喎，幾惹味，之不過份量略嫌少咗啲，如果多返啲就perfect。跟住就有半打串燒，值得推介，夠大串，而且沙嗲醬is good，食到一滴不漏。最後馬拉盞炒菜就麻麻哋，馬拉盞味唔夠喎。以為唔飽，不過飲埋嘢後都飽嘅。三樣野加三杯特飲，每人大約一舊水，貴左少少，lunch咋喎，可能因為係西貢啦，定價可能較高。

隨左菠蘿炒飯比較正常，其他都好難食唔，本身叫左馬拉盞芥蘭，但係佢比左錯左蒜蓉蝦醬芥蘭，黎錯都唔緊要可以再換，換到後佢用同一碟菜去炒返馬拉盞芥蘭,眼見菜又黃味道又怪

放假去西貢行下，好多人話小街嘅泰國菜好味，諗住去試下。叫左招牌海南雞飯，味道尚可！扎肉湯檬，檬粉好似無煮過咁，硬到食唔到！炒左一個泰色河粉，味道只有酸味，仲要勁濕！最好係炸蝦餅同唔洗煮嘅椰青！總之，未食過咁難食嘅泰菜，真係有人請都唔會再去。

行山日。馬鞍山行到西貢。諗住食返餐泰國野獎勵下自己 點知中曬伏。泰式雞肉飯。雞肉份量少 冇咩味 油飯超硬。唯獨是個酸辣醬叫唔錯。扎肉撈檬。好離譜。檬粉又硬又乾 又細碗。求其俾泰式雞醬我地撈。劣評。炒金邊粉。勉強叫正常。略嫌咸 冰鮮蝦雪味濃 金邊粉一pat pat. 炸蝦餅 $85得幾舊 唔彈牙 冇蝦味。成餐飯 只有椰青夠凍夠甜。成到一肚氣。

有朋友約去行山，話行去西貢，我一聽到西貢，只掛住西貢美食，並冇考慮行山有幾辛苦，於是一口答應。最後行到死死下，朋友一路行山，一路不斷話：行完去食泰國嘢，比心機呀。朋友仲話滿泰平、靚、正，又大碟。滿泰是在一條冷巷仔內，佔有幾個細少的舖位，每個舖位都是两、三張枱而已。先來一碟木爪沙律，真係好大碟，成座山咁高。又酸又辣，好醒胃。木爪好爽，有少量豆角、牙菜、花生做配襯。炒金邊粉。有四隻蝦在面，有牙菜、蒽、花生粒做配襯，味道極似夏門炒米的味道。滷水雞翼金邊粉，36元。雞翼超大隻，一碗有三隻，我從未在食肆吃過如此大的雞翼，雞翼味道適中，不太咸不太淡。湯應是用蘿蔔淆出來的，絕不是味精湯。

有私人事入西貢 打算搵間平靚正 食完就走人睇門口似一般茶餐廳 但兩個鋪位打對面 兩間都係呢間餐廳聽人講西貢食泰國野最抵食 入去試下價錢正常 但好似不包餐飲 所以我地一行二人叫左兩個飯麵黎食都係泰式雞飯 一個麵 飯口感一般 雞肉比較硬身 唯一好處醬汁味道香口 比較辣另外 麵味道比較淡 要落枱面上的辣椒醬才夠味雞飯雞麵

久違了的雞飯，細細個成日黎食。自西貢多左咁多美食就好耐冇食過Lu~今日難得同班朋友行完山，勁好餓既moment一人叫返個豬頸肉雞飯！無論男女都個個清碟！雞飯有雞油煮，軟硬度岩岩好！其實精髓係連埋果小碟泰式辣醬，另到你超開胃！太辣時又可以飲返啖冬瓜湯，yummy !!! 雞肉再點上特製的辣醬, 超級野味, 令人胃口大開 ! 豬頸肉肉身軟軟的, 燒豬頸肉, 外脆肉嫩 , 如果雞飯可以去埋骨就perfect啦！一班朋友我地仲叫左去骨烤菠蘿雞中翼， 超好味！juicy 得黎又有好香既炭燒味！肉質剛熟保持嫩滑。可惜冇影相

爸爸我要抱！小女孩對着爸爸說由月頭開始，想養每個禮拜都去行山嘅習慣，郁動下影下相， 今日行完西貢嘅山頭，落到市區都肚餓啦，睇下有咩心水先！唔洗用openrine search都已經諗到食咩好啦 哈哈，餐廳就近大型小巴總站，好快就嚟到。有次細個行山行到好攰包尾嘅時候，導師呃我哋上面有山水豆腐花食，我就一路沖上去！原來上面就只有涼亭，就係度野餐食晏，行完山佢就帶我地嚟呢度食雞粉（雞絲粉）作結束！之後每次行一走廊，無留意到餐廳名，但總會識得行入去，今日先知佢叫滿泰，走廊左右兩邊各有一間分店，更加餐廳座位！餐廳裝修可以話十年如一日，簡單白色瓷磚牆身，貼上各樣餐廳報道及食物相片，實用嘅餐枱及膠櫈，可以坐好多食客，泰式菜館中不得不提枱上嘅五味𣕧，辣椒粉、魚露、辣椒醋等，餐廳燈飾光猛，仲有電視睇！大約6點嚟到餐廳，襯食客未出沒就影相環境相，話口未完，就有兩枱客人入嚟啦，帶大家睇下餐牌先！款式多價錢大眾化，味道又好，吸引街坊遊客都慕名而來！烤雞翼$40/3串串燒醬油雞中翼，水牛城雞中翼，去骨烤菠蘿雞中翼食泰國菜，人少真係好輸蝕 哈哈，因為點嘅菜式唔可以好多，而餐廳為方便食客，雞翼口味可以四揀三，每串兩

之前一向都好中意食滿泰既豬肉粉, 因為以前成日都會入西貢, 可能係情有獨中既關係. 所以而家得閒都會入黎食下~ 呢度最出名就係雞豬粉, 但我個人唔係太好雞, 所以次次都係叫豬肉粉~ 仲要走青! 今次友人就叫多個燒豬頸肉tim~ 豬肉粉, 香脆野味既豬肉, 配以爽口既河粉, 加魚露~ 真係勁好味~ 燒豬頸肉, 外脆肉嫩, 一D都唔乾, 勁juicy, 真心正!

5-7/5車爸爸無啦啦放3天假5/5趁天氣還好捉了他入西貢逛下~以前因工作關係經常入西貢近年已沒踏足此地~這間滿泰嘅雞粉係我最愛的西貢美食今日一定要重溫~ 店子一點也沒變唯獨價位就升了頗多~泰式雞鴨粉$45一如以往湯底味香濃不過那件美味籮蔔也消失得無影無蹤,還有那雞醬亦不及往時香辣美味好失望~泰式飲品中青檸梳打$26係我最愛呢杯合格啦 車爸爸還想食車仔麵便揀個小食炸春卷$68點知呢個春卷吃滯了他肚子~因為春卷餡全是芋頭吃罷那會肚餓吖~

三人行，兩男一女，叫左豬頸肉，脆皮皮蛋同一個招牌抄飯，豬頸肉食落5太硬，點完汁再食都算ok，而皮蛋都算係幾大隻，包圍外層係炸得剛剛好既肉皮，而招牌抄飯係一個蛋包海鮮西抄飯，味道普通，要加d魚露落去，先覺得好味，三樣菜式味道普通，但又至於難食，可以再試其他

2人點了串燒,咸豬肉湯粉,生菜包,2支啤酒,這間泰國粉麵鋪以前得3張枱，咸豬肉好早賣哂，雞肉飯又滑又香。到現在4個鋪位還做埋泰國小菜越早越旺，但味道真是走哂樣了。可能係唔休做啦…假期旺到做唔切，但食物味道就保持不到！

之前已經黎過幾次，入親西貢都會食 <滿泰>!唔係誇張，佢係真係幾好食 <3必食之選 1 - 泰式生蝦<3<3正所謂 :食泰國野點可以唔食生蝦呢?佢真係好正，最緊要係夠冰凍呀嘛，點個個汁酸酸辣辣咁 正!個汁點得太多我覺得都幾辣 (可能係因為我唔太食得辣hahaha )之前去過九龍城某間Thai Food食生蝦 佢唔夠凍 所以唔好食><"必食之選 2 - 咖哩雞<3<3雖然食過咁多次，但都係第一次食佢個咖哩。今次都係男朋友突然間話想食咖哩，所以先試下呀..點知佢又幾好味喎真係不過佢唔包埋個蒜蓉包 ><! 要加10幾蚊先有蒜蓉包講返個咖哩先haha第一啖食落係甜既，以為個咖哩好"流"啦點知食多佢幾啖 佢d辣味就出黎啦不過以我唔食得辣既人都食到 仲愈食愈想食 唔錯!個咖哩都唔算太稀 用蒜蓉包點咖哩岩岩好!!d雞我無乜點食哈哈 不過聽男朋友講都唔錯 唔會好硬 另外，個蒜蓉包都好正黎個時熱辣辣，牛油味好夠，蒜蓉味都好足，脆扑扑咁，點埋咖哩正必食之選 3 - 椰青<3<3今次無叫到其實，男朋友話想

入黎西貢唔食海鮮通常都會選擇食泰國菜或bbq，天氣仲係熱所以唔會考慮bbq，而泰國餐廳都比較多，水準都唔太差! 豬雞飯，擺得好求其，5件豬肉，6小件雞肉，豬肉雞肉又干又鞋，d飯只有輕微的暖，同豬肉雞肉一樣咁又干又鞋，簡單3個字，唔好食，賣相同味道都No Good!! 椰青好清甜又凍冰冰，啱哂依個天氣，飲完仲可以食埋d椰肉! 豬頸肉係依餐最好味，好香爽嫩滑，配埋個醬汁少少辣好惹味，下面加左好多菜所以實際上豬頸肉數量不多! 恐龍黃金蛋(唔太記得名稱)都係一般，皮蛋好干，皮蛋同外層的魚蛋黏唔實，味道與口感一般，而且唔抵食! 青木瓜沙律唔辣，但竟然都幾好味，青木瓜好爽口新鮮! 最後咸魚炒椰菜苗，炒得好香，咸魚唔算多剛剛好，椰菜苗好翠綠香甜，不過略為油多左d!

秋高氣爽，最適宜三五知己遠離塵囂，2013慶生第四擊，到郊外與藍天白雲玩遊戲。小學摯友大C和小C決定去香港的後花園 - 西貢，替小妹慶祝牛一。一早去到，先去小巴站附近的橫街小店永康粉麵飯吃中式早餐，粥和炸兩水準不錯，值得一試。環島遊後，約2點返到西貢，大C推薦我哋去橫街的滿泰小食店食泰菜。嘩，間店幾勁，霸佔了兩三個舖面，食客頗多。大C表示泰式雞肉飯極受歡迎，是必試之選，我哋要了一客。坦白講，雞飯賣相麻麻，約10餘條零碎的雞絲不規則地散落於飯上，猶如人家吃剩後的樣子。夾一條雞絲放入口，肉質幼嫩，味道偏淡且欠雞味，但卻不至於無味，可蘸上橘紅色的泰式醬汁以提味。粒粒小而尖的白飯不太熱，只是微溫的感覺。飯粒以香蒜炒過，伴著少許油分，粒粒分明，頗有嚼勁，惜絲毫不覺有雞油香。由於雞絲過少，中途已雞盡飯仍滿，幸有青咖哩雞伸出援手。$35大元一碟，再附送湯水，不能有太高的要求吧﹗沒有失望，又豈會有驚喜呢？泰式炒金邊粉水準不錯，且用料頗多，炒得極有鑊氣。幼而長的金邊粉炒得入味爽滑有嚼勁，配料有蝦、魷魚、火腿、芽菜、蛋及紅色蝦米仔，料足味道帶微辣，再混入香口的花生脆粒，並擠出青檸提味，口感層次極豐富，越吃