八月茶室 (新港中心)

Open Now

Now Closed

今天到尖沙咀看完展覽，順道到位於「新港中心」的「八月茶室」吃晚餐。餐廳的標誌是大月球，在商場門口便一眼看到。餐廳半開放式，光亮整潔，座位寬敞舒適。餐牌上除了一般茶餐廳美食之外，還有多款川粤小菜可供選擇。"招牌酸菜魚”，一大鍋上枱，雖然我只點了“小”的，但份量仍很多。材料除了鱸魚片外，還有酸菜、芽菜、秀珍菇、萵筍、薯粉等，十分豐富。鱸魚片鮮嫩爽滑，微辣滋味。薯粉晶瑩剔透，份外爽口。湯底濃郁，不太辣，最合我口味。“芝麻黑糖醋骨”，熱焫焫新鮮即製，脆口之餘又入味，配上新鮮菠蘿、黑糖醋，酸酸甜甜，非常惹味。“中式牛柳”，牛肉鬆軟而又有質感，配上酸甜芡汁，特別開胃。“枝竹豆卜火腩煲”，熱騰騰原鍋上枱，火腩皮脆肉嫩，肥瘦適中，配上豆卜、枝竹、蒜頭等，炆得非常入味。例湯，材料豐富的老火湯，有豬骨、合掌瓜、南北杏、紅蘿蔔等，清潤可口。這裏的川粵小菜做得出色，完全可媲美大酒樓及川菜館。

同朋友行街，由旺角行到尖沙咀超累，隨便找了一家餐廳坐時間剛好是兩點三十分又係下午茶時間所以點了兩個茶餐我們都喜歡吃麵粉所以點了星洲炒米及梅菜肉絲伊麵味道一般 有點鹹 但過得去

茶餐廳飲食都幾多元化,位於尖沙咀廣東道新港中心嘅八月茶室, 川味小菜和中西美食有很多選擇, 食館闊落清潔。招牌酸菜魚 這道菜份量十足, 魚肉幼滑鮮嫩, 入口即融, 酸菜爽脆可口, 清新開胃, 加上菇菌, 大豆芽等蔬菜, 還有晶瑩彈牙嘅薯粉, 掛滿酸酸鹹鹹的湯底, 帶來清新的口感。四川回鍋肉五花肉外皮酥脆, 內部保持滑嫩, 口感豐富, 不會有肥膩感。醬汁鮮鹹味濃, 相當醒胃, 加上椰菜、青椒和蔥粒等配菜, 增加這道菜嘅層次感。瑤柱菜胆雞 雞件擺盤整齊, 賣相吸引, 雞肉鮮嫩幼滑, 加上淡淡瑤柱的鲜味, 鮮甜爽脆菜胆, 令整道菜的口感更加豐富, 色香味俱全。梅菜蒸鯇魚 鯇魚肉質鮮嫩幼滑, 火候熟度恰當, 配以咸香的甜梅菜和鮮蔥, 提升魚肉鮮味, 魚肉和梅菜釋放出汁液, 形成美味湯汁, 佐飯好合適。

入黎新港中心搵食咁岩下午茶時間，去左呢間餐廳食個 tea set, 未食午餐太肚餓既關係，叫左焗芝士肉醬磨菇意粉。意粉上枱熱辣辣，肉醬味道幾香濃，但係意粉掛唔到 d醬汁，可能意粉水煮關係，本身無咩味道，所以同醬汁拌勻食仍然有點分離感覺。至於份量就勝在夠飽肚，跟餐有杯熱飲，飲左熱利賓納，味道偏甜。焗芝士肉醬磨菇意粉 $55

行完商場, 周圍都要等位, 又唔係食 food court 喎好在, 見到呢間比較企理嘅茶餐廳, 唔使等位, 望入去又坐得唔迫喎, 一於 試吓佢!仲有 一個飯 同 一杯凍檸茶 無入鏡~魚香茄子肉鬆煲嗯, 夠熱 全熟 無碎骨, 唔好計獲氣, 可以的!沙嗲牛肉炒芥蘭ok 嘅 肉片林滑 芡汁唔 gel口, 菜爽脆 乾淨新鮮~對於唔想等位, 唔想用腦 唔想再行再揾, 呢間完全 fit 曬要求呀!!!企企理理, 乾乾淨淨, 全熟安心, 坐得唔逼夾 就好, 無咩其他特別要求, 佢絕對ok 架~

📍 八月茶室-尖沙咀又到糧尾啦🙄🙄晚餐求求其其食個茶記吧🤭估唔到求其入一間茶記都可以咁高質🥰✨ 福建炒飯炒飯同樣非常足料，每一啖都有齊蝦球、帶子同雞肉，而且仲有一絲絲瑤柱絲，最重要嘅係炒飯底，炒飯粒粒分明，蛋香十足，淋上醬汁拌埋一齊食超正🤗✨茄子豬頸肉煲一上枱己經熱辣辣沙沙聲，比一般豬頸肉切得厚身，肥瘦適中，唔會一口油。食落肉味好濃，邊位有燒到焦香，茄子淋身入味😳✨招牌酸菜魚剛送上桌的花椒油香氣撲鼻而來，再加上酸菜和香菜的香氣，另外店家魚的口感蠻細嫩，魚皮帶點膠質感，份量超多，兩個人會有種吃不完的感覺，酸菜酸而不鹹，湯頭會越喝越麻，不過很涮嘴，底下還有寬版的冬粉和肉片，超級有飽足感。✨乾煸四季豆每次吃川菜必點，四季豆油炸過後很香口，配上肉碎，真的超適合下飯。其實當晚全部菜都很適合下飯，所以我們最後還是忍不住點了白飯吃。

新港中心除左去food court食野，都可以黎呢間港式茶餐廳。招牌酸菜魚 (小) $188鱸魚片肉質鮮嫩爽滑，搭配酸菜、芽菜、香菇等食材，在微辣的湯底中交織出層次豐富的滋味。酸菜的酸爽提味，與鮮嫩的魚肉形成絕配，相當開胃。芝麻黑糖醋骨 $80外層酥脆，內裡肉質軟嫩，沾上酸甜可口的黑糖醋醬汁，係另一道開胃菜式。沙嗲金菇肥牛煲 $79肥嫩的牛肉與嫩滑的金菇完美融合，肥牛同金菇都相當掛汁，每一啖都令口腔充斥着濃郁的沙嗲醬汁。蜜椒薯仔牛柳粒 $84呢度大排檔必點菜式非常出色，牛柳軟嫩多汁，重點係薯仔炒得酥脆香甜，外脆內軟，配以微辣的蜜椒醬，口感層次豐富。凍檸茶 $24最後點左杯冰涼清新的凍檸茶，完美地中和了主菜的濃郁口感。

今日Lunch 一如既往到餐廳用餐，安排入座沒有問題，但落完order後員工派餐時，不小心將本人杯水倒瀉並且整到本人衫褲濕晒，雖然有口頭道歉，但之後只係安排本人坐到隔籬枱，完全無關心查問本人狀況，連俾張紙巾俾個客嘅動作都冇，真心餐廳服務質素去到咁，難怪依家咁多客人對香港餐廳心淡。老實講，本人情緒已經算淡定，但係遇到呢啲情況都覺得好無奈。所以今次係第二次對餐廳進行評價。好多時客戶係唔會主動去爭取任何補償，但會希望餐廳主動少少去care客戶感受。希望餐廳意識到今次問題去改善，如果唔係只會慢慢流失客人對餐廳既印象分。

八月茶室．滋味酸菜魚去新港中心與合作方交收文件之後約定朋友一起食個飯當然選最就近的八月茶室幾中意這個月月的設計有圓滿美好的意思餐廳格局開揚又四正同店員都好好傾食得都幾開心凍檸茶必飲港式茶餐廳風味，去食茶記一定會叫，好飲就是茶膽調出香氣不錯例湯(送)老火湯，玉米蘿蔔好甜好潤四川回鍋肉醬香十足，川味無窮在辣與鮮甜之間遊走肉吸收了川式調味，惹味非常菜菜子更以自身甜味引人非常香口八月小炒皇味力逼人多重的滋味：蝦乾、韭菜、蝦仁、醃蘿蔔條、腰果香脆爽辣，韭菜多汁，蝦仁彈牙濃郁下飯招牌酸菜魚招牌果然不同好香好滑的魚肉片片都令人感受到吸引力酸菜開胃又好吃令湯底非常好飲一口湯，一口魚，一口薯粉酸菜索到滿口生香好好食啫啫豬潤雞煲啫啫聲上台熱辣辣香噴噴雞肉鎖實肉汁與醬汁醬香十足豬潤掛滿蔥香與油香十分厚切，十分滿足又是下飯神器鐵板牛柳蒜蓉汁，薯菜不能錯過的香軟牛柳滋滋咋咋上台，五成熟，粉嫩香滑軟身好吃，點些少蒜蓉汁，更添香氣薯菜即點即炸非常可口此店好坐，好食店員都好好傾得閑再來食餐好的！八月茶室 尖沙咀廣東道30號新港中心地下G18號舖

今晚同老公去尖沙咀，佢提議食小菜，於是近近地入咗新港中心呢度，貪佢夠光猛又乾淨，嘢食種類多，小菜，川菜，鐵板餐，乜都有。招牌酸菜魚（小）$198必點之選，我地2個人要個細份量已經好夠，麻辣同酸菜比例恰當，魚片又大片又薄，好嫩滑，配上鮮味濃郁湯底真係食上癮。芝麻黑糖醋骨$80外觀吸引，d肉唔痴骨，好易食，黑糖醋味道微酸又帶甜香，加上芝麻，仲有菠蘿，呢小菜佐白飯最啱。紅燒豆腐斑腩煲$76上枱一揭開個蓋，香氣湧出來，未食已經覺得好正，豆腐同班腩都入哂味，豆腐夠夠嫩滑，班腩又大件，薑蔥好香，食認真好味。黃金脆皮蝦球$96好香口，鹹蛋黃起沙，味道香濃甘香，蝦肉夠爽口。雖然係茶餐廳，不過呢度做既小菜，味道都有番咁上下，仲幾有鑊氣，性價比高。

下午茶餐餐廳係自助落單，坐低之後手機掃Qr自己落。燒肉汁豚肉炒烏冬 $55+飲品熱柚子蜜炒烏冬好失望，炒野唔得，冇鑊氣，冇乜味，唔好食，豚肉好硬，咬唔到，好大塊，唯有要用刀切開細細粒食。熱柚子蜜就正常冇特別。

My friend and I went to a restaurant called "Moon " (八月茶室) located in Shop G18, G/F, Silvercord, 30 Canton Road, Tsim Sha Tsui尖沙咀廣東道30號新港中心地下G18號舖..Sichuan perserved veggie fish酸菜魚HKD$188.the fish is so flaky and tender .moist and soft.the flavour is dynmaine..Bitter gourd pomfret 涼瓜倉魚HKD$94.the pomfret is large in size.the seasoning is good.the gourd soaked up all the flavours of the dish..Beef short rib veggie rice時菜牛肋條飯.the beef is succulent,soft and tender. not to salty seasoning,just right.

今日系尖沙咀收工，系呢度食嘢大多收服務費同食得慢都被人趕，於是就搵間茶記食，貪大件夾抵食又坐得舒服。#八月茶室 分店位於尖沙咀新港中心，除店舖面積好大，乾淨衛生，冷氣夠凍，食物質素有保證。6001.招牌酸菜魚（小）-188.00店家嘅酸菜魚絕對係招牌菜之冠呀！基本配菜有酸菜、菇、萵筍、芽菜、芫荽，而湯底有寬薯粉仲要唔洗額外加錢。即使份量屬（小）魚塊足夠二人分享，而鱸魚肉質非常嫩滑，先飲幾啖湯再食鱸魚片，感覺麻麻的勁過癮！6310. 金銀蛋浸時菜-74.00菜量都算多，白菜仔煮得唔會過腍又幾甜!  而湯下面啲肉碎、皮蛋同咸蛋碎可一齊食，仲可飲到兩啖湯。6012.川辣辣子雞丁-90.00 一送上黎就聞到辣椒香，用左蔥、腰果、花椒等等香料一齊炒，炒到金黃色嘅雞丁，雞丁香脆肉嫩， 非常惹味!龍鳳可樂-28.00&紅豆冰-30.00用傳統得咸柑桔和鮮檸檬作龍鳳，酸咸解喝！ 白飯(2個)-24.00總結：環境舒服，價錢親民，適合一班知己朋友，食嘢傾計好去處！ 

環境很不錯，菜品的種類非常多，比一般茶餐廳多很多，這一點很欣賞。吃了泡菜肥牛炒烏冬，油略多，但是整體來說還不錯，可以吃的很飽，還送了例湯！下次還會安可的一家茶餐廳，跟朋友去一下也不錯😌

最近去左尖沙咀新港中心，食左八月茶室，覺得佢都叫係一間頗為不錯的粵式茶餐廳。無論是環境氛圍還是食物口味，都稱得上是合格水平。環境方面，八月茶室坐落於新港中心地下,空間寬敞明亮，裝潢保持簡約大方的茶餐廳風格。食物方面，我叫左個麥皮早餐，雖然價格不算太貴，但味道卻只算一般，奶油包直情唔可以叫好食，有少少覺得對唔住個方包，不過，店中的奶茶倒是不錯，都叫做入口柔順，茶香味適中，雖然我鍾意茶味濃啲，但都算係咁。另外，餐廳的服務態度也算可圈可點，服務員均保持禮貌親切，但就有送錯單嘅情況，食物放左係人哋枱一段時間先拎返比啱嘅客人。