八月茶室 (新港中心)

Open Now

Now Closed

之前食過早餐唔錯，見到餐牌川粵配搭，今日去試下lunch 川菜😆🔸招牌酸菜魚一碗滿滿，非常澎湃！帶皮魚肉鮮嫩，一碗十多塊魚片，厚薄適中～配菜亦都非常豐富，秀珍菇、雞髀菇片、萵筍、酸菜，水晶粉，用料充足！湯底酸度適中，配上白飯一流！🔸手撕包菜配上辣椒乾蒜非常惹味，炒得乾身，並唔油膩。平時一般食開清炒時菜，可以有另一選擇～總括🔹餐廳非常乾淨光猛，店員亦都服務有禮！食材用料豐盛，性價比高！另外見到餐牌上有流心西多士，貌相吸引，下次下午茶時段可以試一試😆

今晚和同事加班晚了，就在附近覓食，這間茶餐廳除了有一般的粵菜，也有川菜，多元化的選擇。咖喱薯仔牛肋條煲：牛肉的鮮嫩與咖喱的濃郁香味完美結合，令人垂涎欲滴的佳餚。。薯仔口感綿軟細膩，與牛肉的嚼勁形成了美妙的對比。洋蔥、青椒和黃椒的加入，增添了豐富的色彩，還有清新的口感。馬拉盞炒雜菜：菜心、白菜和西藍花等蔬菜在馬來盞的炒制下，呈現出翠綠欲滴的色澤，令人賞心悅目。馬來盞的獨特香氣與蔬菜的清新口感相互融合，使得整道菜充滿了東南亞的風味。芝麻黑糖醋排骨：排骨經過精心烹製，呈現出誘人的紅褐色，表面再加上香脆的芝麻和綠色的點綴，令人食欲大增。黑糖與醋的完美結合，使得排骨的味道酸甜適中，既不會過於甜膩也不會過於酸澀。

今晚想食吓川辣小炒, 尖沙咀嘅高級川菜館都唔少, 當然消費會比較高。位於廣東道新港中心有間八月茶室, 是港式茶餐廳又有粵菜和川辣小菜, 價錢平民化, 地方闊落舒適。餐點好多選擇, 揀了川辣小炒和粤式家常菜式。加$12可配中西例湯和白飯, 中式老火湯夠曬火候, 羅宋湯亦好濃郁。酸菜炒肥腸 味道相當醒胃, 蒜頭豆豉零舍惹味, 酸菜爽脆鹹香, 加上肥厚香滑嘅豬大腸, 送飯一流。湖南小炒肉香噴噴鑊氣十足, 尖椒, 葱和唐芹等辣, 還有豆豉香味, 肉片好滑溜, 不肥又不膩。沙茶牛肉炒菜心牛肉好滑溜, 菜心新鮮清甜, 沙茶醬汁不會太濃。中式牛柳牛柳大件厚滑, 肉質夠腍容易咬開, 燴以中式茄汁好入味。炸小饅頭細細粒有六個, 外脆內軟, 配埋煉奶就更好味。

嘿嘿！一家超棒的新派中菜廳的食評！環境比起傳統茶餐廳真是太美了，裝修都是金黃光猛的，讓整個地方看起來非常奢華又有氣氛。而且，服務真的是一流！👍🏻首先點了碗麻辣水煮魚，真的超級下飯😋魚肉鮮嫩多汁，搭配上麻辣的湯底🔥 辣味和麻味完美融合，讓人吃得停不下來，湯裡加了許多豆芽和蔬菜還有寬粉，增添了不少口感的層次～接下來是老乾媽炒油麥菜。油麥菜炒得剛剛好，搭配上老乾媽的獨特味道，真是一絕！最後有黑椒牛仔骨。牛仔骨配上濃郁的黑椒醬汁，口感豐富且味道十分濃郁，每一口都讓人感受到牛肉的香氣和黑椒的辣味😆配上兩白飯加兩湯就是美味的家常飯了。

今日嚟到呢間茶餐廳🍴下午茶幾抵食，平均只係40-50～我就叫左呢個西多士配炸魚柳，有好多唔同嘅選擇🙌🏼🙌🏼食西多士配炸魚柳真係一種享受！西多士呢啲麵包片炸得脆到爆，咬落去有滿滿嘅花生🥜唔會話好油，幾好食唔錯🫡🫡🫡而炸魚柳都幾特別，魚肉嫩滑，外層則係一層金黃香脆✅冰涼的凍檸茶+$3立即感受到清新的檸檬味道，帶嚟一陣陣涼意。但無茶底淡淡的，唔會太濃郁，而係清淡嘅口感，有啲失望😞🍋🍹❄️

臨近新年，和朋友一起出去吃餐團年飯，我們去尖沙咀吃晚飯，經過網上的推薦，便決定來到這間港式茶餐廳試一試，環境明亮舒適和清潔衛生沙拉肉排($76)菠蘿十分之鮮甜，肉排非常香稔軟嫩，非常新鮮，質素非常高，用洋蔥做陪襯，用沙拉醬調味，味道酸酸甜甜，令人非常開胃咖喱牛肋飯($70)薯仔煮得十分淋，牛肋條稔香軟彈，非常新鮮，流心蛋黃，咖喱味道恰到好處，不會太辣，飯粒粒分明，軟硬適中，份量非常多騰椒魚($188)魚片非常嫩滑細密，非常軟身，非常新鮮，質素非常高，而且無骨，非常適合老人和小孩食用，水晶粉十分煙韌，花椒，豆芽爽口微彈，蔥，份量非常多馬拉盞炒雜菜($70)西蘭花爽口微彈，菜心爽彈鮮美，白菜仔十分爽口，椰菜非常新鮮，種類十分多，蝦乾很煙韌，用馬拉盞調味，豬肉碎，味道恰到好處，不會太鹹羅宋湯味道酸酸甜甜，粟米豬骨湯，經過長時間熬製，非常入味，粟米的鮮甜味非常突出整體來說，食物的質素非常高，食物的份量非常多，食物的選擇非常多，食物的用料非常新鮮，食物的賣相非常吸引，價錢十分大眾化，而店員亦有良好的服務態度和積極，所以我認為這間餐廳是值得再去惠顧

這間茶室的服務速度實在令人失望。我今早到尖沙咀公司附近的茶室享用早餐，但他們的服務太慢了。當我進入茶室後，店員似乎完全沒有注意到我，因此我只能自己找了個座位，然後舉手等待店員來點餐。我等了整整10分鐘才收到飲品，然後又等了多5分鐘才吃到通粉。最後，由於時間已經很晚，我不得不放棄等待煎蛋和多士，直接結帳離開。整個早餐的過程花了半小時，卻沒有吃到完整的早餐。在香港人早上匆忙的情況下，這種緩慢的服務實在無法接受，所以我不會再光顧這家茶室了。

放工鍾意去尖沙咀廣東道行名店，以前鍾意去新港中心買衫，而家就鍾意佢搵食，地下大門第一眼就見到八月茶室 ，食川菜或小炒都會有驚喜！因為這裏價錢合理，又可以食到正宗川菜。招牌酸菜魚我哋兩個人過嚟食，就叫咗招牌酸菜魚試吓，大大碗既嫩滑魚肉，雪白美味，非常之滑，真正嘅魚有魚味！而且酸菜亦都好好食，湯底濃郁，泡飯食一流，還有豐富的川式配菜。酸菜魚湯汁可以讓寬粉吸收各種香料的味道，增添了濃郁的風味。孜然牛肉 好惹味的孜然牛肉 ，經過爆炒的烹調方式，令牛肉肉質鮮嫩多汁。加入了川式的香料、調味料、配菜一起爆炒。這種烹調方式保持了牛肉的鮮美和配料的爽脆。鮮牛肉非常軟嫩，完全冇筋，吸收了醬汁好入味，搭配米飯一起享用，增加口感的層次感。鐵板銀芽肉絲炒麵 鐵板銀芽肉絲炒麵 味濃又多汁，加少少辣椒醬，辣辣地，口感和味道相得益彰。肉絲爽口切得幼細，唔韌容易咬，吸晒啲肉汁好入味，濃稠杰身，味道適中，加上爽口嘅銀芽，脆脆炒麵底超吸汁，煮得剛好。鮮茄焗厚切豬扒飯煎蛋、鮮茄的香氣與彈牙的厚切豬扒，軟嫩不過，搭配豐富的醬汁，入口滑順，帶來濃郁的鮮茄香味。炸雞髀沙律 茶室招牌炸雞髀，沙律清新健康，味道唔錯，價錢公道！白飯

這間位於尖沙咀的【八月茶室】，晚市有多款小菜，包括川菜、廣東小炒等，還有鐵板扒、西式焗飯及炒粉麵等，款式甚多，而且價錢貼地。涼瓜炆䱽魚䱽魚新鮮熱辣，魚肉雪白嫩滑，涼瓜苦中帶甘。酸菜炒肥腸豬腸有些肥膏且有咬口，酸菜不會太咸，十分惹味。蒜茸炒油麥菜油麥菜炒至翠綠又爽脆。沙嗲金菇肥牛煲沙嗲醬汁惹味，而且粉絲吸收了肥牛肉香及吵嗲香味，爽口又飽肚。XO醬豬頸肉炒河炒河份量十足，河粉爽滑不碎，XO醬炒後更惹味，豬頸肉爽口。最後要讚一下茶膽靚，所以檸檬茶好飲。

新港中心見到呢間以月亮為主題嘅茶室 價錢都幾親民乾鍋椰菜花 $78 本身以為呢個只會得椰菜花 點知豬腩肉嘅份量同椰菜花係一半一半 非常香口惹味椰香荔芋滑雞 $84 屋企人鍾意食芋頭 所以特別叫咗呢個秋冬推介嘅芋頭滑雞 個汁醬都幾香芋頭味 幾好送飯蜜椒薯仔牛柳粒 $84 個蜜椒汁做得幾香口 甜甜地又辣辣地 牛柳粒唔會韌 容易咬開雞中翼伴薯角 $42 份量都幾大 三隻脹卜卜嘅炸雞翼 仲有超級有薯味嘅薯角另外飲品menu有特飲選擇 不過店員就話當日未有特飲提供 所以我哋就叫咗凍檸茶走甜 凍柚子蜜

今日天氣寒冷，市區只有六度，忽然想起暖笠笠的“羊腩煲”。和朋友經過廣東道新港中心地面新開的“八月茶室”分店，門前正推廣合時的“羊腩煲”，正合我意。餐廳門面廣闊，燈光亮麗，座位寬敞舒適。除了羊腩煲外，餐牌上還有多款中西美食，川粤小菜可供選擇。「枝竹羊腩煲」配油麥菜，羊腩煲用不繡鋼鍋盛載，下面用火滾住，是個羊肉火鍋，而且羊肉份量不少，夠二人食用。羊肉肥瘦適中，肉質爽口兼無羶味，配菜有竹筍、枝竹、馬蹄、薑片、冬菇、秀珍菇......等。香濃的羊肉湯底浸油麥菜，味道一流。「椰香荔芋滑雞煲」，椰汁香濃，雞肉嫩滑而入味，芋頭腍軟入味，雞肉配椰汁是最佳拍擋。「芝麻黑糖醋骨」，酸甜口感，份外醒胃，上面灑上芝麻，加強口感，醬汁稍為比較濃味。「瑤柱蝦米浸時菜」，材料有瑤柱、蝦米、粉絲、白菜仔等，雖然比較清淡，但湯底有意想不到的味道，也相當惹味。惠顧小菜加$12有白飯、例湯。例湯是南北杏青紅蘿蔔煲豬骨老火湯，不容錯過。遊客區的平民食肆，環境、食物質素都有水準，性價比還很高。

平日在尖沙咀上班，午飯時都會到這間新開的八月茶室午膳，剛到十二點就已經有人排隊，無非因為性價比高，食物質素不錯，菜式選擇多，而且價錢在尖沙咀區亦算便宜，加上地方寬敞，容納大量客人亦不會覺得擠迫。今晚與友人到這裏試試晚飯菜式，適逢天氣轉冷，而餐牌上亦有川菜以及冬季時令菜式選擇，淺嘗一點辣亦有助暖身。❤XO醬豬頸肉炒河味道其實近似乾炒牛河，但加上XO醬就更惹味，豬頸肉肉質爽口彈牙，而河粉滑口，炒得亦比較乾身，不會過份油膩，整道小炒亦頗有鑊氣。❤️三色蒸水蛋三色蛋指雞蛋、鹹蛋以及皮蛋，本身水蛋蛋味濃鬱，質地頗滑口但較為實淨，雞蛋比例較多，絕對真材實料，加入鹹蛋及皮蛋令到味道層次提升，再在上面灑上少許豉油及蔥花就更能提升鮮味。❤️清炒白菜仔簡簡單單的一道炒菜，白菜仔清新，味道鮮甜，即使不加蒜蓉 亦已經夠滋味，與家中炒菜不同，在茶餐廳食到的除了新鮮更有鑊氣。❤️四川回鍋肉回鍋肉用上薄切豬腩肉片，份量頗多，肉片質地爽口，肥肉位 香口惹味，加上蘿蔔片、椰菜、乾辣椒、洋蔥等配料，味道豐富，另外四川風味帶有少少麻辣，令人食得過癮。❤️川辣辣子雞丁份量頗多的一道菜式，顏色紅紅綠綠，非常吸引。大碗中有滿滿的乾辣椒、

「八月茶室」喺尖沙咀新港中心開咗新分店，之前同朋友喺長沙灣店食過，晚飯小菜價錢合理，見今日凍冰冰，唔想煮飯，專登同屋企人過嚟開餐。餐廳主打川粵菜，裝修以月亮為主題，場內設有卡位和散座，擺檯闊落，佈置時尚，坐得好舒服。先嚟一客小食炸小饅頭 ($38)  金黃色澤，極之誘人，入口熱辣辣、脆卜卜，配煉奶吃，絕對無得輸。天氣寒冷，最啱就係食返個雙冬黑草羊腩煲 ($138)，附唐生菜一份，加多一碟亦只須+$20。羊腩選用了黑草羊，肉質飽滿，肥美肉嫩，入口羊羶味唔會太重。配料有冬菇、馬蹄同冬筍，夾埋索晒汁嘅枝竹同生菜一齊食，夠晒惹味。芝麻黑糖醋骨 ($80)  糖醋骨賣相好吸引，面頭灑上了少許白芝麻，入口甜甜地又帶點黑醋酸香，而且最正就係外層仲保持住炸過嘅香口，但食落又唔會油冧冧。黃金脆皮蝦球 ($96)  鹹蛋黃包裹住大大隻蝦，外層粉漿好薄，內裡蝦肉爽彈，入口香噴噴，滋味咸鮮，超讚。點小菜 +$12 可配白飯及例湯，今日嘅例湯係南瓜粟米紅蘿蔔煲豬骨，真材實料，清甜味美，營養豐富，非常適合一家大細飲用。

喺尖沙咀海港城行完街 過咗對面新港中心搵嘢食 貪呢度d餐廳價錢比較親民招牌酸菜魚（小）酸菜魚個湯底都幾惹味 但我個人口味就覺得可以再酸啲 魚肉好滑而且無骨啖啖肉 而且仲有大豆芽/萵筍/菇/酸菜/薯粉等等做配料 鐵板茄子班腩炒麵 麵底係炸麵底 所以好香脆 面頭淋上茄子斑腩 茄子走過油 所以喺屋企好難食到呢種好香口嘅茄子 班腩就啖啖肉八月小炒王 小炒王有韭黃/魚/蝦/魷魚 幾種不同既口感 味道都幾夾小菜可以加12蚊變成套餐會跟埋白飯同例湯 其實呢度仲有好多其他選擇 譬如係晚市套餐/炒粉麵飯/小菜/小食 而且價錢相宜 比喺喺對面海港城食真係平足一倍

天氣凍凍地，想食羊腩煲暖下胃，同老公行尖沙咀，見到八月茶室有羊腩煲，仲有川菜，見到價錢幾經濟，一於入去試下。餐廳環境闊落，裝修時尚，我哋坐到卡位好闊落，餐廳一角仲有自助茶水間，夠哂方便。雙冬黑華羊腩煲：有火爐煲住暖笠笠，羊腩好大件份量多而且肉質鮮嫩多汁，一啲都唔騷，仲有好多配料，枝竹吸收晒羊腩汁好正，馬蹄又爽又甜，跟餐仲有一碟唐生菜，吸收晒羊腩汁超正。招牌酸菜魚:魚湯酸酸辣辣好惹味，魚肉嫩滑冇骨，配上酸菜薯粉同埋萵筍好惹味，跟餐嘅熱檸水都唔錯，檸檬唔會苦。沙茶芥蘭炒牛肉:沙茶醬好香，牛肉嫩滑多汁，芥蘭清甜爽脆，送飯一流，跟餐嘅凍檸水茶味香唔會太甜。金銀蛋浸白菜仔：白菜仔分量多而且夠爽甜，配上皮蛋鹹蛋嘅上湯味道一流。呢間餐廳除咗價錢經濟實惠，款式選擇仲好多，而且質素好好，值得推介👍🏻