牛涮鍋 (Moved) New Location

上次食過牛陣，我覺得真係超唔好食，男友仲話幾好=.= 我不斷同佢講:你一定要試下牛涮鍋!!噚日難得去荃灣睇戲，就順便捉埋佢去試下牛涮鍋門口好多人，我地都照去拎飛，點知佢話2位即刻有位，正!!入到去坐2人枱，我發板叫左$178既牛，同甜醬油湯底鍾意吉吉家既濃湯底的話，就一定要甜醬油湯底，超濃，但如果想淡啲，可以叫佢加"水" (佢地正常會加湯，一定要再3同佢地講要"水")$178嗰個set有上級牛、普通牛、豚肉同雞肉男友叫侍應出住上級牛同雞先當啲肉黎左，我地又出左去自助吧拎其他食物既時候，就發現....張枱真係細到爆啊!!!如果一次過黎哂4碟肉仲得了?!?!Anyway，啲肉幾好食，男友覺得好好食，食完想再要上級牛同雞佢都再三問我: 我地唔食豬啦，呵?!我都再三答佢: 其實呢度啲豬都好好食架喎佢都唯有屈服，叫左半碟豬同半碟牛同一碟雞佢試過個豬之後都真係覺得好好食，甚至好食過啲牛咁可能第二輪既牛無第一輪既咁好食出面自助吧既配料都算多，當中要推介個拉麵，好食過烏冬10萬倍!!墨魚丸就食白色，唔好食黑色，個人覺得唔好食食飽仲有雪糕吧，得牛奶雪糕、草莓乳酪雪糕 同兩溝亦可以揀cone / 紙杯 裝

友人向我提介這一家以牛為主題的火鍋放題店, 那就去試一下!我們一行4人點了$168 美國特上小排放題, 以下為食物的照片牛肉方面, 算是不錯, 至少有牛味, 油脂分佈比較平均, 不像一些酒樓自助火鍋, 一塊牛肉有2行肉2行油脂明顯分開而火鍋材料方面, 擺放得蠻整齊, 而且那些材料也很新鮮, 種類方面, 以菜和丸為主, 例如有菠菜, 娃娃菜, 蟹子丸, 三文治形狀的丸環境方面, 位於位之間也有一定空間, 不太迫侍應方面, 服務也不錯, 蠻有禮貌總結而言, 是一間不錯的牛火鍋放題店, 不論用料, 服務都在合格之上, 大家也可以來這裡試一下以下為個人評分表:

我去過2次 勁like尼間店 環境比我嘅感覺好好 裝修靚 又衛生 店員服務態度刀好好 我同friend食遲左 個店員提醒咗2次叫我地去比錢先再慢慢汁 冇嬲過 而且好禮貌 好欣賞剩下15分鐘會有人黎提提你雖然野食一般 湯底刀冇咩味 但最like有年糕&牛&唔同嘅醬汁&雪糕嘅配料(儒米慈&曲奇) 價錢刀算ok 如果普通$62餐可以改做90min 就perfect lu～

每次到荃灣廣場行街經過此店都勁多人等候,閒閒地都要等半個鐘以上,沒有食過,終於今天特登早D落去4點幾5點左右,竟然唔駛等位,實在太開心,因為我係牛肉怪,老公特登陪我去食,係門口看完價錢,就入去,call左侍應落order又問非所答,同佢講唔好意思我地第一次來唔知點叫,佢先講解,過程都幾尷尬,可能剛剛上班佢未回魂,選左兩個$168 美國上級進口牛肉放題,包括:美國上級進口牛肉,美國進口牛肉,豚肉,美國特選雞腿肉等4種肉類和店內自助bar任食,第一次來的4種肉類好ok,可以下次再來,但到第二次order雞肉等左好耐,再叫番剛才個四眼仔落order要一碟牛肉和剛才碟雞肉好耐都未到,佢笑笑口話好就行開左,我已為佢行去幫我落order,點知完來佢行去,企番係中間繼續笑笑口望住門口,敢究竟佢想點呢？跟住我老公知我想發脾氣就即刻叫白色衫d經理追order,跟住唔駛兩分鐘即到,不過碟牛肉同第一碟牛肉質感不同,第一碟兩款牛肉都很嫩滑,第二碟牛肉鞋口,跟住叫女侍應問下會唔會比錯,點解第一碟好嫩滑,第二碟咁鞋,佢話冇比錯通常客人冇指名要邊款牛肉我地就會比上級進口,呢碟係上級進口牛肉,不過都照食,之後再問經理

我不贊同「剩」字被賦予的新用法，今天迫不得以要用，不是對牛不敬，剩，是給牛涮鍋。$98 牛豬雞任吃90分鐘:湯底: 今天想吃濃點，放棄了常吃的昆布，點了泡菜湯底，太濃，是泡菜即食麵味粉湯，是味精多於泡菜。牛肉: 外表可以，但非薄切，淥熟後太靭，纖維紋理盡現，考騐牙力，絕不易吃。豬肉: 是豬肉，不是豚肉，似足街市凍肉店最平的豬肉片貨色，大大堆連牛肉送上，雖然入口較牛肉易。雞肉: 嫩，但始終肉味淡，她不是火煱的好拍檔。自取的: 選擇不太多，別的有他未必有，別的無他也無，唯一特別是有韓式年糕，因肉太不好吃，結局我竟連平日不吃的丸類也幫襯。雪糕: 牛奶雪糕、扭紋雪糕和草莓乳酪，三款小嚐，乳酪還是我所好，但論奶香和酸還比日牛差一截。環境: 坐邊位的要瘦，還要側身出入，否則必碰到隔鄰。這裡應是西斜，夏天店子會是另一大火煱。服務: 從門口侍應到樓面都十分勤快，非常好。結局草草吃完, 衹用了45分鐘，破紀錄沒添任何肉，還有剩牛兩片。

平日晚上的牛涮鍋，6點不到就出現人龍，所以趁下午時段享用是最好的吧。選了一個豬骨湯底，但味道不夠濃，有點像出前一丁的湯包味選了美國上級進口牛肉放題:牛肉、豬肉源源不絶送上枱面，沒有拖時間，清碟後待應會主動問是否需要添加，兩者質素尚算可以自助區配料以蔬菜及丸類為主，平時在一田廿多元3件的福袋都在列中，當中以豆腐最好味，有豆味又夠滑醬料區有豉油、蔥及辣蘿白蓉和芝麻醬，當然...對打港式火鍋的香港人來說，一定少了點，因為辣椒和蒜蓉是當中應必備的飲品有可樂、蘋果汁、橙汁及七喜，全部任飲，貼心是可以有冰底甜品是一杯杯的牛奶公司雪糕，簡單但有解熱之效店子說不上十分出色，但環境舒服整潔，但說到好吃的…還是港式火鍋吧。

從未去過近幾年開到梗有一間喺左近的牛乜牛物，是因為小妹唔食牛肉，但牛腩、牛什、牛孖根、牛肚、牛百葉除外。今晚姊姊請食飯，訂了她同樣未試過的牛涮鍋。晚上七時正準時抵達，一行九人被安排坐於近門口第三排長枱，其中一邊坐位與第二排幾乎椅背貼椅背，出入艱難，全晚斟茶遞水靠晒對家。同檯客人均需點同一款火鍋放題，打正旗號是牛XX ，各款放題分別當然在“牛“，由最貴的日本極上黑毛和牛、澳洲和牛、美國特上牛小排、美國上級進口牛肉到最平的美國進口牛肉，而配角“豚肉“是沒有分別。在於經濟效益，吃牛肉的陪不吃牛肉的選了最平嘅美國進口牛肉放題，盛惠成人$138，小童及長者$98。涮涮鍋湯底5選1，昆布、辛辣泡菜、和牛清湯、番茄濃湯和我們要的骨湯。九個人可有兩個鍋，姊姊那邊要豚牛雙拼，我這邊要淨豚肉。薄切豚肉九分瘦肉一分肥肉，輕一會便摟作一團，入口肉有肉味，不靭，最後追加肉類的限時為離座前15分鐘。其餘靠對家出去取的火鍋配料，醬汁，飲品及甜品可於自助區無限添加。食材有芝士腸、粟米、蘿蔔、蒟蒻、娃娃菜、芋絲、龍蝦丸、海鮮三文治、墨魚丸、獅子狗、烏冬、蕎麥麵、芝麻和紅豆味雀巢棉花杯等等。第一次吃牛X 之類嘅放題，食

牛涮鍋有好多分店, 我們多數只選擇荃灣店, 因地方較大, 而且不須等位太耐, 我們已是 N 次光顧了午餐是放題的, 分60 分鐘及90 分鐘, 60 分鍾是定食形式, 可選一份自己喜愛唔同級數的牛, 豬, 當然價格不同, 不是任食的, 任食部份只限於在外面的食物, 有蔬菜、丸、麵、鳥冬、餃子、腸仔等等, 另可任飲果汁, 雪糕及和牛粒飯也是任食的60 分鐘餐價格由 HK58-HK133/位, 我多次也想試那和牛餐, 只是HK133/位, 但限時 60 分鐘, 感覺太趕, 所以每次我仍是選擇 那90分鐘的任食牛豬放題, 價格是 HK98 - HK298/位, 最貴是和牛放題分別是 HK238 及 HK$298/位, 雖然比較貴, 但對於胃口好的人, 可以不停 repeat order 和牛, 應該是值得的由於我只是心引, 胃口不大, 所以只會選最平的90分鐘放題, 即 HK98/位, 可以大滿足的自助任食任叫 牛及豚肉, 心靈滿足比牛的質數蓋過哂, 值得一讚是他們的果汁, 橙汁及葡萄汁也不錯, 而雪糕是雀巢杯裝, 比較衛生, 也不用排隊等別人在一大筒慢慢挖取後才有得取, 比較喜歡這種形式湯

想試左好耐, 但又擔心唔好食, 因為食過"牛陣"真係好好食, 不過就係貴, 尋日諗唔到食咩就去左試, 唔使等位, 我7:10入坐, 食90分鐘, 服務態度很好, 佢有幾種牛比你選擇, 我選黑毛和牛, 佢一位$348 , 匯豐卡有85折, 加埋1為返每人都係330一個, 我覺得ok , 因為牛陣真係貴, 加上呢間既配料有好多, 比起牛陣會多野食d , 不過豚肉就麻麻地, 所以我地都係食牛, 我個餐係可以食哂咁多款牛,見到有人留言話差, d 牛好肥, 我諗係睇你食邊隻牛, 因為一分錢一分貨, 我都覺得如果食$138個款, 真係差d,不防比多小小食好d都係2佰零蚊, 飲品任飲, 環境都ok , 我會再去食囉~~

睇完戲好開心去食啦 , 竟然兩位唔駛等, 咁就入去啦 , 點了美國進口牛肉放題, 第一碟牛同豬, 牛肥的但還算接受, 第二碟牛就出事了 , 大半是肥 , 接著侍應話 last order, 我們決定一次叫兩碟, 並叮囑侍應一定要瘦點, 之前太肥了, 點知傳菜出來兩碟牛仲恐怖 , 大半是肥的, 傳菜只是傻笑沒有回應什麼, 我只要了其中一碟, 拍了照片, 我要將肥整走再涮, 是超超.........超肥。湯底, 配菜, 烏冬及雪糕只算一般, 但主打牛做不好就什麼也沒用了!雖然話一分錢一分貨, 但兩個人埋單要303.60元, 我覺得完全不值, 有點搵笨!!!!

今日同舊同學一會,去了這間一牛涮鍋,食午餐XD可能是因為食午餐的關係吧所以選了最普通的XD雖然是最便宜的,但不論是豬還是牛,都是值得一食的說口感嗎?雖然冰鮮的感覺,但仍然是彈牙的,而且放到口裡並不感到是冰鮮的XD肉質條理分別,而且肥瘦比例相當好XD不過每件的SIZE的比較大,好在切得很薄,所以唔錯的XD別的配食就一般的了但芝士豆腐、橙汁都是可以嘗試的XD那咬下那芝士豆腐時,芝士隨即流出,口感100分,橙汁嘛...不肯定是真的新鮮的,但至少感覺不是果汁先生XD衛生的特別說說的,雖然店內衛生感覺不錯,但抬頭一看...我想應該不很影響的吧,始終唔見跌下來的灰塵,但感覺就打了折...

2012年10月1日6點來到攞飛, 2人枱排第2, 以為6點巳經好早, 原來5:30開始巳經入滿晒人, 要等下一round, 剛剛等到7點先有位, 即是第一round人食完90分鐘.入座前在門口已經要決定食邊一款, 我們選了$158上級牛涮煱, 可選兩款湯底, 我們試左新出的蕃茄濃湯及牛乳.飲品同配菜任飲任食. 牛乳湯底好快滾而且味淡, 蕃茄湯底較好味.上級牛肉及豚肉都切得很簿而且不肥, 好食. 不過第一碟已經好大碟我們兩人吃了一整碟已經很飽.另推介:- 稻庭烏東好滑好彈牙- 粟米同, 白蘿蔔, 翠玉瓜都很甜- 3款菜包括娃娃菜, 西生菜同菠菜, 以菠菜最好味.- 腐皮好味, 因為索左湯底- 除左汽水外, 還有熱綠茶, 是上級綠茶茶包, 好濃綠茶味其他如獅子狗卷, 龍蝦卷, 魷魚卷, 芝士腸等等都是一般, 唔會太差. 另外雪糕已經改為獨立雀巢杯, 只有紅豆同芒果兩味.自助bar枱雖然是任取, 不過出奇地整潔衛生.P.S. 座位真的太少, 要食就要早, 如果唔係唔知等唔等到位.

好耐都無食過呢間野啦! 原因係等位等得太耐啦!還記得上一次都唔錯,不過都已經成年前啦! 今次等個幾鐘都再來試一試! 一家3口, 兩個大人, 一位小童, 7:15pm攞飛-824號, 當時叫緊813號. 到8:55pm終於叫啦! 足足等左100分鐘, 其實有好多人攞左飛走左, 如果唔係都唔知幾時先食得.叫左我張飛之後,位都未編俾我就落單啦! 我揀左個最平嘅進口牛, HKD128.00/大人, HKD98.00/小童.首先去buffet bar 攞配菜,豆腐,金茹,京蔥,娃娃菜,菠菜,唐生菜,稻庭烏冬,蒟蒻,墨丸(其實係魚旦),蕃茄... 不停有人混加, 整齊清潔!第一碟黎啦! 係牛肉+豚肉. 果然唔錯, 好濃牛肉味, 唔奀, 豚肉好滑!但叫第2碟牛就完全唔同, 好似煲完湯d瘦肉咁, 好un! 好格硬先食晒! 第3碟為有叫豚肉, 都keep到同第一碟一樣! 有點失望, 一心來食牛, 下之要試貴果種!!!!

其實從來都未試過食lunch打邊爐，今日有同事last day，柴嘩嘩，一行16人，一齊去!環境ok啦，唔迫。叫左60分鐘一人一份豬 / 牛 (唔係任食)，湯底叫左壽喜鍋。我要牛，都幾滑，一碟有成7-8片，份量都幾夠! 灼10秒，剛剛好，不過有一兩件肥肉多左少少。任食吧有菠菜丸、龍蝦丸、蕃茄、蔥、芋絲等，仲有累色煙煙韌韌既薯粉，烏冬吸左湯底，正。個湯底滾極都唔淡，後加既係湯，唔係水，d野食唔駛點豉油都好好味。我個人最鍾意食蔥，令到個湯好香，爽呀! 雪糕係一杯杯既，牛x公司，紅豆味都ok! 不過如果「畢」球會開心d!

次次過開LEE間店舖, 都成日見到長長排隊既人龍, 以往經驗得知係得兩個可能性, 一係勁抵食, 一係好味, 今日有緣去這間次次都過門不入既店舖一試, 得知其答案.牛涮鍋係一間任食火鍋店, 以任食日式火鍋為主打, 佢地有四類牛肉同豬肉可以選擇平既每人百幾蚊至貴既每人三百幾蚊都有. 如果只係集中猛食肥牛, LEE間店可以滿足食高級牛肉既慾望, 而且值回票價, 但是也就失去食火鍋既意了~唔知會唔會再去食, 難得一來, 叫個中上級既牛肉啦~ 叫左個和牛壽喜燒, 一試其味 (最可惜無安格斯肥牛選擇, 否則可以食自己啦今次 )每一次佢地都會一牒薄薄肥牛片咁上檯 (如果係最貴既頂級肥牛會用特色既盤子盛上) , 每次食完會有人問你需唔需要再添一牒, 其實咁做都唔錯, 起碼可以免去食物既浪費~開頭提供既鍋只係有壽喜燒汁既鍋, 其他配菜都要在外出BAR檯自己夾, 種類不多, 以任食火鍋來講算係小選擇! 不過可以任食肥牛先係最大關鍵~好老實講, 雖然今次係叫和牛, 不過同普通肥牛比係唔係好食點呢? 我沒其他肥牛去做AB TEST, 所以我唔知道係唔係特別好食, 所以只以食感評論~ (自己打邊爐時就試過貴牛同