牛涮鍋 (Moved) New Location

呢間吃過好多次除左最貴既日本和牛未試過外，其他都試過，但多數吃最平果款牛。晚市最平158+1，+18可以任飲asahi生啤湯底款都算ok,都係大路款，試過幾款都覺得唔太夠濃，煮兩碟牛後，都已經分唔到原底係咩湯底汁有四款：芝麻醬,醬油,辣醬,柚子醬油.味道唔錯，每次都會裝齊四款，最愛柚子醬油其他自選配料見選擇都唔少，都係d菜，肉圓，但次次只拿羅白，細粟米，大蔥，無太留意其他野食牛肉方面，切得算薄，好快熟，最平款既牛肉肥瘦分布真係唔太均勻，但肉質口感都算唔錯，望落去都好新鮮。出面中式火鍋店如果要單叫一份呢款質素同份量既話，我諗最平都要60-80$+18$有生啤任飲係最吸引我黎既原因，啤酒夠凍，每次黎都飲4,5,6杯，第二度分分鐘一杯都唔止賣18$員工做野算快手，見滿曬人都好，收碟，refill都好快，唔洗點等試過噤多間，x陣，x氣，日x，盛x 之中呢間d牛同 x氣 係最好吃，但呢間既起他野食就無x氣多，但呢間勝在有生啤飲！每次黎吃3，4碟牛，飲5,6杯啤酒，真係好滿足！ps:星期6,日見好多人,有排等，閒日好多時唔洗等位

坊間有不少任食邊爐價廉但物不美，而牛涮鍋就有一定的水準。牛涮鍋提供了不同級別的牛可提供客 自己選擇，當然價格也會隨等級而上升。TastyBuddy今次選擇了最基本的套餐($159)，牛的水平可以，而雞和豬的味道比一般任食邊爐高，只有一股急凍雪味，份量亦可以隨客人自己點選。不過一般的肉丸欠奉，雖然食材少但質素高，有拉麵和不少新鮮食材。另外在汁料方面十分重本，芝麻醬，日本柚子醬油都有提供。飲料方面，牛涮鍋自設了一部汽水機，附近了沖製雜果賓治和其他飲品的配方。牛涮鍋提供了雪糕機給客人，十分體貼。牛涮鍋的食物水平不錯，值得再次光臨。

今日放工就好想去打邊爐，加上約左8點係荃灣廣場睇戲，就好想快快打個日式火鍋。幸好，同行友人一早到達拎左位、開定爐，我一去到就有得食，正!! 是日叫左昆布同麻辣鴛鴦湯底，有辣有唔辣，任君選擇。牛肉幾新鮮，豚肉片亦都唔錯，全部切得夠薄，彈指間即熟，爽!!值得一提係附送的雞件十分鮮嫩多汁，即使淥耐左亦不覺韌，讚!! 其他食材選擇則較少，菜類只有生菜、娃娃菜等幾種，丸類只有魚蛋、芝士腸、芝士丸幾款，但都有我心愛的芋絲補番數啦。飯後甜品則有乳酪雪糕，可以自由加入各種配料和朱古力，好!! 侍應十分有禮和勤力，加料加湯反應很快，個半小時用餐時間不會浪費。

朋友想吃打邊爐，加上佢又係呢間既會員，我地夾到日期就book位，因為呢間出名多人要排隊任飲任食90分鐘，我地就揀左最平果個餐，美國牛肉，豚肉同雞脾肉同其他配菜可以任食，肉類既分量都幾多，我地3個人都係叫左2次就收手啦…肉類好新鮮同好肥，切得好薄，淥幾下就好快熟，最啱我呢d食肉獸~牛肉d紋好靚，而且無乜血水又唔係凍冰冰，豚肉同牛肉都唔會痴住曬，一片片好易夾反而雞脾肉我覺得一般，可以唔吃…湯底方面就叫左昆布湯拼豬骨湯，昆布湯就清清地，豬骨就重口味＼(^o^)／昆布湯就最啱淥d蔬菜類，如粟米，菜，瓜等…豬骨湯就啱淥肉類，丸類等…出面個自助食物吧都好多元化，有特別既丸類，三文魚丸，鱈魚丸同芝心丸，菇類有金菇，雞脾菇同冬菇，菜又有幾種選擇，多到食唔曬…飲品吧除左汔水類，仲有果汁汔水可以DIY配，蘋果溝提子溝雪碧等，包你鐘意~食完正餐最後當然要吃甜品啦，當日甜品有香蕉朱古力蛋糕，泡芙及自助乳酪雪糕蛋糕細細件，泡芙又多忌廉，乳酪雪糕有原味，雜莓味同雙併，加上有8款配料，正！

這間牛涮鍋每逢假日都大排長龍，我也來過幾次。為免企得太久，我六點鐘便用app取票，然後過十分鐘才出門口，只是等了十五分鐘左右。一坐下還未吃已覺得熱，心想自己是企到熱。我們一行四人點了$158餐美國入口牛肉放題。牛肉切得薄，脂肪比例是肥了一點，但對得起這個價錢。其實每次來我都比較喜歡吃豬肉片，比較甜和有質感。我們挑了甜豉油湯底，感覺日式一點。醬油corner,我喜歡黑椒唐辛子醬油，加一點柚子醋和加一點麻醬。鍋物既種類不算多，有脆皮腸，餃子，腐皮，蔬菜，年糕，四款丸如魚蛋，豬肉丸等等。面食有烏冬和拉麵。開始打十分鐘便開始流汗，之後便是一路流汗一路吃，實在令胃口大減，雖然食物質素是可以的。限時90分鐘，但我們真的忍受不了這麼熱，60分鐘便走了。埋單時侍應也說是冷氣問題亦困擾他們，不過暫時是解決不了。我不是太怕熱也頂唔順,怕熱的人要想想啊！

牛涮鍋我已經唔係第一次食呢間餐廳，但食左好多次都未厭呀，所以今日午餐再去瘋狂食牛肉。因為有訂位所以企一陣已經有位坐，當然坐底就叫我最中意既澳洲靚和牛啦，我朋友仔就叫左海鮮試一試。海鮮就咁睇都知新鮮，有光澤，冇腥未，簡單滾一滾，唔洗點調味料都好鮮甜，特別係個蝦非常彈牙。跟住就係澳洲和牛，脂肪比例就係最好，脂肪紋分佈平均，加上牛肉厚薄啱啱好，放入湯度滾一滾就食得。放入口度立即有強烈既牛肉香味，油脂溶喺口裏面，牛肉非常嫩滑，唔會有鞋同有渣既感覺。中意打邊爐又中意食牛肉一定要試。

當中有不同級數的肥牛來收費, 選了第二級- 澳洲和牛.選左兩種湯底- 一是豬骨濃湯, 濃湯太濃, 雖然之後會加水,但略為太濃了. 另一是泡菜辛辣湯.超正, 帶d泡菜少少辣, 有d蕃茄酸味, 能提升牛肉的味道, 超正 外面見到好多配菜, 大部份都是蔬菜類, 麵類, 菇類, 丸類, 買相整齊及新鮮,因主打牛肉, 所以只係取了少量因友人來過多次, 知道佢會每人比一份豬肉片及雞件, 都係個句, 主打牛肉要留肚, 所以就跟侍應講只要一碟.豬肉片 : 因煮得有d過火有d un, 無豬SO味, 味道一般雞件 : 肉質好結實, 有驚喜, 似新鮮雞的肉質, 雖然放在湯裏無乜咸味, 只要點少少醬油, 已經覺得好好味啦主打牛肉 : 每碟效果都有不同, 有d是鮮紅的, 有d是深紅色, 有d雪花肥油較多, 有d就較少, 但總括是肉味好濃, 入口不是溶化個種, 係有少少口感, 又柔嫩, 又滑, 超正. 主要是不要煮咁耐, 五秒已經好夠, d肉帶少少紅, 食落就最正斗.甜品 : 軟雪糕, 云尼拿及士多啤梨及兩溝. - 質感不夠杰, 味道太淡, 尤其是士多啤梨味, 跟本係只有顏色沒有實際味道 .飲品是一般的汽水,果汁

由於媽子同老豆去左飲, 所以得番我同細佬二人世界香港人一年365日都好鍾意打邊爐, 我都吾例外於是我地2個就去左牛涮鍋拾下拾下...款式方面，和其他日式自助火煱店型式一樣，有不同價位的套餐選擇最後我們選了178元的, 有雞肉可以吃叫左個鴛鴦鍋底, 牛肉和雞件並無太大雪味, 睇起來仍算新鮮, 只是每次的份量都不多要經常落order, 依度有少少扣分 安頓好之後, 我們就出去拿火鍋料, 選擇都是一般的蔬菜, 芝士腸, 丸類, 芋絲, 肉丸, 水餃和菇類等食物, 由於侍應不停補給, 絕對不會無得夾, 不錯。另外, 較特別的地方是自助吧有熟食提供,有鰻魚炒飯, 冷麵等等, 可以比客人先食少少野打底, 吾會餓親, 其中鰻魚炒飯非常值得推介, 好香的燒汁味加上飯炒得粒粒分明整體味道中上, 火鍋配料選擇多, 環境舒適, 侍應態度有禮值得一提是店內有軟雪糕提供, 有雲呢拿, 朱古力, 芝麻, 豆腐等選擇, 食飽飽加上一杯美味香滑的雪糕 , 絕對可以為依餐劃上完美的句號。

要去荃灣睇醫生, 睇完醫生後就去左荃灣廣場既牛涮鍋度開餐，見餐牌既黑毛和牛既相好靚，塊塊牛肉既雪花蚊好似雲石咁靚而且價錢都可以，咁就選擇左依個放題。叫左個壽喜燒湯底之後，馬上order牛肉，牛肉未嚟之前侍應生己經放低一碟豬肉併雞肉同埋海鮮併盤，豬肉都幾好食，而海鮮併盤內既蠔同蝦尚算新鮮，蠔肉都叫肥美。終於等到黑毛和牛上枱，賣相同menu一樣雪花都係好靚，牛肉入口軟滑，牛味突出，沒有好肥的感覺，感覺值回票價。其餘D丸類都唔錯，食飽後加多杯乳酪做甜品結尾，真係滿足。

牛涮鍋近年都十分所大眾所愛，今次到荃灣的分店，等位時間十分之長，幸好可以到周遭的商店行。湯底都有很多選擇，而我最喜歡的是泡菜湯，昆布是最安全的。荃灣分店的配料份量和選擇都有很多。我和朋友選擇的牛肉是最便宜的，但味道也不錯。

和友人帶著寶貝出荃灣閒逛，不經不覺已接近二時，朋友表示荃灣廣場比較多食肆選擇，然後想到牛涮鍋的素菜放題。怎知到達店舖，才發覺沒有提供.....不過沒所謂，反正自取的食物適合素食人的還不少。自問不是食肉獸，所以見到有六十分鐘放題包括海鮮在內，價錢還只是$88加一，不加思索就點了。一客海鮮盛合包括大蝦、帆立貝、魷魚及鮮蠔各兩粒。由於要食埋朋友那一份，足夠有餘。其他自取的食物包括各式蔬菜、菇類、豆腐、芋絲、烏冬、拉麵、炒飯和白飯。飲品則有橙汁、蘋果汁、檸檬汁、提子汁、可樂、ZERO，芬達、雪碧和梳打水可以選。和牛一相比，選擇不算太多，但最少食材新鮮。我們選了蕃茄湯，湯底不錯，後來要加湯，還是加回蕃茄湯，值得一讚。海鮮盛合的食材也很新鮮，只是魷魚灼熟後非常細隻。由於只有一小時時間，所以安排坐下後便即時取自取食物，然後等湯和海鮮盛合上桌又等了約十五分鐘，然後到了接近夠鐘前十分鐘，侍應便會「溫馨提示」同時埋單，所以感覺是吃得有點趕的。撇除這部份，總算是很稱心滿意的。

年三十晚無訂枱，唯有早點去排隊，估唔到的是，六點去到都要等個半小時。無辦法!　每輪限時90鐘，第一輪六點開始，食到七點半，換言之，我至少要等上一小時終於叫number到B47，店員先幫我地落order，我地揀了鴛鴦湯底，骨膠元濃湯x魚即魚清湯，再揀了168的美國上級牛肉店員終於領我們進去啦!! 爸媽已經一個箭步拎蔬菜，粟米...蘿蔔...雞脾菇...京蔥...香菇...（水都未滾就迫不及待倒晒落鍋裡）因為水未滾，又怕餓親兩老，所以拎左碟炒飯，等佢地頂住先，洋蔥好香，但油膩左少少主角來了－美國上級牛，薄切，肥脂分佈尚算平均，烚兩烚就食得! 得左 （而且可以無限encore）我們一行四人encore左四碟! （戰鬥力逐漸消耗）自己可以去調配醬汁，芝麻醬是必備的配角就是這個豚肉+雞件，我們只encore了一次（豚肉就是麻麻啦! 有少少韌，亦有可能係我地怕難熟，所以烚耐左）之後都係普通打邊爐配料啦為左貫徹多菜少肉的習慣，在四個人食六碟肉的同時，我們也encore了無限多的金菇、生菜、唐蒿最後最後，自己去整雪糕! happy大約七點半入座，裡面都坐得好滿，我地大概八點十離開，外面仲排住隊架

今晚難得家人休息決定總動員一齊去慕名已久牛涮鍋check check 牛肉質數，可能7點早到咗一行人去到門口唔需要等直接入座，全家4人選擇最基本$158套餐，員工態度有禮勤快，收碟必問你需唔需要再加肉？抵讚肉類質數明顯較高、雪糕必食推介誠意制作，美中不足，配菜方面選擇太少只有娃娃菜、油麥菜，丸類亦只有4種其中2款芝士包心丸個人感覺太溜 1粒已經收手，感覺不如反璞歸真直接來個豬肉丸或牛肉丸還沒有那麼做作，炒飯太咸而且放得太長時間全部倒得失望，整體食物質數ok，但以價錢衡量坊間放題選擇亦不少，唯一氣結就係成個場無冷氣，我一邊食一邊抹汗心唸食物ok熱D就熱D啦照食，十分鐘之後我後悔了、我徹底後悔了，自己感覺像桌上的肥牛一樣掉進一個湯池一般的無間地獄，因為我由頭濕到落底褲件衫係揸得出水個隻，我望著個爐再望著我碗入面熱氣騰騰嘅食物再望著鄰座射向我的奇異目光，那一刻我真的想哭了，我問自己打個邊爐而已為什麼要落得如斯下場？90分鐘任食結果用咗3包紙巾抹汗飲咗3杯汽水全程只有20分鐘係勉強抵抗高溫迫自己食其餘時間要到商場吹風，食物質數再高亦難令汗流浹背的人咽下，人生有幾何，絕對可一不可再！

牛涮鍋都食過好幾次...每次去都係有進步的!!!先講湯底!!!十分欣賞的泡菜湯!!!一D都唔辣但就有好香好濃的韓味哈哈鍾意韓菜的我當然唔放過!!!次次去多數都係食最平的價錢..因為其實最平已經唔算差..肥唔係太肥..已經好好了..比起酒樓個d成塊8成都係脂肪..呢個價錢已經達到要求..打邊爐除左配料..我覺得最重要係個醬!!!!!!!!!!!!十分十分十分鍾意佢地的芝麻醬!!配肥牛真係好夾..個醬又香又係無限加唔會太肥..好好食的芝麻醬..又有豉油加蔥花~~另外要講既係個烏冬..無記住好似係稻庭..總之係出名的烏冬牌子..好彈牙加埋個芝麻醬.又係一絕~~上菜快野食好..而且宜家唔止汽水咁簡單..又教埋你沖soda飲..最正係仲要自肋雪糕..可可片同朱古力任加..真係一次比一次好~~

牛涮鍋跟其他牛字輩日式火鍋放題一樣，都是選了一種肉類，然後另外自取不同的丸類蔬菜類粉麵等等。這裡的肉類可以吃完再追加。任取食物的種類很多。而且裝修整潔。湯底選了蕃茄濃湯，都有蕃茄的酸和香。第一碟牛肉的紋理不多，那片肥膏聚在一起，幸好之後的追加牛肉紋理較好。