牛涮鍋 (Moved) New Location

琴晚同左兩個fan同女友去左呢間店試下,叫左個上級進口牛肉,佢上菜時會連埋d豬肉比你,而且可以不斷refill.火鍋料就要自己出去攞,但選擇唔多,但一定要試烏冬同年糕,好好食,佢呢間野有樣幾好,就係會有盆冰比你過冷河,就算係夏天打都冇問題,原本咁食都幾過癮,d肉因為過左冷河,所以會比較彈牙,而d烏冬更加爽,可以試試一人埋單係$150算ok抵啦,下次可以再來.

雖然得60分鐘, 唔太夠喉, 但已經食到好飽, 飽到連雪糕都食唔落湯底: SUKIYAKI主打:薄切牛及薄切豬, 10款菜感想: 適合鐘意食菜的人, 因為菜係任拎, 配合sukiyaki的甜士油, 也很美味, 有點菜比肉更入味的感覺, 仲有雪糕食

今日同個舊朋友聚舊,去了開左冇耐既牛涮鍋入到去見到環境都好乾淨, 配菜食物都好整齊同好整潔,同埋REFILL 食物都好快,可以令你在90分鐘內盡情享受,唔會白等,我地兩個人食左四碟牛/豚肉, 最值得推介是魷魚丸(唔知有冇記錯名), 丸裡面有魷魚肉同好彈牙...正呀!!粟米好甜, 豆腐好滑有豆味,同埋佢仲有好多不同醬汁, 我試左麻醬,山葵醬油同埋柚子醬油, 真係各有特色,最後仲要讚埋個稻庭烏冬好鬼正食埋個芝麻雪糕簡直係一個完滿既晚餐,但我這一餐有一樣唔好的, 就是個待應落錯單, 我本來是點了$138 美國牛肉放題,點知原來我們食的是$108牛肉放題(埋單先知,等我一路食一路諗點解d牛肉咁差既)$108的牛肉放題 d肉好鞋可能冇脂肪唔好食 豚肉就好食,不過我下次一定會再去試$138的, 唔知係唔係我大食, 我總覺得90分鐘唔係好夠時間

今日難得同老公撐枱腳, 於是試下呢間新餐廳.我地揀咗 $138 美國牛肉同豬肉套餐.唔係心理作用, 第一轉D肉滑D, 軟D, 老公直頭睇顏色都睇得出有分別, 以為人地送錯咗平果隻.配料較少, 因為係煮, 所以無話好唔好味.不過, 落咗醬汁, 明顯D肉好味好多.至於湯底, 我就食唔出有嘜分別或邊種好味.食咗兩轉肉已經好飽, 雪糕就一般好味, 反而平時唔食烏冬既我, 都食咗兩轉稻庭烏冬.我地啱啱好用90 分鐘食哂.唯一唔好就好坐近門口, 成日有等位既人望住我地食嘢, 評論果時又要俾我地聽到哂.

開飯喇 走去試下牛涮鍋先6點幾去到 都有唔少人 但係仲有位 睇下有咩食 同埋價錢如何 都ok喎..但係要等埋o的朋友 結果就去周圍行返陣先~8點幾 先齊人=p 好啦 去喇.. 結果要等位.. 3台 不過都好快環境 都幾好 幾乾淨但係不足之處係我地5個人 要坐4人台 不過還好 d台都唔算細張 ok既..)規則:晚市分左4種等級 普通豬牛 高級豬牛 普通和牛 高級和牛 分別108 138 2xx 308 (唔係好記得..) 食90分鍾d肉佢會上比你 冇得任拎 食哂就叫佢添第一次試 食左108普通牛肉另外加左10蚊 選左任飲雪碧其他配菜 醬料 雪糕就任拎有麻醬 甜豉油 蔥花 同埋果隻酸辣蘿蔔 任你溝個蘿蔔食落都幾辣 但係唔酸 溝埋落o的豉油度幾好雖然係食最平果隻肉 但係d肉都幾新鮮 今次就選左兩種湯底 豆乳同和牛清湯豆乳湯老實就我感覺冇乜味 個清湯反而好味o的 唔錯!配菜一般打邊爐野都有 仲有隻牛蒡竹輪 廿廿地 我幾鍾意食!!員工既服務態度都唔錯 叫佢會應 禮貌幾好 有時見你裝肉隻碟/汽水隻杯空左仲會主動問你洗唔洗幫你添~ 讚下次再比多次機會佢 試下佢d高級牛肉先 P.S.午市去好似真係平

2010年5月30日 ( 牛涮鍋 - 1 ) (首評:135)全港第二間牛涮鍋已進駐於荃灣，該店經營方式是以日式涮涮鍋放題為賣點，宣傳資料顯示，這裡採用的牛肉是澳洲穀飼牛及美國Prime級牛；而優質牛肉是選用A4至A5級的佐賀或宮崎和牛，各類牛肉級數任選擇，豐儉隨意。放題是以限時內任食的方式進行，午市限時一小時，晚市限90分鐘。今天下午茶時間來到荃灣廣場，不太肚餓的情況下，選吃了兩個餐，分別為涮涮鍋套餐及混合涮涮鍋套餐，每個套餐有牛肉或豚肉一碟，飲品一杯，配菜及雪糕任食，每餐為52元，非常抵食。湯底有4款選擇：昆布、豆奶、牛清湯、牛泡菜辣。我倆選用昆布湯底，清清的湯底，雖看不見昆布，但昆布味濃郁，確實是美味的湯底。主菜：涮涮鍋餐全碟是牛肉，混合涮涮鍋餐一碟裡有牛肉及豚肉各半，牛肉及豚肉賣相鮮美，牛肉油花較弱，勝在分佈也平均，肉質鮮甜，豚肉油花更勝牛肉，豚肉油香更加可口。任食配菜有羅馬生菜、金菇、娃娃菜、火箭菜、韭菜、蕃茄、京蔥、白蘿蔔片、粟米、鮮冬菇、魚旦、油豆腐、雜菜魚餅、脆皮腸、獅子狗、芋絲、豆腐、黑薯糕、年糕、烏冬和素麵。配菜共二十多種，除了火箭菜有些邊位已變黃外，各樣疏菜都頗新