鳥海山鐵板燒 (Moved) New Location

唔常打食評 但鳥海山令我有衝動留個好評叫了主打的龍蝦二人set 有沙律刺身 幾樣鐵板燒主食鮑魚相當唔錯 好新鮮 亦整得入味 比預期中好食龍蝦相當出色 用蝦膏做汁煮番蝦肉 非常美味 亦係最推介的一道鵝肝多士入口即溶 亦好香油香牛肉薄燒相比之下有點失色 焦味多左少少 炸蒜略嫌太多炒飯好好食 香口且粒粒分明炒菜亦不錯坐吧台 睇見師傅功架純熟 冇多餘動作 令成個體驗更賞心悅目二人set連加一都係千三左右 呢個價位但如此高質 絕對值得推介！！

放工約左朋友食鐵板燒🍴1️⃣沙律配酸酸甜甜的醬好開胃2️⃣是日精選刺身🍣真鯛、油甘魚、三文魚腩及鲂（魚弗）魚配梅子啫喱。每款都好新鮮同肥美🤤3️⃣南非鮑魚 肉質好彈牙同鮮甜👍🏻4️⃣鵝肝多士師傅煎得岩岩好，入口即溶，好creamy5️⃣薄燒牛肉 夾左炸蒜同蔥，口感好豐富6️⃣活龍蝦最中意食鐵板燒原因就係可以啖啖肉🤤隻龍蝦仲有膏架🤩好味😋7️⃣炒飯粒粒分明，炒得好乾身。而且有我最愛既櫻花蝦🌸🦐8️⃣炒雜菜 9️⃣味增湯

放工後來一場視覺和味覺饗宴，這樣才對得起今天湛藍海水般的天和像鳥兒一般放飛的心情！本來想隨意吃點壽司和鐵板燒，但打開餐牌的一刻，被龍蝦套餐吸引了，看起來不錯，迫不及待想要試試！$948鐵板燒龍蝦套餐是日精選四色刺身全部係新鮮飛機魚，三文魚腩厚切油脂豐盈，最特別嘅係柑橘味啫喱，帶出魚鮮龍蝦新鮮活龍蝦彈牙鮮香，啖啖肉，非常滿足比目魚金色的魚皮焦香酥脆，猶如薯片一樣的口感，魚肉雪白細嫩，很有驚喜薄燒鐵板炙烤過後仍舊汁水豐盈的薄切牛肉，配以蔥花解膩椰菜香蒜味燙口的蔬菜，爽口炒飯色彩鮮豔的櫻花蝦粒粒炒飯，味道相對平淡，但顆粒分明，富飽足感麵豉湯完美句點出品有心思，環境舒適，係附近傾計聚腳慢慢嘆嘅好地方。

呢間餐廳係長沙灣MCL戲院附近，同男朋友睇完戲之後，就同佢去試下呢間鐵板燒。餐廳以日式居酒屋裝潢配精緻擺設，設有席前座位，可以欣賞師傅精湛廚藝，好啱慶祝生日或者同朋友聚會。今日試下鳥海山鐵板餐二人前車厘茄生菜沙律- 配咗酸酸地嘅汁，作為前菜，好開胃👍🏻是日精選刺身- 春魚、鯛魚配酸汁啫喱、油甘魚、鯛魚，四款時令刺身，店員上菜時有細心介紹次序及食法，好細心。刺身新鮮，魚油豐滿👍🏻👍🏻非常高質南非鮑魚- 肉厚爽身，鮑魚味濃郁，鮮甜味明顯，我同男朋友最鍾意食呢一道菜👍🏻👍🏻龍蝦- 上菜個陣嚇親，好大隻。廚師拆晒所有龍蝦肉出嚟，再用返蝦頭既膏去炒蝦肉，肉質爽口，掛滿晒蝦膏嘅蝦肉好香口，正。鵝肝多士- 鵝肝厚身，一咬落去好多鵝肝油流晒出嚟，非常香口🤣 由於男朋友唔食，於是乎我一個人食咗兩份😋😋😋正牛肉薄燒 - 燒牛肉裏面包咗乾蒜同埋蔥，減低左牛肉嘅油膩感，唔錯。櫻花蝦蛋炒飯 - 蛋炒飯粒粒分明，炒咗櫻花蝦，增加左飯嘅咸香，啱啱好一人一碗。麵豉湯及炒野菜- 最尾上咗麵豉湯同埋炒野菜，蒜蓉炒椰菜絲都幾好，麵豉湯入面有好多豆腐仔同埋海苔，份量好足😋😋👍🏻最後男朋友都話我冇介紹錯😆今日平日過黎都幾乎全場

今日放工同同事一齊去食好西，見OpenRice 呢間鐵板燒都幾多食評，以鐵板燒黎講價錢都唔算貴就去一試🥰去到見到有bar枱同4人枱，不過當時bar枱已經滿晒人，坐bar枱就有氣氛啲。今次就叫左人氣之選鳥海山鐵板餐 $1198，入面都包幾多野，本身仲驚太細份唔夠食，去到最尾飽到飯都食唔落😳店員仲好好態度，上菜個時亦都有介紹。首先上左個柚子醬油汁沙律🥗是日精選刺身:左上至右下分別係赤小鯛、三文魚🍣、活赤貝，三文魚腩之後就上左鵝肝多士😍鵝肝都有反咁上下厚度，多士就吸左鵝肝啲精華之後就到我覺得最好食嘅磯煮鮑魚(用日式醬油同昆布慢火整)，食落係好爽又有鮑魚嘅鮮味龍蝦🦞上枱嘅時候已經切好左細細件再配埋成個龍蝦殻，又可以打卡又食得。個龍蝦肉由醬汁同龍蝦膏一齊煮，食落去偏濃味，不過都好鮮甜食完龍蝦仲有牛肉薄燒，牛肉包住左蔥同蒜蓉，食落都唔會覺好油膩最後就一次過上晒櫻花蝦炒飯、蒜蓉炒椰菜同埋味噌湯

特別日子想食好西慶祝本身想book嘅餐廳滿左 膽粗粗早個半鐘試吓book哩間 成功！一路都好想試下鐵板燒可以望住廚師整 香噴噴 好好嘅體驗餐廳得幾枱客 大家都揀坐吧枱價錢方面 平均600蚊一個人比起出面啲鐵板燒嚟講算平叫左個鳥海山鐵板燒餐 $1198 2人前第一道：刺身拼盤由左上順時針: 春魚, 鯛魚配酸汁啫喱, 油甘魚, 鯛魚職員有介紹次序同食法 好好服務酸汁啫喱好香柚子味 就咁食都唔會太酸配埋刺身更加相輔相成油甘魚油脂豐盛 一咬就融 好新鮮🤤第二道：燒活鮑魚主角之一：鮑兄size都唔細 拼埋應該差唔多手心咁大我打完卡 女朋友就忍唔到食左舊佢即刻拍我激讚好好食 (平時好少咁激動(˶‾᷄ ⁻̫ ‾᷅˵)我食完都明！有咬口 超新鮮肉汁豐富！仲有牛油香！真係好欣賞！第三道：燒龍蝦🦞上碟時龍蝦已經拆哂肉切埋bite size仲好有睇頭添✨龍蝦肉仲用埋龍蝦膏炒成件事好濃縮肉質結實 同埋份量都唔少架第四道：鵝肝多士外層脆 入面嫩多士用油脂烘到脆女朋友食左一半比我。。食左一塊半好夠皮第五道：牛肉薄燒女朋友唔食牛肉 可以轉豚肉生薑燒不過一轉就要2份都轉佢就讓左牛肉比我不過哩個我個人就覺得麻麻佢用薄牛肉包住

做嘢做得咁辛苦，放工梗係要搵啲好嘢食啦！今日同好朋友嚟到長沙灣呢一間鳥海山鐵板燒，我哋今次食好啲，叫咗個了海山二人套餐，好豐富，食材品質亦都好高首先，上咗個沙律，好新鮮爽脆之後嚟咗四款刺身，職員好耐心咁介紹每一款刺身嘅食法同埋佢嘅名稱愛女，鷹羽鯛，目仁川，蓮子鯛，全部都係比平時比較少見到嘅種類嘅魚生，好新鮮，好有魚味愛女係用醋嚟調味，好特別未試過，其他嘅魚都係用醬油配Wasabi之後，都係燒鮑魚，鮑魚好厚好大隻，笑得好嫩，一啲都唔會韌，好味再嚟就係活龍蝦，蝦肉好彈牙，啲汁應該係用啲龍蝦膏嚟整嘅，好濃味，正鵝肝多士，熱辣辣，好多油超好食，平時我唔係咁鍾意食鵝肝嘅都覺得好好食牛肉角燒，燒牛肉包咗啲葱，好濃的葱味之後有麵豉湯，炒飯同埋炒椰菜，炒飯炒到粒粒分明，椰菜亦都好鮮甜呢餐食得好飽，好豐富，呢個價錢真係值回票價，又有鮑魚，龍蝦，鵝肝食員工服務又好周到，我哋只要趁熱食唔好掛住傾偈，同埋過嚟斟茶

佢嘅鐵板燒煮嘢技術真係一流，好多款燒得好香好鮮味嘅食物：啤酒炒飯、比目魚、牛肉、蝦仁等等。啲煮嘢師傅煮緊嘢嘅時候都會喊出佢哋嘅口號，真係好有氣氛咁！除咗鐵板燒，我哋仲試咗啲湯同埋小食。我尤其鐘意佢哋嘅味噌湯，好濃郁香口。而啲小食都好有特色，我尤其鐘意佢哋嘅炸蝦頭，好酥好脆！

今次嚟到長沙灣食間隱世鐵板燒，店內座位有限，今次坐唔到吧枱，想食嘅朋友仔記得下次早啲訂位~鐵板餐有幾個價錢揀，我哋揀咗海虎蝦同埋鐵板鮑魚。沙律加咗醋非常開胃先上兩個餐嘅6件壽司同埋刺身白身魚包括黑鯛等都係比較淡味，但勝在夠鮮店員好細心，提我地醬油漬吞拿魚同埋三文魚子唔使再點豉油，而壽司入面都加咗Wasabi三文魚腩同油甘魚都非常肥美！燒鮑魚同埋燒海蝦都勁香牛油味鮑魚爽口好彈牙，唔會食擦子膠咁！海蝦，非常大隻，個頭仲有好多膏，啲腳仔仲要煎到脆卜卜好似食緊蝦片咁😍清酒煮蜆啲蜆好大隻，清酒湯好濃郁，加埋蔥花好正，好暖胃比目魚油脂豐富，冇骨，超級肥美，塊皮又煎得好香😍炒野菜 炒飯炒飯粒粒分明，加咗櫻花蝦增加口感，食到呢度已經好飽，最後再加多碗麵豉湯畫上句號

📍長沙灣 鳥海山鐵板燒📍想食鐵板燒，就嚟呢間試下🤤🤤！嗌咗個活龍蝦餐 $948，二人前！🤤是日精選刺身：活赤貝、魴鮄魚、真鯛、油甘魚四款刺身都極高質！首先大愛活赤貝，應該係我食過最好食嘅赤貝，鮮甜爽脆🤤🤤🤤！之後係魴鮄魚刺身，第一次食呢隻魚，肉質紥實，味道清甜，店舖好貼心會配埋預調嘅醬汁，不用點豉油。然後到真鯛，魚香清晰😆。最後係油甘魚，配了酸汁啫喱中和濃郁嘅魚油香，一流嘅配撘。欣賞店員會介紹食嘅次序同埋配醬，可以享受到不同層次嘅刺身！🤤沙律🥗🤤活龍蝦鐵板燒大大大推龍蝦鐵板燒！首先係拆哂肉好方便，但同時擺盤有氣勢。然後要大讚師傅發揮咗鐵板燒嘅好處，將龍蝦燒得好香又多汁，加埋本身龍蝦膏，每對鐘意海鮮嘅人嚟講，一啖都係極致嘅享受！一定要試。🤤比目魚 牛油香好出，同比目魚好夾🤤🤤。魚皮係精緒😆😆，超香脆！🤤牛肉薄燒呢個都好正，牛肉包住炸蒜&蔥，要口感有口感，要肉香有肉香！🤤野菜🤤炒飯粒粒分別🤤，有蛋香&蝦🦐嘅味道，好正嘅主食😆。🤤味噌湯環境好靚，舒服，闊落！服務態度都幾好👍🏻！推介！

在寂靜的晚上，這家高級鐵板燒座落長沙灣的一隅，用上昴貴的用料，讓食客能想像到比居酒屋高一層次的食品服務比居酒屋更好前菜沙律清新的日式油醋吊起了生菜的味道刺身拼盤魴鮄 柔軟稔滑的白身魚，入口細膩， 浸泡在醋漬汁之中， 相當開胃真鯛 比較白𥇦的真鯛肥美而不腥，鮮味不俗目仁奈 口感非常爽脆，外皮一咬即彈，很正點油甘魚 肥美鮮味，醋漬啫喱的酸味提胃，味道出色磯燒鮑魚以濃郁的牛油把鮑魚炒香，鮑魚煙韌有嚼勁，口感夠，味道濃，調味出色伊勢海老同樣以濃郁的牛油把龍蝦炒熟，口感軟滑，極致鮮甜，爽彈無比牛肉薄燒軟稔的牛肉把一束蒽段包裹著，口味濃而牛肉稔軟，入口不用咀嚼便可以吞下，不錯鵝肝多士鵝肝油香撲鼻，在多士的互相輝映之下味道更是迷人味噌湯味增味道濃郁的湯品， 味道恰到好處炒雜菜炒得惹味

餐廳設於長沙灣昌華街，地鐵站行過去大概8-10分鐘。本身打算食個平少少嘅二人鐵板燒餐，但見到龍蝦鐵板燒幾吸引，其他中價鐵板燒餐廳都要成千蚊一位，呢度，$1198/兩位，食物都算豐富。是日精選刺身 (四款): 分別係赤伊佐木、赤小鯛、帆立貝、油甘魚，赤伊佐木為白身魚，口感爽身，味道清甜無赤身魚咁濃，所以廚師用左酸汁調味，味道唔錯；赤小鯛肉質較爽實，魚味較鮮甜。燒活鮑魚: 鮑魚新鮮，肉質爽滑，雖帶微微焦香，但仍保持豐富肉汁，非常鮮甜。燒活龍蝦: 鮮活龍蝦肉質十分爽彈，龍蝦肉鮮甜，廚師仲將龍蝦膏及味噌與龍蝦肉爆炒，使其味道非常鮮香。鵝肝多士: 鵝肝香滑多汁，質感細嫩入口即溶，多士微脆，除增強口感，亦能降低極體油膩感。牛肉薄燒: 脂肪含量較多，油香重之餘，亦夠幼嫩滑身，內餡為香蔥碎，幾香口惹味。櫻花蝦炒飯: 米飯採用日本珍珠米，飯粒夠乾爽，顆顆分明，炒飯調味得宜，而且櫻花蝦份量唔少，令炒飯幾鮮味。炒野菜: 椰菜絲加入大量金蒜炒製，蒜香幾重，撈飯食幾香。味噌湯於用餐後奉上。

鳥海山鐵板燒 📍長沙灣昌華街23號富華廣場地下18號舖━━━━━━━━━━━━━━━━━━━━━━━━━━━━好少嚟長沙灣 今次係因為bookmarked咗一間鐵板燒🫶🏻 小店不大但坐得寬落~ 嗌咗龍蝦餐 $948 +10% 兩個人 都算抵食~除咗呢個餐之外餐廳仲有好多其他選擇~ 豐儉由人😙━━━━━━━━━━━━━━━━━━━━━━━━━━━━🥗 沙律▶︎ 開胃之選~ 沙律菜冰爽 個汁都幾濃味!好味指數:●●●◐◯━━━━━━━━━━━━━━━━━━━━━━━━━━━━🍣 刺身▶︎ 四種刺身嘅拼盤 上檯時店員會介紹食嘅次序 分別係愛女魚 油甘魚 帆立貝 三文魚▶︎ 愛女魚入口幾有嚼口 咀嚼過後散發魚味 口感亦略帶軟糯 仲會有少許青檸皮嘅清新 ▶︎ 略略炙燒過嘅油甘魚 入口軟綿油香四溢 配上清爽醋凍都幾解膩!▶︎ 帆立貝配上酸爽嘅柑橘醬 完全同頭先嘅油甘魚風格唔同😙 ▶︎ 三文魚切得好厚好肥美~好味指數:●●●●◐━━━━━━━━━━━━━━━━━━━━━━━━━━━━ 🐟 比目魚▶︎ 分量好足~ 比目魚入口就化開 而且汁水好足 皮薄脆焦香 油脂感都幾足👍🏻▶︎ 調味不重 所以食到魚嘅原汁原味 🫶🏻

假期先至完咗一星期，已經返工返到枯燥難耐😞雖然返咗嚟香港，但係個心依然係外地。又有排先到暑假，點捱啊😫唯有搵餐廳食好西，扮自己去日本😞於是就搵咗呢一間日式鐵板燒餐廳——鳥海山。一入到餐廳，裝修同佈局都幾似日本嘅鐵板燒餐廳。牆身有一幅日系嘅水墨畫做背景，幾有日本風情！我哋點咗一個「鳥海山鐵板餐」（$1198），包括以下九樣東西：．是日精選刺身🍣．沙律🥗．活龍蝦🦞．活鮑魚🦪．鵝肝多士🦆🍞．牛肉薄燒🥩．野菜🥬．炒飯🍚．味噌湯🥣🍣是日精選刺身有鯡魚、油甘魚配柚子醬油啫喱、以及三文魚腩、同埋蛋黃醬鮮帶子！鯡魚新鮮爽滑彈牙！而啫喱酸酸鹹鹹超級惹味，味道層次感UP!!而家油甘魚稍為炙燒過，逼晒啲油香出嚟食完之後，吞咗嗰吓，都仲係齒頰留香😍好幸福嘅感覺；三文魚腩超值回票價，大大塊，育新肥美，油脂分布均勻！啖啖肉！至於蛋黃醬帶子，味道非常之有驚喜！當你以為都係好普通一濃味一鮮味嘅時候，佢狠狠地打你一巴，因為個蛋黃醬唔係普通好油膩嘅蛋黃醬，而係加咗一啲柑橘類水果，令到成個醬汁酸酸甜甜，將帶子嘅鮮味提升到另一個層次！🤩 唔係店員介紹，我哋都唔知嗰個係蛋黃醬！🦪鐵板燒鮑魚飽食非常新鮮！😋每一嚿都被特製醬汁包裹

之前有朋友介紹呢一間喺長沙灣嘅隱世鐵板燒，不今日就同屋企人慶祝生日，所以過去試吓 之前我哋都打咗電話嚟預訂，去到確認資料之後就好快入咗去 餐廳位置位於長沙灣C2出口步行大概五至六分鐘度，位置都唔係好難搵到 一坐低，侍應好有禮貌，咁介紹餐牌俾我哋，亦問我哋係咪第一次嚟 由於慶祝嘅關係，所以今日就打算食有龍蝦嘅套餐，侍應就介紹咗呢一個伊勢海老龍蝦餐俾我哋 上餐之前亦都好細心咁問清楚我哋有冇食物敏感同埋有啲乜嘢係唔食 呢個位非常值得加分 頭盤係一個沙律，主要係生菜同埋車厘茄，配上佢嘅特製醬汁，酸酸地非常開胃 刺身有四款，分別係平目 、葉血引、油甘同埋黑鯛 店員溫馨提示我哋近呢一個次序食平目魚既味道非常清新，肉質亦爽口彈牙，平目魚晶瑩剔透，師傅更係刺身上𠝹花，非常有心思葉血引魚味道肥美，油香，紅肉肉質爽脆，超級正！油甘肉質鮮甜無比，風味鮮甜，食落淡淡甘甜 黑鯛既肉質就比較細緻同紮實，而且十分富有口感同鮮甜香煎比目魚非常出色，有兩大件，表皮煎得非常香脆 比目魚嘅賣相亦都非常吸引，咬落去油香亦豐富 廚師做到唔會煎得太乾身，比目魚食落去仲有肉汁嘅味道 呢個位值得一讚跟住就到今晚嘅主角龍蝦 一上枱已經