我杯茶 (永興樓)

Open Now

Now Closed

沙嗲牛肉蛋治 ($23)這份蛋牛治的牛肉份量明顯比淨牛治多 炒蛋還蠻厚且滑 生熟程度掌握得不錯 不會生到令蛋汁留在麵包上 ☺️ 整體味道偏濃 本應很適合重口味的我🙋🏻‍♀️ 但😭唯一缺點 沙嗲味很淡!! 是因爲與蛋完全融合了嗎?😂 上次吃的淨沙嗲牛治 沙嗲味反而比這更突出...⚠️記得一定要烘底☺️😍⚠️沙嗲牛肉治 ($20)好壞參半啦🤨 $20一份三文治 期望蠻高的 可惜當食物一上桌 半塊牛肉已經瞬間掉出來了😂 而且牛肉份量不一!!! 😾一邊只有一塊 另一邊就有三塊牛肉😥.... 味道方面 無可否認 牛肉肉質夠軟淋👍🏻帶陣陣沙嗲味 如果再濃一點會更好😌會再來嘗沙嗲牛蛋治的🤘🏻經典奶茶 ($16)奶味略較茶味突出 入口不澀 口感滑 雖然色澤剛好 但#茶控 還喜歡更濃一點 整體來說 是好喝 不過還沒到特別出色/一喝就愛上的地步。建議不要加糖 仔細品嘗茶香奶滑的感覺☺️✌🏻-題外話 剛開始以為店員每次都會問客人甜度想要多少 但家人去的時候反而沒被問到 還自動加糖了 你們去的時候要注意⚠️

灣仔區新開了兩間食店，同樣來勢洶洶，成為長龍店。我兩間都想試，但又不想排隊等太久，於是便在周末早晨，專程到港島光顧。首先去我杯茶，策略正確，果然沒有人龍。我只想試沙嗲鮮牛肉蛋治，因為還要留肚吃別的食物。收銀姐姐打單後告訴我$23，付款後我看到價目表，明明應該是$28。為免出錯，我便問清楚，那個似是店長的男士告訴我，是「推廣價」。單張列的價錢已經寫明是「推廣價」，那麼我便是付了推廣的「推廣價」了，旁邊那位女士，也以$13買了奶茶。我站著看師傅弄我的三文治，但也等了約十分鐘，我特別要求他留邊。拿了三文治，便站在店內一旁拍照，然後進食。炒蛋做得滑溜是必然的了，重點在牛肉，也炒得很滑溜。如果真是用鮮牛肉的話，便醃得過份「淋滑」了，不過十分好吃。同意網友推介，沙嗲牛肉較鮮牛肉惹味好吃，因為牛肉都以同一方式來炒，分別只在放上麵包時，沙嗲牛肉會加上沙嗲汁。我亦建議大家去光顧，可以的話便儘快吃，因為外賣帶走，放久了炒蛋和牛肉汁會滲落麵包上，令麵包變得濕軟，影響口感的。不枉我冒著寒風一早過去灣仔，這份推廣價的沙嗲鮮牛肉蛋治，確是美味。

為咗杯奶茶而嚟~地方唔大, 隨時企係到食。叫咗杯經典奶茶($16), 沙嗲牛蛋治($25), 鮮牛蛋治($25)~奶茶好香茶味, 飲落去好滑, 夠熱~但就太甜啦, 自己落糖會好D~佢個沙嗲牛蛋治好香沙嗲味，牛肉唔似街邊拿到冇晒味，佢有牛肉味同埋夾埋沙嗲真係好惹味！鮮牛治就相對比起沙嗲平淡d，但食得到牛肉既鮮味，當然唔少得佢地既蛋啦，真係炒得好滑唔會老又唔會鞋，三文治真係出色過杯奶茶呀😆

去開灣仔梗係要試下新開嘅<我杯茶>啦飲完真心覺得係我杯茶💕😍。。。。。。。。。。。。。。。經典奶茶($16)▸▸由冠軍茶王羅德師傅親自冲出黎嘅奶茶果然係唔同啲🤤(睇住師傅冲，未飲已經覺得正😍)，茶同奶嘅比例岩岩好，茶香奶滑，甜度亦都岩岩好👍🏻連不太喝奶茶的朋友都覺得好飲😋。。。。。。。。。。。。。。。沙嗲牛肉蛋治($23)(烘底加$2)▸▸呢個真心好有驚喜😋 沙嗲牛肉好惹味，好香濃嘅沙嗲味，真係好正🤤而個炒蛋都算幾滑同厚，加埋烘底真心正👍🏻

在社交媒體看到這家店的奶茶報導，寫得這麼厲害，決定一定要來拜訪一下。今早趁上班前快速前去一探究竟，星期日早上八點半左右去到，沒有客人，茶王也不在，其他職員招呼都很殷勤。點了沙爹牛蛋治和熱奶茶走甜別人家的蛋牛治比較豐滿，我這份堂食的味道雖然好，沙爹帶點微微辣的香，又不會太濃但雞蛋很濕很碎，其他人的圖片看起來是很實在的炒蛋裹著牛肉，我這份牛肉和雞蛋感覺都有點不足，算是有點失望。奶茶就非常好飲，茶剛剛好，味夠濃，不會苦/澀或luc，奶也很香很滑，最重要是夠熱，夠熱令一切事物都更美好。39元，這份早餐吃完是帶著微餓離開的。16元的奶茶我覺得值得，23元的蛋治就不太值得。下次來看看有無改善。

週六的下午當然是要吃吃逛逛吧上星期與超愛吃的朋友在這裡吃我們當天的第2️⃣個tea👭。我杯茶剛開店的時候已經很想拜訪，要一嚐奶茶冠軍週六約五時到達，剛有兩三個客人排隊買飛，我們立即入隊，邊排邊看職員沖奶茶。話說，蛋牛治吃得多，沙嗲牛肉滑蛋治才第一次吃啊❗️🐮🍳 沙 嗲 牛 肉 蛋 治 $23 (+$2 烘底)一片片沙嗲牛挺惹味🤤 蛋也算滑又厚身，吃完不會覺得很油膩啊，不錯吃另外當然要試試經典熱奶茶 ($16)。奶與茶balance得剛好，對於受到甜的我來說，甜度適中。喝下去茶味與奶滑都嚐到，是挺好喝的，但就是沒有wow一聲🙊 反而覺得蛋治比較有驚喜~店裡有bar枱座位，但座位不多約6-8個，大家都快快吃完就走了。

一入到鋪頭 ,就聞到好香既紅茶味,似檸檬茶味,聞耐左又似鴛鴦味,嗯,即係紅茶底好香啦,其實奶茶難沖得好飲,檸茶都係,但去到每間茶餐廳都好想試左熱奶茶試試水溫先講返時,速度非常ok,好快4杯奶茶就到手喇,攞上手既時候係完全feel到滾熱辣既,聽講個杯係特製既,保溫但唔燙手既。(杯身係係較厚既)買完拎左好幾個站先飲,飲既時候已經唔係最熱,最印像深刻既係嗅覺既先享受,真係好香,其他好飲既奶茶都未試過聞落去咁香,網上做左功課話師傅會預先放好糖(一般舊式餐廳都會落埋,但一般都勁甜),佢無比棍,所以我無攪混,第一啖飲落未攪都覺得夠哂味(聽講有得揀糖度,但是日師傅無問我就,就先試原味啦),以前覺得好飲既奶茶,樣樣都夠哂味,糖都唔駛落都ok既係好奶茶,同可可,同豆花原理一樣,但原來仲可以咁香同咁順喉,飲落去咁舒服,唯一唔好既係飲到最後一啖 ,會好甜,都整體甜度對我黎講都略甜左少少,下次會試下揀糖度。其實食物既溫度係一個好好既加分題,成日所謂既"水滾茶靚",野食熱辣辣上咩都好味左d,但有時太熱會碌親人, 慢慢d野食都變噹常溫,大家都習以為常常件事,到突然遇上滾熱既野時,反而變左"特別事"依家最出名既奶茶

新開張時返工經過都見排了十零人，今天可能下微微雨的關係，竟然少人了，立即試試。叫了他們最貴的沙爹牛肉蛋三明治（$23），見佢是每份即叫即做，麵包軟熟，沙爹味道也濃，但個人覺得稍為咸了少少，如果喜歡口味重一點的人應該會喜歡，炒蛋也很嫰滑，整體來說是好吃的。奶茶夠滑，但不為意他們是直接放埋沙糖進去的，所以不要糖的記得叫走甜呢！店舖細細，以外賣為主，只有5、6張面壁位置。另外直得一贊，他們的外賣盒是非塑膠製品，比較環保。

早排睇某假期雜誌報呢間野有幾勁﹐所以想過來一試﹐係咪真係咁把炮。星期六朝早相對少人﹐基本上唔使等直接落order﹐然後3分鐘左右野食就已經到左。我order左一份蛋牛治加一杯奶茶(經典奶茶)杯奶茶的確幾滑﹑茶味有﹑甜味夠﹐唔使再加糖(除非你飲開台式)﹐但以16蚊既價﹐我覺得唔係好值.....令我感覺有驚喜反而係份咸牛肉蛋治﹐本身咸牛肉治15蚊﹐加蛋加3蚊(Total $18)﹐唔算好貴﹐但係咸牛肉同蛋平衡得好好﹐最緊要係可以睇住佢整﹐份量亦比我想像中多。幾好!

第一啖真係好好味，覺得重奶味。但係，飲多幾啖真係覺得越來越冇味。真係太多冰啦！感覺太搵笨啦！仲要凍飲要加4蚊，但係成杯都係冰。凍奶茶20 蚊雖然好味，但係真係唔低飲吧～總結 飲熱奶茶 會抵D

最近晚晚電視都會出現嘅奶茶王，今日終於親身去試試真真正正嘅奶茶王羅德師父主理嘅奶茶～～～可能唔係食飯時間唔太多人，我就帶走返公司品嚐，喺舖面見到羅德師父沖緊奶茶當然把握機會同佢影張靚仔相啦我買咗杯奶茶同沙嗲牛肉蛋治，價錢喺灣仔區嚟講都好合理，等咗接近十分鐘就有，公司離店舖都比較遠，大約要十五分鐘路程。一打開杯蓋香味不是太明顯(偷食都唔易畀人發現)，一飲落口就出現神奇嘅感覺! 茶香同奶味夾得天衣無縫，真真正正嚐到奶茶嘅香滑感，而且甜度非常適中，絕對唔會甜到搶去奶茶嘅味道，而我最擔心溫度問題又不存在，聽講個紙杯都經過特制可以保溫得嚟又唔辣手，你真係唔會捨得好大淡咁去飲，細細淡咁去品嚐當中好細緻嘅味道，飲完真係會有種失落感…仲有講返件沙嗲牛蛋治先，沙嗲味非常地豐富哩樣真係估唔到，牛肉亦非常有咬口，整體都出色過出面我曾經食過嘅鮮牛治。總結奶茶絕對係極品，肯定係我暫時飲過最好味嘅奶茶，另外沙嗲牛蛋治亦非常地出色，價錢方面食前覺得合理，食後覺得超值！

究竟佢係咪「我柸茶」呢？店中只有三文治和奶茶、咖啡、鴛鴦、檸茶等茶餐廳基本選擇。坐位不多，數張高櫈和一間小房(當時沒開，不知是否供VIP用？)。主打外賣吧？光顧時間非繁忙，可坐在店中慢慢品嚐。點了沙嗲牛肉三文治和熱奶茶。牛肉份量比想像少，但味道剛好。有時食店用較多的調味來掩飾肉質不夠新鮮。但這店的牛肉吃出新鮮，牛油也香。唯獨方飽未夠香軟。至了這得柸得獎奶茶。打開柸蓋，茶香隨熱蒸氣上升，茶色亮麗。看來很滑。呷一啖。茶夠熱也新鮮。由於偏愛較多奶的茶，因比較滑。一般茶記的出品不是茶太澀，便是奶多到欠茶味而且不夠熱。終於找到「我柸茶」有一點要注意: 茶已落糖(大概一茶匙吧)。若不吃甜的，請落單時聲明“不要糖”。

今早買了熱奶茶$16加沙爹牛肉蛋治$23返到公司一打開，發現原來沙爹牛肉蛋治即係咸牛肉蛋加沙爹!!!可能我見識少，好，我就打返去問，得到既回覆係:"我地有鮮牛蛋治，下次可以ORDER鮮牛蛋治加沙爹，沙爹牛肉蛋治我地係咸牛肉蛋加沙爹，你唔講要鮮牛，我地會俾咸牛肉你，唔好意思，我地寫得唔清楚"留意，兩者價錢係一樣既。而我現在得到既係一早整定既一劈凍冰冰既咸牛肉蛋加沙爹，但睇返之前D留言，人地叫沙爹牛係俾鮮牛仲要係即整! 可能我叫多左蛋囉，唯有係咁諗。P.S. 奶茶係ok 既

終於試了聞名以久"奶茶皇奶茶"，我平常其實唔係好飲奶茶，但今次試完，真系要改一改。我飲過其他奶茶，唔覺得有幾特別。但呢個真的唔同，真係做到茶香奶滑，未飲巳經聞到好香茶味，入口甘香絲滑帶點甜，味道唔同但又好夾，應該同外面用的奶有唔同，不過我又唔識到我最喜歡的鮮牛肉旦治，我本新鐘意牛肉，不過大部份茶餐廳牛肉都用很多食粉嗱過，無牛味無咬口。我杯茶就唔同，牛肉有牛味口感好，應該是用足料靚牛做。而家提供良心食材又收平民價的食肆都無幾多囉唯一要提一下就係無太多位坐，不過咁抵價錢加上今時今日租金咁高，呢個情況都了解。好食就企係到都無計啦

好耐無飲過咁有誠意既奶茶睇到廣告咁岩又係附近即刻去呢間新開既舖頭整番件咸牛肉三文治同香滑奶茶嘆下下午茶時間 好多都無晒貨但好好彩比我試到咸牛肉三文治雖然細細份 但都好好味奶茶香就成間舖頭都聞到聽到有人問洗唔洗落糖但要試真啲 緊係原汁原味啦茶味有 奶味又有係勁有誠意既一次享受