我杯茶 (永興樓)

Open Now

Now Closed

夏日炎炎，最好就係邊行邊飲杯冰涼嘅飲品！最近奶茶王喺灣仔開左間”我杯茶”. 之前試過佢熱奶茶，香滑而不苦澀，甜度正啱我口味！今次試凍奶茶，依舊香滑，口感十分濃郁正是我杯茶

早就聽聞呢間冠軍茶王出品，我地喺店名飄過幾次，但都未有一個用餐契機，是日去到灣仔下午茶，由於早到左又比較餓，機會就黎喇。週日中午時店內面積唔大，以外賣為主，全店都充斥住茶香，又真係幾吸引。堂食座位不多，用上高枱高櫈，唔算十分舒適，幸好食個包都唔會太耐，而且冇之前咁人頭湧湧，沖茶時間快，都唔會積聚太多人潮。餐廳除左供應奶茶、咖啡、鴛鴦，仲有港式輕食，例如三文治、菠蘿油，一律單點，定價$13-25。杯裝奶茶 $20/凍見大部分人都飲熱嘅，感覺上能夠直接試到香濃嘅奶茶。可惜天氣有點熱，我實在容不下熱飲。奶茶正常size，入口夠順滑，有明顯茶香而不澀，後續奶味更重，稍蓋茶味，甜度可接受今次只係試左凍飲，未知會唔會影響飲後感。沙嗲牛肉蛋治 $23寫住推廣價，原價28蚊，我地揀左堂食。上枱時已將一件三文治切成四小份，方便食用見大家都比較推薦要烘底，但我唔記得左…(嗚)包身較乾，唔夠軟熟，尤其是近邊位。炒蛋都幾滑嫩，牛肉碎上，唔算太少，都有存在感。不過對沙嗲汁略為失望，味道唔夠濃稠，汁較稀身，仲要係整好哂成份三文治先淋汁上。一般茶餐廳正正經經坐低食個早餐就當然唔洗呢個價，名氣佔半，未至於有種令我好想

因為喺灣仔返工，所以見證住佢新開張到而家大排長龍！一直都很多同事話好飲，所以心思思想試吓同平時茶餐廳奶茶有何分別！平日通常三點至四點最多人排隊，大概是因為Office lady想輕鬆下。叫咗熱奶茶一杯，果然杯味很香亦很滑！飲完即刻醒神晒！值得推介推介🙌🏻👍🏻

老細話今日可以返晏啲 咁我就決定去食個悠閒既早餐啦 朋友成日讚呢到既奶茶好出色 今日終於可以一試啦 去到鋪頭唔算大 右邊有一排高枱可以坐係到堂食 我就叫左一杯熱既經典奶茶 $16 同埋一份烘底鹹牛肉三文治 $17 坐左一陣好快就有得食嚕 可能因為已經過左peak hour啦 奶茶口感好厚 有港式風味 入口好滑 有淡淡既奶香 我無落糖 因為我覺得佢已經夠甜 鹹牛肉三文治烘左底之後都好難唔好食 哈哈 不過佢係好好食既 每一啖都食到鹹牛肉 唔會話淨係中間先有 周圍就得麵包 食飽就返工嚕

不枉我特登來試奶茶王既奶茶 茶香 入口順滑 完全唔澀口 真係一杯頂級奶茶溫馨提示：奶茶本身已落糖 要走甜請早掦聲不過佢加左糖都唔會太甜 因為我平時飲其他奶茶係不落糖都覺得佢可以接受蛋牛治都做得不錯 蛋滑牛肉淋 即叫即製飲完呢杯奶茶成日心思思想再飲 佢收6:00只可以放假先可以再飲 😣

家的附近不常都開新舖子，食店更是層出不窮。上週某天午餐不太肚餓，買件三文治買杯奶茶已可。走到春園街，見到一間新店，即管一試。店子不大，提供的三文治亦不多，來來去去不是蛋就是牛或火腿。本牛魔王怎會抵受得了牛的引誘，牛治乃必然之選。牛肉更分有鮮牛以及鹹牛的分別，小人當然二話不說的挑選了鮮牛肉。以包的比例來說，牛肉不算少，牛肉甚滑，沒有一絲筋；惟沙嗲汁不夠多，只能略滲進包裡，包顯得比較乾。蛋不算老，但未夠滑。奶茶至出色，喝到濃濃的茶記茶香。單憑一杯奶茶是不是就可以成為小人杯茶？暫且未能定論，但沙嗲牛治確屬不錯，只因小人確愛任何的牛囉………

平時大家可能都會去買杯珍珠奶茶飲下，但有幾多人會專程剩係買杯港式奶茶黎飲?我就認為無他既，十幾蚊買杯未必好飲既奶茶，唔抵囉港式奶茶識就簡單，沖起上黎就好多學問，沖得好飲既鋪頭唔多。.但如果咁啱黎到灣仔附近，咁你一定要黎搵一搵羅德師傅，飲返杯"我杯茶"，包你話超值羅德師傅係2010年港式奶茶國際比賽冠軍，之後重喺2011年攞埋鴛鴦王既名譽羅德師傅17歲就入行，依家已經63歲，幫過好多餐廳做開荒牛。依家正式主理呢間今年年頭開既 ”我杯茶” - 港式奶茶鴛鴦專門店，日賣過千杯奶茶，真係唔講得笑_______________🔹經典奶茶 $16呢杯奶茶，羅德師傅鑽研左足足四十幾年，未飲已經先見到功架.”我杯茶”採用開放式廚房，畀大家睇清楚一杯奶茶係點沖出黎, 羅德師傅就喺你面前沖，完全唔怕畀人偷師，因為跟本學唔黎.先落糖喺杯底，然後一手茶、一手奶同時倒入杯入面，一沖已經均勻, 最難就係茶同奶既比例控制，羅德師傅可以一口氣沖十杯八杯，杯杯一樣.📣📣想睇沖奶茶影片，可以去IG搜尋#chihuo我杯茶.其實話就話要等，成個過程都唔使30秒襯住熱辣辣飲落去，口感好幼滑，帶少少茶甘岩一啲偏好奶味，甜味既人

一直好想試，但係之前太遲來結果食白果。😫 今日放假行開灣仔，未食早餐午餐於是諗起呢度！舖頭比較細，大部分空間用作廚房，bar 枱座位只有 8 個。我叫左熱奶茶同沙爹鮮牛蛋治。奶茶夠熱，好滑，少甜剛剛好，飲到尾無茶渣亦無苦澀味👍🏻 沙爹鮮牛蛋治我叫左烘底，好正👍🏻 炒蛋好滑，沙爹牛半生熟，一啲都唔靱，鹹味剛剛好，仲以為會食唔晒😅 食物選擇唔多，不過有招牌菜幾味已經足夠令人想再幫襯，如果座位可以舒服少少就更好喇。朋友嬲我唔等埋佢來試... 下次啦我都想再來 😋

同台式奶茶相比，其實我永遠都係鍾情#港式奶茶 多啲😆網上search吓呢間「我杯茶」嘅資料，原來係由有「冠軍奶茶王」之稱嘅師傅主理，師傅拎過港式奶茶國際冠軍㗎🏆奶茶入口順滑，茶味奶味均衡，飲落完全冇澀味😆係屬於好飲嘅港式奶茶☕️不過一定要趁凍飲先係最好飲❄️個樽係修長型，飲落就發覺容量都唔算少，我都飲咗一陣子先飲得完一支🙈(所以先知道趁最冰凍嘅時候飲係最正😛)飲完仲可以洗番乾淨個樽，拎番屋企插花當花樽🤣

雖然近年開始有點轉投咖啡懷抱，但我仍然係奶茶控。灣仔的「我杯茶」主打港式奶茶，當然要試試。鋪仔細細的，店口擺滿沖奶茶的壺同一罐罐黑白淡奶，店鋪名物冠軍茶王羅德師傅就係門口位置不斷沖奶茶。裡面有一排座位，不過數量唔多，大部分人都係外賣為主。點左餐後，搵左個位坐低，即刻已飄來一陣好香的茶味，更令我滿心期待。呢度除左奶茶咖啡之外，仲有幾款三文治可以伴飲品。熱奶茶（$16）非常夠熱，入口順滑，茶的比例算重，茶味香濃，啱晒我重茶味多過奶味。呢度沖奶茶果陣已經落左適量糖，甜度較輕，不過可以更清楚飲出茶味。如果真係嫌唔夠甜，都可以叫師傅落多少少。唔鍾意飲熱都可以選凍，有普通同樽裝奶茶㨂，視乎你要唔要冰。三文治選左沙嗲牛肉（$23），佢的沙嗲好香濃惹味，鮮牛肉都嫩滑，質素不比奶茶低，不過如果加蛋同烘底應該會仲正。之後有一次再路經此店，發現羅師傅不在，見到有d食評都話師傅唔係成日係度，咁我果次都算好彩。希望換左人質素都冇偏差啦。

Nice milk tea but questionable service. Ordered hot milk tea, came lightly sweaten cup. When asked to change to unsweetened, the boss came to his defense, saying that I didn't specify without sugar in the first place. Then it came the test, I said I definitely didn't want the sweaten cup and would get another unsweetened one. Unfortunately the owner didn't pass the test, he threw away the cup and charged me for a new one! *Sigh*! How much of a loss that could have incurred? That action wa

同事話呢度既茶與別不同，$16杯唔算貴，行過又試下啦！點了外賣熱奶茶，菠蘿油；同樽裝鴛鴦孝敬媽媽。熱奶茶很普通，菠蘿油唔夠「油」，失望而回好彩冇衝動買左coupons

前陣子見有大肆報道"冠軍茶王"進駐灣仔開業... 親自主理…炮製奶茶☕🍵 每日都排長龍賣過千杯…！心想…必定會有一日到訪"我杯茶"... 以茶會友同事知道我係奶茶怪今天午飯後專程外賣回來給我品嚐真係感激那位同事第一口淺嚐的確係口感滑溜不會澀口…也不覺脷嚡！茶色係夠…但再飲多口，又好重奶質感😯應該係滾茶夠熱溶解了奶脂… 所以比較豐富口感又夠滑👍飲完都唔會口嚡😌但對於我來說…茶味唔夠濃，沒有回甘嘅感覺，奶味太重蓋過了茶味，而且有甜？莫非…奶太甜嗎？後來問返同事…原來師傅沖茶時已加咗糖真沒想到熱奶茶會預先加糖？外賣奶茶一般都係附送糖包，由食客按個人喜好加甜… 這是最穩陣的平日習慣了奶茶走糖…奶脂本身已經夠甜味😋像我這些奶茶die hard fans通常都會品嘗奶茶原味！但如果講到佢係全港最好飲嘅奶茶，咁又誇張咗啲…或者下次有機會試下原味走糖…再試真啲味啦！

沙嗲牛肉炒蛋三文治沙爹牛肉好香，沙爹汁量多，唔算過多，因為個味好野味，量唔洗補償個味，野味原因係佢小小嘅甜加上有小小辣，可惜佢肉量唔多個炒蛋無hea，堅炒，唔係求其撈蛋黃扮炒滑蛋，蛋質地好滑，即炒所以要等一陣，蛋香被沙爹味搶咗，麵包係普通方包認真講，雖然係好味嘢嚟嘅，嘢味嘅沙爹同好滑既炒蛋同時入口有微微嘅唔夾🤷🏻‍♂️，唔識形容，分開食完全正嘢嚟嘅，嘢味到想翻啅嘅如果個沙爹用嚟撈通心粉就威喇因為我熱，所以飲凍奶茶好彩好有樽裝凍奶茶，可以試到佢奶茶嘅原味，無比d冰溝淡茶香濃但未到甘，滑口，有種好順好「ger」嘅感覺（唔知你明唔明）樽裝原本已甜，不算太甜啦，我接受到可以再小啲啲甜添，因為可以欣賞多小小個茶本身After taste 無苦澀無「鞋」脷，好三文治用環保紙盒，抵讚店員好多都看似惡人，但全部都好有禮貌，希望做落去個態度可以保持啦

網上睇左介紹文章慕名而來，離地鐵站好近好易就搵到! 黎到幾乎keep住有人叫外賣，不過收錢位叔叔好快手，order完叫我擰埋杯凍奶茶先，坐唔夠2分鐘，沙嗲牛蛋治就登場了先飲一口凍奶茶，好飲! 比起平日茶記的奶茶，順滑得黎完全不澀；有點像日式的樽裝奶茶，但又多了一份茶的香濃至於沙嗲牛蛋治，wow，咁juice嘅蛋讓我想起另一間食店，不過呢間d staff全部都好好禮貌😂沙嗲味不會蓋過蛋味，但牛略嫌細粒，可能下次叫鮮牛蛋治試下先～