我杯茶 (永興樓)

Open Now

Now Closed

鮮牛肉蛋治 ❤️ ($25) 烘底 (+$2)評分：7.5/10.其實鹹牛同鮮牛之間揀邊樣好真係睇心情～呢份牛治令人滿意，蛋炒得香滑，有少許流心滑溜嘅部份。牛肉冇乜點調味，唔會太鹹，但到算係食落啖啖肉，唔會韌同乾凍杯裝奶茶 ❤️ ($20)評分：8/10.港式奶茶永遠冇得輸，茶嘅澀味撞落鮮奶層次分明。其實佢地絕對可以考慮做埋茶飲外賣。

老闆是2010年茶王比賽冠軍，只有幾個座位的小店，價錢比一般茶餐廳畧為便宜。奶茶不錯，但我個人較為重口味，茶可以再濃香一些，再滑一些，未臻極品。 驚喜反而在三文治，水準以上。麵包用傳統茶餐廳那種比較鬆軟的方包，做三文治最好。蛋治的蛋炒得嫩滑；沙爹鮮牛肉三文治，牛肉炒得火侯剛好，沙爹香而不過鹹。 都很好！

是日趕住去動漫節，所以諗住食少少野頂肚就算。知道呢度出名三文治同奶茶，就急急腳黎左食(≧▽≦)好在吾洗排隊，但店鋪太細啦，堂食座位真系一隻手都數得曬，少之有少。最後，小編搵到個枱角仔放啲食物，決定影埋相、食埋先出發(=ﾟωﾟ)ﾉ！凍奶茶(hkd$20) 店舖主打既港式奶茶。味道比較淡，茶同奶份量平均，無話邊一樣較突出。沙嗲牛蛋治(hkd$25) 即叫即整！炒蛋香滑; 沙嗲牛味道濃郁，可算系一個高質既三文治，值得一試٩(˃̶͈̀௰˂̶͈́)و

呢間最出名係飲奶茶，本人亦好喜歡飲奶茶，當然要去會一會佢睇吓有幾掂先！由於已經很多人，所以叫了外賣，一飲個奶茶無須加糖，味道啱啱好，夠茶味丶夠奶味非常適中，去到個蛋牛治，的確很好味！唯一價錢真唔平，無餐只有散買，$16奶茶、$25即做蛋牛治，共$41！

美味子呢幾日都要去灣仔工作，決定朝早去食返個美味早餐嚟做一個美好開始。每日一杯奶茶既我今次決定試下呢間由冠軍茶王羅德師傳主理既我杯茶冲既奶茶醒下神先。美味子我叫咗一杯熱奶茶同埋一份蛋牛治總共夾埋係＄34蚊，對於食開＄20早餐嘅我來講確實有啲貴嘅，不過一場黎到，點都要試吓嘅。門口放有一啲小嘅單張介紹點解個鋪名叫做我杯茶同埋有一啲關於奶茶嘅歷史件蛋牛治好厚同埋好大份非常抵食同埋蛋炒得好好味，若嫌咸牛嘅份量比蛋較少同埋唔夠鹹所以有少少俾個蛋味搶住左至於杯奶茶就唔係由茶皇冲嘅但睇顔色就知都唔差，佢唔係我飲過最好嗰杯奶茶，只可以講係唔差嘅，不過始終都未係我杯茶。個人來講始終覺得最好飲嘅奶茶係附近既金X冲嘅奶茶最好飲

此店位於灣仔，亦甚有名氣!! 因佢標榜由2010年取得國際奶茶大賽冠軍的羅師傅主理!! 若以單買一杯凍奶茶計, 只收20元其實就不算貴!! 不過此店沒有套餐, 每樣都要散叫, 所以從另一角度睇，佢算不便宜!!!我刻意來惠顧, 來到已旁晚6時! 不過奶茶已一早沖好一大鍋, 有客人落order時才入杯和落冰!!! 由於小弟喜歡飲奶茶, 對奶茶都有點認識!!論味道和質量, 佢算唔差, 一飲已知屬中上質素!!但個人覺得未算是最好飲的奶茶!! 另外個人覺得可能與保存太耐而有所影響!!! 因茶儲存越來, 苦澀味越重!!由於已近旁晚, 這奶茶有機會可能已由中午因賣不去而儲存至旁晚, 影響了質素!!!

午飯時段既灣仔是熱鬧的， 附近不少打工仔都來食飯， 食店林立。路經「我杯茶」 見到師傅站在向街的水吧枱前沖奶茶， 有勇氣面向群眾， 旁邊又有好些傳媒報導的介紹， $16一杯， 就不妨一試吧！付款後站在旁邊等候， 滿堂都是紅茶葉香； 店內選用黑白淡奶， 師傅技巧純熟地調配多杯奶茶。打開蓋一看， 茶面有一抹乳脂， 茶色是近乎蝦肉色， 茶香甘醇， 入口奶滑； 筆者口味偏重喜歡茶味重， 而這杯卻是重奶香； 每個人口味不同， 但總的來說， 這杯奶茶亦算是水準之作！

一間餐廳，若希望客似雲來，甚麼才是最重要?是食品素質?整潔程度?服務態度?無可厚非，食店的經營為一個整體，各因素互相影響，形象由此建立。故此，若食客由進入餐廳門口的那一刻始，已感受到在餐廳裡進食的泰然自若，食品來到時香氣四溢，用餐時不慌不忙，餐廳便是成功!今天只是吃一個鮮牛肉蛋菠蘿包，及一杯茶走，何以如此深刻領受? 因為餐廳正讓我有這樣反思。甫進餐廳，已聞夥計談話聲此起彼落，雖然以談話減壓乃人之常情，但聲浪與語氣是否大了些呢?即使如此，只是小事一件，盼可帶來一點思考而已。更重要是菠蘿包與奶茶的素質，蛋炒得很香，配合菠蘿包的微甜與鬆軟口感，很是滋味，只是蓋過了牛肉味。或許炒蛋菠蘿包的味道更為單純與香。茶走的煉奶顯然比外面茶餐廳為少。然而因著報章報導這餐廳獨特的奶茶秘方，其實淡奶的奶脂已經深深撞進茶香裡，顯得更香醇。煉奶即使只下少量，仍然保持奶香茶滑，不會過甜與苦澀，喝下去津津有味。沒有餐廳是完美，完美的只是我們看見員工與老闆努力經營下的好局。只盼默默耕耘的小店，能秉承傳統，敢於改革，頑強在這功力掛帥的城市下為市民服務。

今天路經灣仔，便令我想起這兒的奶茶。上次到訪是他們剛開業的時候，唔知他們現在的水準如何呢？正值下午茶時間，一於試下經典熱奶茶與菠羅油！經典熱奶茶$16眼見著師傅即場炮製奶茶同菠蘿油，認真眼明手快。這杯熱奶茶是用紙杯盛著，但完全不會有燙手感覺，十分貼心。然而在冲調的時候已經下了糖，本來怕會過甜，但一飲之下，甜味適中，茶味香醇，又有厚身的奶滑口感，完全沒有茶的澀味，整體平衡得宜，這可就是我杯茶？菠蘿油$15這個菠蘿油有著從前小時候吃菠蘿包的味道。菠蘿皮脆香、麵包鬆軟，熱哄哄的，夾著凍凍地的牛油，是很原始而簡單的美味！若果牛油可以再厚一點點，口感應該更好，吃得更滋味。簡單的菠蘿油與奶茶，是十分地道香港的風味，但地道港式風味買少見少。在旺角有金華，在灣仔，有金鳳和這家店都不錯，可以一試。

廣東話呢樣野確系博大精深，有d詞語講出黎比人感覺十分搞笑，例如平時形容一段文章「 水蛇春」咁長，個「水蛇春」其實我自己都吾知咩意思，總之就系用黎形容戈段文章好長篇。呢間店舖既店名叫「我杯茶」，「我杯茶」系廣東話黎講除左真系解我杯茶之外亦可解做我既心頭好/ 喜愛既事物/ 人等等。店舖主打外賣生意，堂食是有的，但只有一張長型枱，只能吸引少數堂食客。除左呢個特點之外，店內亦有數個師傅系度即場整三文治。三文治既包就當然吾洗即場整，但我就見到佢地煮牛肉同埋炒蛋既鑊氣都十足。叫左份沙嗲牛肉蛋治試試，外賣盒好得意系紙皮盒而吾系發泡膠盒。沙嗲鮮牛肉蛋治 $28三文治有2件，兩件都好厚呀，有滿滿既鮮牛肉同埋滑蛋我order戈陣仲叫左佢加烘底所以食落都有脆脆地既口感，蛋既份量好多之餘仲好滑，牛肉雖然冇乜沙嗲味⋯⋯但食落都好新鮮！三文治內仲有好多牛油，同牛肉、蛋一齊食令口感更豐富經典奶茶 $16吾記得影低杯奶茶，另外想講小店既熱奶茶都系好好飲，拎番公司飲戈陣仲諗緊吾記得拎砂糖，但飲落發覺系吾需要落糖，奶同茶既比例大概各佔一半，味道香滑濃郁。P.s. 系某個社交網站仲見到「我杯茶」既ac，雖然我自己就吾知羅德

嚟過幾次，打返個食評啦。呢度係由曾勇奪香港及國際金茶王美譽嘅羅德師傅主理，主打賣奶茶及三文治鮮牛肉蛋治 ($28)即炒嘅牛肉蛋夾咗喺烘過嘅治入面真係非常厚身，蛋徘徊在似未熟又熟之間，滑不溜口又香，真係好吸引；鮮牛肉都幾大塊，但又唔會大塊到咬唔開，分佈好平均，差不多啖啖都有牛肉，口感好好！啲牛肉又唔會醃到超鹹，味道較其他地方嘅蛋牛治溫和。咪睇好似得兩份咁，但其實好飽肚，食完會有好滿足嘅感覺open kitchen可以睇住廚房新鮮製作，香噴噴明明唔肚餓都變到好肚餓！service又親切，雖然啲位就逼啲，不過會有食完想再嚟嘅感覺

中上質素的熱奶茶$16元一杯，可以一試，不過又吾係非飲不可。熱奶茶算係香的，茶同奶味都香濃不過奶味略過重，稍稍蓋過了茶味； 飲到最後幾啖，有d 未溶的煉奶停係底，好甜

今日經過灣仔。見到某雜誌曾經報導過既奶茶店我杯茶。咁我咁為食咁就梗係要去試下啦😂 店鋪位置係灣仔春園街。店鋪一般會有羅徳師傅座鎮(2010年奪得港式奶茶國際冠軍及2011年奪得金鴛鴦冠軍)。留意。店鋪只做外賣居多。內裏只有約10個位置。比較難搵位。(btw 入面好似有間vip 房。。) 我去到既時候都已經係4點幾。都有大約7-8個人係度排緊隊買嘢。咁我睇左陣。就梗係叫佢既招牌奶茶。同炒旦沙嗲牛包(我仲加左牛油添。肥死) 咁我大約坐左十分鐘左右。嘢食就準備好啦！咁我首先呷一口奶茶。茶味奶味都好夾兩者比例啱啱好。不過本人覺得層次上差小小。味道上唔夠複習。。。之後就到重點。炒旦沙嗲牛包佢啲旦炒得好滑，沙嗲汁較得剛剛好。不過最邪惡既都係小弟加左牛油係入面。。當你咬落去既時候。啲牛油味充滿晒成個口腔。。真係好正呀😍

一向好鐘意港式茶記 冰室今次就去左有冠軍奶茶名銜既‘一杯茶’環境：舖頭比較細 但都算好好咁 有張長枱同櫈比人係店內進食食物：茶記出名小食今次試左凍奶茶 同 沙嗲牛蛋治1.奶茶真心覺得有誠意有茶香 同好滑 唔會太甜 好飲2.沙嗲牛蛋治蛋幾香 即整好新鮮 又軟熟又熱不過就唔覺得有沙嗲味 覺得同普通鮮牛肉無咩分別 見到旁邊食 咸牛蛋治 烘低 好似好正星期日下午茶時間去 唔洗排隊 叫完好快 有得食 整體都算唔錯推介 奶茶 值得一試 你會飲到茶記以外既香

近日天氣好熱 喺港島區突然間諗起呢一間之前睇過好想去嘅奶茶鋪自己係一個奶茶控 又聽過身邊朋友話幾好飲所以就衝左去灣仔試吓鋪頭好細 但一入去就見到師傅係門口有個沖奶茶嘅檔口充滿期待 同友人 叫咗一杯凍奶茶一杯凍鴛鴦同一個鮮牛蛋治點餐時同cashier 姐姐講要杯裝少冰然後姐姐就同師傅講然後師傅就態度好差係我面前講 要少冰就要樽其實好小事但只不過態度真係好差然後再飲杯奶茶 奶味蓋過茶味 無茶香客觀啲 有啲茶餐廳沖得好飲過佢 有d失望但蛋牛治都幾滑咁細間鋪頭唔夠位坐 佢有間房只可以比人book 但最低消費要＄600 個人覺得唔係好值然後嗰日有個人入咗去坐俾人趕番出嚟要企係cashier姐姐隔離食完即刻走