Myoc (Closed)

最近新推出Ice Pancake，只限外賣，總共有9款：原味Pancake配Vanilla Crunch/ Guava/ 紫薯雪糕綠茶Pancake配Vanilla Crunch/ 紅豆/ Double Chocolate雪糕紫薯Pancake配紅豆/ 焦糖/ 紫薯雪糕每日有4款可以揀，食唔食到想食既味就靠運氣！綠茶Pancake配Vanilla Crunch($35)，Pancake幾鬆軟而且唔會太薄，仲真係食到綠茶味，唔會話好淡雪糕個味好中意，食到d焦糖榛子味，加埋脆脆既口感好正。好味指數：8/10紫薯Pancake配紫薯雪糕($35)，一見到紫薯就揀左，食落去雪糕可以食到紫薯粒粒，但整體紫薯味就唔係話好重，有淡淡既味，可以再濃d。好味指數：6/10窮遊指數：6/10 

還記得那家預定要研發一百種不同創意咖啡配搭的小店嗎？除了店內主打的咖啡調飲，以及先前提及的雪糕甜品外。也推了Pancake，有鹹有甜，又紫薯又綠茶，一擊即中現在香港人瘋狂鍾愛的口味選擇。另外更設有咖啡沖調班，逢星期三下午二至三時。點一杯咖啡，然後就可以嘗試自己調配最適合的口味，由店內咖啡師沖泡。　　延續雪糕熱潮，最近新推出的產品就是見慣見熟的雪糕三文治。不是以大路的曲奇夾雪糕，亦非用到麵包，而是店內的Pancake。不過只可以外賣帶走，堂食的話就要改戰店內的Pancake on Plate了。　　餐牌呢？其實藏身門外，不用走進去問職員要餐牌，方便得多。看到Today’s Pick不要訝異，這Ice-cream Pancake跟店內Pancake on Plate都是每日限味的。餐牌上圈起的就是當日限定，平日有三款，週末兩款，以免廚方供不應求亂手腳。三款口味的Pancake：Classic　原味、Green Tea　綠茶及Sweet Potato　我們大熱的紫薯。雪糕也有數款可選，包括未有嚐到的Red Bean　紅豆及Vanilla Crunch　雲尼拿脆脆等。Sweet Potato

銅鑼灣新開咖啡室 MYOC 在網上一直廣泛被報導 最為出名的是 make your own coffee concept－ 逢星期三 下午兩點到三點 會有駐場咖啡師教學弄自己選擇的咖啡的 espresso base適逢星期六人數太多 地方也比較小 還好小妹不是很胖所以只好先品嘗店的食物還有飲品 最不能放過當然是最出名的鳥籠 Golden Bird Cage 最為特別的是那雙層玻璃杯。咖啡配上煉奶雪糕為本來甘苦的咖啡帶來一點甜價格雖然用一杯咖啡來算比較高 但當甜品價格相宜！ 今天點的第二杯是Snow Red 本身自己喜歡紅豆 嘗試一下這杯咖啡紅豆冰它們使用的日本紅豆 紅豆很好吃 不太甜膩 對於不太喜歡咖啡的人是一個很好的選擇！食物方面咖啡室主打 Pancake 新出的日本綠茶Pancake 配上一球自家製紅豆雪糕綠茶味道不太甜 應該用傳統日本綠茶粉 紅豆雪糕偏小球 如果可以更大球就能滿足我的超級甜品慾望Pancake 尚算 Fluffy 但相比起綠茶Pancake.. 原味Pancake更鬆軟！照燒牛肉Pancake配上一隻太陽蛋就是一份All Day Breakfast這款正常Pan

男朋友生日，食生日晚餐前，想帶他到一個頗悠閒的地方，簡單食個tea, 喝一杯他喜歡的咖啡。MYOC是我follow 一位openrice食評家的收藏餐廳。那位openrice 食評家已達殿堂級，所以應該信得過！MYOC的位置離銅鑼灣地鐵站不遠，真的如openrice 的提示一樣, F1出口，步行數分鐘便到。餐廳的招牌不太明顯，門前亦沒有宏偉的裝潢。雖然不是lunch time peak hour (當時已經差不多3:30), 但仍然可見餐廳幾乎是滿座的！果然印證了"有麝自然香，何必人前夸"的道理。很好彩，不用等太久，我和男朋友已經被安排入座。一坐下，餐廳門口又開始出現了排隊的人龍，哈哈，果然壽星仔很lucky!餐廳真的很細小，老闆已經盡可能利用了每一寸空間，放了大約7張小枱。餐廳廚房跟客人座位很接近，是 open kitchen。分隔兩面的牆就寫了有關如何選擇咖啡豆。餐廳的擺設跟一般咖啡室差不多，這裡老闆在牆邊放了些小擺設、書籍和掛了幾隻咖啡杯。餐牌十分有心思，全都是手繪的！看上去，有點像電影《等一個人咖啡》的那本咖啡畫冊！咖啡的種類很多，有83款可供選擇！每一款都圖文並茂，讓你清楚知

繼食過希雲街既紫薯雪糕後，想再食紫薯甜品，就發現到哩間鋪有新出口味既PANCAKE！店內面積唔大，大約坐到十幾人，我最鐘意就係哩個沙發位，影相好靚，但我地得兩個人唔好意思霸4個位，哈哈！佢地將MENU吊係牆上，除左員工比MENU外，客人可以自行拎黎睇！單係咖啡已經有好多款，花多眼亂，朋友就簡左MESSY MOCHA，係CHOCOLATE加ESPRESSO，面頭再加棉花糖！而我就同老闆講我有D唔舒服唔想飲咖啡，佢就好貼心推介左我日本柚子果汁，酸酸地幾開胃，記得一定要加蜜糖啊，否則超酸飲到眼咪咪！甜品方面，當然簡紫薯PANCAKE啦！新鮮自家製既紫薯 cream和pancake，pancake鬆軟，當中加左紫薯粉，但紫薯味比cream淡些小，不過紫薯味道完全不造作👍👍，再配上切片香蕉、合桃、紅豆，另外小蕃薯細細粒好可愛，再加左砂糖燒至薄脆，甜甜地口感特別!另外，再叫左BLACK AND WHITE甜品，內裡有YOGURT雪糕，面頭曬上OREO碎，雪糕甜而不膩，再放上BROWNIE，但唔係蛋糕口感，比較硬而厚實似朱古力，味道濃郁我都幾鐘意！

員工福利日，早上就到了中環血拼一番，瘋狂購物的時間總是過得特別快，回神過來已經是午飯時間了。由於要等寶寶從九龍區過來，於是便選擇了到銅鑼灣來一個悠閑午餐(實情是就算寶寶遲到，我還是可以在銅鑼灣繼續瘋狂購物，哈)。搭10號巴士在大球場附近落車，想不到原來這條希雲街已經改頭換面了很多，開了不少特色食店，原來已經很久沒有來到銅鑼灣的這一邊了。由於想找一間比較舒適而又可以Hea多點時間的食店，於是便來到這間MYOC。店面很少，大約只有12張枱。有趣的是每張枱櫈都是含的設計，各有特色，但配搭起來又不會覺得突兀，感覺很隨性，很像日本小店一樣。店內播放着輕快的英文歌，看來我沒有選擇錯誤，的確是一間可以好好消磨時間的食店。找了一個門口旁邊的位置坐下，由於這裏的門是用玻璃拉閘的，所以可以看到街外的風景，感覺很休閑。店員拿來了Menu，Coffee Menu很特別，把這裡提供的80多種咖啡都仔細畫出來。咖啡的選擇多到讓人花多眼亂，仔細看清楚每款咖啡的材料，再慢慢決定自己想飲的，甚是有趣。而且這裏的咖啡選擇真的很多，除了有運了酒精的咖啡外，還有配上雪糕或蛋糕的咖啡。經過一輪掙扎後，我最後選擇了日式紫薯Pan

一間位於希雲街的咖啡小店甜pancake就真的經常都有機會可以嘗試所以是次就點來一個較特別的口味就是這陣子很受歡迎的紫薯口味Pancake混會了紫薯粉所以每口都有著淡淡的紫薯味而且質感都十分鬆軟另外配上了每天新鮮製作的紫薯cream質感十分細滑 利用了花生來增添口感最後當然是一粒粒的紫薯在外層點上了焦糖然後輕輕地燒過令到外層十分香脆這間小店的鹹Pancake較甜Pancake有驚喜煎蛋Pancake再配上香腸輕輕在太陽蛋上一𠝹熱哄哄的蛋黄流岀來鬆軟的Pancake沾上了蛋黄汁再配上店內自家制的蜜糖芥末醬甜甜鹹鹹的 另外 那香腸不是一般的香腸而有著淡淡蘋果香味的香腸這杯Red&White不是一般的雲尼拿雲糕而是一杯煉奶雪糕用煉奶製成的雪糕比一般的雪糕更細滑另外加上了自家製作的樹苺醬減低甜膩感甜甜酸酸的 意外地跟煉奶雪糕十分相配最後添上了焦糖味的爆谷爆谷十分香脆 配上軟滑的雪糕豐富了其口感

咖啡與苦瓜，都是長大後才會欣賞的食材，但對於我這個有咖啡醉的小孩來說，每次飲後都會有飲醉酒的感覺，雖則愛它獨有的香味，但卻怕醉倒的感覺，所以知道銅鑼灣開了可以從多個選項自選咖啡店，急不及待約朋友一試位於希雲街的小舖，店面不算大，大概可以坐到10多人吧，滿座率挺高，相信大家也受夠了每天如是，倒模式的咖啡店出品吧！店員先給我餐牌，是手繪的，精緻又有創意，店方預留了100款選擇，至今大概已有80多個組合，款式 to be continued.....朋友點了 Golden Bird Cage ($62)賣相超美的，舖在雲呢拿雪糕上的焦糖在燈下閃爍著，金光閃閃又如真的鳥籠！底層的咖啡是冰凍的Espresso,混合了雪糕及焦糖，味道變得親和易入口除了點了咖啡外，也點了我喜歡的紫薯Pancake!!! 澱粉質也！Pancake 上放滿了不同的配料：香蕉片，日本紫甜薯，紫薯蓉，合桃等，紫色超吸睛喔！Pancake 蛋香尚算濃郁，軟軟綿綿，配合香脆的合桃，增加咬口之餘，更令香味提昇～加埋香甜的香蕉，味道提昇得更有層次。我點了Cookicino ($62),以一個透明的玻璃杯放著,可以見到由深至淺的啡色

星期天又是女生相聚的時間, 小妹相信朋友係要見既, 所以十分珍惜每一次與朋友相聚的時間, 何況是 。所以選地點也絕不馬呼, 功課已做好, 朋友就相信小妹的眼光吧 。當天正午的天氣太熱, 所以先來一杯雪糕 Cool Down 。Red & White $48每天會有兩款雪糕，而當日分別有煉奶及乳酪兩款口味。兩款也是自家出品的。本來幾怕煉奶會好甜, 原來配上自家製紅莓醬及咸味的爆谷味道十分balance， 度恰到好處 。此雪糕密度高, 另一優點是比較long lasting 溶化時間較慢, 搵好角度慢慢影相仲得。一致通過吃個甜的 pancake店主highly recommended Special Sweet Potato $78這款Pancake 可謂由頭紫到尾。pancake 加入紫薯粉，呈現淡淡紫色, 紫薯微香但充滿麥味，質感鬆軟。Cream 是每日自加製, 口感幼滑, 以花生碎來增加咬口。但最精彩乃Toppings 部份，分別有先煮淋再略燒的日本紫薯，原來紫薯甜度比蕃薯還高，而且細細粒好cute 呀。經燒過後的紫薯外皮變得微脆配上薄薄的一層香甜紅豆，味道略甜但配埋Pancake

希雲街越開越多甜品鋪，最近留意到大排長龍嘅cafe R&C 附近又開多左一間新店。小店有別於街內其他鋪路，主攻玩味創意咖啡，另外亦有雪糕🍦同 pancake。見到雜誌報導，原來店主之前喺日本開過鋪，又學過手沖咖啡同cocktail, 仲係一個設計師，唔掛得一行入鋪，見到牆邊嘅木板同裝飾，就有好舒服嘅感覺。既然呢度主打咖啡，當然要試佢一試，嘩！ 一望menu, 竟然有幾十個combination!! 有選擇困難症嘅我真係唔知點揀。。。呢個時間，店員好細心咁因應我同朋友嘅喜好為我地推介左兩款咖啡。第一款係Expresso Dip ($40), 應該係呢度主打(見到店內容poster都有介紹)， Expresso base上面有一枝細細嘅icecrem pop, 平時我唔會飲 expresso因為好怕苦，但係呢個加左雪糕落去中和左個苦味，咖啡味亦好香濃！第二款係Bloody Rosy ($68)。橙味朱古力就食得多，但係橙味咖啡真係未飲過！咖啡入面加左朱古力同血橙，冰上面灑左橙皮，飲起上黎好香橙味，係清新之選，另外鐘意佢唔會太甜，咖啡味並無被其他配料覆蓋。呢度啲咖啡咁正，點可以唔試埋另一主打

小小店子，座位不多，可容納十二個座位。店內裝潢，傢私同樣很有個人風格，很喜歡這些特色小店。店內以coffee，pancake， 自家制ice cream及乳酪為主；咖啡口味更多達80款式。在店內, 節奏緩慢，沒有驅趕感覺，令人放鬆心情：）吸引我專登來的原因係呢到有pancake食，特意於半日工過後，作為我的午餐。😌先睇睇menu, 是手繪本menu😍😍 創意與心思的結合👍🏻朋友特別嚐甜，這杯「French vanilla 」8成White chocolate， 2成Espresso on top 加左whipped cream~ 入口很滑，甜味滿滿，伴隨微微咖啡味，感覺甜蜜！而另一杯是我點的日本空運純柚子汁，無添加的柚子酸味很重，而加左蜜糖令酸味中和一點兒，入口也離不開是酸酸的。細看menu時，店主介紹呢個最新推出「Sweet potato pancake」。哇！賣相相當靚 （相機食先，是常識吧😂）紫色pancake上放滿紫薯及香蕉片，最上層粉紫色係紫薯味的vanilla cream, 放滿cream的pancake, 好味道每一啖都好滿足。（我的心水推介！）而另一款配搭平實一點，亦是

繼上次在大坑內試過後生靓仔老闆傑出後，今回踩上近期越見熱鬧希雲街店內幾個90後小伙子，明眼已以看得出是老闆數位年輕總是有夢，絕對不甘於打死一世黑板的日子、時間是最大支柱，因為就算輸跌了也容易企番起身．．店子窄窄，直接講只可容納到六至七張小圓枱、但絕對無阻幾位小伙子貼心對客服務由接過《餐牌紙》一刻，穿穿插插式在枱與枱出沒，介紹、招呼、傳菜，盡顯一人化身多角，但又做得有板有眼眼數為真已貼近八、九十款不同種類咖啡小品以及幾款甜食就算你沒有選擇困難症，此刻定必已感染症狀遲遲未能舉手落單，跟朋友最終得到老闆仔出口幫忙、才能解決．．．第一杯上枱是Orange mocha$50.4種食材溶於一個杯子之內，底層用上Orange加上一層espresso中層再加上朱古力及上層厚厚whipped cream，演變而成入口已被面whipped cream封嘴式蓋著，再呷深點便感受到淡淡Orange香氣注入mocha之內，絕對是一杯好喝之魔鬼另一杯golden bird cage$62.最底層就加上密糖再而注入espresso中層配上雲呢嗱雪糕球，面層golden bird cage就以焦糖拔絲做法起成其實是一

事先聲明，本人係幾常飲咖啡的亦係抱住飲杯靚咖啡既心態去雖然未敢話去到好專業既評論去呢間新野都有d期望佈置又幾stylish，走木系加黑色為主加上標明話有近百種咖啡，似乎好有料咁去到既時候無乜人，叫左個espresso dip幾本上係adffogato (雪糕加espresso)既變奏版黎到既時候呆一呆。。超細杯雪條本身好細條(lol volume 有四隻手指咁上下啦，自己幻想下)仲要已經擺係hot espresso shot 度好似溶左好多咁上面有d 黑色既粉(chocolate) 整得好hea (佢之前d 相係畫唒朱古力㗎)影完相已經溶左一半了試下雪條啦，應該係vanilla 好甜好，咁試下咖啡shot...好bland無咖啡既香味只有酸味零分，呢度既咖啡😥😥唉，由於真係太細杯既關係剩低既唔太難finish 埋佢但，真係好失望....我寧願飲翻杯簡單但decent 既American 好過搞咁多花款如果你抱住食甜品既心態，加影靚相就ok咁應該都ok 嘅..... 

銅鑼灣希雲街開遍了甜品店，沿恩平道往下走，會去到這個旺中帶靜、靜中帶旺的老地方。以前這裡只有抹茶雪糕賣，在時代巨輪的逆轉下，現在又有紫薯雪糕、生果雪條、娘親雞蛋仔等等，最近就發現了一間《MYOC》的特式咖啡店《MYOC》解作Make Your Own Coffee，主打咖啡Mix ＆ Match，店鋪面積雖然不大，但坐在窗邊位又有種愜意的感覺，多想在這裡看看英文書，悠閒的打發一個下午⋯店員拿來了「Menu」，是一張精美的手繪咖啡圖，單是咖啡就多達八十一款選擇，另外有一點西式Pancake和小吃，既然為著咖啡而來，就主要點選了兩杯咖啡，分別是Golden Bird Cage 金鳥籠咖啡和 Popstar爆谷星星咖啡。Golden Bird Cage的金鳥籠是用焦糖絲包著雲呢拿雪糕，中層有點冰粒，下面就是Espresso，最底有點蜜糖。咖啡不得不讚，香濃的咖啡味，不帶半點酸味，沒記錯應該是巴西加墨西哥的咖啡豆，墨西哥咖啡豆特別之處是其味道屬於中性，味道芳香柔和，帶有良質的酸性，加上頂層的雪糕點綴一下，睇得又食得至於Popstar就是以Espresso冰塊築起，面頭一球雲呢拿雪糕，加上幾粒爆

好多人每朝飲杯咖啡提提神、止一止眼瞓......又或者長時間工作中好想飲番杯歇一歇、充滿能量再努力工作。之但係.......咖啡黎黎去去都係o個幾款，有無新野可以試下呢?今晚做做下野......我個好閨蜜就拉左我黎到銅鑼灣希雲街咾間新cafe - M.Y.O.CM.Y.O.C : 製造一杯專屬你的咖啡Menu上有多達80款咖啡，好岩飲到悶悶地o既我去試一試。除左款式吸引外，另一吸引之處就係店主親手繪圖，每一款都細心介紹，真係非常貼心丫~~~~花多眼亂.......最後終於落到orderice-cream+ baileys & ice coffee入口香甜，呢個配搭令baileys原來濃郁奶味與雪糕奶味混合，帶出更完美的奶香與柔滑。雖然baileys帶有酒精成份，之但係飲完之後又不至於會令人醉倒，少許酒精好適合放鬆下整天忙碌工作o既心情 。本店仲有甜品同pancakes，下次一定會再黎試試!!!!!