餃掂手工餃子雲吞專門店

今晚喺新都城呢邊行完街想食得簡單d，跟住見到呢間餃掂就諗住試下，點知食完覺得個味道一d都唔簡單，有多款選擇，仲好好食，所以想記錄一下。首先一定要推介個至尊松茸餃，營養值勁高，味道勁濃仲要勁足料，餃子大大粒勁多肉，真係又健康又好味。個湯喺無味精，好好飲。必試。另外剪壽喜燒牛肉餃又係好出色，牛肉味重又煎得好香，皮薄又脆，好多肉汁，又係另一個必試推介。之後叫左幾款小食，唐芹拌豆筋少少辣辣地勁惹味，係會有一種食到停唔到口既感覺。蜜餞雞翼好大隻，雞肉好入味又彈牙，味道甜甜地價錢又抵食。四川涼皮份量都好多，涼皮煙韌，最正係配菜花生又係好味到要不停口咁食。麻辣皮蛋辣味十足，夠哂開胃。整體黎講性價比真係好高，樣樣食物都高質，有機會都想試埋其他野食。

今天到了一間我最喜愛的餃子店。店舖裏面除了有我最喜愛的韭菜餃子之外，還有很多創意美味的創新餃子。豬肉煎餃一直是許多人喜愛的美食之一，而添加黑松露和白松露的豬肉煎餃更是讓人垂涎欲滴。黑松露和白松露皆為珍貴的食材，它們的獨特香氣和口感能夠為煎餃帶來獨特的風味。而龍鳳餃子，便一次過滿足晒幾個願望。首先，黑松露散發出的香氣能夠讓人嗅到一股濃郁的土壤和木材香。每一口咬下去，黑松露的香氣會在口中綻放，將整個味覺體驗提升到另一個層次。豬肉的鮮嫩和黑松露的濃郁完美結合，帶來豐富的口感和深層的滋味。煎餃外皮的酥脆和內餡的豬肉與黑松露的組合，讓每一口都充滿了驚喜和滿足感。與黑松露相比，白松露的香氣更加細膩而溫和。白松露豬肉煎餃的口感和風味也有著獨特的特點。白松露散發出的淡淡香氣讓人感到舒適和輕盈，但同樣能夠為豬肉煎餃增添豐富的層次。白松露的味道較為溫和，但同樣能夠與豬肉的鮮嫩和煎餃的酥脆相融合，帶來令人愉悅的口感。龍鳳餃子實在是必點之選。韭菜水餃，亦是必點之選，韭菜散發出一種獨特的香氣，帶有淡淡的蒜味和清新的草香。這種香氣在煮熟後更加突出，讓人垂涎欲滴。韭菜的鮮嫩和水餃皮的薄厚適中完美結合，每一口都能感受

有時放工遲左想食個簡單晚餐我會黎餃掂貪佢健康而且湯餃濕濕地容易食龍鳳松茸雙灼餃跟埋招牌嘅狀元九鼎湯湯頭鮮甜無味精完全有媽媽嘅味道！龍鳳餃有齊黑白松茸所以味道特別香同肉餡好夾香煎軟心芝士餃呢款餃好創新先係外皮煎得好香脆再咬入去芝心流晒出黎！好rich💯💯上湯松茸時蔬有油菜食就是健康❤️四川涼皮涼皮滑溜偏煙韌有口感而且非常入味辣度唔會太高剛好惹味山楂雪梨水滋潤嘅雪梨水加入微微酸嘅山楂更為生津止渴養生健康！

店員服務態度極度惡劣，等咗成半個鐘，都唔招呼啲客入嚟，仲要任由其他客插隊，入到去啲座位窄到，每次有客人經過都會掂到自己背脊，坐得好唔舒服，要求轉位又唔理，跟住嗌嘢食侍應又當睇唔到，到真係個豬肉嚟咗，D豬肉竟然係生嘅。依間嘢真係永遠唔會再去

呢間餃子店我都幫襯過好多次，分店越開越多，仲遍佈港九新界。而呢間係將軍澳寶琳站嘅已經係第二次食，所以一d都唔陌生，位置方便又易搵。食餃子就一定唔少得可以增加味道嘅醬料，就好似呢度有嘅自家製菜脯豆豉醬、四川辣椒醬等等…至尊松茸豬肉餃 8隻 $80呢個係招牌餃，上次我就食左煎餃，所以今次就嗌左個湯餃子，同煎嘅一樣咁出色，入面嘅豬肉餡同松茸塞滿左個餃子皮，隻隻都脹卜卜，入味又有口感，想要惹味d可以點佢跟嘅XO醬同辣椒醬。呢個餃子仲配返碗狀元九鼎湯，飲靚湯除左可以提升免疫力，仲有滋潤益氣養顏既功效，正呀香煎軟心芝士餃 7隻 $57呢個煎餃同樣大大隻好抵食，餃子煎到外脆內軟，入面嘅芝士溶化係d豬肉餡入面，食落超芝味，鍾意芝士嘅朋友，千祈唔好錯過。日本龍鳳蛋 $18/隻呢個蛋其實係糖心蛋加黑白松露醬，個人認為加左醬有啲鹹，畫龍點睛左。四川涼皮 $32呢個涼皮有啲驚喜，雖然個餐牌係有得揀大中小辣，但係其實只有一個辣度，以我唔太食得辣嘅人黎講都可以接受，而且仲覺得好味，仲越食越開胃，最鍾意就係佢上面加左d花生粒，令到更加有口感，爽呀

本身就係一個餃子控，有時候都會喺屋企自己包餃子食。當然一定冇出面咁好食。但要數到出邊嘅餃子店，餃掂係我食過幾出色嘅煎餃。餃掂都有唔少分店，之前喺其他鋪都食過，而將軍澳分店就係我第一次幫襯。餐廳主打食材新鮮，即叫即煎，所以都要等十幾二十分鐘先會食到餃子，所以想食好嘢真係唔可以貪快。麻辣松花皮蛋$25皮蛋有糖心效果，亦都夠入味。龍鳳松茸煎餃 $147 十二隻佢最出名有龍鳳松茸餃，採用野生松茸，將名貴食材普及化，加入去餃子裏面真係好香口。每一隻餃子都脹卜卜，餡料夠多，豬肉肉質軟腍偏瘦，比較有口感，當中加入白松露和黑松露，營養價值豐富。餐廳有菜脯豆豉醬，菜脯爽脆，而且都夠辣，點餃子好好食。韭菜豬肉餃$60 十隻繼松茸餃之後，韭菜豬肉餃，亦都係我必推。估唔到韭菜豬肉餃都有爆汁效果。餐廳採用本地細韭菜，重味不黏牙，韭菜味道濃郁，好爽脆，鍾意食韭菜嘅人一定鍾意。最正嘅係外面嘅煎餃多數只會煎底部，但呢度係煎雙面，所以係更加脆口，同更有心思。四川涼皮$32始終我哋食煎餃，所以都帶少少油，食返個涼浸浸嘅四川涼皮，酸酸辣辣，感覺清新解膩。最後食完行出店舖，個口都仲成陣韭菜味，真係好正！

有冇人同史努比一樣都好鐘意食餃子🙋🏿‍♀️最近發現原來有好多間特色嘅手工餃子店今次一於就去試下位於寶琳嘅餃掂到底系咪真系咁掂?😂-👍🏿壽喜燒牛肉湯餃(7隻) $54平時通常都系豬肉餡 牛肉做餡史努比其實系第一次見本身仲擔心會伏😂點知食落有驚喜!!餃子好足料 包到脹卜卜咁😎啖落去有汁bit出嚟😳非常juicy🤤餡料用嘅系一片片碎牛肉而唔系打爛晒嘅免治牛食落更加有口感而且牛味都幾濃😚同埋由於唔系全熟嘅關係 牛肉更加嫩口Mix咗馬蹄 洋蔥等等嘅蔬菜馬蹄清甜爽脆為餃子增添口感🤤壽喜燒嘅味道都幾濃郁惹味得嚟帶啲甜味 好食😋味道: 9/10性價比: 7/10.👍🏿大白菜豬肉湯餃(7隻) $45大大餡料飽滿😍豬肉顏色粉嫩 放心已經熟架啦～菜同肉嘅ratio系1:1 豬肉嫩口唔太肥由於大白菜本身水份較多所以唔使用好多肥豬肉都可以做到juicy嘅效果😆由蔬菜帶出嚟多汁嘅口感清新唔油膩推薦😚😚味道: 9/10性價比: 8/10.湯餃都配咗佢哋自家製嘅狀元九鼎湯～湯底呈奶白色 好清面頭見唔到任何油浮喺面👍🏿有種屋企煲湯嘅感覺粉葛赤豆嘅味道幾出 飲落好順喉 完全冇渣😂帶少少魚嘅鮮甜 清清地做餃子嘅湯底一流😆.另

今晚約咗朋友仔食晚飯，諗住近近地去新都城食餃子，因為之前我食過新都城2期“餃掂餃子專門店”。而且我地兩個都好鐘意食餃子，雖然店舖比較細，但座位都不算迫。每兩位有隔板。每枱送酸蘿蔔一碟檸檬薏米水$20一杯清香檸檬味，加上蜂蜜更加突出薏米檸檬味。而且甜度適中山渣雪梨水$20一杯味道清新潤喉龍鳳松茸雙湯餃8隻配狀元九鼎湯$92狀元九鼎湯即是粉葛鯪魚湯，湯是沒有湯渣的。飲落完全沒有味精，味道清甜。 龍鳳松茸雙湯餃，皮薄肉饀豊富，每隻餃子賬卜卜元貝豬肉餃（煎餃）7隻$54新鮮豬肉加上元貝，餃子皮煎到金黃色，香脆野味。口感豊富芫茜豬肉餃子（煎餃）7隻$54芫茜豬肉餃子放入口芫茜味超級香濃非常好食，大讚四川涼皮小辣$32涼皮好爽有青瓜絲及花生粒配菜，非常野味

今日放工去將軍澳寶琳探朋友，天氣好熱唔想食飯，佢同我去咗商場餃掂食餃子，店舖內地不算大，但乾淨整潔。主打各款特色口味餃子。煎餃、湯餃都有。松茸豬肉餃：名貴的松茸菌香頗濃，有好多食療作用，營養價值非常高!用上松茸作為原材料包餃子，再加上新鮮豬肉，既名貴又美味！點少許松茸醬更惹味。另外配搭一碗無味精九鼎狀元湯，用粉葛、鯪魚、鰂魚、扁豆、赤小豆、陳皮、蜜棗、排骨及紅蘿蔔熬製而成，湯清味醇厚，絕無味精，有益身心，深受食客歡迎！芫荽豬肉餃，餃子餡料結實飽滿，芫茜香，豬肉味濃，口感清香。香煎軟心芝士餃，金黃色的煎餃兩邊都脆脆的，用芝士混合新鮮豬肉和新鮮甜粟米，半溶芝士味濃，熱辣辣可拉絲，和豬肉的味道配搭得好；粟米香甜，必食之選。粟米豬肉餃子麵，豬肉鮮粟米甜，很好的配搭，麵條幼滑，十分美味。

被爱吃饺子🥟的朋友种草的一家手工专门店，推荐给饺子同好【龙凤松茸饺】$92/8粒镇店招牌，内馅饱满，新鲜马蹄碎增加口感，黑白松茸添香，附送一碗状元九鼎汤，原汤化原食，水饺的真谛拿捏🫴【寿喜烧牛肉煎饺】$58/7粒煎饺和汤饺相比更美味蘸上辣椒油一口一个，好吃不腻【四川凉皮】$32红油辣子加蒜泥，和小伙伴一起吃才不会互相嫌弃，炎炎夏日来一份绝了【惹味唐芹拌豆筋】$32不是很清楚惹味是什么意思，暗自猜测娘惹？！入口辣味很川式的开胃小菜

📍HONG KONG 📍#餃掂手工餃子雲吞專門店#香煎軟心芝士餃一上枱熱辣辣，因為佢即叫即煎🥟皮薄，重煎到2面都脆卜卜😝入面有豬肉粟米芝士，餡料又無話好實好油🧀粟米嘅甜同芝士鹹鹹地都幾夾，惹味🤤#韮菜煎餃叫左大份有10隻🥟菜多肉少，韮菜愛好者要試🫣 友人話配豆豉菜脯重正，帶有少少薑味🫚重要辣過辣油好多🌶️但係菜脯大粒啲會重正啲🤫

回家時被餃子的香味吸引，晚餐便決定跟家人一起吃餃子。進店後馬上點餐，餃子款式很多，每一款都很吸引。四川涼皮 $32先點一樣開胃小菜，涼皮清爽宜人，口感爽滑，加上微微的辣味和麻味，讓人食欲大開。至尊松茸灼餃(中碗) $80灼餃跟一碗狀元九鼎湯，湯頭非常清甜，再沽點松茸醬，一口咬下去，發現有一種奢華的味覺享受，松茸的香味非常濃郁，與豬肉的肉味完美結合，肉汁四溢，讓人感覺到口中的每一口都彷彿置身於青山綠水之中。松茸素煎餃(中碗) $58一款素食餃子，外皮煎得酥脆，內裏卻是嫩滑的蔬菜餡，口感更為清爽，但同樣充滿了松茸的香味，讓人不禁感嘆如此美味。香煎軟心芝士餃(7隻) $57餃子外皮煎得金黃酥脆，內裏是濃郁的芝士餡，滿滿的芝味加上肉汁，吃起來口感豐富，嘴裏充滿了滿足感。冷豆漿 $15豆漿口感清爽，豆香味濃郁，帶有一點點甜味，非常適合搭配辣味較強的菜肴，讓人感到清爽舒爽。

今晚想食餃子,放工後約埋同事去將軍澳宝林新都城中心二期二樓餃掂食餃子,小店以手工餃子最出息,由於餃掂食物性價比高,座位有限,週不時全場爆滿和多人等待外賣。雲呑麵(12隻)性價比高的雲呑麵好大碗,雲吞餡內的豬肉和香姑非常美味,麵身軟熟刚刚好。香煎軟心芝士餃(7隻)煎餃芝士餃外皮食落好香口,餃子又飽滿而不膩。蜜餞雞翼(大)大大隻金黃色嘅雞翼有五隻,蜜餞雞翼肉質夠嫩滑,越食越好味。龍鳳松茸雙灼餃(跟湯)四隻黑松露和四隻白松露餃子,配冇味精的大元九鼎湯,香濃嘅松露充滿每一隻餃子,食得好滿足。

知道餃掂係屋企附近開左 一定要黎試下啦😋💛龍鳳松茸雙灼餃配狀元九鼎湯 $138 （12隻）小店招牌首選 皮薄餡靚 晶瑩剔透 龍鳳松茸分別係白松露同黑松露兩款口味 餃子皮偏厚而質感煙韌 餡料洋溢濃厚松露香但並無蓋過豬肉味 肥瘦均稱 咬一啖已經比松露獨有嘅香味包圍 好幸福 而個人比較鍾意黑松露味多D 因為味道係更加出口感更加豐富 🥟而狀元九鼎湯係分開上既 用左多種材料煲製 粉葛+順德活鯪魚+香山活鰂魚+紅蘿蔔扁豆+赤小豆+新會陳皮+蜜棗+鮮排骨等熬製而成 所以係超足料！清甜既粉葛加上魚香 標榜無添加味精而且保健養生 我覺得飲落仲有種家的味道 🥣 💛香煎軟心芝士餃 $68（10隻）超有驚喜 價錢又平 煎餃入邊包咗芝士餡 煎得外脆又香口 但又控制到唔會煎得太乾太硬 仲有粟米嘅鮮甜 鍾意芝士既朋友一定唔可以錯過 🧀 💛蜜餞雞翼$24（3隻）雞翼好入味 食落仲好juicy 甜味較重 🍗 💛上湯松茸時蔬 $32 菜心好鮮甜爽口 健康之選 🥦

餃掂又改得唔錯喎😆真係攪掂啲客人🤭凍山楂雪梨水飲落好清甜好解渴👍🏻凍豆漿有幾好唔太甜☺️日本龍鳳蛋蛋(配黑白松露醬）佢地呢個蛋配埋醬一齊食又幾夾幾好味喎😋龍鳳松茸雙湯餃(跟狀元九鼎湯）👍🏻最鍾意就係呢個餃子，皮薄餡靚，味道仲好正👍🏻飲埋佢地個冇味精狀元九鼎湯仲可以提升免疫力添😋香煎軟心芝士煎餃子🥟呢個煎餃好香口配埋軟芝士好鬼惹味😚壽喜燒牛肉餃 湯餃子（跟狀元九鼎湯）因為好鍾意飲佢地既湯所以叫多碟湯餃😆好肉搞都唔錯好濃牛味😁