餃掂手工餃子雲吞專門店

夜晚過嚟幫襯呢間好耐冇食嘅餃子店，牆上嘅掛畫換了一些，店員阿姐依然笑容滿面，店內人氣亦不減。～對佢哋嘅湯餃情有獨鍾，叫咗粟米同埋大白菜各10隻，仲有龍鳳松茸雙灼餃等。粟米香香甜甜口感爽脆，大白菜就係清甜嘅感覺，嗰個甜味同粟米嘅甜有少少唔同，豬肉味就會相對重一啲。兩款餃都好高質，不過我最鍾意都係滿佈黑白松露嘅龍鳳松茸雙灼餃，畢竟價錢唔算好貴得來又帶點高級奢華感，坊間冇乜地方可以食到。～最近天氣好熱所以另外叫咗碟冰冰凍凍嘅四川涼麵，呢款涼麵勝在質感彈牙，辣醬加麻醬，仲有少少花生碎同埋青瓜絲，整個配搭口感豐富，而且真係好啱夏天食。～最後就係蜜餞雞翼，呢款雞翼係我心目中最鍾意嘅雞翼之一，除咗M記嘅脆香雞翼之外，幾乎無可匹敵，甜甜蜜蜜，再帶點醬油鹹香，令人一隻接着一隻停不下來。～～～🥢餃掂手工餃子雲吞專門店 📍西環士美非路12號文光閣地下C號舖

今日lunch 經過，走入去試吓，真係令人失望。食第一隻已經覺得不妙，再多兩隻真係頂唔順，同侍應講雲吞有臭味，佢態度好差，話無可能。本來不肯換，我話我食唔落。最後才肯換鉸子，

餃掂的西環分店自開張以來都是我家的其中一個飯堂，煎餃、湯餃甚至小食都很喜歡。桌上滿滿調味料，但其實他們的餃子就這樣已經好吃，都沒甚麼機會用。龍鳳松茸雙煎餃 ＄98 八隻要數鎮店之寶，非他們全港首創的龍鳳松茸餃莫屬，這也是吸引我來每次品嚐的餃子！黑白松露都是香味十足的食材，所以個人認為煎比湯餃更合適。煎餃即叫即煎上菜熱辣辣，每顆又大又飽滿，外皮煎得金黃，透著黑松露的顏色；夾起來乾爽，不滴油又不黏。（不點醋更好吃）中size一碟有黑、白松露鮮豬肉餃各四隻。一咬下去已感受到濃郁香味，滿滿的黑松露包裹著整顆爽口多汁的豬肉餡，份量十足，既香口又清甜。白松露的顏色跟外皮相近，可能難以看出來，不過一咬就知道那道特別清香的味道就是來自白松露醬。外脆內煙靭的餃子皮配合香濃的內餡，慢慢享受就對了。元貝豬肉湯餃 ＄63 十隻我覺得這款海產主題餃比較適合湯上，而且他們的湯底是"狀元九鼎湯"，用了鯪魚、鯽魚、粉葛等食材如老火湯般煲，完全不加味精，有著清新輕怡的味道。湯餃同是皮薄爆餡，一咬開就有一絲絲乾瑤柱連金針菇及豬肉等塞好塞滿，味道鮮甜口感爽，跟魚湯底很合襯。黃金原味皮蛋 ＄28除了餃子他們還有小食及麵等選擇

本人有啲餃子控，難得一次路過堅尼地城，唔知食咩好，又見到有餃子舖，就試下佢先。其實佢嘅素餃同松茸餃都想試，但有招牌魚湯做湯底嘅就係普通餃，今日又唔太肚餓，想試湯多啲，就叫個雙拼普通餃試左先，必叫嘅韮菜，加較少見嘅雲耳椰菜。餃子唔算大，中等size吧，足料，飽滿，皮簿，夠滑，味道係中規中矩，應有嘅味道。反而喜歡佢嘅菜脯辣醬，有辣味但又唔會蓋過餃子餡嘅味。至於魚湯呢，都好香濃，奶白色，不透底，我都飲晒了😅。可惜佢分店得太子同港島，唔知幾時先有機會再食第二次Lu😗。

西環街坊既comfort food之一一定有呢間「餃掂」佢啲餃子都出名多款好味。今次專門嚟試吓佢既至尊松茸餃同龍鳳松茸雙灼餃，朋友食過話幾正！至尊松茸餃以新鮮的松茸作為配料，配以精緻的皮薄餡嫩，每一口都能感受到松茸的鮮香和餡料的豐富口感。烹調時間岩岩好，保持了餃子的彈性和鮮美的湯汁。龍鳳松茸雙灼餃係另一道必嚐美食，呢款餃子以兩種不同的餡料填充，一半是白松露，另一半則是黑松露，給人一種驚喜和多樣性的口感，松露味夠香夠突出😍除了餃子，餃掂仲提供其他精緻的小吃。黃金原味皮蛋有金黃濃香既蛋黃，帶有微妙的鹹香，非常開胃。上湯松茸時蔬以濃郁的上湯為基礎，加入新鮮的松茸和時令蔬菜，營養豐富且味道鮮美。每一口都能感受到蔬菜的清爽和松茸的香氣。最後，蜜餞雞翼有特製的蜜餞醬汁浸泡，然後再烤至金黃酥脆。雞翼的外皮酥脆，內部多汁，正😆

已經二訪了，餃子皮薄而有彈性，餡料豐富，每個餃子都是用新鮮的食材製作而成。今次選擇了龍鳳松茸餃和壽喜燒牛肉餃。我特別推薦他們的松䇯餃子，一口咬下去，充滿了濃郁的松茸和鮮肉味道，讓這款餃子的味道更加豐富，讓人回味無窮。煎壽喜牛肉餃是一款以牛肉為主要餡料的餃子，它的外皮被煎得酥脆金黃，內裡則是鮮嫩多汁的牛肉。總的來說，這兩款餃子都非常好吃，各有特色。要特別介紹他們的鮮魚湯底，非常足料清甜☺️除了餃子，他們還有其他美食可以選擇。我嘗試了他們的雞翼和日本龍鳳蛋，都非常美味。配菜酸蘿蔔也是十分推介。另外要了山楂雪梨水和蜂蜜檸檬薏米水，兩者都十分之清甜解膩，很適合配餃子 🥟必定會再來！

⌂ 堅尼地城餃掂手工餃子雲吞專門店@nomnomdumpling 西環士美非路12號文光閣地下C號舖星期一至日 11 : 00 - 22 : 30· 至尊松茸豬肉煎餃配狀元九鼎湯Dumpling Pan Fried with Matsutake Mushroom & Pork $86· 龍鳳松露雙煎餃 Matsatake Dumpling Pan Fried with Black Truffle and White Truffle $98· 中辣四川涼皮 Sichuan Lianpi (cold non-wheat noodles) with Medium Spice $32· 蜂蜜檸檬薏米水 Honey Lemon Barley water $20· 自家製山楂雪梨水 Hawthorn Pear Water  $20𖧷 設無加一︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸#ewm粵菜#ewm堅尼地城︶︶꒦꒷‧˚₊៸៸﹕︶꒷꒦︶꒷꒦︶︶꒦꒷‧˚₊ ៸៸*･゜被手工餃子耽誤的涼皮店゜･*店舖主打無添加味精手工餃子及自家製老火湯不但採用成本較高的新鮮豬肉製作，亦每日即包即製，保證新

經過見到天下第一，即刻要試一下兩個人竟然嗌咗三款餃😛壽喜燒牛肉餃、至尊松茸餃、芫茜豬肉餃仲加咗個菜同涼皮樓面姐姐可能見我哋嗌得多，俾碟酸蘿蔔我哋醒吓個胃，陣間可以食多啲最最最鍾意係涼皮，面頭啲花生碎香脆可口，少辣已經好過癮🤩🤭希望下次再挑戰中辣松茸餃 （配湯）配咗個紅色松茸醬，原來唔辣嘅，滿滿嘅菇味壽喜牛肉餃（配湯）有驚喜，壽喜味剛好，餃子亦充滿肉汁湯係由幾款豆、魚、排骨煲成真係屋企飲果啲湯味，唔係茶餐廳嘅例水芫茜豬肉餃（煎）係誠實嘅，食落有芫茜味不過可再多啲茜，少啲肉會再滿足啲有好多調味料，本來諗住食餃時點，點知無用過，隻餃本身已經好夠味但係都有試吓味😋菜脯豆豉醬重豆豉味，有辣椒係入面不過唔辣四川辣椒醬同粉麵舖果啲好似差唔多🤔🤔

唔想成日食飯，清清地食下餃子已經好滿足☺️🥟至尊松茸豬肉餃 （湯餃）呢款餃子係至尊皇牌，店員推介之一。餃皮薄，易入口，豬肉同松茸餡料鮮甜，配埋湯夠清新💫🥟龍鳳松茸餃（黑白松露）（湯餃）推介俾鍾意松露嘅朋友～ 呢款餃子用松露味做賣點，以前好怕松露味太濃會食到膩，但呢款餃嘅松露味唔會好over，反而係剛剛好嘅感覺，加埋豬肉同香菇，好清新好入味，想重口味啲嘅可以配埋辣椒醬一試～🥟雲耳椰菜豬肉餃（跟狀元九鼎湯）咁多款入面個人最鍾意呢個雲耳椰菜豬肉餃❤️ 椰菜雲耳味超級鮮甜☺️配埋豬肉但一啲都唔膩，咬落去好爽脆，配埋個清新嘅湯一流，好滋潤～推薦推薦🎈🎈💫重慶鮮肉雲吞（唔辣）如果鍾意重口味啲嘅朋友一定要試呢個雲吞～入面係豬肉同香菇，好juicy，但又唔會好油膩果種，個湯都好入味，重加咗香蔥調味，好啱鍾意濃味少少又唔想太油膩嘅朋友～ 如果鍾意食辣重有唔同辣度可以選擇！除咗餃子，呢間舖重好貼心咁醃咗好多酸瓜同蘿蔔比我地任食，溫度保存得好好，都係冷藏嘅，食落好開胃，做前菜又得，一邊食下餃子食下酸瓜又得，夠哂fresh☺️想睇更多我既食評同分享 記得follow同like我ig @puddingfoodhk ๑ºั

今日媽咪唔得閒煮飯，所以我哋就去咗西環食餃子。呢間分店好有氣氛，座位都幾舒服，好好坐。我哋叫咗幾款餃子同埋啲小食，味道全部都好唔錯。.至尊松茸餃-入面加咗香菇同豬肉，餃子皮又薄又彈牙，加埋啲松茸嘅味道，味道更顯特別。一啖咬落去就有豬肉韌性同埋松茸微微爽脆嘅口感，令人欲罷不能。.龍鳳松茸雙灼餃-黑白松露嘅味道好濃郁，但係同時都食到豬肉嘅鮮味，肉汁完全被包裹喺啲餃子裏面，鮮味濃郁。.香香甜甜嘅粟米餃就令人食落有種幸福嘅感覺，爽脆爽脆的口感，真實唔似罐頭嘅粟米味道，紮實紮實的一粒粒，沒有過多花巧，樸素嘅美味令人一試愛上。.四川涼皮-涼皮好滑好爽口，辣椒醬同啲芝麻醬味道好夾，低卡高飽腹感，而且好食，減肥幾適合。～～～餃掂手工餃子雲吞專門店 (西環)西環士美非路12號文光閣地下C號舖

手工餃子尊門店，讓我非常驚喜，這裡的餃子非常好吃，湯底也很推薦！餃子皮非常薄，吃起來非常有嚼勁。餡料也十分豐富，有很多不同的選擇。我們點了一份至尊松茸豬肉餃(湯餃子）和一份壽喜燒牛肉煎餃，都非常好吃！尤其喜歡松茸湯餃，湯底十分足料，鮮魚湯沒有味精，而松茸及豬肉餡料亦鮮味非常！牛肉煎餃，外皮煎得很香脆，也很出色。見餐牌還有其他素菜選擇，素食朋友也可以試試。除了餃子之外，這家店的小吃也非常精緻，有蜜餞雞翼，黃金原味皮蛋，日本龍鳳蛋，等。我非常喜歡他們的龍鳳蛋，糖心蛋黃很美味。黃金皮蛋也很特別，口感豐富，是不錯的小吃。飲品要了蜂蜜檸檬薏米水，滋潤清新！這裡服務也令人滿意，服務員非常熱情，耐心地為我們介紹和推薦菜式。食物很用心，是非常值得推薦的好店！

一直從社交媒體聽過餃掂呢個名，雖然分店多，不過就一直無機會坐低試下。今日交收完，路過見到醒起呢間由太子開到泥西環既餃子店，環境光鮮企理，鋪位雖小，但樓底幾高，坐落都算舒服。叫左幾味餃子同朋友一齊分享，最為欣賞煎餃！龍鳳松茸餃呢個店員推介，叫我地試下呢到拿手款式，雖然價錢多小小，不過出奇地原來黑白松露同肉餡一齊放入餃子皮內係咁夾！而且呢到煎功無得彈，我係屋企煎十次都煎唔到咁金黄香脆。所以話，有D野食要出街食先食到！另外呢款餃仲配埋湯，好岩食到口乾濕下口，味道也唔差（當然係無燉湯咁好飲）元貝豬肉餃無預計過過元貝豬肉餃咁重元貝味，食得好開心，好味又足料！如果鍾意食元貝類既朋友唔好錯過！湯餃亦冇浸到餃子皮軟爛，狀況剛剛好至尊重茸餃呢款又係煎餃，呢到既煎餃真係無得輸！我就自己調配左醬料，1/3醋加2/3醬油，配埋店家提供既台上既秘制醬料同埋特別另上既松茸醬，好似開緊醬汁PARTY！值得一提，松茸醬帶有好獨特既菇香，味道比一般豆瓣醬層次更豐富，能夠吊起餃子味道。而且仲有分辣味同原味，兩者都好好食！

重慶鮮肉雲吞(52hkd@18隻)雲吞皮未去到超薄，入面嘅豬肉餡都幾飽滿扎實，入面仲包埋雲耳，上面有層薄薄嘅辣油，帶起個麻味，叫中辣都幾過癮😝壽喜燒牛肉餃(58hkd@7隻)餃子🥟勁多汁，一咬落去真係爆汁，仲彈到我個frd😂皮幾薄，食到壽喜燒獨有嘅甜醬油😍居然有日式餃子嘅感覺，肉都幾飽滿😎龍鳳松茸煎餃(98hkd@8隻)有白松露同黑松露，第一啖咬已經勁香，完全唔會有豬肉腥味，餃子都一樣做到焦邊，咬落好香脆，一如既往咁爆汁，推薦😍四川涼皮(32hkd)同我之前食過嘅涼皮唔同，佢唔係用花生醬，而係用花生粒本人🥜增加唔少口感，叫中辣都幾辣其實🥵#foodiblum中式

食咗三款餃子，覺得壽喜燒牛肉餃最好食仲要係煎先好食，七隻$58即叫即煎脆卜卜，食落有牛肉汁，惹味好食味道真係有啲似壽喜燒牛肉，幾特別至尊松茸餃，湯餃八隻$80食得出有松茸味，不過整體味道較壽喜燒牛肉餃子淡湯餃跟一碗招牌狀元九鼎湯，材料有粉葛鯪魚鯽魚因為覺得煎餃香啲，所以再叫咗煎雲耳椰菜餃，七隻$49都係即叫即煎，味道冇壽喜燒牛肉餃咁香，但係食到雲耳和椰菜餡料，真材實料都唔錯上湯松茸時蔬$32四川涼皮走辣$32，可以自己另外落辣椒油隻碟唔大，不過執滿咗勁多涼皮應該有成三碗，真係好抵食龍鳳蛋，一隻$18 ，配搭左白色黑色松露醬

堅尼地城煎餃子好去處 呢間餃子店有幾間分店 （西灣/銅鑼灣/灣仔/太子/將軍澳/中環）幾近地鐵站 堅尼地城一出站就到 簡單記錄下.⭐️壽喜燒牛肉煎餃（中）7隻$58呢間店我最鍾意佢哋嘅煎餃👍🏻外層我煎到好香脆 金黃色 （仲脆過上次）😋咬開有小小日式壽喜燒 沾滿醬汁既感覺但咬開肉汁冇上次咁多 （反而更脆）.⭐️至尊松茸煎餃（中）8隻$80跟湯👍🏻同樣好香脆 咬開有唔少松茸餡料跟一個偏清 滋潤嘅魚白湯 明顯感受到冇味精望到佢地材料有 粉葛 扁豆 赤小豆 鯪魚 鯽魚 陳皮 蜜棗 紅蘿蔔 排骨🤔湯底同上次一樣暖暖地 如果爆熱會好d.⭐️雙併湯餃$60 10隻叫左 粟米豬肉/白菜豬肉 2款都唔錯同樣跟左一大碗滋潤嘅魚白湯湯餃 餃子皮 厚薄平均 冇穿 加分鍾意飲湯嘅朋友 點呢款性價比最高.⭐️四川涼皮（小辣）$32點左小辣 但都好辣 辣椒渣 辣味 後勁好重涼皮晶凝通透 好彈牙 可以食到雪雪聲底下有青瓜絲 花生碎 紅油量適中 .⭐️黃金原味皮蛋$28皮蛋蛋黃係小小流心 口感相當Q彈但原味 應該用左類似陳醋既汁 未必個個鍾意如果做返尖椒 或者麻辣汁 應該會相當惹味.之前嚟過 今次客人比上次多咗好多整體保持到質素