麵館皇

Open Now

Now Closed

韭菜雲吞唔係平時x仔碼頭嗰啲，肉味較濃，刀削麵一睇就知全人手製作😋👍🏻之前食係有好多菜喺碗麵入邊嘅，不過我估可能因為好多人唔食而浪費晒，宜家變咗粟米粒，個人就比較喜歡菜，不過粟米都👌🏻👍🏻重點就係佢哋濃郁嘅藥膳湯底，食過一次之後周不時都會諗起想食🤤 (個人喜好)———————分隔線———————👇🏻以下只適合女性參考👇🏻不過今次小女子冇經大腦，第二日嚟m走去食藥膳湯底😅食到一半已經覺得開始有番少少m痛 (本身尋日已經痛完)，食完兩三個鐘之後好似放血咁🫠我估可能湯底補過頭？加上小女子身體虛弱受唔住🫠 當排吓毒囉🤷🏻😅 下次唔係嚟緊m食就冇問題👍🏻完

呢間麵館由上一代的父母經營，佢地個仔準備接手，呢間麵館王既刀削麵我已經食左兩三年，因為我係一個名副其實既noddleholic，尤其係好鍾意食d有口感既麵，所以刀削麵真係我既最愛，呢度既刀削麵都係由廚師一條條削出來即製即煮，保證口感煙韌。至於配菜方面，最好食既梗係招牌口水雞，雞肉超大份，男仔來食都一定夠，何況係我一個女仔，最正係佢哋嘅麻辣口水汁，老闆話個辣椒醬係自己炒出來，唔怪得咁香口惹味啦🤤♥️

銅鑼灣登龍街距離地鐵站8分鐘，位於內街位置感覺係一間非常細嘅小店，而每次嚟到都好滿人，不過唔係太多人嚟到，其實一兩個人都好快入到去食嘢。每次嚟到都必點口水雞套餐，一定要轉刀削麵，因為佢個藥膳湯真係非常之香濃，食過係會非常之掛住佢，同埋喺銅鑼灣可以用呢個價錢食到一碗麵，仲有口水雞可以食，可以話係非常抵食！口水雞唔會好辣，不過口水雞係帶骨嘅口水雞。另外佢嘅獅子頭係非常之出名，一碗麵有三粒好大粒嘅獅子頭，非常香濃柔軟，入面充滿肉汁。刀削麵係人手整，每一塊厚薄都唔一致，食落特別有口感，麵食落亦唔會好「粉」，係彈牙爽滑嘅麵質，配埋藥膳湯，夏天食真係會出晒汗，但真係會掛住佢每個星期都返嚟食佢幾次。杯豆漿亦都係好香濃，可以叫熱或凍，食碗咁熱嘅面，我多數都會叫番杯凍豆漿！

店名：麵館皇Noodleholic地址：銅鑼灣登龍街32號地下            （港鐵銅鑼灣站B出口,步行約3分鐘）營業時間：11:00- 23:00電話訂位：2656 6880今日到銅鑼灣試吓一間食刀削麵嘅中式麵店，主打滬菜（上海)/ 粉麵/ 米線，最出名係「招牌麻辣口水雞灌湯配刀削麵」連凍飲，價錢：$66，麻辣好香唔算好辣，而且好足料，而且分量充足，午餐一定夠食，之後個刀削麵好熱，非常有咬口同質感，平時唔係咁易食到！如果大家lunch可以懲罰下佢👍🏻誠意推薦俾大家！大家有時間值得試一試🙏🏻

整體感覺親切 有家庭老字號感覺，食物質素優良，但服務流程有待改善。當日係平日晚餐，我地大約7點到達店內得一枱客，職員都叫左我地坐4人位。我地揀嘢食揀左一段時間，大約15分鐘就好多人入左黎，建議大家早小小去。有d客都會問下吾同嘢食嘢材料，職員都好用心答，服務態度係非常有禮。但係好似個日d職員係新黎，好多流程上都有甩漏，例如上錯餐，不過態度搭救。我地叫左豆漿，咖哩雞扒刀削麵，口水雞刀削麵。湯底好鮮甜 冇味精味 個藥饍味係完全吾會感覺中藥味。平時食吾到d藥饍味嘅人應該都會接受到。刀削麵好有麵香味，手工麵厚薄不一 食落口感幾好。凍豆漿：豆味超級香濃，似係自家制作。不過飲開無糖會覺得甜度偏高。咖哩雞扒： 鹹香港式咖哩汁 質素中上，雞扒肉質幾好 都炸得脆同好juicy。口水雞:：我地係雞翼部份，肉質鮮嫩多汁。個口水汁係重點 大推！個汁睇落好深色，但完全吾會過鹹，辣椒油好有特色 感覺有落炸蒜 好香口 而且有口感 。不過吾食得辣嘅就未必感適合，因為個辣度都有中辣左右 係黎得快去得快嘅辣黎。

店鋪唔顯眼, 若非朋友介紹會完全被忽視, 剛巧經過就進內試試。細小的店鋪, 沒有什麼特別的裝潢, 如果滿座應該會有點逼, 進來時已夜深人不算多。雖然店鋪以刀削麵主打, 但本人對刀削麵的質素不太喜歡, 為免影響評價還是選擇拉麵。本身可選冷麵, 拉麵或飯, 另外可加$5轉刀削麵, 手擀麵, 年糕或圓圓米粉, 加$7可加飲品。金牌咖喱牛腩罐湯拉麵 $74咖喱牛腩跟拉麵分開上, 值得一讚! 👍🏻 咖喱汁不辣但香口, 略帶點薑味。由於這份咖喱牛腩已經是最後一份, 所以牛腩肉只有一至二件, 其他全都是牛筋 😅 牛腩炆得淋, 不算肥。罐湯拉麵上枱時還是滾著, 熱騰騰的, 這個設計很好, 就算吃到最尾還是蠻熱的。拉麵份量偏少, 中藥湯底的中藥味偏淡, 雖然淡但絕對真材實料, 嘗得到北芪黨參的味道, 而且我喝了整碗湯都不覺口喝, 證明沒有額外加工 😊 當然中藥味再濃一點會更好!

一直忙唔記得寫食評13/4傍晚，去時代廣場睇戲之前，嚟咗呢間食口水雞，疫情前都食過，味道不錯，諗住未執就繼續食喇因為要等老公，所以一個人坐住先，叫咗兩個飯，口水雞飯&咖喱牛腩飯，配凍奶茶&熱咖啡☕，店員姨姨都好好人，招呼都算熱情殷勤味道水準同疫情前一樣，但老公就覺得鋪頭好大陣up味。因為口水雞都算辣，我幾乎飲曬杯凍奶茶，當我老公臨尾都想攞杯凍奶茶嚟飲嘅時候，竟然發現杯內，係杯內，有3隻烏蠅/小昆蟲尸體😰😱（有圖）唉。我同店員姨姨講，姨姨好好咁話俾另一杯我，但我已經飲唔落😷，姨姨最後free咗杯凍奶茶俾我，冇搞大件事，so far事後我都冇唔舒服嘅，不過我應該唔會再幫襯喇，大家參考下喇～

我最近去了位於銅鑼灣的「麵館皇」餐廳，點了他們的招牌藥膳刀削麵和口水雞。這家餐廳提供的刀削麵非常特別，不僅麵條Q彈有口感，而且加入了多種中藥，讓人在品嚐的同時感受到了藥膳的功效。口水雞則是肉質鮮嫩，醬汁香辣可口，讓人食指大動。此外，服務員也非常友好和熱情，讓人感到賓至如歸。總體來說，我非常喜歡這家「麵館皇」餐廳的藥膳刀削麵和口水雞，不僅味道鮮美，而且還具有藥膳的功效。如果您喜歡中式美食，我強烈推薦您到「麵館皇」餐廳品嚐一下他們的美食，相信您一定會愛上這裡的菜色。

Lunch time銅鑼灣燈籠街一定周圍滿坐今日叫左麵館皇既外賣自取返公司食滑雞藥膳湯飯配豆漿落到去拎外賣見店內都差唔多坐滿 我都拿拿林拎住外賣返去開餐一打開湯碗已經好濃既藥膳味道 岀哂煙但飲落味道唔會令人難接受 超熱辣辣 份量好大多兩個人飲 仍岩哂鐘意飲熱湯既朋友滑雞都6-7件 啲滑雞肉好嫩滑 連雞胸部分都唔會鞋十十而飯既份量都有成一碗多 仲有啲甜粟米粒增加左口感 夠哂飽！餐飲一定要試下佢杯豆漿 口感好滑身又唔會太甜

幾年前食過一次呢間小店既湯麵感覺合格🤣今日想食個快捷午餐所以再試😛一入到去首先冷氣凍得黎控制唔到 座位同檯上唔乾淨已經好趕客🌚 最大問題係服務差得黎唔老實😡 落單既時候店員主動問轉唔轉刀削麵 本身無咩意見就試下啦😅 落左單先發現Menu寫刀削麵要加$4，即刻同店員話取消先話落左單無得改💸 $4就睇得出呢間舖既質素⭐️ 砂鍋罐湯雲吞 🥟先講湯底聲稱用咗藥膳去煲嘅湯底🌱完全無藥材味 飲完好鹹好口渴🥵 雲吞既賣相爆曬出黎😞 餡料調味一般般 CP值非常不高⭐️ 雲吞罐湯拉麵 🍜加咗$4嘅刀削麵口感好粉有啲硬🤨完全不值⭐️ 上海獅子頭罐湯拉麵 🦁睇返以前食過既獅子頭🍖質素唔高但比雲吞好 咬落肉質比較乾☹️

推薦！超級好吃！口水雞 肉質滑嫩，鹹辣剛剛好刀削麵Q彈口感好湯底是藥膳 超級好喝我是台灣人來居住香港好幾年了第一次吃到那麼好吃的麵店 很驚艷店家好有禮貌 真的人很好 食物也很美味真心的大大大推薦

工作完同同事走去登龍街搵野食，行行下見到一間其貌不揚嘅餐廳，但心諗開得係呢條食街都應該有返咁上下水準，見到餐牌嘅藥膳罐湯又幾吸引，就決定入去再慢慢揀⋯-🍴麻辣口水雞罐湯刀削麵口水雞少麻少辣夠香口，仲有啲花生添。而熱鍋上枱嘅藥膳湯同街尾另一間湯麵完全唔同style，街尾嘅偏甜，而呢間就多返幾分藥材味。平時食開幼麵嘅我，意外發現刀削麵呢種粗身麵嘅美好，好有口感。-🍴糖醋魚罐湯年糕魚塊大舊又啖啖肉，夾埋藥膳湯in in un un 嘅年糕，好飽肚。-雖然論裝潢感覺佢就唔吸引，但姨姨們嘅友善勤勞同埋佢嘅熱鍋藥膳湯就係佢嘅賣點。

👤人數：2💰埋單：around $211睇完電影肚餓，加上天氣有一點點轉涼，想食一點熱辣辣嘅嘢，呢間店開門一刻有猶豫要唔要入去，但最後都係安慰自己，應該面好熱好辣所以要開好大冷氣。入門見到好多學生，都有情侶，應該都係行完街或者睇完電影，價錢不高，要求不太高食下幾ok。🥢麻辣口水雞芫茜刀削麵 $68+6⭐️⭐️⭐️加錢可以轉芫茜刀削麵，面質嚟講算不錯，至少不會煮到好懶，也有些嚼勁，雖然不太能吃得出有芫茜的味道。麻辣口水雞，雞肉都算可以，過得去，有70分，但真的有一點點辣，平時吃四川菜都只能叫BB辣的朋友要慎重。🥢金牌咖喱牛腩罐湯手擀面 $70⭐️⭐️⭐️湯底清清淡淡還可以，藥膳味不是很重，手擀面有一點點薄，所以很考驗火候，但這家煮得稍微有一點點久，導致粉有點軟了。咖喱味道還是不錯的，不辣，牛腩稍微有一點點肥肉，咬下去都幾香口，而且大大舊，啖啖肉。🥢糖醋魚 $58⭐️⭐️⭐️炸過的魚柳再附上酸甜汁其實都幾好味，雖然炸皮厚了一點點，但整體ok, 58蚊有4-5舊，兩個人食剛剛好。🥢豆漿 $7⭐⭐⭐喝得出係沖粉嘅豆漿雖然一定要糖分，但味道我覺得都幾好味，間中飲下都好方便

經過登龍街見到呢間餐廳都幾多選擇 於是試一試佢 🤔🤔🤔叫咗個藥膳豬扒湯麵 (手擀麵) 個湯麵係用砂鍋上 應該係鋪頭一大特色？個湯黎到既時候係真係好夠熱 好滾 🍜到差唔多食完既時候麵仲好keep到個溫度 冬天黎食應該幾正 暖粒粒個湯底都幾香藥材味既~ 好在佢又未去到勁濃，算係幾恰到好處👍🏻👍🏻啲麵條就無想像中咁有口感 有少少失望😣 不過值得一提既係麵質真心幾滑 豬扒方面就真係麻麻 唔建議叫 炸到好乾好柴 👎🏻👎🏻

我嗌咗麻辣口水雞配藥膳刀削麵。又要養生，又要麻辣，感覺好矛盾，又無咁有罪惡感😁。刀削麵好煙靭，口感幾好。鍾意食煙靭麵體嘅朋友應該會喜歡，而且份量都幾足夠。湯底係淡淡嘅藥膳味。用砂鍋裝真係食到尾都熱辣辣。整體來講味道偏溫和清淡，配一啲重口味嘅餸就好適合啦。口水雞味道中上，幾好食。除咗蒜頭、辣椒粒同花生粒，仲有啲豆豉喺上面。我覺得係加分同惹味咗嘅。口水雞底下就係個汁同紅油，再墊咗層青瓜。食到咁上下可以整啖青瓜清清口，幫條脷降下溫。雞肉都唔會嚡口，不過都幾多骨下。個人覺得調味可以再鹹啲同辣啲，啲雞都可以再凍啲，咁就會更加好食。另外兩位朋友就揀咗豬軟骨同滑雞。豬軟骨其實都幾好食，不過對我來講就唔夠味去搭配較清淡嘅藥膳麵，滑雞更加係太溫和啦。🤣唔食得辣嘅可以試下，但食得辣嘅會推薦食口水雞先。👍