北方餃子源 (水街)

Open Now

Now Closed

同兩個朋友一齊食Lunch，唔想食得太heavy所以選擇左呢間，見佢其他分店係OpenRice嘅評價又唔錯。有一個朋友比較遲先到，而又因為午餐時間多人等位，所以我地要同一個陌生人搭一張四人檯。個侍應開頭有啲唔耐煩，但咁問我地個朋友幾時到，後來佢都有同返我地道歉，因為佢覺佢態度唔係幾好。我地都明嘅，因為始終午餐時間係多人，所以冇覺得好不滿。呢間餐廳環境幾好，都幾乾淨，落左單後好快就有侍應送上暖水，如果需要添水就可以出聲。我因為想食得清啲所以就揀左碧綠素菜餃，一碟有10隻。朋友就揀左好出名嘅京蔥羊肉餃同埋鮮肉翠肉瓜餃麵（5隻餃子配麵）。落完單等左十分鐘左右就有野食。啲餃子粒粒都大大粒同埋好漲。我自己個個碧綠素菜餃一啲都唔會好齋冇味，入面包有青菜雲耳同埋雪耳，口感好豐富。因為啲餃子係滾熟嘅，入面又冇肉，所以一啲都肥膩，簡直就係超健康！加少少醋／豆瓣醬就已經好好食！可能因為我自己本身就好鍾意食菜，平時食餃子都會prefer多菜少肉，所以我好鍾意佢呢個餃！我冇試過朋友嘅京蔥羊肉餃，佢話唔會好大陣膻味，即使一次過食十隻都冇問題。另外朋友嘅鮮肉翠肉瓜餃麵，佢都覺得唔錯，不過我冇食過就唔評論。呢間仲有

謝謝收看我的第一個食評本來之前在外國生活了好一段時間 身邊的朋友都是北方人 東北人 所以口味也偏北方 熱愛各種面條 包餅 餃子！！！遺憾在香港確實難找到正宗的北京味兒這晚來到水街這家吃餃子的店。晚上7點半 店裡坐滿了人 地方非常擠 不過服務員還是給我搬來一張椅子放東西點了一個脆玉瓜餃子面 拌青瓜 拌土豆絲 先說涼菜 只能說 不難吃～拌青瓜 - 是用麻醬拌的 沒有放醋 是我沒有吃過的拌青瓜味道拌土豆絲 - 偏甜 不爽不脆 大概是因為土豆絲煮太久了 這菜是用白醋拌的 除了白醋跟糖（大量，偏甜）大概就沒有其他調味料了 也是我從來沒有吃過的拌土豆絲口味～最後脆肉瓜餃子面我最期待的其實不是餃子餡 是他的皮 我覺得餃子最好吃的就是他的皮 要有嚼勁 可是這家的餃子可以說是完全沒有嚼勁 而且煮得太久了 一夾起來就要爛的樣子 餃子餡倒是不錯 味道適中 面也是煮的太久了 感覺再泡一會就要變麵糊了。。。唯一覺得欣慰的是此店沒有大量味精 吃完一點不覺得口渴 （本人對味精異常敏感）不過應該不會再回頭了。。。***不好意思 店裡人太多地方太小 沒辦法拍照。。

羊肉餃子 - 羊肉香皮有咬口。素餃子 - 菜爽口但味道太鹽。酸辣湯- 味道像鼓油。拍青瓜，雞絲粉皮 - 味道一般，無驚喜除了羊肉餃子，其他只能說..失望！

從前西環有間叫"好客山東"北方食肆, 結業後就好難食到有水準o既羊肉餃, 原來上年响水街開咗一間灣仔出名o既"餃子源", 但自從灣仔店態度持續惡劣後, 就無再幫襯, 意思即係無再食到滿意o既羊肉餃喇, 今次再重遇, 必定成為我日後飯堂, 無論環境裝修水準定係服務, 全部都比總店好, 一句講晒- 非常滿意 今次兩人光顧, 一共叫咗4樣嘢1) 京蔥羊肉餃 $38 - 一客有10隻, 雖然無湯浸住, 但一d都唔會有乾身感覺, 羊肉配上老朋友京蔥, 完全帶出羊o既羶味, 令我食完一隻再接一隻停唔到口2) 山東手撕雞 $32 - 可能雞件比較大件同唔夠滑, 所以就算加上辣椒同蒜頭, 都好似配合唔到咁, 所以我只能評為好一般菜式, 不試也罷  3) 芝麻醬冷麵 $30 - 用的是上海麵, 無一般食肆用拉麵咁彈牙, 但加上香濃麻醬同卥蛋, 即時挽回唔少分, 但略嫌醬太少, 但只要一開口, 店員就毫不吝嗇比一大碗我4) 豆沙鍋餅 $25 - 唔太油又唔太甜, 仲係即叫即炸熱辣辣, 食多幾件都唔會膩總結: 街坊生意, 價錢大眾化, 仲無加一, 中上水準, 又有服務, 無唔再幫襯o既理由兩人共消費 :$

今日去西環水街探朋友，之後朋友話帶我去食一間新開嘅水餃店，佢話之前同佢老公食過幾好食。去到好多人，好彩啱啱有人走，所以等咗大約3分鐘就有位，入到去第一眼見到羊肉餃，因我至愛食羊，立刻叫咗羊肉餃，酸辣湯，朋友就叫咗煎韮菜餃同埋手撕雞！羊肉餃好快就黎，一碟有成10隻，份量十足，隻隻啲肉都好多，很有羊肉味,超多肉汁, 味道一流。韮菜餃，個皮好脆好香，一咬落去勁多汁，好好味，推介。酸辣湯夠酸夠辣, o的料又夠多, 正手撕雞肉質都幾滑, 幾香, 好有雞味, 唔錯因為有太多款式，但只得我同朋友兩個人，所以下次再嚟搵佢，要嚟再試埋其餃子

前日我地6人相約番學校溫書, 溫書之前食個飯先! 原本諗住出旺角食既, 但搭車需時, 所以就決定落去電車路睇睇有乜食喇!友人話食西餐但有三位內地朋友話唔係咁想,咁我地再揾揾啦!點知有位朋友,見到有間餐廳就二話不說衝左入去!入到去見到坐滿哂人,等一陣,不夠2分鐘有位"睇下MENU原來食餃的仲有好多款,我仲以為係茶餐廳"內地友人第一時間話要食羊肉餃"我話不如再叫多種餃啦!(因為我唔食羊)叫左煎韭菜餃 再叫 香炸豬扒菜飯 手撕雞重有酸辣湯 "羊肉餃我就無試'內地朋友話好好味 煎韭菜餃好正呀~咬落去仲有肉汁走出黎超好味!香炸豬扒菜飯個菜,飯究然仲有個醬汁加?(咁大個仔都未見過)"D汁加落去個菜飯度好醒胃可以食多一個,酸辣湯好多料 手撕雞就不過不失,因為本人不太喜歡食雞,呢間野唔錯唔錯下次會再黎~

今日經過西環水街見到，之前食開灣仔果間，入去試試，老闆好有心機介紹左幾款食品俾我地，最後我地決定試左手撕雞，羊肉餃子，煎餃子，煎餃子一試難忘，真係好正！肉汁多到爆，另外手撕雞啲汁又好好食，好評！好評！