北方餃子源 (水街)

Open Now

Now Closed

Walked in at around 21:00 and it was practically empty, there were boards set up in between tables to keep us safe from germs. Out of all their dumplings my favourite has always been the Lamb and Leek dumpling! Perfectly cooked, it’s soft but not without a crunch from the leeks. Absolutely loved it!You can try their jellyfish and garlic-bombarded pork slices as well@Foodfillingthoughts

細個住過里區，感覺好親切，已經唔記得餃子源係我住嘅時候開定係搬走左先開😂有關餐廳嘅防疫規定剛實施，所以都等左一陣先有位俾我地入~有一種老牌上海餐館feel，同朋友研究左一輪menu 先終於決定叫手撕雞上海麵、椰菜豬肉煎餃、酸辣湯韮菜豬肉餃同豆漿手撕雞上海麵以雞髀肉製作，所以肉質嫩滑，不錯~椰菜豬肉煎餃煎到外皮好脆，咬落去餃子皮內裡仲保留少許韌性~酸辣湯韮菜豬肉餃嘅酸辣湯偏辣，份量好大，食完好有飽足感豆漿正正常常咁啦~重遊舊地心情特好

在家附近想尋找一間比較街坊的餐廳，由於不是太高，所以就想選擇一間相對輕食的餐廳。在北方餃子源內，可選擇不同的淨餃子，麵，或一些小食和客飯。白菜豬肉餃5隻（$29）餐廳保留北方風格的餃子，餃子皮較後，包着充滿肉汁的豬肉，以白菜做配合，咬落爽脆可口。鮮蝦韭黃豬肉餃10隻（ $55 ）豬肉配上鮮蝦，以韭黃作配菜，可以吃到海鮮鮮甜和豬肉保留的肉汁，非常搭配。擔擔面的鹹味及辣味適中，麵也煮得剛好，能保持咬口，如肉末能增加份量就更好了。餐廳也得到不少雜誌報道和獎項，證明其廚藝有水準。

去完西環睇完日落可順道嚟呢間餃子店食餃子不俗！🥟蒸韭菜豬肉好重韭菜味鍾意食韭菜嘅你一定要試吓豬肉同韭菜嘅比例50:50餃子皮厚薄均勻配埋豆瓣醬or醋 就perfect🥟炸醬拌熱麵.......................$40上海麵淋上鹹淡適宜嘅炸醬豬絞肉夾帶粗肉粒+青瓜粒+黃豆+青瓜絲多種咬口嘅食材溝埋一齊口感特別豐富🥟辣雞絲粉皮........................$41一廂情願係芝麻醬+ 特有嘅辣醬可惜事與願違味道普通.🥟豆漿豆味濃 順滑推薦👍🏻

今日又到西環搵好嘢食嘅時間，嚟到呢間遠近馳名嘅餃子店。你到就梗係要食最出名嘅餃子，今次叫咗C2:京蔥羊肉餃擔擔面 $58擔擔麵好好食，麵條細滑，份量多，但可惜係唔係太夠辣，但岩曬如果唔係太食得辣的人之後就到主角餃子出場❗️❗️❗️一共有五粒皮薄餡靚，由幅相都可以見到，絕對唔會慳住慳住，肉汁爆曬出嚟，好好食，愛羊人士絕對會好鍾意❤️整體來講，香港地區勁出色的餃子而價錢又唔太貴，絕對推薦黎一試❗️❗️❗️❗️

輕食餃子，平時要排隊很少買。見openrice可以order試下用都幾方便，一個唔錯選擇。order 到ready 10mins 就攪掂感覺良好見人排隊我入去報報電話就羅得。

今日工作太忙, 就經某外賣App 訂餐, 快捷方便, 大愛🥰今次就揀左 , 第一次食已經非常滿意, 值得推介!👍🏾Office在上環, 餐廳在西環, 🛵訂餐後都好快送到, 而且來到時仲微熱的, 包裝亦都好好, 好多餐廳就算外賣自取都包裝得好差, 特別湯麵類一定唔多唔少都會D湯滴又好倒瀉又好, 搞到個袋濕哂, 但呢到係個袋完全冇濕嫁, 所以呢間餐廳同呢個外賣App 都做得好好👍🏾🐷🥟西洋菜豬肉餃米線 ($53)*價錢不能作準, 因為我係經某外賣App 訂餐的啊湯係分隔的, 唔會令到D米線同餃浸到漲哂淋哂, 讚!首先湯底清清地, 但又唔係淡而無味個隻, 普通D咁啦, 都OK的, 米線份量夠,口感滑嫩, 都OK的💁🏽‍♀️💁🏾‍♂️主角來了, 🥟西洋菜豬肉餃水餃皮既厚薄適中, 口感有嚼勁, 肉餡菜同肉既比例都好好, 足料, juicy, 簡單黎講就皮薄餡靚😋

今日黎到依間鋪，見星期六夜晚7點鐘都半滿，滿心期待去一試，2個人入到去坐係全店中央位置，見到有卡位就打算轉位，問其男店員一句‘可唔可以。。。’野都未講完，男店員高聲呼喝一句‘等陣’全店都聽到，老闆過來關心並表示‘卡位會比較涼’，可惜我一件餃子都未點單就決定因其男店員態度問題轉地方食晚餐了。。。野食我就評價唔到，但店員態度非常趕客，唔知同最近暑期工有關，但這間北京餃子源，不了。大家有心理準備食個晚飯都比人喝，大可一試！

老闆勁好人！淨係食個服務都冇得輸。落order同埋單都會講多謝，完全唔係hea講，落完order會主動比水你，唔似其他舖頭叫到先比，見到我有個袋仲主動問洗唔洗幫我擺埋一邊。講返野食，好味、多選擇、價錢又合理。揀左羊肉餃，層皮超薄，同埋主打唔落任何味精。一定會再食！

作為餃子控，依間真心唔錯既然encore就梗係試下其他嘢。今次叫咗個紅燒牛肉麵、擔擔麵同白菜豬肉餃。下午茶時間嚟到，可以直入不用等位。紅燒牛肉麵牛肉比一般食到的份量要多，仲要係牛腩肉，肉質不太腍，有咬口。湯底一流，清清的牛肉湯有辣味慢慢滲出，又不會太嗆，麵的口感較油麵軟身，但又比米線有口感。擔擔麵湯底口感豐富，帶小小花椒味，花生味重，中和了湯底的辣味。白菜餃就直接食咗，無影到相賣相 5/5口感 4/5味道 5/5番食率 4/5

灣仔果間舊舖，我真係十年前就幫襯，今時今日仲保持到原味道記得以前最喜歡佢地嘅羊肉餃，肉餡夠juicy，今晚朋友話事，揀左蒸西洋菜餃，size唔算大隻，男仕一口啱啱好，皮厚薄適中，唔會乾，唔會一舊粉，成隻同一個質感，餡料見真章，菜同肉比例要平衡，菜太多，冇肉汁，肉太多，唔爽口又冇左菜嘅清甜，就算比例過關，最花功夫係撈餡，一大兜肉同菜，要撈得均勻需要花好多氣力，撈得勻先可以食到每一隻都一樣味道，呢度就做得到

大部份都係外國人食客多，價錢平，食物質素又唔錯，西環區平價選擇兩個人$180左右埋單，又可以食多幾款唔同既野醉豬手一碟1/3大豬手左右，係稔得黎爽個隻，淡淡酒香，味道適中，由於係爽既，好膠原蛋白feel嘴仔笠笠既感覺欠奉啦餃子選擇都好多下，水煮/半煎炸既都得，$29/5隻，$49/10隻，10隻會抵食d, 叫左京蔥羊肉水煮餃，京蔥配羊肉剛好，唔會是但一樣搶過對方既味，都幾多肉汁，無叫錯水煮，因為個餃子皮好Q彈，唔會好粉好稔，食多幾隻都唔滯辣牛肉麵麵質都係有點Q彈，湯一般，牛肉尚可無咩特別酸辣湯我下次唔會叫，唔係幾夾我，平時用板豆腐之類，呢度係有五香粉既豆腐乾，又生粉水， 一個普通飯碗份量買$19貴咯山楂茶即係酸梅湯味道都唔錯，無冷熱之分，只有常/室溫

服務真係很好，店員有禮而且面帶笑容叫韭菜豬肉餃轉酸辣湯酸辣湯問題不大，只是豆腐十分深色，食落比較死實且冇味，應該係豆腐浸係湯度太耐但韭菜餃問題比較大，和灣仔店比，餡少，皮厚，沒有肉汁，食落有點失望。

北方餃子源的價錢不貴，人均消費只是$60 就可以食到飽~ 酸辣面- 淡味版的酸辣面，不太重胡椒味，但勝在分量夠多，最後都食唔完 香辣牛肉面- 湯底本來已經很辣，牛肉好淋 鮮肉韭菜煎餃由於它是北方餃子，所以皮比較厚同粗糙、但好多料而且渾圓豐滿, 重有肉汁多到得差點噴出來。搭配店鋪裏調味過的醬油同醋，食到停不到！但煎餃有點熱氣，最後要叫杯山楂茶解熱

同男朋友一齊選擇係度晚餐。其實去得小店，當然唔會要求環境好好，但係都唔係話張枱完全唔清潔下... 環境就先唔計較。見到蔡瀾推介，對食物本身好有期望...最後得到嘅係無盡嘅失望，離曬譜！第一次食嘢食到全部涼菜都係同一隻味！萬能醬料（因為全部涼菜都係落同一隻）好鹹好重味精...食到最後，口渴到就快脫水，滿腦滿口都係呢隻醬料味。食物毫無誠意，基本上就係雪櫃攞出黎然後全部落曬同一隻醬，豬蹄有幾塊仲有冰碎係入面...因為基本上所有食物都係同一隻味...所以唔怪得上菜咁快... 餃子客觀黎講不過不失，其他不敢恭維。完全唔明蔡瀾係根據咩基準推薦餐廳。