一心素食 (Closed)

我地平時食得多肉嘅打邊爐,今次有位朋友介紹了我去觀塘食素的打邊爐。我想都好近來食得真係好多肉,食下素清一清都好。佢地的位置在觀塘工業區初裡,所以餐廳的地方比市區的大,位置也比較多。藥膳養生煱~~杞子,擋參,百合,粟米,紅蘿白燙底,原本我地想叫蓮花煱的,但服務員同我地講今天的蓮花煱已賣完了。因為每個客人去到都指定要那個煱,所以我地只可以要了個藥膳養生煱。我先試了一下個燙,好清甜,又無油,用來打邊爐都就不會怕油膩。我平時都會飲藥材燙的,因為有肉,所以味道會比較濃,而這個比較清。這個煱跟一個素的拼盆,有鮮冬菇,西蘭花,金菇,兩粒用豆品做的丸,鮮猴頭菇,蕃茄,豆腐,椰菜。另外,我地再加了鮮猴頭菇,竹生,鮮淮山,響鈴。原來用蔬菜打邊爐都可以咁好食,我最鍾意是食鮮猴頭菇,因為我第一次食新鮮的,而佢吸收了燙的精華,特別好食。黑松露素扒焗飯~~好香的黑松露,素扒有d似肉的質覺,有鮮冬菇,配上一些白汁在面,飯粒煙韌有咬口,我覺得這個飯與平時食的豬扒飯差不多,食肉的人士也可以選這個食。日式咖哩香樁手抓餅~~廚師搓麵粉時用香草做的去做手抓餅,所以綠綠地色,食落有淡淡的香草味,夠鬆軟,加上日式咖哩汁食好開胃。

近年, 素食風氣吹得旺盛, 就連我不是素食者, 也會選擇食下素, 就係Green Monday的星期一, 我跟朋友一行四人在觀塘區發掘了一間好特別的素食店, 如果在MTR去的話, 牛頭角站會近一點, 呢到叫一心素食上到去, 空間感大, 地方挺大, 燈光充足, 而且坐位間坐得唔迫人找了位子後, 看看餐牌, 發覺食物選擇蠻多, 但最吸引我的卻是素食火鍋, 火鍋給人印象總是油膩, 唔健康當中以蓮花藥膳鍋最有趣, 店員說會整朵蓮花放進火鍋內, 而火鍋湯底由多種藥材淆成的, 一於四個人share一鍋, 另外也order了一些小食, 味道也很好的~先來一個香炸雜菇, 好好味丫!! 炸得香脆, 炸粉唔厚, 連食肉的朋友食完都大讚好吃~沾埋個沙津醬就更惹味了~再來是咖哩薄餅, 烤得外面微焦, 但餡心好軟綿, 而且唔會油淋淋, 確實不錯呢, 說得上咖哩, 當然少不了咖哩醬汁, 微辣得來唔嗆喉, 連同薄餅一齊食, 配合得天衣無縫最後一道小吃, 是芝士年糕, 炸得金黃色, 流心芝士食落一點不膩, 好yummy原來係閒談間, 店員推荐一道叫"冰菜"的小吃, 個名已令我引起興趣, 上檯時, 真的是菜的模樣, 表

很多朋友都認為喜歡食素的人不多不少與信仰有點關係不過, Ah Bee 身為基督教卻越來越愛素食原因是多吃素菜對皮膚好呢~早前在一位 Auntie 的介紹下知道觀塘有一間素食店推出了多款養身鍋部份更以藥饍為主 而且價錢十分平易近人心思思下便相約朋友一同試試~ 由於Ah Bee 曾經在觀塘上班所以覺得「一心素食」的位置非常方便由牛頭角下車步行10分鐘便可以而店舖面積挺大, 接近六千呎這天我們一行四人到達後被安排坐在六人枱, 感覺既寬僘又舒適~ 親切的職員推介了多款菜式給我們還表示這裏的餸菜堅拒使用增味劑在烹調時亦盡量少鹽少糖少油務求保留食物本身的營養為客人提供『原汁原味』的健康素菜 先點飲品吧~友人點了紅棗桂圓茶 感覺就是非常足料內裏有大大紅的紅棗肉 而且味道濃郁, 還有桂圓的甜香味道 而Ah Bee點的是五青汁五青汁由青椒、青瓜、青蘋果及苦瓜組合而成味道甘甜, 帶有清新的蔬果味完全沒有苦澀及草腥味道非常容易入口, 對清除體內毒素很有幫助呢~ 紫薑糖心皮蛋紫薑味道酸酸甜甜的配合糖心皮蛋享用味道互相提升, 非常醒胃而糖心皮蛋的口感十分柔滑溏心帶點流漿狀態, 非常香滑味道亦挺濃郁, 不會嗆

相識多年做股票的朋友難得約我晚餐,大慨是他平常股票買賣時,"陰質野"太多了,所以想吃素食來清洗心靈吧入夜後,觀塘古舊的工廠大街顯得相當陰暗,幸好這裡離地鐵站不算太遠到步後,朋友如數家珍的講述餐廳的特色,相信他應該是常客來的,心靈應該已洗得白白淨了地方相當寬敞,但晚市時人流非常暢旺,要提早一點才有位置來呢傳聞說劉華是這裡常客,可惜這次沒有遇見.....檸蜜雪梨汁,女待應強烈推介的飲品,非常滋潤,女待應附加的笑容也是非常甜美素肉千層麵 ,想不到味道可以做到像真肉一樣而又不失清淡,朋友和我秒速的清掉了這個上等菜式素圈紅菜頭配菠菜麵,素圈的口感極像明星的炸尤魚圈,菠菜麵感覺非常清新,紅茶頭第一眼看上去極像漢堡,非常有趣.朋友不停口地吃掉了香芋炒意大利飯,我這個意大利人頭一次吃不是意大利正宗煮法的RISOTTO,想不到感覺不錯,咬下去感覺頗像正宗RISOTTO,香芋煮得非常軟熟,跟RISOTTO無縫地融合了小食雜盤—外殼是像炸豬大腸,炸尤魚蘇,但內裡全是菇類,素食每一味菜像魔術一樣,每種也令人有驚喜的感覺.說回味道,炸味濃郁,咬下去極像真的炸尤魚蘇,送酒一流,可惜素食是沒有啤酒最後的炸年糕和炸紫

吃開素的朋友, 一定對一心素食不陌生, 說了很久, 終於我們的三人聚會就在此~ 店鋪面積大, 可容納很多客人. 無論是一大班人抑或三五知己, 也能照顧得到. 燈光明亮, 很方便相機食先, 立即POST上網與朋友分享.三個女生口味相近, 所以很快便點好幾款食物.紫薑溏心皮蛋.  經常被視為作嘔作悶很岩吃的紫薑, 與皮蛋簡直是絕配. 寒底人多吃薑無妨, 況且我本身就喜歡吃薑~ 一片紫薑, 足以令我嚐到五味中的酸、辣、甜, 味道層次突出, 最喜歡於咀嚼後, 紫薑仍在口腔散著微甜的餘韻.話明是溏心皮蛋, 這可讓我清晰看見, 無花無假~ 蛋黃部份是溏心的, 黏性度很高, 非常creamy; 而蛋白部份則晶瑩透剔、彈滑的. 皮蛋沒有甚麼味道, 翻閱資料, 原來皮蛋屬寒性食物, 所以一般都與紫薑同吃. 撇除這個原因, 紫薑就是為沒有清晰味道的皮蛋定個方向.黑松露雜菌炒蘭度.  蘭度 - 芥蘭切段, 每條大小均一, 方便用筷子夾起. 翠綠的蘭度炒得爽口, 沒有過老. 黑松露的香味是隱約、幽幽的散出來, 最濃的一刻是把蘭度和菇菌放進口咀嚼時. 這碟雖為小炒, 但不會油淋淋, 稱得上是健康之選.新鮮菠蘿焗

我是食肉獸, 無肉不歡,但係牛頭角朋友想食齋, 一於陪佢地一齊食.印象中的齋, 都係甜酸面根蠔油豆腐青菜芋頭魚之類,好中式, 油淋淋,所以對呢餐齋無期望, 不如交比牛頭角之友發板吧.朋友本來想要蓮花火鍋, 但蓮花賣曬!!!!!!!無奈下改藥膳養生鍋吧湯滾了, 聞到鍋有微微的藥材味,好肚餓呢, 快快趣DUMP曬D食物落鍋先.每款都係平時見的火鍋料, 不過有几種列外:- 丸丸 : 好似貢丸和墨魚丸的齋丸- 葛絲: 初時以為係米線, 但落鍋後, 即刻變透明, 口感似韓國炒粉絲果D << 原來收銀處有售整體來講, 係幾清, 又有藥材味,但真係唔係几夠喉, 職員建議再添D火鍋料,呢几款D好少見, 所以特別選擇- 鮮猴頭菇&竹笙 : 吸收湯味好勁- 鮮淮山 <<< 係咪叫山藥呢, 聽講對女性身體好好嫁………..- 響鈴係自家制的,,, 可以係收銀處買包回家炸靈芝菇, 雞肶菇, 白玉菇配沙律醬菇類炸好後, 灑上紅色的調味粉,如果漿粉變薄D, 可以減少油膩感芝士焗菇菇一向係完美的配撘店鋪將呢個IDEA放係齋的層面…真的進化了食落几好味喎, 果塊素扒味道扮得幾似真

素食吃過不少，但是素食火鍋還是第一次品嚐。為了這個藥膳素食火鍋， 特意來到牛頭角的一心素食。位於牛頭角舊工廠區的一心素食，店舖面積龐大，前身相信是工廠飯堂演變而來。火鍋前先來一點小吃。這個炸雜菇不但香脆，而且完全不油膩。咬下去雜菇還保持一定的水份，像是在 生吃新鮮採摘的菇菌。炸物最考功夫的一環就是火候，尤其在炸物離火上碟前半分鐘，一定要轉開猛火把油逼出來。這樣炸漿才可以保持香脆不油膩。 這個咖喱薄餅頂呱呱，蔥油香撲鼻，男友大讚。感覺就像是印度薄餅加中式蔥油餅的混合體。炸芝士年糕外脆內軟，卻不會黏着牙齒。如果芝士味可以更香濃，相信會更吸引。這碟估他不到的冰菜，簡單地淋上了黑醋，竟然是無比吸引的一道前菜。菜葉不但沒有菜渣，咬下去 就像是咬破了水袋，整個口腔也充滿清新的水份。藥膳素食火鍋終於出場了。這個藥膳素食火鍋的靈魂是蓮花。把蓮花放在湯鍋中，讓他被蒸氣引發而打開。當然侍應也會幫她一把，增快開花的速度。接着放下其他湯底的材料。煮過後的蓮花湯底帶有淡淡蓮香，可是這朵蓮花並不建議食用，因為他的花瓣和花蕊其實是帶有苦味的。蓮花藥膳素火鍋本身已配上一碟蔬菜雜菇，客人可以另點其他火鍋配料。火鍋配料當

第一次食素火鍋，估唔到又幾特别下，朋友介紹到一心食飯，官塘工廠區，夜晚去街道比較靜，去到門囗入電梯祈望唔大，電梯比較污糟，而且有其他樓層的酒樓工人用嚟運送食物，未洗的碗筷，似貨運電梯多啲…不過到三樓，電梯門打開，就放心晒，環境清潔光猛，正！OK，開始點嘢食！蓮花藥膳鍋，一於食火鍋，果真特别，未開的蓮花因熱力在鍋中開花！湯底有小許中藥味，亦很清淡，正！跟鍋有送一盤雜菜，有猴頭菇，西洋菜，大白菜，粉條等等……素火腿，豆味偏重素煙肉，好似真煙肉，豆味冇咁重，喜歡！ 貢丸，以為食緊真的，彈口，有驚喜！黑椒豬肉片，黑椒味濃，比較厚身，必點之選響鈴，迷你版，油份少，感覺健康！下次會試下西餐或者中式小菜！

香港人注重生活質素，對食愈來愈有要求。當中有不少朋友仔想轉食食素，但入手相當困難，中式油膩、西式又怕食唔飽。上星期o係觀塘接太太放工，後轉入後街搵食。太太話有食素的朋友介紹一心素食，相當唔錯。心諗我都好耐冇食素，就一於試下啦。上到去，係一貫工廠區食肆的環境，地方大，檯數多，但勝在有窗有自然光，環境幾好。我自少跟家母食開素，但食開的都係中式素為主，呢度食既就係中西款式都有。我叫左個6個courses的晚餐，整體黎講都相當滿意。份量好夠，甚至係多得劑，明顯係行抵食夾大件的路線。而且人唔多，晚飯時間唔駛等就有得食，好過o係APM同人地逼。以下係我的推介：羅宋湯：一般而言，羅宋湯冇肉會好似爭D咁，但難得佢的湯清清地都相當唔錯，佢仲加左少少黑椒加辣，幾好。焗闊條麵：做得非常有心機，好香，仲食都D菇粒扮肉粒，食落去幾似。甜品：有西式的甜品，但我特登叫左個中式的紅豆蓮子百合糖水。

話左要green monday 好耐，呢間一心素食就係公司後面，之前已經有同事話佢既下午茶好抵，＄9 就搞掂又平又健康，份量又岩岩好終於都的起心肝，放工去試下，講真一來想健康d，二來係觀塘呢個工廠區夜晚唔使點等位，坐得舒服d原本三樓係西餐，而家改成素食，但夜晚時段人流都唔算少（當然無午市咁旺啦！），唔使等位就坐低左。。。立眼見到第二枱d份量都好大，三個人就叫2個set 加小食啦！餐牌設計好細心，寫明邊啲有奶，邊啲有蛋，岩晒唔同素食者需要，我呢啲齋口唔齋心嘅，當然咩都叫一餐啦！雜錦小食拼盤 － 即係酥炸雜菇，新鮮炸，熱辣辣，炸漿好脆，菇又鬆軟多汁，加上微酸既醬，吊一吊味，食多幾舊都無問題前菜 － 沙律、百穀方包＆湯，平時我習慣飲白湯，因為覺得紅湯d肉味好蘇，點知呢個紅湯料足微辣，好飲到我搶左老公個碗黎飲！XD主菜黎啦！七彩雜菌釀大菇伴薯蓉平時食開果啲，會用牛油煎，香但會好膩，食食下就會食唔落呢度嘅大磨菇少有乾身juicy, 啖啖菇肉加埋芝士同伴菜，perfect match!法式忌廉時蔬千層麵味道豐富，層層雜菜加埋蕃茄焗，真係食唔停!估唔到素菜都咁好味百年好合炒花枝一向我都唔太喜歡仿肉，

一個月前（16/2）與姨姨吃晚飯慶祝她的生日。（真的是整整一個月了！最近既忙且懶，有多篇文章想分享也還沒有寫好……）我們到觀塘工廠區的一心素食吃晚餐。地下是鴻圖酒家。找到這便對了。可走樓梯或乘電梯到達三樓的一心素食。內部空間很大，就是工廠飯堂的地方。然而，同事前數天跟我說有一天晚上想到此吃晚餐卻遇上餐廳滿座的情況！不是佛誕或星期一。所以，最好還是先訂座。室內燈光明亮，空間感多，不會感到狹隘。以白色和淺灰色的配搭佈置，簡單、潔淨又光亮。墊枱布是鮮明的橙色和青色，色彩豐富了眼睛。晚市有套餐，也有單點菜式。套餐內容很吸引又豐富，所以，我們倆都選套餐。頭盤是精選時令鮮果。清甜新鮮，而且不是普通的橙和蘋果。而是火龍果、蜜瓜、菠蘿和車厘茄。餐湯有雜菜羅宋湯或鮮忌廉湯可選。我們都選了前者。味道香濃。忌廉湯會比較令人飽膩，這個湯可讓我吃多一點食物。前菜有特色前菜、百穀方包或衛星餐包可選。姨姨當天腸胃不適，因此選了百穀方包。我選了特色前菜。是日的是日式冷麵。小小的份量恰到好處來醒胃。一小陀山葵令冷麵有輕微的刺鼻感。冷麵的口感也好。套餐的價錢是取決於主菜的選擇。餐單上有十四款主菜。姨姨選了特色素丸雜菌湯稻

曾經有一次，與工作上的朋友到一間素食店吃晚飯，自此便很少到素食店了。然而一向少有吃素的在下，相約了朋友，再一次踏上素食店，為的是身體的健康吧。一心素食雖然位處於觀塘，為在下來說，實在有點遙遠，但是卻可以來一個健康素食，那又會嫌三嫌四？走進餐廳，感覺上很舒適，一身以淺灰色的裝潢，給人一種很祥和的感受。在餐牌上列出了多款素食，當中有火鍋及晚市套餐，也有精選套餐。咱們一行三人，從餐牌中選了火鍋和一些套餐來品嚐，來一個豐富的素食晚飯。蓮花藥饍養身鍋（一百四十九個大洋）說起了火鍋，湯底當然是重要的一環，湯底有著不同的做法，但這個湯底，採用了藥膳，當中有不同的藥材在內。還未喝湯以前，先把紫色的蓮花放進鍋內，放好後蓮花因應熱力而慢慢綻開，猶如池中開花的一樣。待蓮花開放後，稍作一等，喝上一口湯，藥材味道甚為溫和，喝後感到溫順，而且不會像補品般那麼的補。蔬菜籃。當中有西蘭花，金菇，猴頭菇，冬菇等等材料，而火鍋中也有粟米在內。當把蔬菜放進鍋內，等了一會，便可起筷。蔬菜本已新鮮，加上藥材味，好吃。其他的火鍋材料，有腐竹，貢丸，蝦丸，煙肉，腸仔，山根，響鈴等，雖然表面上與外邊的很相似，但是卻是全部都是素，尤其

太太安排了一個火鍋晚餐給我 , 我滿心歡喜諗住一疊疊牛肉、生蠔、海鮮 , 一直心情好 high , 直至帶我去到火鍋店 , 一睇原來是素食店 , 唔係呀嘛 !? 食齋 ... 大中伏 ! 不過既然來到幾大就幾大 , 老虎蟹就老虎蟹 ~6 點半時上到去小狗得兩隻 , 仲未滿座 .... 今晚點菜完全由太太話事 , 佢真霸道 , 食素淡茂茂 , 我都唔知嗌乜好 ! 太太嗌了個蓮花藥膳湯底 , 湯同花分開上 ~ 侍應準備幫我們把蓮花放入湯時 , 通知我們影相要快 , 影住蓮花慢慢地張開 ~ 藥膳湯連菜籃一盤 , 蔬菜菇菌豆腐多籮籮 , 綠油油的菜樣 , 未食剩睇已覺新鮮 ~ 另加火鍋料 ... 爽口鮮淮山 $ 24 花枝拼貢丸 $ 24 迷你香腸拼煙肉 $ 24 有樣嘢想問 : 佛教唔係話六根清淨 , 為什麼素食要製造葷食的樣子 , 這是一個謎 ! 味道來講 , 很真實 , 明明是豆製品卻有原本應有的肉味 , 另類分子料理吧 ~ 入口即化鮮腐竹 , 豆味豐濃 $ 24 臨尾食件 蛋奶素 藍莓芝士蛋糕 $ 19 , 味道新奇 , 引人入勝 ~大家知唔知講起食齋 , 大多數都會諗起佛教徒

經過聖誕大餐的那次素食經驗 , 我發覺原來吃素對我來說是做得到的 , 朋友為了鼓勵我便介紹了一間位於觀塘工業區 , 外貌普通 , 似飯堂多過似餐廳 , 但創意無限的素食店 --- 就是在素食店內打邊爐 (火鍋 ) , 遇上這個挑戰 , 頓時既興奮又期待 !! 「一心素食」位於三樓 , 而樓下兩層皆是有肉出售的食肆。 從升降機出來 , 恰巧見到黑板告示有關某小朋友因生日而宴請各位有緣人吃晚餐。 「一心素食」的正門入口 餐廳範圍寬大 , 奉行簡樸裝修 , 與一般食肆無異。 專程為素火鍋而來 , 火鍋湯底有四款 , 兩款是藥膳、另外兩款是蕃茄粟米鍋、芫荽馬蹄皮蛋鍋。 至於很關心的火鍋生料 , 原來不單止是灼瓜灼菜灼菌 , 還有豆製品及 「迷你腸仔」?? 「火腿扒」?? 「貢丸」?? 「花枝丸」?? ( 無眼花嗎 ? ) 若然沒有吃火鍋的想法 , 「一心素食」也有中西式晚市套餐供應 , 連甜品也可以來個素的 ! 餐牌上也明確寫明各素食餐均不含五辛材料 , 但含雞蛋 及 / 或 奶類材料 , 除非有特別註明。 我們決定了點 「蓮花藥膳養生鍋 $ 149」 , 侍應生分別把一盞蓮花及一鍋