鰲-意大利海鮮餐廳 (Closed)

事隔多月，一直都無去寫食評。今日終於下定決心寫返~ 因為呢間餐廳確係值得推介。收工後想同朋友飲杯野，黎到尖沙咀K11，行左個圈揀左 "Oceanna"。 我地志在飲野所以只 order 左個烤雞肉凱撒沙律，生蠔，焗田螺配薯茸，意大利雲吞 及 紅酒 (朋友本身好紅酒，所以由朋友挑選)。食到雲吞時，入口時發現內含牛肉味，即時拎紙巾將其吐出(因本人唔食牛)，並叫了 waiter 來問個明白。 原來 menu 上沒有列明這道菜含牛肉成份，經理立刻過黎了解情況還親自致歉，額外送上甜品！(最終都無將牛食到落肚，但餐廳既細心服務的確令人窩心！值得一讚~ ) 總括而言環境,服務,味道均令人稱心滿意。烤雞肉凱撒沙律 - 整體不錯。生蠔 -按照 waiter 介紹 order 左3款，分別來自澳洲 & 法國。 由淡至咸順序食，當中帶有海水味，好鮮甜！焗田螺配薯茸 - 田螺肉質爽口。意大利雲吞 - 味道應該不錯! (可惜本人未能品嘗。)士多卑梨梳乎厘 - 焗得好高好靚，食落仲好滑。

係k11行來行去諗住食tea，但係間間餐廳都貴死，唔怪得間間拍烏蠅! 見到呢間oceanna最多人，因為佢價錢相對地平。不過一分錢一分貨係真既，佢有一個半自助既午餐set，有自助salad bar(咁都幾多有好幾款菜同通粉salad)+一款住菜，菜色名寫到好似好高級，不過其實都係普通煎三文魚啫，味道唔算太突出。我地用$10加左佢做promote既三個mini pizza，味道算係咁，但係好似唔夠熱。佢服務都算幾周到，都有番d高級餐廳既風範。不過如果以咁既價錢，我寧願俾多少少去食soho好d既餐廳。總括黎講，k11既餐廳只係得一個字 - 貴! 咁既情況，只會不斷咁換餐廳!

這間餐廳不太了得意大利食品不見得很有意大利的風味成$300/1位再加一價錢上有意大利菜的價錢味道一般份量比較偏少甜品還可以接受但是下次大多數都不會再光臨這間餐廳食飯

今日去K-11食午餐既時候想搵西餐食，我既 budget 係$100以下，最好唔過$80，同埋一定要有咖啡飲! 今次去到依間 Oceanna 除咗完全滿足我要求之外，我仲覺得D嘢好好食! 沙律自己整夾麵包!麵包餐湯咖啡依個自助沙律吧(Set Lunch) 係全餐廳最平既Set Lunch ($68，加一服務費共$75)我覺得依個餐既好食又抵食，值得推薦!

Its a Friday night, and most of the restaurants in TST are packed...The three of us passed by K-11, and found that many of the restaurant there were packed...Since I was too busy for lunch that day, so we decided to dine at Oceanna, where no one was waiting for a table.I have been to the Oceanna in Causeway Bay before, and I have a pretty positive impression towards this restaurant. However, we ended up getting mad about the service in the TST Oceanna. We ordered raw osyters (Austrilia and Franc

頭盤有 Tuna Fish + 柚子肉; 一齊放入口, 口感妙極 ! 配澳洲 Chard, 智利 Sau Maipo 白酒, 淺嘗真有滋味。海鮮拼盤有鮮蝦、龍蝦、非洲生蠔、阿拉斯加長腳蟹, 真有海水味, 長腳蟹不用拆殼, 可用刀叉去享受, 最適合我這種懶人。牛尾湯好香甜, 正! 五乘熟的美國牛柳+ 鵝肝, 美味非常! 最後, 甜品有士多卑梨梳乎厘同香橙Pan cake, 梳乎厘又高又好滑、好滑, 真係值得推介!!!

六月份係食神嫂嘅生日月, 師傅一早約左食神嫂於生日週飯局賀壽, 無奈食神要搵陽光與海灘, 同師傅嘅飯局亦因而改期; 幸好食神嫂好友大圈亦相約食神嫂飯局賀壽, 於是亦叫埋師傅, 師傅當然出席啦; 是晚飯局亦決定以生蠔為主, 於是地點亦由大圈負責!師傅知道食神嫂對食一向都有要求, 可幸是次地點係由大圈揸旗, 亦簡接令師傅減少不少煩惱; 訂定晒位準時去到, 地方都非常舒服, 而店內亦唔多人, 未知是否世界盃嘅關係, 人齊後侍應就介紹下有咩生蠔, 講左一大堆學名, 師傅冇一個知點解, 加上師傅一向對生蠔都冇咩研究, 所以還是由食神嫂決定穩陣啲!於是就一口氣柯打左五款生蠔, 分別係有Africa Rock, Irish Gigas, Coffin Bay, L'ecaille同埋S.Pacific! 五款生蠔除左個名唔同外, 樣貌與身材真係冇咩分別, 經侍應建議下就如上述開始吃起, 坦白講師傅真係唔係好識點形容生蠔, 但可以好肯定係五款生蠔都十分新鮮, 而入口甜美; 當中有的海水味較濃, 所以入口較咸, 呢個味道師傅反而冇咁鍾意, 五款裡面師傅最欣賞係Africa Rock同埋Coffin Ba

今日同個frd 來食飯~爭佢一餐~試下呢間野~叫左一個set dinner, 半打生蠔同一個意大利飯~生蠔好好味~尤其係澳洲個隻~好清甜~但係法國個隻就咸左少少~但食得出都算新鮮~一來到有包先~但d 包太硬~我唔係咁好~頭盤有個凱撒沙律~主菜來左個牛柳加鵝肝~唔錯唔錯~火喉控制得幾好~~意大利飯都幾香~~但普通左dd~~甜品唔太掂~或者唔岩我口味掛~~唔知係咪少人~~我覺得服務好好ar~d waiter 好有禮貌~~食得好開心既一晚~

上星期四(5月20日),中午打去BOOK即晚的7點鍾,BOOK嗰陣冇講到話要限時限刻要走,晚上6點10到,由帶位,點菜,介紹生蠔,提供食品意見,送餐...所有員工都十分NICE,招呼好好.我和朋友都諗住下次會再來,點知到了大約8點鐘左右,一個十分高貴的高級職員,已經不斷熱情地招呼我們,抹檯,斟水,乜都齊,最後離譜到8點3左右,在我們沒有要求埋單之下,要我們即刻埋單,仲叫其他員工唔使再斟水比我地,嗰一刻,我傻左,亦未試過這樣,所以冇同佢理論,就乖乖就範,仲有連SORRY都冇句,最後有一個女員工話請我地去BAR度飲杯野,我地當然冇去啦.但係唔知點解一間都叫做高級既餐廳會有啲這樣非常熱情,連我地要幾時要走都要照顧埋既員工,仲要係類似高級,可能係老闆都唔定,但真係十分失望!!!!當然永遠都唔會再去啦!!!!!!!!!!!!:

見有網友介紹過LUNCH SET好抵, 過來o係外面見到個環境都覺得好靚~唔多人坐得好闊落, 又有d日光, 幾relaxed~lunch set包自助starter同dessert, 價錢就跟主菜, 全部都唔使一百starter有6-7款, 其中烤南瓜同炒什菇超水準! 前者香軟稔甜; 後者以牛油香草炒, 菇味濃郁又爽口, 正! 仲有新鮮o既沙律菜同幾款dressings可以自己mix ceasar salad, 最愛附上脆脆麵包粒! 其他o既凍肉卷同mixed salad 亦水準唔錯食完頭盤都以半飽。再來試試包包, 有香草味亦微熱, 可以的。主菜選了:Grill of the day – 牛扒 ($85): 好似grill得好靚, 切開都仲有少粉紅。 但一食如趙橡膠, 無味亦好難趙得完! 份量小都可以理解, 但quality未免太差! 反而伴碟o既烤薯好香好稔。三文魚忌廉意粉($78): 份量亦偏小,但三文魚比例佔得多, 加上忌廉都好漏! 意粉都夠彈牙, 而個忌廉汁好似缺少了芝士, 少左d野。Dessert有5款, 其中朱古力布甸非常甜美香滑; 日本cheesecake都唔差。而br

經過K11這個商場外圍,發現這一間意大利餐廳，並沒有被外面嘈雜的鬧市渲染，為今晚替師兄慶祝找到新工作覓到好地方。小妹第一次吃意大利菜，未免有點不知所措，幸好有師兄相伴，就算出了洋相也不害怕。首先，我們進入餐廳，侍應替我拉椅子，吃到一半，侍應也有上前詢問食物還可以嗎這類問題，心想這兒的服務態度還可以。頭盤：鮮蟹肉配芒果沙沙：蟹肉伴芒果青瓜紅椒，乃清新之選凱撒沙律伴烤雞肉：師兄給了我一點來吃，雞肉有嚼勁香口，整體不錯餐湯：牛仔肉雲吞配南瓜湯：南瓜湯乃近期流行健康西式湯之一，營養價值高，這個湯我和師兄認為香味濃郁，舉手讚好，唯那個牛仔肉雲吞過硬，口感麻麻主菜：燒美國牛柳配鵝肝, 紅酒汁：原本這一道菜乃我選擇，不過師兄怕我吃不飽，主動要求和我交換主菜，他切了一些鵝肝和牛柳給我，鵝肝入口即溶，配以濃香燒牛柳，心想有點後悔跟他交換龍蝦配扁意大利粉, 車厘茄汁：我的最愛‧龍蝦，雖然只得半邊，但對於我這種龍蝦忠實粉絲來說，已經是一大滿足；車厘茄汁很配這個龍蝦扁意粉甜品：火焰雪山：第一次吃，看見侍應把兩個火焰雪山奉上我們面前，並不忘提醒我們，要等待表面的火熄滅才可以進食。可惜這個甜品乃整個套餐的一大敗筆

朋友請食飯,當然要簡番間有格調同水準才襯得到佢, 朋友要求要食生蠔, 所以就簡了這間海鮮餐廳一試~由於閒日關係,即日訂桌都無問題,八點半才入座,現在有五至六table, 環境舒適寧靜我們先點了生蠔作頭盤, 待應態度殷勤,解釋詳盡, 我們要了南非,美國及澳洲各兩隻,叫半打以前就有discount, 食完後再叫多四隻南非... 質素中上, 待應介紹亦能乎合我們的口味之後各人點了個tasting set : 包括湯、沙律、主菜、火燄雪山、咖啡/茶 蟹肉大蝦沙律磨菇忌廉湯。煎鵝肝牛柳。火焰雪山想講既係全部都是中上之作, 驚喜又未必有, 但一定唔會令你失望...反而想強調 服務不錯, 中等價錢,中等食物,中上上的服務當日叫左支wine, 所以要貴少少

聽人講k11開左oceanna都幾好味,於是就去試一試! 我地3個女仔去食lunch,因為唔係太肚餓,所以就叫左一個set lunch + 一個pizza, 3個人share食! 食物好快就到,味道一般,無人地講得咁好味! set lunch有自助salad + dessert,意大利海鮮飯+餐飲! 但經理的態度就令我大開眼戒,估唔到今時今日仲有狗眼看人低的餐廳經理 Daniel Li,當我地差唔多食完的時候,經理行過來講: 小姐我要remind你地一句,set lunch係唔可以share的,由於set lunch 的salad 是自助,而我地價錢都已經好商議,你地可以叫多個light lunch,但我remind你地,唔可以share食物! 餐廳有這規矩 or 有min. charge 我都可以接受,最奇怪是我們place order時唔講,我們去食拎食物時唔講,到我地已經食完,差不多埋單,就講這些remind人的說話是什麼意思呢?? 我們立即反問經理為何place order時唔講呢,因為這位經理幫我們落order的,他的解釋是因為由開店至今從來沒有見過客人會share set

昨天，與老婆及友人三人行在尖沙咀吃晚餐。由於友人居住尖沙咀，自然由她出主意，選擇了位於K11商場的意大利海鮮餐廳Oceanna。餐廳不設清水，所以點了意大利有氣水。餐廳的其中一個賣點是海鮮，所以點了即開生蠔，$144共6隻，每人兩隻。晚餐方面，我們點了較經濟的tasting menue，價錢$288一位，包括湯、沙律、主菜、火燄雪山、咖啡/茶。1- 烤雞肉凱撒沙律。雞肉不老，菜非常新鮮。2- 蟹肉杧果沙沙。蟹肉少得可憐，而且蔬果細粒太易散，只用叉吃很不方便。3- 磨菇忌廉湯。不錯。4- 牛肉雲吞南瓜忌廉湯。可能牛肉少，雲吞沒有明顯肉味，不過南瓜忌廉湯好味份量很足。5- 日本A3和牛，$698。是經理誠意推介，餐牌沒有，一般要早幾天預訂。和牛以5成熟上枱，很有油香味，可惜肉根，扣分。6- 主菜一之- 煎鵝肝牛柳。不錯有肉味鵝肝香軟，但牛柳與和牛一比，即時失色。7- 主菜二之- 龍蝦蕃茄意粉。龍蝦不老，意粉彈牙。8- 主菜三之- 脆瓜煎魚。很可怕，魚面上有一層鹽，很鹹。最不可能發生的問題。而附上的汁味道古怪又淡，不吃也罷。9-

平時都鐘意同男朋友飲飲食食, 1-3星米芝蓮餐廳食唔少...今次決定去K11試下的新開嘅食店...結果就選中Oceanna一入到去,waiter就好熱情咁招呼,但又唔會好hard sell的水,最憎的食店一坐抵就問sparkling or non-sparkling.... 呢度令您覺得好cozy. 環境亦好wam, 好適合的二人慶祝日子. 另外亦有2間VIP room, 可以一班人搞party.一開始要咗半打蠔, 雖然選擇唔多, 但咁樣keep到時令款同隻隻蠔超新鮮,的蠔邊用fork拈仲會縮返入去. 如果order半打以上, 仲係$23隻, 抵食 , 結果我地再 order多半打頭盤實在太多選擇, 結果order咗三款...首先食薄片生牛肉配芝士, 的牛好新鮮, 比平時的carpaccio較厚, 好有口感, 好正, 仲有少少酒味, 好少食到的咁好食的carpaccio...之後上蟹肉，大蝦，芒果沙律, 的芒果好甜, 蟹肉好新鮮, 蝦肉好彈口. 最後上煎法國鵝肝配提子黑醋汁,鵝肝煎的好脆身, 配toast食一流, 唔會好留...意大利海鮮湯同洋蔥湯同樣值得一讚由於食得太多頭盤, 結果s