棋吧

Open Now

Now Closed

Re U gathering + 慶祝下生日，見post話里間無限時，就book左係度玩成晚！韓式辣卡邦尼好正，鍾意辣又鐘意食韓國個種酸酸辣辣味嘅朋友一定要試！不過真係辣架，我就覺得好正，如果唔想太辣，記得要叫少辣，或者試卡邦尼都唔錯！邊玩board game邊飲cocktail真係好少有, 有幾杯都幾特別，試左 Alligator, 蜜瓜味，酸酸甜甜，酒味唔會太出，好易入口！喺度切蛋糕慶祝生日有rainbow酒送！Set rainbow shot好靚，啱晒呃like 用！ 飲落就酒唔會太重，唔想飲酒飲一齊飲一杯慶祝下都okay! (tips: 試晒咁多杯，個人覺得中間個幾杯最好飲同酒最少）有得食有酒飲由6點任坐到12點又有得任玩，hea足成晚都係大概$130 一位，好抵！

已經上咗嚟幾次架啦，今次同啲男仔朋友上黎玩啲男仔朋友都讚好👍🏻，首先因為任坐唔嬲，啲game 又定期更新，每一次上嚟都有多左game玩👍🏻首先飲品方面先，佢地又多飲品啦係soda 花茶，又幾特別，soda溝花茶，我叫左個櫻花花茶，櫻花味唔會太甜味道啱啱好，又好香，賣相又令，個staff，仲會提我地自己攪拌，因為佢地唔攪係想飲品賣相更好。食野方面，我地班朋友平時剩係叫意粉，今次啲男仔fd就叫左雞排薯條，佢會整到好多薯條俾我哋啦，雞排大大塊，價錢同意粉一樣，都係包飲品，男仔朋友都話抵食啊👍🏻👍🏻

得10幾人包場玩，呢間cafe細細間啱啱好。17個人去最後，我哋試咗佢推薦比我哋個party set, 個薯仔沙律十分驚喜！有蛋鋪面之外個醬入面有啲洋蔥同pepper，好野味好開胃！ 跟住滷水雞翼好入味！未影相已經搶哂黎食。 有2個意粉揀我哋揀咗辣味卡邦尼同茄汁鴨胸長通粉。辣卡邦尼出奇哋好食，好有水準！鴨胸個個都okay,配蕃茄醬好夾。跟住仲有三文治丫啲炸野食，食到飽哂啦，個staff主動教咗我哋玩個畫畫game!同friends玩笑到反肚🤣🤣每人有杯$52野飲包埋，個staff推薦咗一杯佢哋話新出既玫瑰梳打茶（加$6），睇落pinkpink已經覺得好靚，飲落好香玫瑰味好啱夏天飲！ 我哋同個staff夾好咗出蛋糕，玩玩下狼人，一開眼個friend見到個cake勁驚喜，跟住個staff會送一set rainbow shot(一人一杯)😂 2個staff表演一齊拉比我哋睇！ 飲落就麻麻啦，但真係好靚！

一大班人慶祝生日其實好麻煩，又唔知邊度夠位坐，又好難搵到間cafe唔限時。記得之前去過里間reunion，打左去book 位。叫個韓式辣carbonara，韓色真係第一次試，幾特別，個醬辣得黎又幾開胃。野飲原來都幾多特別嘢，試左杯夏日限定桂花soda茶，清涼得黎有d氣好解渴！另外cocktail都好好味，如果鍾意椰汁糕嘅，有杯Pandan coconut milk，一定要試！佢地雖然無蛋糕賣，但係喺佢地到celebrate 生日，原來會有 rainbow shot 送，之前去bar 叫要百幾蚊一set，重點係d staff 會喺我地面前倒，真係帶到SURPRISE俾朋友， 另外影相又靚！

今次已經係第二次黎依到，本來冇諗住黎，但同朋友諗唔到去邊可以又玩又食就反黎依到。因為係平日，所以每人最低消費一杯飲品就得了。今次照叫左SODA試試。金桔SODA同青檸SODA金桔SODA酸度岩岩好，唔會太過酸青檸SODA都係，真係好似泰國餐廳飲到果隻味。喜歡酸味飲品既朋友都可以試下依兩款飲品啊之後我地見到cafe有酒飲 ，因為朋友生日，所以cafe送左個rainbow比我地😍😍😍中間幾隻色會較甜，頭尾既酒味都較重👍🏻👍🏻👍🏻女仔就建議飲中間😌😌

今次第二次去，大班朋友去嘅玩 boardgame 好地方！真係唔多cafe可以安排到張10人檯，又唔需要分開坐，又唔限時！意粉方面，我都係鐘意新出嗰個韓式辣卡邦尼多d，都幾辣，酸酸辣辣得黎同carbonara 個醬又好 match，不過食唔到辣個d記得叫小辣。炸雞排都唔錯， 好大塊，啖啖肉！其實今次黎嘅另一目的係為左慶祝生日會送嗰set rainbow shot，個staff攞完蛋糕出黎就會攞d shot glass 出黎放喺生日嗰個面前表演，一邊倒會一邊變色，好似變魔術咁，生日嗰位朋友超 surprise，影相又靚！味道方面應該係用vodka溝出黎，都唔算太重酒位，但味道杯杯唔同，唔係杯杯好味，tips：中間綠色橙色嗰幾杯似fruit punch/ vodka橙，本人覺得最好飲！留意雖然d staff 態度都ok 同有時會推薦玩boardgame 教我地玩，但佢地廚房真係好細，跟住又爆場，出餐真係比較慢，建議一坐低就落order，等得黎差唔多。總括而言，雖然款式唔多，賣相一般，但$100坐6個鐘，有得食有得玩有酒飲，真係好抵！

同一大班朋友出去食飯聚聚 想玩下broad game同埋坐耐d 就簡左呢間！入到去見間野其實好細間好窄 但board game 算齊同多！我叫左一個香草大蝦意粉 隻蝦幾好味 夠彈牙 但蕃茄味唔夠 有d淡！佢跟杯野飲 味道都係一般般！但係其他朋友叫既野就等左好耐先到 最慢要成個鐘！可能因為我地多人啦

棋吧 ✍🏻️同班 friend 亂打亂打左去問問，可以安排到張12人檯，唔需要分開坐，又唔限時，就book左去里間玩同慶祝生日。見新出左個韓式辣卡邦尼，就叫左個黎試，原來可以叫佢地整辣d。雖然賣相一般般，但個意粉辣得黎又好creamy，正過平時自己落tabasco，真係有驚喜，幾特別！另外可以加餸，加雞排$20，都幾大塊，好脆，值得一試！有人生日會送一set rainbow shot, 一人一杯，d staff 出黎表演，d酒會一邊倒一邊變色，好神奇，好靚。酒精唔重，味道杯杯唔同，藍色最重酒味，紅色有d藥水味，中間最好飲。另外再叫左d cocktail 試，有杯用 Godiva 朱古力沖好好味，似薄荷朱古力奶，應該係聖誕特飲，鍾意Godiva 要試試！最後要提提d staff 會教game，唔識可以叫佢地推介！

考完試去同班同學去慶祝下，見post話里間無限時，就book左係度玩成晚！雖然野食種類唔多，韓式辣卡邦幾特別，兩個味加埋估唔到咁match，唔會好似食韓國嘢咁辣同酸，值得一試！邊玩board game邊飲cocktail都係第一次試，叫左Christmas特飲，有杯用Godiva朱古力mix出黎一定要試，跟餐都係加$26有得飲！我地見有christmas shots, 平均$20一杯，叫左1set玩下drinking games，見之前有人介紹飲Hanukkah就揀左佢， 杯shots 一層一層layer好靚，酒味唔會太重，甜甜地，好易入口，有dd蕉味dd橙味 mix Baileys有得食有酒飲由6點任坐到12點又有得任玩，hea足成晚都係大概$150一位，好抵！

今日同一大班朋友上左棋吧見到依間cafe唔會有限時，同埋有好多唔同種類既board game，初學既有，難度高啲既都有，仲有依度都有好多cocktail，鐘意飲cocktail既朋友要黎試下我地唔係幾識玩boardgame都有好多選擇今次叫左個韓式卡邦尼意粉（$96），另外再加塊雞扒（$20），聽個staff介紹話韓式卡邦尼係新menu黎，所以試下，估唔到又幾好食喎！估唔到卡邦尼意粉再加韓式辣醬係咁夾，有少少甜甜地又辣辣地，好食！佢地依度叫意粉會送一杯野飲，我就叫左杯荔枝綠茶，都唔錯既！叫一個set就可以坐成晚，好抵阿！另外我有兩個朋友+26蚊轉左杯cocktail飲 一杯係聖誕新出既cocktail 係用godiva既朱古力酒調出黎咖！之後仲叫左個HANUKKAH SHOT，都係聖誕新出既，一SET 6杯 $158，依個價錢比起其他鋪頭真係好抵，同埋杯酒都幾好飲，都算易入口！適逢朋友生日，佢地送左Rainbow Shot阿！！Staff係我地面前沖既，好神奇阿用同一杯野就沖到12Shot唔同顏色既酒

今日打算同朋有慶祝 但天公不造美打風但竟然比我搵到呢間 CAFE 無限時間玩因為打風關係我地間接包左場 環境都唔錯好似返咗屋企咁 環境好舒服 Staff 都好 nice 我地幾個女仔每人都嗌左個意粉$92-$98，仲有跟餐送一杯$52既野飲我就點左呢個芝士白汁吞拿魚長通粉同水蜜桃梳打個意粉好好味呀 雖然佢係焗芝士 但食落唔會好流 杯野飲甜度適中，又唔會太多汽仲有小食拼盤，拼盤入面有雞翼，薯條，麥樂雞，蟹鉗 都係$68炸得岩岩好 好香口 Staff仲好好人問我地要咩醬仲有好多 game 玩全部都係多人遊戲 岩曬一班人去玩 叫個餐就可以玩到收舖玩得耐 自然就口渴 我地又嗌野飲 第二杯仲要半價 真係好抵仲有歌仔唱最後 Staff 知道我朋友生日仲送左 set Rainbow 比我地好神奇 好似變緊魔術咁 每倒一杯都唔同顏色 中間最好飲 頭尾都比較難入口會再幫襯

同三個朋友諗住大談特談見到依間cafe啲食評話冇限時坐所以上左黎，上去到黎見到有好多game玩好多選擇我同朋友先叫左棋拼盤同卡邦尼意粉野食不過不失，不過個棋拼盤真係好抵食，有齊好多小食，有雞翼麥樂雞蟹鉗仲有薯條 ，唔係hea炸，全部都脆卜卜，都只係68蚊抵食到喊，個staff 仲好好咁問我地要啲咩醬，巨峰梳打岩岩好唔會話好甜後尾再叫左個鴨胸長通粉，我覺得就好食過卡邦尼，因為焗芝士，好好食我覺得最重點真係佢仼坐唔嬲，我同朋友五點幾上去，坐到十一點幾都冇問題，我真係未試過可以係cafe坐咁耐仲要好多game玩啊:like價錢合理，92蚊一個意粉仲包一杯飲品。如果想傾計hea下時間，依到真係唔錯既選擇

同朋友慶祝生日，突然唸起呢間cafe有好多boardgames，啱晒一班人去玩，於是打去book位。 喺電話度個staff已講定當晚比較多人，所以提我地一到就即刻落單，等佢地可以盡快出到d order唔洗我地等咁耐。雖然，結果都係等左好耐，但好彩我地都玩game玩到唔記得左肚餓 終於玩到d野食黎喇！我就叫左個吉列豬扒配薯條。個豬扒炸得幾香口，唔會“鞋”，薯條就正常啦，整體都ok。另跟餐有杯$52嘅野飲，但由於我係酒鬼，就加錢要左杯cocktail，難得呢間cafe嘅cocktail種類又幾多喎！我果杯叫Alligator, 有d蜜瓜味，甜甜的，好喜歡啊！成個餐都係$114，又冇限時間坐，玩到佢收鋪都得，我覺得抵丫！另，因為我地係慶祝生日，帶左蛋糕，呢度會送返set rainbow shooters！個staff會即席喺我地面前拉，會變色，好靚架！但由於我地係一班酒鬼，一拉完相都未影得切我地就飲晒lu, wakaka!總括，會推介朋友黎，多games又唔限時，最好一班人，因為都幾嘈。另，要叫cocktail, 抵呀！

1group 10個人去，落單唔熟手其實唔緊要，但係由7：30落單去到兩個鐘後先開始上第一個意粉，11點先通知話有幾個意粉啲材料變變地要轉第二款（即係都未開始煮）。

見到呢到生日送rainbow又唔限時就諗住同個啲frd慶祝佢生日。。我哋靜雞雞叫個staff放個cake。。個朋友本身係到話生日有rainbow送，個staff好醒目咁幫我哋兜話，要預約咗先有，你哋冇預約😂😂我哋叫咗幾個飯同意粉，我叫咗個卡邦尼意粉，好多煙肉，對於我呢個食肉獸黎講正😆😆！跟住見到佢哋出新野飲，我就加咗少少錢轉飲peach味既mojito, 個薄荷味好出又唔會冇咗啲核味，好好味，跟住我啲frd見我飲佢哋又想叫。跟住個staff同我哋講第2杯半價，正丫👍👍叫酒抵。不過佢呢到有少少熱因為坐係近門口😯😯好彩都有個風扇仔頂下😉rainbow真係好靚，不過個staff好似好緊張，見到佢有啲手震😂😂 個生日既frd超級驚喜😁😁