大山日本料理

Open Now

Now Closed

原本想喺舊址食台灣嘢，點知道變左新開咗間日本餐廳，咁撞日不如今日就一於試一試。-位置寬躺，裝修似居酒屋🏮，而且牆上都貼滿色彩繽紛嘅日本地標牆紙，仲有好多燈籠，係有少少去日本嘅感覺。-甜蝦刺身&帶子刺身雖然淨係叫咗兩樣刺身，但係都照比大量冰鎮住上菜，服務貼心，唔hea👍🏻-蟹肉忌廉薯餅外脆內好creamy ，啖啖忌廉而不膩👍🏻可惜蟹肉部份比較少。-鐵板牛柳呢個好正，一定要叫🤩。一上菜，就好香黑椒味傳入我的鼻，食落熱熱地，夠晒野味，牛柳肉嫩多汁，而且又唔會overcooked 。好岩食😋- 和風炸雞炸雞好大塊，雞肉都嫩滑。而且估唔到有埋炸雞皮添。-大阪燒雖然賣相爭少少，但不是伏，正常好食。-明太子雞翼-鰻魚炒飯將啲鰻魚切到一嚿嚿，所以食嗰陣每一啖都有鰻魚塊，而且仲留咗啲薑絲去炒，所以食落唔會油膩。-巨峰乳酪梳打& 梅酒梳打

就嚟生日，朋友提議食居酒屋呢間新開，裝飾好有日本feel🤩有實體餐牌，但用QR code點餐，每款食物都有圖片睇，超級方便😛見到個二人前壽喜燒套餐好好好吸引！海底可簡壽喜燒/豚骨湯/辛辣泡菜湯，當然叫最傳統既壽喜燒堂食A5和牛壽喜燒加手打烏冬A5和牛有5塊，睇落相當新鮮，同埋雪花好靚，油脂分布幾平均，配菜有一大盤蔬菜，包括娃娃菜、金菇、冬菇、棠菜同豆腐，仲有兩個生雞蛋！湯底另上，係一個好典雅既壺入邊。朋友先將牛肉燒至半熟，然後加入壽喜燒湯，再落配菜，牛肉真係超好味，入口即化，食落滿口濃濃既牛脂香🤤🤤 手打烏冬都幾有口感，保持到煙韌，唔會一夾即斷，索左壽喜燒同牛肉香好好味👍🏻👍🏻😆😆兩個人食叫個壽喜燒再加一個飯或者兩個小食都幾足夠

同fd行街諗唔到食乜，咁岩經過見到有間樓上日本料理店，見好似唔錯就上去試下。上到去見環境氣氛都滿滿日本風。職員安排完座位睇下餐牌叫左幾樣平時唔多見嘅食~~免治雞肉棒串 $28咬落去有d小嘅雞軟骨，令到口感有所提升。>>>煎餃子 $48上枱個下見到用生粉水整嘅脆衣，夾落去個下已經感覺到好脆，食落去配埋d點汁，味道相當融合，值得一下>>>鹽燒厚切牛舌串 $38水準有，牛舌好濃牛味，而且厚度岩岩好，淋埋d檸檬汁真係一絕大阪燒 $48估唔到有得食，去過大阪食過嘅我都覺得起碼還原到7成，大阪燒外殼煎到脆脆，而且分量唔大岩岩好，未試過嘅可以試下和風炸雞 $58分量真係多到差d食唔哂，而且店家係下面比左d生菜，咁樣食落去唔會覺得太過油膩，覺得唔夠食一定要叫

10月嗰陣有晚突發要出旺角買野，臨時臨急之下上openrice睇吓附近有咩食，嗰時見呢間comment唔差，又寫到幾好食、幾抵食同裝修好居酒屋feel咁，又可以即時訂到位就試呢間啦。我地2個人約咗8點食，地方唔難搵，同𨋢嘅人喺一樓出，見好多人等位，咁我都諗會唔會我地食個間都好多人呢。上到去見到人唔算多，坐低都有杯茶招呼嘅。望住份Menu我哋竟然唔知食乜好，同期望嘅有啲出入，最係我地叫咗2碗丼飯，一碗極上北海道帶子丼，另一碗係特盛，小食有雞軟骨同薯餅。只可以話Menu同實物都有啲距離啦，食魚生飯都穩陣架喇..啲飯有啲過酸囉。我哋2個都認為：真心覺得有啲伏嘅，樓面得2個人，客唔多又唔會主動加茶...試咗呢次就夠啦，下次會揀第二間!

放工同朋友行完旺角新開的Aeon, 又係諗食咩嘅時候，當我地仲諗緊，抬頭一看就見到大山日本料理，好似幾吸引，見價錢合理，就決定試下啦。裝修都很有日本居酒屋的感覺，座位闊落，很舒服。我地主要叫左一個丼飯加小食。極上北海道帶子丼有三文魚，帶子，赤蝦，三文魚子和甜蝦，非常豐富，所有刺身都很新鮮肥美，很滿足呢！牛肉壽喜燒湯底甜度適中，牛肉薄切得黎好大塊，入口嫩滑。娃娃菜吸晒湯的精華，加埋滑滑的豆腐，好好味。三文魚腩刺身入口即溶的三文魚腩，性價比高，啖啖魚油，估唔到咁平價都食到咁高質的三文魚腩。雞皮餃子炸雞皮就食得多，雞皮餃子就第一次食，感覺有趣。餃子煎到金黃色，非常香脆。

網上見到呢間日本餐廳幾多人推介，所以放工就同女朋友嚟食個Dinner。💼呢度環境裝修好有日本嘅味道──木製枱櫈同地板、日本提燈燈籠，一入到嚟就真係好似返咗“家鄉”咁！🏮🏮🏮.牛肉壽喜鍋 ($58) 🐮🍲佢以鐵鍋上枱，可以用餘溫繼續煮熟牛肉同埋保溫~✨配料有好多大白菜，所以令湯底有好濃嘅菜甜味，好好飲！🥬✨肥牛片大小剛好，脂肪同肉分布均勻，食落有牛味~🐮✨豆腐好滑，仲食到陣陣豆乳嘅甜味，好正~.白飯($16)🍚用上日本珍珠米，配上壽喜燒嘅湯真係絕配！.刺身拼盤(松) ($248)🍣拼盤擺得好精美，入面有三文魚、油甘魚、吞拿魚、赤蝦同海膽。🐟🦐✨吞拿魚似係赤身，唔肥但有好重魚味，夠晒新鮮~🥰✨海膽大大舊，夠甜無藥水味~☺️✨油甘魚、三文魚都非常肥美，食落口感飽滿又有魚鮮味~😋✨赤蝦都幾新鮮，我個人都幾鍾意~😍🦐.照燒雞肉串 ($28)🐔🍢✨雞肉串極嫩滑，外皮燒到微微焦脆，食落雞油流出，燒得夠晒香！😛.整體嚟講，呢度環境有日本feel，食物正宗又高質🇯🇵👍🏻. 2個人食咗$385真係食到滿載而歸😆個人嚟講都會係回頭之選，路過MK嘅朋友不妨一試~🎌🎏🎑🎎🎋

原本以為新餐廳就去試下，仲要係生日飯，食物偏咸，向侍應反映意見，點知佢覆一句：冇客講過喎！冇諗過好心俾少少意見，換黎咁嘅服務態度！臨走問收錢嗰位侍應有冇得寫意見俾佢地餐廳反映，又係一句：反映啲咩？有咩好反映！我話反映食物質素同服務態度，佢覆我一句冇得反映！唔會再黎幫襯！食物並無食評講嘅好食，居酒屋串燒唔好食，好多野都話售完，選擇好少，鰻魚炒飯又唔好食，得個咸字，本身以為新開，服務點都會好少少，結果換黎一餐受氣生日飯，唔會再有下一次😡😡😡

耐唔耐就想食日本菜，今日試下呢間先！🔖​三色魚生飯💰88呢個魚生飯一共有10片魚生，片片都夠新鮮😇另外仲配咗一個麵豉湯㗎~晚市一個人嚟到嗌呢個都夠滿足啦🤓💫推薦指數: 7.5/10​🔖​牛肉壽喜燒鍋💰58食日本嘢總係鐘意嗌翻個壽喜燒鍋☺️呢到嘅壽喜燒鍋味道啱啱好，唔會太濃太鹹😋而且牛肉份量都幾多，口感軟嫩😙另外仲有金菇、芋絲、菜同豆腐~呢個價錢比平時食嘅平，推薦🙌🏼💫推薦指數: 9.5/10​🔖​昆布湯蕎麥麵💰58清底清甜，而蕎麥麵就夠滑嫩🤤係健康嘅滋味選擇😆我係同埋牛肉壽喜燒鍋一齊食，咁就唔會太單調😇正❤️💫推薦指數: 9/10​🔖​鹽燒厚切牛舌串💰38厚切牛舌口感💯爽彈而且油香味重，仲帶有淡淡嘅黑椒味~💫推薦指數: 9/10​🔖​燒日本魚餅💰68魚餅一塊有6舊，魚香味都幾重🐟應該仲要加咗啲章魚粒落去，口感🆙💫推薦指數: 8/10​

星期一收工勁肚餓,就同同事碌左出旺角搵野食。搵左呢間餐廳黎試下. 個裝修都幾日本.由於好肚餓所以我地嗌左好多野食!鹽燒厚切牛舌串(1串) $38牛舌肉質好爽,正!免治雞肉棒串(1串) $28幾JUICY,可惜無得點蛋汁照燒魷魚筒 $88好大條!食落唔會太韌煎餃子 $48外皮煎得脆,一啖一隻!大阪燒 $48牛肉壽喜鍋 $58以呢個價錢黎講真係好抵!入邊有好多片牛肉！仲有好多蔬菜!食落甜甜地.鐵板牛柳 $88和風炸雞 $58又係份量多!成座山咁多既雞,皮脆肉嫩北海道芝士蛋糕 $28以甜品完美結束呢一餐☺️

約咗朋友食晚餐，時間係較為早段嘅6:00，唔使同人爭枱，坐得舒舒服服！呢度嘅環境都非常有氣氛，佈置方面算係做得唔錯👍🏻餐具都當然要係襯埋一set😹雖然佢都係用手機點單，但依然保留實體Menu，方便朋友一齊睇，good!由於朋友唔食生野，所以其中兩個item都點左熟食！角切魚生飯～各種魚類嘅魚生，切成一粒粒再鋪滿喺飯面，加埋蟹籽獨有嘅口感，絕對深得我歡喜！另外，都配有麵豉湯，味到唔會過鹹，好味道！蟹籽海膽炒飯～炒飯粒粒分明，可見師傅功力，海膽鮮甜，亦一啲都唔吝嗇蟹籽，各種材料嘅份量都恰到好處！牛肉壽喜鍋～微甜嘅鍋底，一向都係女生至愛，加上出外用膳，更加想食多啲菇菜類，呢一個鍋，絕對滿足到我嘅願望！牛肉肥瘦參半，湯嘅溫度剛好令到牛肉同蛋變熟，當所有嘢都剛剛好就是完美👏🏻

今晚出旺角食飯，轉入西洋菜南街一抬頭就望到呢間日本野嘅落地玻璃窗，好似幾靚咁，就上去試下～上到去第一個感覺係好似日本啲居酒屋仔，木系嘅裝潢好舒服，我地坐喺靠窗既卡位，有得望街景之餘仲夠晒闊落，而家好多餐廳都用自助點餐，呢度都唔例外，我地叫咗和風日式炸雞、壽喜燒牛肉鍋、角切魚生飯、明太子雞翼同香草雞翼。先講和風日式炸雞，炸得外層脆卜卜入面超juicy，日式炸雞另一優點係一定冇骨，好過韓式炸雞～壽喜燒牛肉鍋湯底唔算太濃味，舒服既，啲牛肉幾嫩滑，啲娃娃菜索咗汁亦都好好食～雞翼方面我比較鍾意明太子雞翼，味道香辣，比起自己去買急凍雞翼返黎氣炸係juicy d既～最後角切魚生飯既魚生粒幾新鮮，面頭有啲醃過既葱段令到個味道更加豐富，係比較少見既做法。

想食日本嘢但又唔想淨係魚生咁生冷，呢度就乜都有得食，刺身、串燒、鍋物都有齊👅·<帶子刺身> ʜᴋᴅ 68<三文魚刺身> ʜᴋᴅ 48 <甜蝦刺身> ʜᴋᴅ 58同朋友都覺得刺身拼盤唔係每樣都咁啱食，決定散叫😜每款刺身都幾新鮮，帶子鮮甜😝三文魚就算唔係腩位都夠油香😚甜蝦都夠膠質😌·<鹽燒厚切牛舌串> ʜᴋᴅ 38牛舌未至好厚切，但燒得都唔乾👅肉質依然非常爽口😛<三文魚明太子串> ʜᴋᴅ 28燒三文魚上面加上明太子醬，一啲都唔腥，鮮味更加濃🐟明太子醬好似仲混入咗啲芝士所以食落更香😙<鹽燒雞胸骨> ʜᴋᴅ 48原本以為淨係用雞胸嘅軟骨，點知係連埋少少周圍嘅雞胸肉🐥食落又唔太柴又唔錯喎😉<鹽燒冬菇串> ʜᴋᴅ 38/2串原汁原味嘅冬菇，只係用鹽調味🧂不過同木魚碎都幾夾，食到有種木嘅香味🤪<燒日本魚餅> ʜᴋᴅ 68以為係似韓式魚餅，不過係扁嘅魚蛋，中間加咗好多八爪魚粒🐙口感同味道都比普通魚蛋更豐富😆·<豚肉泡菜鍋> ʜᴋᴅ 58一餐一定要食啲菜，呢個泡

#dinner #旺角呢間日式居酒屋有齊刺身、丼飯、壽喜燒同燒物，可以話咩日本料理都應有盡有(・ω・)ノ而且係正兆萬中心對面，約朋友食飯都好方便！燒日本魚餅🐟-$68睇相有啲似吉列豬排'(*ﾟ▽ﾟ*)'其實入面有好多章魚粒都幾好食鹽燒冬菇串🍡-$38冬菇加木魚原來好好食٩(˃̶͈̀௰˂̶͈́)و味道出氣地和諧三文魚刺身🐟-$48帶子刺身🐟-$68甜蝦刺身🐟-$58其實呢到有好多款刺身拼盤，不過仲有好多嘢想食，所以一於散叫最想食嘅刺身(=´∀｀)人(´∀｀=)可惜當日冇海膽刺身，如果唔係都叫返版！不過就算散叫都擺得好靚，整體刺身水準都幾好！三文魚明太子串🍡-$28鹽燒厚切牛舌串🐮-$38雞胸骨串🍡雞胸骨串係朋友用手機點餐個陣見到嘅，menu上就好似見唔到'(*ﾟ▽ﾟ*)'原本以為係好似雞軟骨串咁，原來係連肉嘅，啖啖肉再加舊軟骨係中間٩(˃̶͈̀௰˂̶͈́)و泡菜豚肉鍋🍲-$58鍋仔手打烏冬🍜-$78最後用兩個鍋作結٩(˃̶͈̀௰˂̶͈́)و熱辣辣好滿足！兩個人叫到成檯都係食到好飽啊(=´∀｀)人(´∀｀=)

朋友很喜歡吃日本菜,所以一起約了去食.這間餐廳裝潢很有日本風🤩仿如在日本☺️食物種類也很多，不過主打刺身和海鮮，但因為不吃生，所以叫了熟食，熟食也是做很相當出色，難怪吸引到如此多人來食😎餐廳提供熱茶，職員也會很主動加茶，而且很有禮👍🏻💠蕎麥冷麵 Cold Soba w/ Sesame Sauce 🍜$58麵的擺設很靚😻用荷茶盛放，上面灑上紫菜碎.跟醬可配麻醬或甜豉油，麻醬味道更香口的關係，所以選了麻醬.麵條不乾身很濕潤，沾上麻醬後也不失蕎麥麵的味道，口感彈牙.💠鹽燒多春魚 Grilled Shishamo 🐟$48多春魚燒得好香，表面金黃，入口香脆酥嫩，入面的魚籽很多，吃到唆唆聲.因為魚骨煎到變酥，咬落香脆還可以整條食😽💠煎餃子 Pan-fried Dumplings 🥟$48外型很可愛，連著一片又薄又脆身，裝整幾隻餃子連在一起，餃子外脆內軟，入面多餡，還食到啖啖肉汁👍🏻👍🏻💠鐵板牛柳 Stir-Fried Beef Tenderloin 🐂$88必推的牛柳，真是超好食🥰🥰牛肉大粒又香軟，肉感滑嫩，易入口，連同燒汁一起燒，燒汁完全浸入肉裡，加上灑上炒過蒜片，令味道更香更特出.💠牛肉壽喜鍋

旺角兆萬對面最近新開左間居酒屋，聽朋友講都唔錯，就嚟試吓先💕餐廳整體環境都算闊落，枱同枱之間唔會好迫👍🏻打開餐牌，發現價錢都幾親民，一個壽喜燒鍋都只係$58！✳️帶子甜甜地又食到新鮮感👍🏻✳️牛肉壽喜燒鍋湯底甜甜地唔會太鹹😌，牛肉同蔬菜嘅份量都好多，超高性價比！✳️三色魚生飯飯底調味調得剛剛好，開胃！魚生都好新鮮😍✳️鐵板薄切牛脷牛舌薄薄一片燒得剛剛好，有鑊氣得來唔會太硬，十分嫩口，亦食到好香的牛味。蒜片脆卜卜，都好香好好食👍🏻✳️三文魚明太子串本身好鍾意食三文魚嘅我好期待呢個，最後都係不負所望，非常好食👍🏻三文魚燒到啱啱好熟，食到鮮味同魚香。明太子太鹹，我會加少少落三文魚度調味已經足夠😌✳️燒魷魚筒燒魷魚軟硬適中，唔會太硬，但期待再重少少焦就完美🌝正常來講呢間都好有驚喜，雖然開喺旺角旺區，但價錢都好親民，份量亦好足，味道都掂，期待會返嚟食第二次👍🏻