大山日本料理

Open Now

Now Closed

10月嗰陣有晚突發要出旺角買野，臨時臨急之下上openrice睇吓附近有咩食，嗰時見呢間comment唔差，又寫到幾好食、幾抵食同裝修好居酒屋feel咁，又可以即時訂到位就試呢間啦。我地2個人約咗8點食，地方唔難搵，同𨋢嘅人喺一樓出，見好多人等位，咁我都諗會唔會我地食個間都好多人呢。上到去見到人唔算多，坐低都有杯茶招呼嘅。望住份Menu我哋竟然唔知食乜好，同期望嘅有啲出入，最係我地叫咗2碗丼飯，一碗極上北海道帶子丼，另一碗係特盛，小食有雞軟骨同薯餅。只可以話Menu同實物都有啲距離啦，食魚生飯都穩陣架喇..啲飯有啲過酸囉。我哋2個都認為：真心覺得有啲伏嘅，樓面得2個人，客唔多又唔會主動加茶...試咗呢次就夠啦，下次會揀第二間!

放工同朋友行完旺角新開的Aeon, 又係諗食咩嘅時候，當我地仲諗緊，抬頭一看就見到大山日本料理，好似幾吸引，見價錢合理，就決定試下啦。裝修都很有日本居酒屋的感覺，座位闊落，很舒服。我地主要叫左一個丼飯加小食。極上北海道帶子丼有三文魚，帶子，赤蝦，三文魚子和甜蝦，非常豐富，所有刺身都很新鮮肥美，很滿足呢！牛肉壽喜燒湯底甜度適中，牛肉薄切得黎好大塊，入口嫩滑。娃娃菜吸晒湯的精華，加埋滑滑的豆腐，好好味。三文魚腩刺身入口即溶的三文魚腩，性價比高，啖啖魚油，估唔到咁平價都食到咁高質的三文魚腩。雞皮餃子炸雞皮就食得多，雞皮餃子就第一次食，感覺有趣。餃子煎到金黃色，非常香脆。

網上見到呢間日本餐廳幾多人推介，所以放工就同女朋友嚟食個Dinner。💼呢度環境裝修好有日本嘅味道──木製枱櫈同地板、日本提燈燈籠，一入到嚟就真係好似返咗“家鄉”咁！🏮🏮🏮.牛肉壽喜鍋 ($58) 🐮🍲佢以鐵鍋上枱，可以用餘溫繼續煮熟牛肉同埋保溫~✨配料有好多大白菜，所以令湯底有好濃嘅菜甜味，好好飲！🥬✨肥牛片大小剛好，脂肪同肉分布均勻，食落有牛味~🐮✨豆腐好滑，仲食到陣陣豆乳嘅甜味，好正~.白飯($16)🍚用上日本珍珠米，配上壽喜燒嘅湯真係絕配！.刺身拼盤(松) ($248)🍣拼盤擺得好精美，入面有三文魚、油甘魚、吞拿魚、赤蝦同海膽。🐟🦐✨吞拿魚似係赤身，唔肥但有好重魚味，夠晒新鮮~🥰✨海膽大大舊，夠甜無藥水味~☺️✨油甘魚、三文魚都非常肥美，食落口感飽滿又有魚鮮味~😋✨赤蝦都幾新鮮，我個人都幾鍾意~😍🦐.照燒雞肉串 ($28)🐔🍢✨雞肉串極嫩滑，外皮燒到微微焦脆，食落雞油流出，燒得夠晒香！😛.整體嚟講，呢度環境有日本feel，食物正宗又高質🇯🇵👍🏻. 2個人食咗$385真係食到滿載而歸😆個人嚟講都會係回頭之選，路過MK嘅朋友不妨一試~🎌🎏🎑🎎🎋

原本以為新餐廳就去試下，仲要係生日飯，食物偏咸，向侍應反映意見，點知佢覆一句：冇客講過喎！冇諗過好心俾少少意見，換黎咁嘅服務態度！臨走問收錢嗰位侍應有冇得寫意見俾佢地餐廳反映，又係一句：反映啲咩？有咩好反映！我話反映食物質素同服務態度，佢覆我一句冇得反映！唔會再黎幫襯！食物並無食評講嘅好食，居酒屋串燒唔好食，好多野都話售完，選擇好少，鰻魚炒飯又唔好食，得個咸字，本身以為新開，服務點都會好少少，結果換黎一餐受氣生日飯，唔會再有下一次😡😡😡

耐唔耐就想食日本菜，今日試下呢間先！🔖​三色魚生飯💰88呢個魚生飯一共有10片魚生，片片都夠新鮮😇另外仲配咗一個麵豉湯㗎~晚市一個人嚟到嗌呢個都夠滿足啦🤓💫推薦指數: 7.5/10​🔖​牛肉壽喜燒鍋💰58食日本嘢總係鐘意嗌翻個壽喜燒鍋☺️呢到嘅壽喜燒鍋味道啱啱好，唔會太濃太鹹😋而且牛肉份量都幾多，口感軟嫩😙另外仲有金菇、芋絲、菜同豆腐~呢個價錢比平時食嘅平，推薦🙌🏼💫推薦指數: 9.5/10​🔖​昆布湯蕎麥麵💰58清底清甜，而蕎麥麵就夠滑嫩🤤係健康嘅滋味選擇😆我係同埋牛肉壽喜燒鍋一齊食，咁就唔會太單調😇正❤️💫推薦指數: 9/10​🔖​鹽燒厚切牛舌串💰38厚切牛舌口感💯爽彈而且油香味重，仲帶有淡淡嘅黑椒味~💫推薦指數: 9/10​🔖​燒日本魚餅💰68魚餅一塊有6舊，魚香味都幾重🐟應該仲要加咗啲章魚粒落去，口感🆙💫推薦指數: 8/10​

星期一收工勁肚餓,就同同事碌左出旺角搵野食。搵左呢間餐廳黎試下. 個裝修都幾日本.由於好肚餓所以我地嗌左好多野食!鹽燒厚切牛舌串(1串) $38牛舌肉質好爽,正!免治雞肉棒串(1串) $28幾JUICY,可惜無得點蛋汁照燒魷魚筒 $88好大條!食落唔會太韌煎餃子 $48外皮煎得脆,一啖一隻!大阪燒 $48牛肉壽喜鍋 $58以呢個價錢黎講真係好抵!入邊有好多片牛肉！仲有好多蔬菜!食落甜甜地.鐵板牛柳 $88和風炸雞 $58又係份量多!成座山咁多既雞,皮脆肉嫩北海道芝士蛋糕 $28以甜品完美結束呢一餐☺️

約咗朋友食晚餐，時間係較為早段嘅6:00，唔使同人爭枱，坐得舒舒服服！呢度嘅環境都非常有氣氛，佈置方面算係做得唔錯👍🏻餐具都當然要係襯埋一set😹雖然佢都係用手機點單，但依然保留實體Menu，方便朋友一齊睇，good!由於朋友唔食生野，所以其中兩個item都點左熟食！角切魚生飯～各種魚類嘅魚生，切成一粒粒再鋪滿喺飯面，加埋蟹籽獨有嘅口感，絕對深得我歡喜！另外，都配有麵豉湯，味到唔會過鹹，好味道！蟹籽海膽炒飯～炒飯粒粒分明，可見師傅功力，海膽鮮甜，亦一啲都唔吝嗇蟹籽，各種材料嘅份量都恰到好處！牛肉壽喜鍋～微甜嘅鍋底，一向都係女生至愛，加上出外用膳，更加想食多啲菇菜類，呢一個鍋，絕對滿足到我嘅願望！牛肉肥瘦參半，湯嘅溫度剛好令到牛肉同蛋變熟，當所有嘢都剛剛好就是完美👏🏻

今晚出旺角食飯，轉入西洋菜南街一抬頭就望到呢間日本野嘅落地玻璃窗，好似幾靚咁，就上去試下～上到去第一個感覺係好似日本啲居酒屋仔，木系嘅裝潢好舒服，我地坐喺靠窗既卡位，有得望街景之餘仲夠晒闊落，而家好多餐廳都用自助點餐，呢度都唔例外，我地叫咗和風日式炸雞、壽喜燒牛肉鍋、角切魚生飯、明太子雞翼同香草雞翼。先講和風日式炸雞，炸得外層脆卜卜入面超juicy，日式炸雞另一優點係一定冇骨，好過韓式炸雞～壽喜燒牛肉鍋湯底唔算太濃味，舒服既，啲牛肉幾嫩滑，啲娃娃菜索咗汁亦都好好食～雞翼方面我比較鍾意明太子雞翼，味道香辣，比起自己去買急凍雞翼返黎氣炸係juicy d既～最後角切魚生飯既魚生粒幾新鮮，面頭有啲醃過既葱段令到個味道更加豐富，係比較少見既做法。

想食日本嘢但又唔想淨係魚生咁生冷，呢度就乜都有得食，刺身、串燒、鍋物都有齊👅·<帶子刺身> ʜᴋᴅ 68<三文魚刺身> ʜᴋᴅ 48 <甜蝦刺身> ʜᴋᴅ 58同朋友都覺得刺身拼盤唔係每樣都咁啱食，決定散叫😜每款刺身都幾新鮮，帶子鮮甜😝三文魚就算唔係腩位都夠油香😚甜蝦都夠膠質😌·<鹽燒厚切牛舌串> ʜᴋᴅ 38牛舌未至好厚切，但燒得都唔乾👅肉質依然非常爽口😛<三文魚明太子串> ʜᴋᴅ 28燒三文魚上面加上明太子醬，一啲都唔腥，鮮味更加濃🐟明太子醬好似仲混入咗啲芝士所以食落更香😙<鹽燒雞胸骨> ʜᴋᴅ 48原本以為淨係用雞胸嘅軟骨，點知係連埋少少周圍嘅雞胸肉🐥食落又唔太柴又唔錯喎😉<鹽燒冬菇串> ʜᴋᴅ 38/2串原汁原味嘅冬菇，只係用鹽調味🧂不過同木魚碎都幾夾，食到有種木嘅香味🤪<燒日本魚餅> ʜᴋᴅ 68以為係似韓式魚餅，不過係扁嘅魚蛋，中間加咗好多八爪魚粒🐙口感同味道都比普通魚蛋更豐富😆·<豚肉泡菜鍋> ʜᴋᴅ 58一餐一定要食啲菜，呢個泡

#dinner #旺角呢間日式居酒屋有齊刺身、丼飯、壽喜燒同燒物，可以話咩日本料理都應有盡有(・ω・)ノ而且係正兆萬中心對面，約朋友食飯都好方便！燒日本魚餅🐟-$68睇相有啲似吉列豬排'(*ﾟ▽ﾟ*)'其實入面有好多章魚粒都幾好食鹽燒冬菇串🍡-$38冬菇加木魚原來好好食٩(˃̶͈̀௰˂̶͈́)و味道出氣地和諧三文魚刺身🐟-$48帶子刺身🐟-$68甜蝦刺身🐟-$58其實呢到有好多款刺身拼盤，不過仲有好多嘢想食，所以一於散叫最想食嘅刺身(=´∀｀)人(´∀｀=)可惜當日冇海膽刺身，如果唔係都叫返版！不過就算散叫都擺得好靚，整體刺身水準都幾好！三文魚明太子串🍡-$28鹽燒厚切牛舌串🐮-$38雞胸骨串🍡雞胸骨串係朋友用手機點餐個陣見到嘅，menu上就好似見唔到'(*ﾟ▽ﾟ*)'原本以為係好似雞軟骨串咁，原來係連肉嘅，啖啖肉再加舊軟骨係中間٩(˃̶͈̀௰˂̶͈́)و泡菜豚肉鍋🍲-$58鍋仔手打烏冬🍜-$78最後用兩個鍋作結٩(˃̶͈̀௰˂̶͈́)و熱辣辣好滿足！兩個人叫到成檯都係食到好飽啊(=´∀｀)人(´∀｀=)

朋友很喜歡吃日本菜,所以一起約了去食.這間餐廳裝潢很有日本風🤩仿如在日本☺️食物種類也很多，不過主打刺身和海鮮，但因為不吃生，所以叫了熟食，熟食也是做很相當出色，難怪吸引到如此多人來食😎餐廳提供熱茶，職員也會很主動加茶，而且很有禮👍🏻💠蕎麥冷麵 Cold Soba w/ Sesame Sauce 🍜$58麵的擺設很靚😻用荷茶盛放，上面灑上紫菜碎.跟醬可配麻醬或甜豉油，麻醬味道更香口的關係，所以選了麻醬.麵條不乾身很濕潤，沾上麻醬後也不失蕎麥麵的味道，口感彈牙.💠鹽燒多春魚 Grilled Shishamo 🐟$48多春魚燒得好香，表面金黃，入口香脆酥嫩，入面的魚籽很多，吃到唆唆聲.因為魚骨煎到變酥，咬落香脆還可以整條食😽💠煎餃子 Pan-fried Dumplings 🥟$48外型很可愛，連著一片又薄又脆身，裝整幾隻餃子連在一起，餃子外脆內軟，入面多餡，還食到啖啖肉汁👍🏻👍🏻💠鐵板牛柳 Stir-Fried Beef Tenderloin 🐂$88必推的牛柳，真是超好食🥰🥰牛肉大粒又香軟，肉感滑嫩，易入口，連同燒汁一起燒，燒汁完全浸入肉裡，加上灑上炒過蒜片，令味道更香更特出.💠牛肉壽喜鍋

旺角兆萬對面最近新開左間居酒屋，聽朋友講都唔錯，就嚟試吓先💕餐廳整體環境都算闊落，枱同枱之間唔會好迫👍🏻打開餐牌，發現價錢都幾親民，一個壽喜燒鍋都只係$58！✳️帶子甜甜地又食到新鮮感👍🏻✳️牛肉壽喜燒鍋湯底甜甜地唔會太鹹😌，牛肉同蔬菜嘅份量都好多，超高性價比！✳️三色魚生飯飯底調味調得剛剛好，開胃！魚生都好新鮮😍✳️鐵板薄切牛脷牛舌薄薄一片燒得剛剛好，有鑊氣得來唔會太硬，十分嫩口，亦食到好香的牛味。蒜片脆卜卜，都好香好好食👍🏻✳️三文魚明太子串本身好鍾意食三文魚嘅我好期待呢個，最後都係不負所望，非常好食👍🏻三文魚燒到啱啱好熟，食到鮮味同魚香。明太子太鹹，我會加少少落三文魚度調味已經足夠😌✳️燒魷魚筒燒魷魚軟硬適中，唔會太硬，但期待再重少少焦就完美🌝正常來講呢間都好有驚喜，雖然開喺旺角旺區，但價錢都好親民，份量亦好足，味道都掂，期待會返嚟食第二次👍🏻

最近發現旺角街尾嘅呢間日本料理有8折，而且價錢唔貴，一於試試！環境真係一流，和風嘅裝修擺設，加上卡位有街景，冇得輸，不過得3張，所以訂左位先有機會有窗口位黑松露醬三文魚沙律呢個一般般啦，只係將三文魚切粒，混入黑松露醬同蛋黃醬，再用西生菜放底，如果佢加返少少鹽調味會更好醬油鮑魚呢個冇得輸，鮑魚本身已經係正野，Wasabi同豉油其實有啲多餘，因為鮑魚本身個味已經好夠唐揚炸雞炸雞出色，雞皮超脆，味道夠，再加埋沙律醬 同蔥花真係好滋味，做得比較有特色，同出面嘅日本餐廳係有唔同煎餃子一份6隻，一上枱個賣相都嘩嘩聲，真係好靚，煎得香脆清酒牛油焗帆立貝呢個失敗，冇調味，個汁完全冇味，檸檬嘅作用只係普通，加上帆立貝過熟，肉質好韌燒三文魚頭有驚喜，同樣煎得香脆，肉質依然嫩滑牛肉壽喜燒又係無得輸嘅菜式，牛肉約4塊，豆腐超滑，湯底香甜，不過略嫌甜左少少，但係抵食食物質素一半半，有好有唔好，不過價錢好多都圍繞48-98之間，定價合理，主要打卡吹水係好適合，環境又靚又闊落

餐廳位於旺角前行人專用區油麻地街尾，非常方便。 今次同朋友2個人黎，叫左好多野🌝💛帶子刺生帶子大大粒，上菜時刺生溫度適中，唔會有雪味，入口鮮甜，亦不會霉。💛三色魚生飯，角切魚生飯 配 三文魚麵豉湯同朋友一人叫左一碗，魚生新鮮，入口溶化。值得一讚係三文魚麵豉湯味道濃郁，十分開胃，配料充足，三文魚骨都好入味，但要小心魚骨呀🌝💛鐵板薄切牛脷牛脷不會靭，咬落極之爽口，配上蒜片一起吃，食到唔停口，雖然係鐵板料理，但不會太油膩，食到最後不會油浸👍🏻💛香草燒雞翼雞翼充滿香草味，但略嫌肉質較乾，比較遜色😌💛牛肉壽喜鍋湯底味道濃郁不會太甜，牛肉分量充足不會乾柴，絕對可以配3碗白飯👍🏻💛三文魚明太子串魚肉嫩滑芳香，加上明太子醬極奇開胃，但有少少過咸，要配飲品/ 飯一齊食👌🏻💛照燒魷魚燒烤恰到好處，魷魚翼位都不會過乾，入口夠爽，越食越想叫多份👍🏻食左咁多野，先600蚊，真係平靚正一個字：掂

因為好近排好窮所以就同朋友食翻啲平嘢本身諗住食樓下嗰間雲桂香米線但朋友又唔想食米線 所以就揀左呢間我叫左角切魚生丼朋友叫左鍋仔手打烏冬個角切其實就青瓜同蟹柳 多過啲魚生😅而且就冇咩三文魚嘅不過78都個差唔多咁上下反而個手打冬烏冬就幾有驚喜有滑雞，生雞蛋，菇，蟹柳同炸天婦羅蝦佢覺得啲餸少左啲 半碗都係湯佢覺得啲湯有啲味精 不過都有少少鮮味嘅佢嘅烏冬就正常都ok煙韌我就因為我碗飯勁乾啲豉油又咸就狂飲佢啲湯 反而就唔係幾覺得好味精呢個價錢應有嘅質素 唔係太好又唔差