大山日本料理

Open Now

Now Closed

話說小弟今日同女友人落左旺角覓食, 我地去左兆萬嗰頭就講起以前呢頭有間明將壽司, 當年好hit.. 但而家已經轉多其他鋪頭啦.. 我地橫掂黎到但又想食日本野， 我地就發現惜日明將壽司附近有呢間大山日本料理.. 咁我地就入去試下啦... 佢鋪頭裝橫都唔錯又寬敞， 幾重和風味道.. 野食方面我地叫左一個(松)刺身拼盤，芥末八爪魚，德島雞皮餃子，鍋仔手打豬骨湯烏冬，喬麥冷麵，牛肉壽喜鍋.. 味道方面個松拼盤都好足料同大份.. d三文魚仲要係魚腩，勁肥美.. 佢有半板海膽超滿足好creamy.. 個雞皮餃子就口感幾得意同幾有咬口味道都幾好, 個喬麥冷麵撈少少海膽食真係好greedy得黎又幾惹味.. 個芥末八爪魚就好鮮味得黎有d wasabi香幾過癮.. 最後食埋個牛肉壽喜鍋就大滿足啦..

喺旺角呢間樓上舖食日本嘢，入邊裝修都幾好，有日本餐廳氣氛。落單係用線上落單，見到有日本生蠔，所以叫咗兩隻室津生蠔🦪($68)，仲叫咗一客鹽燒三文魚頭($58)，見到有我喜歡食嘅芥辣八爪魚($48 )，即刻叫咗一份，另外，又叫咗一客枝豆($28) ，仲有蒲燒鰻魚串($38) ，突然見到Menu裏面有我嘅自愛牛舌，梗係要食啦，所以又要咗鹽燒厚切牛舌串($28 )。生蠔好夠新鮮，同埋入口好creamy，非常之好味道。芥辣八爪魚，正！牛舌，熱辣辣上枱，入口口感一流，冇令我失望😋。鹽燒三文魚頭，都係熱辣辣上枱，非常好食，正！呢個三文魚頭唔單止燒得啲骨脆卜卜，裏面仲有好多三文魚肉，又可以食到啖啖肉嘅效果，呢個真係意外驚喜！

大山日本料理－ 餐廳喺2樓，一入去嘅感覺都幾空礦，位置之間都有空間，仲有卡位。我地被安排左坐卡位，卡位私隱度都幾高，裝修佈局都有D日本元素，牆身有好多日本風格嘅畫作。 我地食嘅時候係中午時間。而午市有定食menu，不過我地就揀左單點嘅menu試下。 我地兩個人食叫鮮甜左特上刺身拼盤同蟹肉忌廉薯餅。 特上刺身拼盤有三件三文魚腩，三件吞拿魚，兩隻赤蝦，三粒帶子，半板海膽同三文魚籽。 整體黎講都幾新鮮亦冇雪到凍得滯而變硬。 三文魚腩厚切，食落香滑，肉質唔錯。吞拿魚食落有香味亦唔會太韌；赤蝦鮮甜，都幾大隻；帶子，咬落唔會太韌或者太硬。海膽有時會擔心有腥味，不過好彩食落係冇嘅，食落軟滑，海膽香味都算濃郁。三文魚籽咬開有淡淡嘅蛋香，帶d鼓油鹹香，幾好食。 蟹肉忌廉薯餅，叫嘅時候以為係一塊餅裏面有蟹肉忌廉薯蓉。上枱後原來係一隻忌廉薯蓉包住隻蟹鉗仔，再拎去炸。炸得好脆，第一啖一咬仲幾熱吓，忌廉薯蓉幼滑，蟹鉗仔都有痴住dd蟹肉。最後，飲品叫左熱咖啡，味道正常，都幾香。

趁住星期日放假，去左食日本野。今次去食嘅日本野係－ 大山日本料理，餐廳喺旺角登打士廣場附近，好方便。特上刺身拼盤見到menu上面張圖好吸引，一於就叫左黎試下。menu有寫埋件數，可以自己大約預返份量，成個拼盤最鐘意佢三文魚腩，帶子同海膽。三文魚腩大細啱啱好一啖擺曬落口，三文魚香同爽滑同一時間感覺到，好滿足。帶子都好鮮甜，唔會韌。海膽香味濃郁，食落質地都好幼滑。大阪燒上枱熱辣辣，已經切好四份，粉嘅比例啱啱好，椰菜爽脆。配埋燒醬，蛋黃醬，仲有滿滿嘅鰹魚乾片，好好食，趁熱食。黑松露三文魚沙律好好食，三文魚切粒，加左黑松露醬，每粒三文魚粒都好均勻咁有黑松露醬喺面。食落每啖有淡淡嘅黑松露香，但唔會掩蓋左三文魚嘅鮮甜味，食落好清新。配埋新鮮沙律菜，非常開胃。本身想試下梅酒梳打，原來飲品下午時段冇酒水，所以就叫左杯熱咖啡，味道都OK。

聽朋友話旺角新開左間日本野，今日去試下。地點好方便，係兆萬對面，搭lift上2樓就係。店員比左卡位我地坐，可以睇街景，成間店都裝修得好有日本feel。食物都多選擇，scan QR code仲可以手機落單，好方便！我地落左order之後，15分鐘內就上齊，真係好快手。鐵板牛柳好驚喜，超juicy，又惹味，肉質鮮嫩，好味到我連啲洋蔥都食埋😋。刺身揀左三文魚腩同帶子，好新鮮，三文魚腩厚切，帶子仲食得出海水鮮味。雜錦天婦羅有好多款，有蝦、青椒、南瓜、茄子、冬菇，炸得好鬆脆，回味無窮。牛肉鍋就不過不失蟹肉薯餅入邊好多芝士，雖然係熱量炸彈，但真係好滿足。最尾食埋份cheese cake，份量剛剛好，入口即溶，好味！用餐過程中侍應服務都幾好，食完好快收走，又會添熱茶。真心唔錯，會再encore。

夏天有時候會特別想食魚生抵抗炎熱！所以今晚就同男朋友去食日本嘢！係油麻地嘅「大山日本料理」🤩坐靠窗嘅位置，係旺角食飯都可以食得好開陽！ 鐵板牛油帶子：5粒好大粒嘅帶子，咬落肉質細緻同爽嫩😋亦都都有滿滿嘅牛油味😋仲有啲小小菇做配搭，又幾好食👍想口味多元化啲可以加埋檸檬汁😋三文魚丼：最愛食三文魚😋上黎嗰陣飯面鋪滿三文魚🤩仲要塊塊都厚切🤩雖然唔係三文魚腩，但油脂都頗豐富😋😋啲三文魚多到成碗飯食曬都未食完😋😋好正！極上北海道帶子丼：由於唔食得鮮蝦，但又想食帶子，所以特別叫師父用三文魚換走鮮蝦，師父都照做，服務好周到！一上菜就見到三文魚、帶子同魚籽好整齊咁放平起飯上面🤩首先要試既當然係帶子啦😋點左少少豉油帶出帶子嘅鮮味！肉質都係好細緻😋好食！最驚喜既係魚籽🤩係出乎意料既鮮甜😋會起口入面流連😋再配上壽司飯真係一流☺️三文魚腩刺身：4塊切得好靚嘅三文魚腩刺身🤩油脂非常豐富😋😋😋仲要係厚切😋😋口感好正！推薦！

平日放工諗住去旺角買件衫，先至知家樂H&M原來變咗Aeon，人多到唔想再行，索性過對面馬路嘅西洋菜街搵食，好多人派傳單，攞咗一張食日本料理嘅，$100減$10，個樣好吸引咁，上咗去二樓望一望個餐牌，價錢都唔貴，見卡位有位，所以入去試一試。枝豆（$28），新鮮飽滿枝豆，煮烚後灑上鹽，更添豆香。海鮮沙律（$88），上枱時感覺冇menu相咁大碟，但食落份量都好足，材料豐富，三文魚、油甘魚、吞拿魚、甜蝦、蟹柳、青瓜、豆苗、蟹子、沙律菜、車厘茄⋯⋯清新可口🥰德島雞皮餃子（$58），邪惡又誘惑嘅餃子，香脆雞皮包住雞肉，正😋三文魚海膽飯（ $88 ），以依個價錢海膽都算多，三文魚夠大塊夠肥美，成碗飯都好好味👍🏼

今次朋友話要介紹我一間位於旺角的平民日式餐廳，餐廳怖滿壁畫，又掛滿燈籠， 明亮之餘又幾有日本居酒屋feel🏮🎈鐵板牛柳 $88開頭諗住只係小食份量，點知份量都好多。就算鐵板上牛柳粒都唔會過熟，加埋炸蒜真係超香，推介之選😋🎈鐵板牛油帶子 $68除左牛柳粒，牛油帶子又係另一推介之選😋$68就有5大粒牛油帶子，CP值真係好高👍🏻🎈帶子刺身 $60🎈吞拿魚刺身 $58🎈海膽刺身(細板) $78去居酒屋又點可以唔食d刺身呢，3款都係好抵食，唯獨覺得海膽唔夠甜，不過$78真係算合格🙈🎈炸雞軟骨粒 $48又係好惹味，炸到好脆，炸粉又唔會厚，可以按個人喜好點沙律醬食，簡直係食到停唔到口🙈🙈

位置方便，而且店內座位多，坐得舒服，又容易同朋友傾計☺️都適合聚會選擇，最緊要價錢相宜店內裝飾有不少日式燈飾和畫仲有卡位店員偏向後生和有禮😁坐下後很快倒茶歡迎您極上北海道帶子丼分別有兩塊三文魚🍣大蟹籽 蝦🦐三塊帶子 甜蛋$98嚟講質素不錯👍🏻😌海鮮尚算新鮮、入口鮮甜🤩而且份量適中，又多料鰻魚炒飯 $78鰻魚份量都多，每一啖都食到香濃鰻魚味和肉，都幾大碟下，落鰻魚汁後偏甜少少🤏幾好食😋和風炸雞🍗 $58大約有6-7塊，每一塊都幾大塊上面加上蛋黃醬和碎葱裏面十分嫩滑，外皮炸至十分脆口，咬落小心爆汁😝十分惹味，岩曬朋友share👍🏻牛肉壽喜燒 $58肥牛都幾多，食個窩都係配搭雜菜🥬🥕🧅

同朋友仔去開旺角… 咁岩見到二樓開左依間日式餐廳… 一於就試試佢啦…搭𨋢上到2樓一開門已經係餐廳嘅reception…有好多日式傳統既燈籠.. 好日本feel…我哋叫咗好多唔同款嘅嘢share 食…首先就梗係有刺身啦我哋點左半版海膽..帶子同埋吞拿魚刺身…不過不失.. 再點左鐵板牛油帶子…帶子煎香左.. 少少牛油同香草👍🏻….鐵板牛柳… 有好多蒜片加埋牛柳粒同燒汁… 😋跟住又叫左我既至愛炸雞軟骨粒… 😍又香又脆加少少檸檬汁或者沙律醬.. 另外加咗個蟹子海膽炒飯.. 海膽既份量唔太多.. 有蟹籽脆卜卜.. 味道不過不失啦 …串燒方面呢.. 我地要左香草燒雞翼 同埋免治雞肉串…香草燒雞翼有少少甜味 幾特別…雞肉串就日式燒汁口味…

今日同朋友係旺角行街，行到油麻地附近有姨姨係街度派傳單我先知新開左間日本居酒屋，就同朋友上3樓試試，餐廳坐得舒服寛落朋友想食既壽司就冇，不過有魚生同壽司飯可以mix and match 🤣燒牛舌朋友大讚燒得夠惹味，而且唔會太un咬唔郁，幾厚實有口感生蠔兩隻，一隻大一隻細🤣食落有小小腥海膽比想像中細份，不過都算新鮮海膽三文魚籽炒飯幾大碟下，不過本身海膽唔多，所以我地將額外叫既海膽倒埋落去🤣牛油燒金菇，呢個組合好難唔好食

餐廳佈置充滿東瀛色彩，天花掛滿七彩繽紛紙燈籠，十分悅目吸引。座位舒適，環境氣氛都不錯。蟹子海膽炒飯$88米飯炒至乾身粒粒分明，加上蟹子和海膽的提鮮，令到每口米飯都很鮮味，美味得令人心動。窩仔手打烏冬(豚骨湯) $78雪白烏冬用窩仔盛上，豚骨湯底呈現奶白色，賣相吸引。手打烏冬特別煙煙韌韌，每條烏冬掛滿香甜豚骨湯汁，滋味滿載。香草燒雞翼3隻$28 雞翼燒到油光亮澤，雞皮有微微焦香，雞肉保持軟嫩，令人難忘。雜錦天婦羅$68天婦羅材料豐富：炸蝦、冬菇、金菇、茄子，每件新鮮炸起，熱呼呼又香噴噴，特別喜歡炸蝦天婦羅，香口酥脆，薄薄粉漿之下，是鮮甜彈牙蝦肉，津津回味。北海道芝士蛋糕兩件$ 36口感紮實濕潤，啖啖滑溜芝士，俘虜我的心。

旺角新開嘅呢間日本嘢，感覺都幾吸引，佈置得好日式，地方都幾大，仲有舒服嘅卡位。我哋這一天來到這裏食野😊餐牌嘅選擇都好多吸引我哋兩個人點左一個飯、一個烏冬、一個菜、一個甜品、同埋一個飲品一齊食😊海膽炒飯炒好香口，海膽味道濃郁，有鹹鹹香香嘅味道。蟹子嘅份量都好多，成個飯拌勻來吃都好香口😊豬骨湯湯底味道濃郁，烏冬好滑，將雞蛋撈勻一齊食更加好味。另外都有唔同嘅配菜，份量豐富😊野菜鍋裏邊有豆腐、唔同嘅蔬菜、唔同嘅姑娘。湯底味道都幾濃郁，令材料更加好味😊芝士蛋糕軟綿綿，口感細滑😊抹茶味道香濃，加埋鮮奶一齊成個飲品感覺都好濃郁香滑😊整體來講呢間店嘅感覺都唔錯，店員服務都好好，好友善😊 地點又方便，都係同朋友約埋一齊傾偈嘅好地方。

今日同朋友喺旺角食飯，見到有間新開嘅日本餐廳，款式都幾多，而且價錢唔貴，就入咗去同朋友食。檸檬牛油帶子佢呢個帶子都幾鮮甜，而且牛油味好香濃，點埋啲檸檬汁層次好豐富～刺身拼盤基本上都幾新鮮，但特別想讚下啲三文魚，好肥美油脂多，食落去好幸福但又好邪惡和風炸雞賣相好靚，佢入邊啲肉都厚肉而且軟身，不過美中不足就係鹹咗少少，如果冇咁鹹就好！海膽炒飯佢個飯炒得好爽口，而且啲海膽好新鮮，撈埋d蟹子一齊食好鮮甜～網燒牛扒佢個牛比想像中好食！佢算係薄切，而且佢冇煎到熟晒所以完全唔老，在加埋啲黑椒好正～鐵板牛柳粒佢嗰汁煮得好惹味，有甜甜酸酸燒汁感覺，而且好淋身！鹽燒牛舌唔un而且好肥美，食落去淡淡都有脂肪感覺😍

I want to have Japanese food for dinner, so I searched the restaurants nearby. And finally, I choose a newly opened restaurant OH YAMA JAPANESE RESTAURANT and have a try. I ordered Hokkaido Scallop& Sushi Rice, Udon in Kelp soup, Grilled Fish cake and Deep Fried Chicken Ball. The don with big scallops and very fresh. Also served with shrimp, salmon too. Udon in kelp soup is normal. The Fish cake is made per order, and well grilled. Full of Japanese style. The last one is a fried chicken ball. Th