千房 (Closed)

今日放下假行下旺角新開商場發現千房原來係香港開左分店!之前係日本食過就愛上左,見到當然入去試下可唔可以揾返大阪既味道.lunch time有lunch set包一款前菜麵鼓湯,主食都幾多選擇,最後決定食可以自己DIY系列.前菜係油豆腐乾再加少少冷菠菜紅蘿蔔蛋絲.豚肉燒有一份餐單上教學逐個步驟指引,圖文表達好清晰又容易明白,跟住黎DIY可以好輕鬆完成✅.大阪燒最怕係粉漿太多同日本一樣粉少菜多,粉漿少而簿,椰菜絲切得細粒.拌好所有食材後就放上枱上熱板爐上面成型,再鋪上豚肉反反覆覆後完成.因為椰菜分量較多,口感十分爽脆粉漿熟得黎又帶濕潤感加上燒汁漿同木魚絲同大阪一樣.豚平燒係日式煎蛋加上豚肉既簿版日式卷蛋,蛋漿加上左少少蔥令蛋加上蔥香豚肉油脂香滲係蛋內更加香濃感覺幾新鮮.

在旺角一個新開的商場上4樓，開咗間日式燒餅餐廳，見成日排長龍，你入我又來排下，試吓係咪咁好食先！牛油炒雜菇🍄：炒到熱辣辣，又帶有香香嘅牛油和蒜蓉味，非常夠味，係一個好好嘅小食。海鮮大阪燒🌮： 大阪燒可以揀自己整燒餅自己燒，或者係廚房幫你燒好上俾你，我咁懶又唔識入廚，就揀咗廚房整啦！想到枱侍應仲幫我用熟練嘅手勢加上 沙律醬、調味料🧂和木魚碎，真的很體貼！基本上一上枱就已經係好完美嘅樣子，見到都流口水。燒餅裡一切開就見到唔同種類嘅海鮮，有🦐魷魚、🐙墨魚、蝦🦐等等，個燒餅一路擺住喺個燒爐上一路 🔥 燒，食到最尾個底燒到脆卜卜，焦焦地，好好味啊！🥰 下次要再來encore ！😋

聽朋友講座落在旺角T.O.P.的千房嘅食燒餅好好味，值得一試，呢日行開旺角我就去試吓。座位有吧枱和卡位，我揀左卡位坐，佢張枱都有自己嘅燒爐，當然係俾你用嚟燒餅和炒麵用啦！餐廳仲好貼心咁整埋教你自製燒餅嘅指引，一步一步跟着整，就唔怕整wor晒啦！我點左個雜錦廣島燒餅和雪糕甜品，食得好飽啊！雜錦廣島燒餅大大個，裏面有蝦、烏冬，仲有其他配料，加埋燒餅醬，真係好好味啊！呢度每台仲有一盒木魚擺喺度任你夾，我係勁鍾意食木魚，所以夾左好多囉，哈哈個雪糕只係$28 ，但係就有三球咁多，有四種味選擇，包括抹茶、雲呢拿、朱古力、鹽味，我冇要到朱古力味，最令我驚喜嘅係鹽味，小小咸，好特別！

彌敦道700號原來開咗間新嘅商場店鋪類別都幾多 裝修幾有特色幾適合年青人行到頂有間千房食大阪燒入到去原來餐廳非常大毒拎鍾意坐埋一二邊但侍應好貼心咁唻問我洗唔洗幫我調位呢度大阪燒嘅種類相當多點菜嘅時候如常嗌店員幫我落單店員就咁記住咗 之後俾張單我對我仲好奇 咦唔洗用紙筆咁勁😯之後先發現🤦🏿‍♀️原來檯上面根本有點餐紙 只係店員費時我糯冇講仲好細心咁叫我對單既然係食燒嘅嘢 飲返杯白提子梳打解吓熱氣鐵板餃子正方形薄薄地好特別 四邊餃子皮脆 中間冧 豬肉餡鮮嫩揀咗千房燒中間蛋同麵粉燒出唻好似pancake咁鬆軟夾雜爽脆嘅生菜同豬牛蝦等餡上下兩面燒到微焦加上大量木魚醬汁類似章魚燒嘅醬味道同口感都好豐富亦好分明難得在一啲都唔油 亦唔滯

今次叫咗特盛海鮮大阪燒(DIY),芝味廣島燒,醬燒日式炒麵,蛋包麵因為第1次試DIY大阪燒 唔識燒 啲職員都會好樂意教同幫忙啲嘢食份量適中 價錢合理 職員友善下次想再DIY大阪燒都會黎番宜間

去完越南之後好掛住日本嘢，知道旺角開咗間可以自己整大阪燒店，所以特登去。可能係假期，所以店舖要排隊，好彩店位於t.o.p廣場，悠悠閒閒行一陣廣場先入坐。入店之前，店員講大阪燒自製位話已經無晒。本人對自製都係無咩信心（雖然佢有曬教學），所以我哋就決定坐係爐邊，睇大廚表演（簡稱等食）「特盛海鮮大板燒」叫店員做就有信心保証外表靚靚，內面有不同海鮮同埋大量嘅椰菜，放落口，真係之前係大阪食過既味道蔥香鹽味日式炒麵一嚟到嘅感覺就係真係好多蔥，不過因為炒麵啱啱炒熟，熱力啱啱整熟啲蔥，同面一齊食，又真係好香。係香港都可以簡簡單單食到大阪嘅味道，感覺十良好

近排整大阪燒整上癮😛，又去咗T.O.P商場裹面嘅另一間大阪燒餐廳做廚師～ 今次我哋揀咗兩款可以自己diy嘅玩下，一款係豚玉燒，另一款係特盛海鮮大阪燒。 係整之前會有說明書講每一個step，由於自己diy會花比較耐時間（大約半個鐘），所以建議一路食熟食一路等呀🙆🏼 有個小timer，好貼心已幫你set好4分鐘。 過程唔難整，中間需要炒熟肉同海鮮，好似真係做緊主廚咁😂 投入度高。 跟據指示將大阪燒煎好，就可以放配料。配料簡單，放哂眼前見到嘅就可以了，唔會因太多選擇而放錯。 最後成品，放咗咁多心思落去係值得嘅😛 由於大阪燒麵漿一早已調配好，覺得蔬菜比例比粉團多，食落有口感啲。兩款大阪燒嚟講覺得豚玉燒性價比較高～ 志在可以同朋友邊食邊玩👍🏻 另外熟食方面叫咗蛋包麵，醬汁幾好味，份量足。 食咁多大阪燒未免有啲膩，叫多杯全熟桃味梳打剛剛好。幾好飲～

張枱漏油地下勁滑，但冇主動去清潔，漏左啲油係電掣附近，要我開聲先拖左兩下，都重係好滑，好危險，咁只好放啲紙巾係櫈腳防滑。上菜又慢要等好耐，上完冇耐就last order，又大油煙，下次唔會再來食。

一坐低果下冼咗一冼，原來成地都係油，叫職員抹抹佢，佢用濕地拖抹完就算，之後都係冼到趴街，叫經理都係拎紙巾抹下算。d野食本身唔好食，黎到仲丟落個板度燒，即係焦哂又痴底，又冇抽油煙機，d店員嘅態度完全俾到『唔想serve你嘅感覺』，勁悔氣樣，唔係你地離譜你估我好想嗌你咩，地下污糟、食油煙、d店員hea，仲要收加一，真係俾到唔忿氣，呢間垃圾大阪燒真係要blacklist，叫哂d朋友唔好黎👎🏻👎🏻👎🏻

落完單待應問我地張單有無問題，睇完有問題仲惡過你，問仲有無野改，話再改佢地廚房會鬧，問題係如果唔改得單咁你叫我check黎做咩？又話佢地啲野出得好快改單好煩， 但落完單我地足足等左二十分鐘，叫左一個大阪燒，一個炒麵，大阪燒ok，中規中距, 炒麵同menu張相兩回事，好細碟好油，但味道還算可以，但咁既服務態度真係無下次，基本上唔係食野食得耐，係等野食等得耐，所以門口排晒隊，同埋建議之後有活動既人唔好去，因為去完成身都一陣油煙味

大阪燒嘅餐廳近來香港越來越多！今日就嚟到TOP嘅千房食下:-D 之前就想試下自己玩自己燒嘅，但為免浪費食材都係決定嗌嚟等師傅整😮😮 第一樣就叫左幾特別嘅蛋包面🤤🤤🤤原理同蛋包飯相似，但炒麵好食d！首先個蛋好滑，上面嘅醬小小酸酸甜甜，好開胃的。而炒麵係好日式個種，比較淋身，同個汁好夾😸入面仲有好多豬肉添💁🏻‍♀️自己可以再加d木魚上去，更加有口感添r👅 而大阪燒就揀左千房燒☀️材料豐富，蝦都成只落！肉好彈牙👅👅 小食要芝士蘆筍波菜😈😈芝士好多！仲有d番茄加落去，食落味道十分有層次😋

🐿🐿TOP開左都一段日子，餐廳都好幾層！今日就嚟試下千房(^^) 大板燒專門店🤤🤤 千房位於4樓，有bar枱同普通卡位揀！想自己diy就要坐卡位啦！我地就揀左坐bar枱，師傅燒，唔洗煩haha👅 先要左個千房燒($108)😮😮材料好豐富架！有牛肉、豬肉、蝦等等🌞食落口感非常多層，入面嘅蔬菜粒食得出種類繁多，所以味道好rich 😀😀師傅嘅調味剛剛好，面層嘅醬好正宗！十足十日本食過嘅😽😽 枱面仲有木魚可以任加😍😍😍 另外叫左芝士波菜🤤芝士多過菜咁濟☺️非常拉絲的👾菠菜同蕃茄再加芝士食落風味獨特❤️❤️ 最後甜品嗌左雪糕拼盤，可以揀3個味🤤非常recommend 鹽味，小小咸更加帶到奶味出嚟😍😍

好耐無出旺角，琴日先第一次去新開果間商場，發現原來都幾多野食，最尾見呢間餐廳專食大阪燒就決定試試。呢間餐廳都幾受歡迎，7點零鐘就滿曬座。晏畫已經食左少少野，大家都唔太肚餓下就要左個豚肉燒同大阪燒，店員落單既時候有問到我地係想要師傅燒定係自己DIY，當然我地呢D輪輪盡盡既人都係要返師傅幫手燒啦！等埋一陣就先上左豚肉燒，份量唔算太多但係燒得好靚好好味，表面唔會煎到燶曬，送到嚟時仲會用每張枱既鐵盤烘住，慢慢食都仲係熱辣辣！食完一陣主角大阪燒亦都好快送到，但係咁岩見到隔離枱係到自己DIY煎都煎得幾過癮，有少少後悔無試下自己整，但既然師傅都整好就算啦。海鮮大阪燒材料好豐富，成個餅都塞到滿曬，如果自己一個嚟食都好易飽！雖然師傅已經幫我地淋好曬汁，但係重口味既我地都仲係吱左大量沙律醬，雖然好邪惡但係咁樣先夠過癮！雖然大阪燒始終都係煎既野，感覺上有少少熱氣，但係由於入面有大量既椰菜，平衡返本身煎野既油膩感，食落都唔會太油膩。但如果下次再嚟試既話就真係會想試自己動手DIY再瘋狂落醬HAHA !

向來都好中意食日本野特別係燒物好難得今次搵到一間餐廳可以係坐位上面有鐵板一邊加熱一邊食雖然唔係自己去整但係美觀非常之好，值回票價野食既味道都好好，非常甘香岩哂平時怕食物好易凍哂既朋友去食

旺角舊年開左個新商場入面嘅鋪頭同餐廳都相當有特色！係網上見到呢間由大阪黎香港開分店嘅千房緊係要黎試下！餐廳面積好大，每一枱都有一塊鐵板好有日本特色。我地叫左一個泡菜燒餅。侍應上菜時直接拎住一個好大既剷放到鐵板上面，燒餅熱辣辣，咬落有好多料，泡落口感好爽唔太辣，豬肉食落都好嫩，最重要嘅係唔會太粉！客人亦可依照喜好加上燒汁或者沙津醬！另外我地叫左份餃子，餃子皮好薄，個底好脆口！豬肉都好多，值得推介！下次再黎一定要試下自己整燒餅！