栢檔去骨海南雞飯 (Closed)

出開嚟佐敦做野，又到下午茶時間，所以同同事周圍搵食，佐敦大把平靚正嘅美食，同事就推介呢間~栢檔海南雞飯。喺門口望吓，裝修好新派，店舖內嘅座位都好特別，係一排一排咁樣，冇2座位、4座位嗰啲，感覺有點像員工飯堂，第一次嚟嘅我，當然要試海南雞飯啦，因為佢最出名嘅都已經放喺店舖名，冇理由唔試，哈哈。而同事就已經嚟過2次，所以佢今次試咗豬手飯。因為下午茶，唔同午餐、晚餐咁樣餸和飯分開上，感覺好像酒樓的燒味飯，又幾有風味第一次試海南雞飯，雞味都幾突出，幾多肉，飯都係雞油薑飯，幾好味。值得一讚係薑蓉可以無限添加，侍應都很友善，可以再來

我咁多年嚟都會食呢間野始終如一食過呢間真係食唔慣出面個啲我每次都係叫雞飯要餐加錢轉脾要油飯佢個雞就算唔轉脾都好滑好香雞味係香港真係難搵我一係附近就會拉朋友去食我啲朋友次次食完都話係食過咁多間最好食嘅一間下午茶嘅細飯好食到次次唔夠喉所以我一定係要正常份量冇相因為慣性去食由佢未裝修坐得好逼到而家裝修完坐得舒服咗服務好好價錢其實係略貴嘅但值得

午飯時間，佐敦周圍都爆經過呢間，出名海南雞飯同同事一齊試下。餐廳好細間，好多人等位，所以食完就好走午餐如果要餐，都唔平，$80/人於是冇叫餐，侍應都會主動俾杯水你唔係講笑，今時今日你去普通餐廳，繁忙時間真係水都冇杯叫左個鹵豬手飯同海南雞飯海南雞可以配油飯海南雞配薑蔥油好好食，係新鮮點知？有透明的膏狀，就代表新鮮份量都算多有肉有翼位鹵豬手好正，冇毛好多時出去出邊食嗰啲都有毛佢整得好乾淨，應該用火燒過好重骨膠原的感覺女士真係要食多d有大半係啫喱狀嘅皮及肉有小半係比較瘦嘅肉不怕太漏，剛剛好，配上飯50元在佐敦午餐真的是抵又好食了

今日天色灰濛濛，空氣污濁，胃口甚差，想食一些濃味的食物，所以決定再次光顧＂柏檔＂，之前已經食過該店的海南雞飯，感覺不俗，而今次目標是手剁肉餅…餐廳位於廟街隔離，屬於小型店舖，座位不多，二十幾個左右，午市時間爆滿，等候約十五分鐘方可入座，由於太過肚餓，一坐低叫了＂香煎手剁魚香肉餅一人套餐＂，不消五分鐘食物到，先試一啖肉餅（本人最怕肉餅死實實，或過份鬆肉），這個處理得恰到好處，外皮經過香煎，脆口，肉餅有淡淡的魚香味，亦不會搶走豬肉味，味道鹹淡得宜，不鬆不硬，而且食得出手剁功架，食得好滿足。另外，油飯只有些少雞油味，沒有叫海南雞飯，竟然也附上三色醬，令飯味層次即時提升，增加食慾。一人套餐有油飯，有菜，有肉餅，有凍飲。

放工後想食海南雞飯，想起哩間專門店！差不多晚上8點8........店內仍是滿坐！好彩一個人，剛好有位.....有套餐....有單叫.....最後揀了套餐！極品海南雞套餐.....套餐就係多咗菜同湯.....配上三色醬.......我最愛黑豉油.....但比起新加坡的較稀！健康翠綠時菜......係蠔油生菜......尚算爽脆.....栢檔住家靚湯......就係南瓜青紅蘿蔔湯......呀......還可以......顏色夠但味唔夠......海南雞.....已去骨，尚算滑，少少雞味，偏肥！雞油飯.....麻麻地.....冇乜雞油味......8:38落單......食完埋單出到門口都只是9點......真係超快餐......

今日做野太忙啦，忙到兩點幾覺放lunch,拿拿臨去樓下買個外賣上黎食完繼續做野😭😭哩間餐廳出名係食海南雞飯既，但食得多都會開始有厭倦既時候，所以今次就換換口味，叫左個魚香煎肉餅飯🤭肉餅煎得好香脆，魚香味濃，但肉質好鬆軟，唔會硬「掘掘」👍🏻👍🏻

趕住去睇跌打醫生。約了時間仲有半小時又有D餓！見里間唔需要排隊同無咩人就入去試試。其實都有好多套餐選擇！不過都係叫番佢地最出色嘅嘢啦！雞湯唔油，一啲都唔馬虎清澈又有鮮味，唔錯.海南雞已去骨，啖啖肉！雞肉嫩滑又有雞味，沾上三種不同的醬汁食，十分滋味。油飯幾香！！！飯粒粒粒分明又唔覺油膩。是高水準的海南雞飯。地方就真係細咗DD，坐位吾係多..結論也不失係一間幾好食幾唔錯嘅餐廳...而且價位不高十分抵食！有機會會再過嚟食...

每次行過柏擋都見有人排隊，今次見到時機成熟就即管去排啦!果然不出我所料，等左大約10分鐘就有位 呢到馳名既海南雞~ 不過呢到既海南雞會去埋骨...望落去份量好似好少!但是真係食到啖啖肉!而且雞既肉質非常鮮嫩，食入口有一種滑嘟嘟既感覺，一齊食，味道何其豐富.....佢地個湯亦都咁多年來得頂....栗米紅蘿白豬骨湯。出哂名，感覺飲住家靚湯難怪呢間要排隊先食到！

喺佐敦一個人食晚餐嘅時間又到喇…呢間鋪頭裝修過一次…之前裝修就比較簡陋之前食過一次都幾好食…裝修完之後就去再試下啦舖頭位置少咗不過就感覺乾淨好多… 價錢都係差唔多叫左一個海南雞飯套餐去骨雞嘅份量都幾多…最重要佢個醬汁都一樣係咁好食油飯香得嚟但係又唔會太油仲keep到水準… 鍾意食海南雞嘅朋友就唔好錯過啦

哩間好出名食海南雞飯，之前食過幾次都唔錯，無骨海南雞肉質滑嫩，今次唔食海南雞，轉下食其他🤗由於時間既關係，要拿拿淋食飽繼續做野，所以今次叫外賣今日試下圓蹄飯，本人覺得佢d皮好多骨膠原，而且好入味，入口即溶，但係d肉就有d硬，唔夠淋，所以最後我食曬d皮無食d肉，今次d飯都有少少硬，都係海南雞飯比較好食d😂😂佢仲有其他飯，下次想試下佢個煎肉餅飯先🤭

🥢裝修前一直都有幫襯開，裝修後再去嚐海南雞飯👍🏻水準依然其實menu上都仲有其他選擇，例如都幾想食肉骨茶，但係每一次嚟到都會不禁order海南雞飯😋😋😋今次都係order 左一人套餐$64，包埋菜&自家靚湯另外再加左$12轉雞脾👍🏻 好滑又有雞味，啲醬汁都好正。對坐朋友冇轉雞髀，其實都好夠滑呀！😁裝修後係坐得舒服左嘅，但可惜位置少左，所以閒日收工後嘅話晚市時間都需要等一等。😅😅😅

約了佐敦交收。阿哥就話帶我和老爸去他間中會去吃飯的餐廳。平時阿哥都嘴勺，想必這間店一定好了。阿哥說他食開海南雞飯，每次想叫肉骨茶都沒有。今次他就要了一直想吃的肉骨茶套餐，我要了元碲套餐，老爸要了豬頸肉套餐。套餐包菜、飯、湯或飲品。都是$62一個。元碲很諗，肉質軟綿，帶點肥。好味。油飯味道不太夠。不過都不差。至於老爸和阿哥的。因為中途去了交收，回來時他們已經開動了。我只能草草影一影。老爸的豬頸肉，我吃了一件，超級鞋十十而且沒有那種爽脆質感。是死死實實的肉。事後老爸說下次不要去了，食物唔好咁話。我問阿哥肉骨茶如何。他搖晒頭。說那些肉像人家煲完棄掉不吃的湯渣。又是鞋到沒朋友兼沒味道。不過茶倒是好味的。套餐的湯是南瓜湯。不過不失。午市有優惠。如果要來都是吃它的招牌海南雞飯或元蹄好了。不過老爸叫我以後不要帶他去，相信也只有阿哥自己去了。要讚的是其實服務不錯，店員很熱心。

海南雞引起，上openrice 見到佐敦間栢檔裝修完，就約男朋友放工去食！😆無食成個幾月，去到舖頭見到全新面貌，坐位應該少左一半，餐廳改放左兩張大枱同bar 枱！坐就坐得舒服左，不過覺得小店咁設計好浪費位置！我地每人叫左個海南雞套餐，有雞，有菜，有餐飲，而我因爲怕肥所以要左白飯，男朋友話油飯都好乾身唔油！雞肉依舊好滑，最愛佢的雞配紅色個隻辣醬！正呀！

經過佐敦男朋友話呢間海南雞飯好食本身都半信半疑因為我本人係極度鍾意新加坡個天天海南雞飯 去親都食半隻 我唔信有其他地方可以好食過天天但見佢咁hard sell就試下啦加錢要雞脾位又真係唔錯喎雖然同天天冇得比但係香港黎講都算真係幾好食雞好滑同配料好惹味我平時唔點食飯都食左大半碗飯仲要個南瓜湯冇落味精好養生冇得去新加坡咪係香港食呢間頂住先囉😊價錢仲要好親民如果屋企附近都有就好啦*其實仲有食佢個元蹄不過冇影相入口即溶好送飯

返夜中間出街食飯, 諗住下午茶時間, 應該都可以食到平夾抵嘅野剛好發現這間栢檔海南雞, 見咁似新舖, 試下新野都好.選擇困難時, 見到隔離枱應該係$35下午茶餐, 一隻普通飯碗上面有幾件雞,份量少到心諗好彩見到隔離食無中伏一人套餐$60又飲又湯又菜, 感覺份量又過多(難服侍嘅ME),最後點左客飯餐$48,...份量疑似比下午茶餐多返啲啲, 至少分開獨立碟.但味道一般無驚喜...食完有一種無言嘅感覺