栢檔去骨海南雞飯 (Closed)

今日喺呢頭做完野,感覺到自己呆下呆下就明白係時候要醫肚了,喺呢頭唔係咁熟路,只好周圍望下有乜心水~突然比我發覺有間鷄店~心中驚喜,去門口望下,原來係新加坡風味的店,餐牌D相好吸引,忍唔住決定入去一試~!!店舖樓面細細窄窄長長~要行到最入面先有濶落一D既位置,地面好跣,好在有D位有地毯,如果唔係對我呢D米之連人黎講會相當難行由於呢個時間客人唔多,所以我可以搵一個心儀的位置坐底再睇餐牌店舖有三樣主打美食,我只得一條友,實在係招呼唔到咁多~作為一個鷄精,我只好點返自己最心儀的鷄了~!海南鷄飯套餐,配香飯,自己製老火湯去骨海南鷄 – 好快就上枱了~當我見到佢時,確係有點失望, 鷄件份量相當配合呢個價錢, 睇落好似初起左好耐,有點風乾了的感覺,鷄皮起晒粒粒,睇落一D都唔滑~放入口,肉質方面相信因為隻鷄煮得太老,所以好鞋,時放得太耐,所以好乾身,好難令人相信係舖頭的主打作品~,香飯 – 確係純正的鷄油飯~輕輕的清香,入口唔會太濃味的,同食白飯的分別唔大老火湯 – 木瓜紅青蘿蔔鷄湯, 既簡單又鮮甜,木瓜肉溶化後令到湯水變得結身,入口好有質感,令人有種真材實料的感覺,唔錯~我仲買左碗外賣去探寶貝!烚生

行開佐敦好多時都會順便黎食個飯，貪佢有個靚湯飲下。呢晚叫左個2人餐。南瓜青紅蘿蔔粟米豬骨湯：搬出去自己住之後至明白有湯水滋潤係幾甘重要，念念不忘永遠係佢個靚湯，無味精，湯味道帶甜，南瓜肉煲到出絲，啖啖口感十足。寧願唔要餐飲都要呢個例湯。去骨海南雞：去骨，懶人必食。尚算有雞香，皮爽肉滑，不沾醬的話雞肉味道會較淡身，建議沾上醬汁(跟飯有黑醬油、薑蓉，辣醬)。圓蹄：略咸，不過整得好入味，尤其個皮好軟、好淋，接近入口即溶，成個餸有好豐富骨膠原。河粉：捨油飯，河粉中規中柜。油菜：白烚油菜配蠔油，ok啦。

適逢十一假期，當然又要發揮本能，四出覓食! 從澳洲回來後，一直很惦掛澳牛的滑蛋，所以今天特地去佐敦潮聖。可惜...貴為地獄黑仔王的我，再一次印証這個事實。原來澳牛逢星期四休息...今天，就是星期四了...沒有辦法下，只好到附近吃其他東西。聽朋友說，附近有一家海南飯很好吃的，所以便打算試一下。坐下後，由於看見一張牆上的海報，寫著"肉骨茶""千錘百鍊，隆重登場"， 看似誠意十足似的! 故此，便決定給予一次機會吧。除了點了一客海南雞飯外，也點了一客肉骨茶。可惜，事實是令人大感失望! 什麼千錘百鍊，難吃極了! 湯底淡而無味，排骨一看便知泡了很久，口感很粗糙，完全沒有嫩滑感! 另外還有豆卜，完全沒有爽脆的感覺...總括而言，一個字 - 差! 至於海南雞飯，無可否應，雞是嫩滑的，但是那個油飯，由於米比較硬身，沒有那種香軟的感覺，我覺得只是還可以，未至於好吃...最令人失望的, 是收據上的店鋪名稱...明明是"栢檔", 但竟然寫了"柏檔"...這種低級錯誤, 令我對這店鋪完全失望! 

看見招牌寫著去骨海南雞飯. 幾吸引!去骨海南雞不肥, 肉嫩. 但味道不足. 一定要點醬才好味黃油飯不會油淋淋的. 讚! 味道也很不錯. 飯質又不太硬.醬料薑茸: 推介! 薑和蔥都打成茸. 拌在一起, 又辣又香.甜豉油: 杰杰的. 加上薑茸更好味.甜酸辣醬: 少吃酸的醬, 所以無意見.

起香港，好少餐廳有自己煲既老火湯，仲要無味精既少之有少。於是特登的起心肝睇下有無，點知俾我發現番工附近竟然有一間，決定搵晚去。因為知佢係專賣海南雞飯，又係我杯茶，去到就點左大既海南雞飯，之後佢是跟湯的，另外有得點湯，睇下好唔好飲再外賣拎咩屋企。首先，湯來左，係食評見到的粟米紅蘿蔔豬骨湯，油份算多，不過唔太影響，因為豬骨熬製的湯總是肥的。紅蘿蔔熬得好"淋"，d湯入左味，粟米我唔吃的，所以無法評論。到湯部分，真是媽媽的感覺，好清，飲落去唔會有"拿"喉的感覺，飲到底無黑色一粒粒，姐係0味對，飲哂之後都無口渴既感覺。正！至於雞飯，飯夠黃油，表面是閃令令，雞肉夠嫩，過到關，因為我來到唔係著重雞飯。最後點多左個湯外賣拎番屋企，正

自在從新加坡吃過正宗海南雞飯，便愛上了這款美食。是晚，相約同樣是海南雞飯愛好者的朋友C試試位於佐敦的栢檔極品去骨雞南雞飯。餐牌主打海南雞，還有滷水元蹄、肉骨茶可供選擇，平均消費大概$50-60。栢檔住家靚湯點餐後，待應姐姐便為我們端上熱騰騰的住家靚湯。喝了一口，忍唔住講：「這碗湯真的好飲。」粟米紅蘿蔔雪耳湯，味道好甜和質感好濃稠。湯的顏色黃黃的，應該下了大量的雞骨去煮。記住一定要選湯（一人套餐只能選擇湯或飲品，兩者揀其一。）我們各自點了1人套餐，$55 有湯、烚菜、雞油飯、主菜（鹵水元蹄、海南雞）。海南雞的佐汁（上圖右上角）有黑醬油、辣椒醬、蔥油，是正宗的醬料配搭。正宗的黑醬油，質地較平常的鼓油濃稠，味道較淡不會過咸。辣椒醬都非常正宗，帶點青檸的酸，還有薑味，微微的辣，酸酸辣辣，好開胃。正宗的蔥油味道與香港的是一樣，當然對味。海南雞雞皮金黃色，賣相達標。去骨與新加坡大部餐廳的做法一樣，非常讚，方便食用。雞肉肉質滑滑的，可能是雪藏雞，肉没有彈性。喜歡新鮮雞的，可能會因為這樣給予負評。新加坡其實也是没有新鮮雞的，所以肉質的彈性並不影響海南雞的整體。經過處理的雞肉整體都不錯，金黃外皮，滑滑的

好耐無來這裡了午餐同朋友來到一點鐘吾係多人好易搵到位大家都叫了個一人套餐雞仍然保持嫩滑仲有基本上雞肉已經起骨令你食得方便果個飯感覺吾夠油香勝在還夠乾爽油菜好少，勝在新鮮我地認為最好就係個湯青紅蘿蔔湯，十分鮮甜多年無幫襯，呢個湯仍然咁正

突然想食海南雞飯,就上網搵到呢間,立即去試下先。位置好易找,3點幾去到無乜人,唔洗等最鐘意。叫左個海南雞set,有碟菜同湯or飲品跟。好似70蚊左右,忘記了。雞做到好滑,d雞去曬骨,唔洗咬,可以直入喉嚨不過得覺得唔洗去骨呀,因為有d雞骨味會更加香。d雞係滑,但係無乜雞味,可能唔係新解雞整,不過雞黎講都算唔錯。另外雞油飯好緊要,飯既顏色只有淡淡黃,唔似其他店個飯係金黃色。金黃色唔代表好味d,只因為用左d黃薑粉上色。但佢個飯真得唔算好,因為無乜味,如果以海南雞飯自居專門店黎講,個飯真係唔合格,太過淡,無香料味,無雞油味,真係有d失望。另外個醬做得唔錯,一個好醬絕對能提升整個海南雞飯。如果個飯做得好d,鼓油撈飯絕對可以食唔停不過衛生一般,因為收碗碟個桶放係食客旁,我就岩岩坐係不遠,係味應該放返係後勤地方呢??咁絕對影響胃口,如果你係大排檔收大排檔我就可接受

今日午飯去食海南雞飯兩個人不用等位每人一份大海南雞飯雞肉十分嫩滑，啖啖肉，連雞皮都咁好味油飯乾爽又香口，基本上三種汁都不用湯更加吾洗講，落足料，又甜又夠濃加碟油菜夠青綠，新鮮爽口嚟好多次都保持水準環境迫少少，不過食完走無所謂

海南雞飯的專門店, 套餐, 脫骨的雞, 口感十分好, 味道就一般, 不過, 在香港, 幾十元的價錢, 莫非以為可以有新鮮雞麼? 不大可能吧, 以此價格, 算滿意了.雞肉份量不少, 質素是可是的, 不難口, 也不算很滑溜, 皮略為厚身, 未能與雞肉一起入口, 要動些手術, 把太肥除掉.油飯, 夠油, 但沒有雞油的香味, 加了些少不知名的調味, 仍然是淡淡口的.雪耳湯, 南瓜味, 好味道, 濃味而沒有味精, 但不肯定有沒有雞粉?酸辣醬, 不酸也多辣, 只感到太甜. 甜醬油, 質感未夠厚身, 但已經是最好的了. 薑蔥, 是用攪拌機攪的, 攪到變成糊狀, 實在太重效益了, 重效益而缺乏了口感, 而且味道太鹹. 

一個冃總有幾日發雞瘟想食雞。今次約埋好拍擋雨田先生去‘栢檔’食海南雞飯。曾經去過新加坡，沙巴，泰國食出名的海南雞飯，但始於香港的才是雨田太太的至愛♥海南雞，雖然不肥美，但肉質滑而腍，而且還是無骨的，吃起來特别爽！醬汁，食海南雞，雨田太太我必定沾的醬汁，超正！油飯，亦是必要的。‘栢檔’的油飯不只有外表，還有內涵，充滿油香味。元蹄，我倆囗子都不約而同想叫的。味道偏濃，而且較肥膩，不是我杯茶……總結，海南雞飯做得較出色，有令人回頭的機會。亦有自由行來探訪，二大一小很豪氣地吃完一隻又一隻！

很久前團購過一次栢檔的海南雞飯，換購點在九龍灣，味道不錯。路過佐敦見到有分店(還是總店？)就外賣一客看看。海南雞飯套餐除海南雞外包雞飯、油菜、老火湯及飲品一杯。雞肉嫩滑及已經起骨，吃得很方便。可惜的是雞油飯淡如白飯，不合格。油菜黑黑並不太新鮮。老火湯即討好，喝不出有味精亦不會太油膩，棒。三色醬的黑豉油味道淳厚，蔥蓉磨得幼細。問姐姐多取一盒，她答你已放在袋內，回家後發現根本沒有。

老公一向很喜歡吃海南雞飯，出街吃飯看到餐牌有海南雞飯一定會點來試試，早前在佐敦搭小巴的時候已發現有一家海南雞飯專門店，不過每次經過都是已經飲飽食醉在回家的路上。在一個星期六的中午，正在佐敦附近要走地方吃飯，腦海突然浮現這家餐廳，雖然連餐廳的名字也沒有印象，也決定特地過來試試這店的海南雞飯。一看餐牌嚇了一跳，雖然知道這店以海南雞飯命名，卻想不到他竟然獨孤一味只賣海南雞，這種經營手法在日本很常見，但在香港開店，對住貪新忘舊善愛變化的香港人，真的要對自己的出品極有信心才會這樣經營。再看看餐牌，發現飲品的選擇極少，除了老火湯之外，只有凍豆漿、罐裝可樂以及熱中國茶三款，但在店面貼有招紙歡迎自攜飲品，令這店顯得更加有型。在沒有選擇之下，當然點了海南雞飯，另加一碗真材實料住家靚湯。老火湯是南瓜湯，味道非常濃郁，一飲就知道真材實料，絕非一般茶餐廳例湯的貨色，如果不餓只付$10坐下喝一碗湯也不錯。送上主角海南雞飯，雞肉很滑，油飯也不錯，連恆仔也滿意，不過自從試過在家自家製作油飯之後，在街上吃到的油飯通常都難以讓我百份百滿足。另外這個雞飯跟足傳統附有三款汁料，味道都很不錯。當下次對於要吃什麼沒有想法的時候

雞不滑。選用黃雞，冇啫利。油飯很一般，冇雞湯。雖知雞湯是不易做的。我很難相信佢冇雞湯，加上冇水準的海南雞，相比於我試過的三巡海南雞，相差很遠。這味菜不要看少它，做得好食是相當麻煩

自己一直對海南雞飯情有獨鐘，所以每次見到餐廳個menu有海南雞飯都即刻叫。我就試過中伏。今日係佐敦同女朋友食晚飯，係等緊佢期間，我就搵到呢間專食海南雞飯既餐廳，個名仲要寫名去骨 。我地兩個人9點去食，無乜人，唔洗等位。我地叫咗個例牌既海南雞飯再加個油飯，佢地d雞係即叫即斬件，碗飯係即刻係電飯煲裝出來，一上枱果下我覺得碟雞好細碟，碗油飯又唔係佢張圖裝到咁滿。d雞我認同似人地既食評所講之中既白切雞，但係去骨嘅白切雞又的確係幾好食，最好笑係我女朋友一食舊雞嘅時候話d雞無骨架 。碗油 好香，食落完全唔覺得有油膩嘅感覺。