栢檔去骨海南雞飯 (Closed)

一段時間無泥，今晚再次泥到佐敦嘅栢檔，未入去已經見到門口寫住做到今個月嘅通知，感到有點可惜。 一間係無論係自己一個 或者係 同其他朋友都會泥食嘅餐廳就嚟要結業，栢檔呢個名真係比我有好大嘅親切咁。雖然有其他分店，但佐敦呢間分店位置好方便，希望老闆可以襯最近其他街舖都減租，喺同區附近搵番個更好又租金相宜嘅位置。近排係非常時期，餐廳有做到用圍板去儘量分隔食客嘅距離，所以今晚坐得較為鬆動。至於食物方面，海南雞飯依然好食，同三色嘅雞汁好相配，油飯少油咗但無之前咁香。 今晚個湯有少少失望，因為平時飲開有好多南瓜溶，今晚個湯好似稀咗少少。

有日返屋企經過，見佢門口寫住5月尾結束營業，其實佢係呢到都開左幾年，但真係一次都未幫襯過，所以係佢結業前黎試一次!當日係下午茶時段入去~ 見到餐牌有一個$38下午茶餐!! 真係超平....同行友人就叫左一個海南雞飯套餐!!豬手飯就真係一碗好港式的豬手飯，滷水汁浸豬手，入曬味，同夠曬淋...唔難食!但最緊要係個湯.....碗湯一來係老火湯，二來除左紅青羅白豬骨之外，佢仲加左南瓜去煲!!!!所以碗湯比平時老火湯濃同埋多左南瓜的甜味，真係非常好飲!!簡直係成餐飯的亮點!!!!!朋友的海南就都係平時港式海南雞，但值得一讚的係佢的醬汁，都有保留返3種汁同埋都係星加玻式的....絕對係有必要同有需要...因為食海南雞飯呢3個醬先係成餐飯的重點....特別係香港食雞大部份都係冇咩雞味，如果冇左呢3個汁個雞就真係冇曬味....雞油飯就好似平時屋企自己煮個的咁，唔算好特別!總括黎講成餐飯都算唔錯~ 係好香港的餐廳，如果你係諗住食正宗星馬野既話...你就可以唔駛黎試...但係.....碗湯真係好好飲!!!

之前都來過幾次不過今日好似退步左仲有條頭髮係雞同菜上面，要減分我了起左條頭髮先影，費事條頭髮係d餸上面咁耐來e度都係食海南雞，唔會食豬頸肉肉骨茶之前都試過，e度既肉骨茶就無特別今次都係叫一人餐，有碟菜湯或飲品只可以揀一以70蚊來講其實價錢有d偏貴個人覺得55至60會比較合理佢個喇沙就長期都無咁我唔知佢放落個餐牌仲乜至於環境就都唔會太迫係除左條頭髮之外枱面同餐牌，地下都乾淨未試過可以來試下試過就唔駛特別覆卓個人認為

海南雞又滑又有得自選雞件位👍🏻👍🏻雞皮都好香又肥厚👍🏻飯又香👍🏻👍🏻👍🏻可惜員工態度欠佳，比較粗魯不友善。坐位都比較密，不是太舒適。作為快餐是還可以的。另外 試埋個肉骨茶 依個就比較油，而且味又稀，又唔夠熱。海南雞又滑又有得自選雞件位👍🏻👍🏻雞皮都好香又肥厚👍🏻飯又香👍🏻👍🏻👍🏻可惜員工態度欠佳，比較粗魯不友善。坐位都比較密，不是太舒適。作為快餐是還可以的。肉骨茶就比較油，而且味又稀，又唔夠熱。

今日去到佐敦揾野食以前係金鐘反工成日食依間海南雞佢執左之後都係係淘大食過一次今次兩個人食叫左半隻雞同一個肉骨茶餐雞好滑完全無一舊鞋半隻雞都唔少嫁 有成廿件有三個醬汁 三個都好食88蚊半隻算好唔錯肉骨茶就勁多豆卜有4大舊開邊我個人就麻麻地但肉就唔多未必真係用排骨，因為有啲肉好瘦，有少少鞋但其他用料都足食完都無話好口渴不過始終未食過真正既肉骨茶所以依間都可以但未係我食過既最好總括來講所有野都好唔錯直得一試

又到星期日同女朋友出街既時間，係佐敦行到咁上下，女朋友話肚仔餓，咁就搵野食。最後決定食呢間！柏擋海南雞飯。先講環境，幾新淨，衛生算好。坐位唔算太多，不過由於我地早去食，所以等都唔洗等就入得去。而我地坐左係bar枱。選擇唔算好多，有招牌既海南雞，另外都有豬頸肉飯，都有肉骨茶飯。而我同女朋友就㨂左海南雞飯套餐。平均每人65蚊。佢本身都有海南雞飯散食，不過就冇野飲。先講個雞，個雞真係好滑同好嫩，接近係脾位，而且仲有個雞搥食，正！而且佢個豉油同個蔥油真係好好正，非常之送得飯。而個雞油飯都好香，可惜今日肚仔太餓，嫌有少少唔夠飯。仲有佢呢個餐仲有個時菜仲有凍飲但竟然冇熱飲，真心第一次聽餐廳冇熱飲😱😱

係佐敦既栢檔海去骨南雞飯，係一間我常去幫襯既餐廳覺得距啲雞夠滑，啲油飯有少少雞油香味，唔太濃同油膩，岩我個人口味栢檔海南雞我記得都開左有一段日子，早两三年裝修過，裝修完成間鋪光猛企理左好多雖然招牌菜係海南雞飯，但其實都仲有其他野食既，不過我食左甘多次都嗌過其他野食因為我黎親都淨係会嗌海南雞飯食雞既份量都算幾足，用黎餸一碗飯都幾足夠雞絕對嫩滑，但又唔会好肥油飯有淡淡既油香，無咩其他好似香茅既香料，可能唔係個個鐘意，但就幾岩我胃口醬汁方面，個豉油既味調得幾好葱油一般唔太香個辣醬就有少少酸辣甘，幾開胃既價錢可能都算好合理吖

海南雞肉質嫩滑❤️仲要無骨🤗啖啖肉🤤勁滋味😍貪曬我呢d懶鬼😆三隻醬汁都夠曬惹味🤤好正😍😍😍甜豉油 薑蔥 酸甜汁💕三隻醬都好好味😚雞油米飯粒粒分明🤤有陣椰香😍

晚飯時段和友人來到了佐敦，突然很想吃海南雞飯，所以就來了栢檔海南雞飯專門店！我們點了一個二人套餐有海南雞半隻和鹹魚煎肉餅除餐附送油菜和飲品或例湯，我們都選擇了例湯，油飯白飯各一個，大約好像$179左右吧！去骨海南雞啖啖肉超級滑，附送的三種醬料分別有甜豉油、姜蔥蓉和辣醬，個人很欣賞姜蔥蓉因為超級幼滑的也夠香，反而辣醬不夠辣和惹味！油飯不會太油，很香！ 份量也很足夠，兩個女生吃一碗都夠飽了！煎魚香豬肉餅很有驚喜，有點像鹹魚肉餅的感覺非常好送飯，大家都吃個不停！例湯是紅蘿蔔南瓜粟米湯，很有驚喜😻煲得非常夠火候，喝得出的蔬菜鮮甜，就像在喝西餐的南瓜湯般😍所以忍不住追加了一碗呢！

吃過很多間海南雞，我覺得最好吃的還是這間，就算不點任何醬料，都能吃到雞的原味和鮮味，雞肉非常嫩滑，雞皮亦不太肥，而且爽口，如果點醬料，又有另一種好吃的味道，他的醬料亦做得很出色，尤其是蔥油，豉油亦做得很好，不太咸，甜甜的，雞油飯非常香口，就算不加任何餸菜，直接只吃這碗飯亦很美味，另外，他的例湯亦非常有煮家的感覺，沒有味精，而且非常足料，湯煲得很有火候，濃濃的，每一次來都是點海南雞，但其實還有其他小菜的，有煎肉餅，豬手等等，等我下次再試下其他先

這間飯店，味道不錯，但問題多多，我外賣自取，曾出現我要肉餅比錯海南雞，而肉骨茶時好時壞，正常時味道係正，但有時就真係淡而無味，好失望，我食10有3次係無味架，其實個價錢唔平，點可以比普通例湯仲淡，希望貴公司做到基本餐廳應有既態度，如果賣完，唔夠時間煲出味就直接同客講，唔係求其賣左比個客先算，無味既肉骨茶加碗白飯，淡到呢。。。唉

自從食過一次海南雞飯之後完全迷上左，見到佢係去骨海南雞飯就試下。冇叫套餐淨叫左海南雞飯，50蚊，以旺區同去骨黎講算唔貴。 d雞好滑，唔會過老同“鞋”。同埋去骨去得幾清唔會食食下有d碎骨，食落d雞皮仲有小小啫喱，真係好食。如果話打邊爐係湯底先係精髓，咁海南雞就一定係個飯。 黎到好香油雞飯味，不過食落覺得冇咁香反而有種得個油味既白飯。 就算有小小炸蒜絲都救唔番個油飯，認真有d失望。不過個飯都比得足，食曬都幾飽肚，抵讚。

光顧過好幾次，每次都不會失望。食物選擇不多，但勝在貴精不貴多。唯一係店面不大，坐位不多，而且只有面壁吧枱位同幾張長枱要同陌生人坐埋一齊食飯。不過食哩啲碟頭客飯都係快快食完就走，唔會坐好耐談心吧，所以都無乜所謂啦。今次叫咗一個海南雞飯套餐同元蹄飯餐。套餐包一個碗或飲品同有多碟菜，飯可以揀油飯或白飯。套餐都係各62蚊，一個人食絕對夠飽。海南雞嫩滑到連雞胸都係滑溜無渣，元蹄入味鬆軟，豬皮彈牙膠質重。不是湯怪的我，每次嚟都會揀飲湯，全因料足好味無味精。不是無得揀，每次都係得一種南瓜湯。間唔中就要返嚟食，惦記著碟滑溜海南雞，上癮一樣。

星期五下午的五點半，帶著祈望走進這間栢檔海南雞飯（佐敦），細細的店內，客人不多，（因為還早，未到晚餐時段），揀了門口，窗邊對街的位置！餐牌很簡單，下午茶由兩點至六點，是迷李份量的！但我都是選擇了，一人套餐，62元，有湯或飲品，一個主菜，一碟菜，一碗油飯或白飯！主菜當然要試一試海南雞啦，配油飯和住家靚湯！點餐時候，店員有點不太願意，餐廳內得兩，三個客人，但要叫幾次先應你！有點奇怪！我話要一人餐，佢只問我飲咩？我答佢飲湯，佢就走左去了！主菜我都未講，油飯定白飯，我都未講！佢已經唔再想理了！已經返左去出單了！雖然店內只有幾種主菜，可能店員都好熟悉！但都要聽下客人點咩菜掛？講返個餐，都好快手，大約兩，三分鐘後已經有得食，講真觀感賣相，係一般！但個湯味道有驚喜係南瓜青紅蘿蔔湯！而且份量不少飲晒碗湯，已經有啲飽再試下個油飯，都係一樣啦，賣相唔得，但味道得之後到主菜，海南雞了，雞係凍既！肉都滑，凍食都唔夠好肥膩，好野三款醬料，甜豉油都係一般甜豉油啦，無特別！個蒽油幾香，唔咸最後係個酸辣醬，我就最鐘意啦！（因為本身自己鐘意酸辣）最後總結，如果唔帶著太高嘅祈望黎食，係ok嘅同埋個店面唔大，如果不小心，一

和同事午餐來這裡吃海南雞飯，第一次光顧可能因店舖不大，店員見你差不多吃完就會馬上拿走你的東西，所以想慢慢吃會有一點壓力，同事仔一吃完最後一口，正打算開始喝飲品，就馬上給店員搶走了盛餐的盤子，場面很攪笑~😅😅食物方面，一個海南雞飯連一碟清菜加一杯飲品都只不過70元左右，算好抵。雞肉算嫩滑亦不太肥，飲品點了凍檸賓，值得一讚凍寧賓不用加錢。而醬汁方便，三個醬料都很好吃，三個醬料配合海南雞都各有風味，自己就比較喜歡豉油同酸辣汁，至於油飯就無乜特別。會再光顧的小店，但服務方面真係有代改善，因我倆本來是坐吧臺，後面會有人行，但一坐底就被店員將我們的椅子推進到臺邊盡頭，瘦0者，都唔洗夾死我地嘛~ 後來見有人走，我們馬上坐返落去正常的枱。😅😅😅