Pho 778 (Closed)

一入黎第一個感覺都唔錯，menu 上面都有印上一d Canada 既flag, 比我有少少感覺番溫哥華既感覺（I'm also from Vancouver)其實我又覺得真係一d溫哥華感覺都冇，辣味湯亦係非常非常普通既辣味，跟本只係清湯勉強加d辣落去，完全格格不入。其他朋友食清湯都真係覺得好一般。真係有少少影衰左加拿大既pho. 如果以香港一間普通既pho, 我覺得還可以接受，但標榜住加拿大口味既pho，我覺得真係要再努力。

為了食你可以去到幾盡? 放工搭一個小時車來灣仔, 還要過海, 為的只是這一碗越南河粉。店主在加拿大溫哥華生活過, 把當地吃到的美味越南湯河帶回來, 湯底煲足二十小時,  而價錢還要比香港一般吃越南粉的店便宜不少。安格斯生牛肉坑腩湯河粉$48首先第一件事, 就是要把芽菜放入熱湯, 用熱力使芽菜變軟, 如果遲了就只有吃硬邦邦加上草青味的芽菜了。試一口湯, 濃度剛好, 有幾明顯的藥材味, 據說這湯是熬煮了二十小時的, 由牛湯加上各種香料而成, 無味精, 飲完不會口渴, 加了青檸竟起了化學作用，令湯底味更鮮，層次豐富，我可以喝光整碗呢。安格斯生牛肉坑腩, 我喜歡它夠生, 有些越南館上來時已熟, 可能比較安全, 但已沒意思了。這個牛肉坑腩非常鬆化軟腍, 同時牛很濃味, 果然是安格斯, 好正!!河粉滑嘟嘟的, 粗幼度剛好, 可以掛湯的, 整個就是好夾。難以想像這樣的美味和用心, 只是$48, $48現在只能在茶餐廳吃到一個頹飯。 安格斯牛肉牛筋湯河粉$51安格斯牛肉同樣是生生的呈上, 怕生的可以在湯內浸一會, 就會變色了, 不怕的如我可以直接吃, 店主夠膽生上, 牛出品和衛生程度必定也是屬於佳品。

今天試下呢間所謂溫哥華味道㗎越南牛肉粉，我是正宗溫哥華人，但大失所望，湯淡宜冇味，用料普通，吃了一半已經吃不下，跟溫哥華牛肉粉相比完全是兩樣嘢，我覺完全不能同月街或中環哪兩間牛肉粉相比，連所店xx也好吃好多，我唸我應該不會再去。

聽聞灣仔開咗間主打越南河粉ge小店,身為東南亞菜粉絲ge我,當然要黎試下啦.店鋪ge位置都容易搵ge,比較近灣仔A3出口,傍晚時份黎到,都未有太多客人食,因為聽聞平時系要等位ge.入到去叫咗2個SET COMBO啦.分別系:安格斯生牛肉湯河配 香茅蝦餅(Regular$45+$15)黎到呢度當然要試下距個PHO啦,安格斯生牛肉湯河,呢度ge湯河系配料,配菜同個河粉分開上ge,距推薦先將d配料,例如芽菜啊,九層塔,青檸等放入河粉中,再加辣椒碎同辣醬,再加配菜一齊食,咁樣ge風味會好d,的確按照距ge步驟黎食呢碗河粉,的確唔錯,個湯加咗d香料之後更加香氣逼人,而且建議趁熱食,落埋d安格斯生牛肉食,正,牛肉嫩滑,有牛味.好有越式風味.而距個香茅蝦餅,炸得金黃焦脆,有小小泰式辣醬點,唔錯.蝦餅口感都彈牙. 香茅豬扒撈檬配 網絲春卷($43+$15)香茅豬扒撈檬正正常常,香茅味都夠,重點喜歡距d配料入面ge炸蔥,又系炸到干脆,同d檬粉一齊食好鬼正,個網絲春卷,都炸都好香脆,而且唔會好油,都唔錯,而且加15蚊就有,其實價錢上黎講都幾抵.食物都有距ge特色,味道非常對得住呢個價錢,幾好幾好。

灣仔道出名多小店，今日lunch 人少少一行2人決定試新店- Pho 778。 😊👏🏻🎉什麼是778？ 在餐牌中有答案。就是溫哥華的區號。2位創辦人原來3年前從溫哥華回流香港，素知因溫哥華的PHO好好味，於是便在香港也開一間。餐廳選擇不多，就是PHO，撈檬，和法包。set lunch 還包了小食和餐飲。餐飲有d hea,是香港特產維他紙包飲品😅😅。小食是蝦餅/春卷/雞翼，任擇一款。同事說之前食過蝦餅，是一個伏，😔🤦🏻‍♀️😐。於是我們都點了春卷。湯底是特別的，比較清淡。喜歡pho 而在周邊灣仔上班的可以一試。男士可能一個法包唔夠飽，因為份量較少。

砂糖寶寶和家人吃飯， 7月1號到處都好多人，今次就選擇灣仔的一間越南粉。同樣要喺店外排隊，裏面位置不多，大概只有十幾個位，主打就係生牛肉湯河，鍾意食牛肉嘅我哋梗係要叫啲牛肉粉來食下啦！好得意，芽菜、九重塔同埋青檸檬，辣椒都係分開上，可以自己選擇每一款配料嘅份量。安格斯生牛肉牛筋湯檬粉＄51+$8（for湯檬）安格斯生牛肉上嚟嘅時候真係生架！不過係啲熱湯裏面浸一陣就已經變咗熟嘅。手切牛肉嘅紋理分布適中，就算係半山熟或者全屬都可以食得，口感超好，唔講以為去咗食貴價打邊爐， 290幾蚊一碟安格斯牛肉！雖然其他地方通常河粉同埋檬粉價錢一樣，唔知點解呢度要加錢，咁就試一試佢。檬粉好爽口，同啲汁好夾，牛筋稔到爆，可能因為咁所以冇咩咬口。安格斯生牛肉坑腩湯河粉＄48其實河粉都幾好，超級滑，所以其實兩樣都建議食。仲有牛坑腩，真心好味又入味。雞絲河粉加大＄60加牛肉+＄12雞絲好細粒，不過勝在每一粒都好滑，同埋都係幾新鮮，加＄12就可以有幾快安格斯牛肉，如果你本身叫牛嘅話就算你加牛肉都唔錯。Cambo加＄15灼菜菜上面有啲炸蒜，都幾清新，成件事比較健康，不過＄15就唔係特別抵～加＄15網絲春卷春卷好香脆

已經唔記得幾時，成日去VTC上堂，總係响灣仔道穿過一條小巷，入去VTC 職業訓練局。呢條巷仔有小食、鮮果汁、麵店等等，今日路過想入去條巷仔篤翻兩野，點知俾我見倒下面嘅圍欄......記憶中呢條巷嘅鋪好細間，只有4-500呎面積，有間鋪竟然要設圍欄俾食客排隊，感覺上好誇張，所以走左入去試試佢，睇下係咪真係咁得。呢間野原來叫做Pho 778，賣嘅係越南粉及越式小食。鋪真係好細，裏面只有19張木櫈。餐牌寫住叫粉加HK$15就有多小食一份及一杯凍飲，理所當然咁追加左一份網紋炸春卷，重加HK$9將凍餐飲轉左杯青檸梳打。呢間粉店係我食過咁多間之中，最特別一家，餐枱上有提示正宗食粉嘅步驟，先飲湯因為當時乜都未加，所以能夠飲倒湯嘅最真滋味，下一步再加入青檸、芽菜、金不換等等，最後加入辣椒及醬料等等的，我都大致跟足哂指示做嘅。安格斯生牛肉牛腩片河粉 大唔使講就試下湯先，好多越南粉嘅牛骨湯都有一些少香料，好似桂皮咁，呢個湯仲有啲好似丁香嘅味道，唔知係咪都有落？整體湯頭不俗，好香好有牛骨味。有四片安格斯薄牛片，份量唔多，但質素好高，口感嫩滑零雜筋，估計係頸脊部份，好香嘅油脂。牛腩片就普通小小，肉味唔算香甜，

越式河粉原來可以咁樣食。今日走過灣仔，辦完事搵嘢食搵到一間食越南菜的街坊小店，供應越南河粉、越式法包、越式春卷、蝦餅之類的普遍食品，但又做得幾有心思，枱面貼住張紙仔教人點食河粉，我跟住做玩吓。我叫咗碗生牛肉牛筋河粉，幾正宗，配紅辣椒、芽菜、九層塔、青檸，跟指示落材料、食到越南風味，特別的香爽辣酸感覺，而且牛肉是靚的手切肥牛，牛肉湯底但幾清，$68大碗份量。最實惠是加$15有小吃及汔水，建議楝網絲春卷，炸得好，皮夠薄，好脆。

朋友介紹最近灣仔開左間由溫哥華回流番黎嘅越南粉，一直都想試試看能不能重拾番回憶的味道！機緣巧合下，碰巧同事點名lunch time 去這裡食，終於有機會黎試下啦！所有麵有正常或加大分量選擇，都幾似以前溫哥華火車頭嘅特色！枱面放左張instruction 教人點樣食越南粉，可以加越南辣醬+類似蠔油嘅醬料落湯，或者直接放係麵個度一齊食，勁開心搵到間真係明白溫哥華食法嘅餐廳啦點左個classic：生牛肉河. Manu 好似係angus beef 牛肉河，可能係要迎合香港市場，所以改左個譁眾取寵嘅菜名。食左一啖後，居然失望了...首先，湯底完全無個種獨特嘅味道（個種湯係要食過溫哥華火車頭嘅人先明嫁），個麵仲要安全無口感，完全唔同溫哥華食過個種。雖然好多地方佢都盡量保持到溫哥華越南粉嘅感覺，但碗麵真係未能做到個個水準，希望店主繼續加油，做番應有嘅味道！💪🏻

I've been looking for great french bread like what I've tried in viet for such a long time. My friend told me that this restaurant made delicious viet food so finally, i can have a try. I've ordered a viet ham banh mi( $28) and waited for around 10mins during lunch time. The bread is warm and very crispy. A lot of ham on it and it won't so salty at all, match with a lot of carrots, tomato and vegetable which give me a very fresh taste. 

睇咗雜誌, 見到有間新開嘅越南粉, 大排長龍, 咁我就今日朝聖啦, 我就避開咗最多個人既時間, 揀左晏少少少啲時間, 就係夜晚八點鐘, 都坐滿曬, 幸好都有兩個位畀我入首先我點咗個安格斯生牛肉河,要大size 我覺得分量對我黎講啱啱好, 先試一試牛肉, 浸湯底大概30秒左右, 入口即化, 牛味相當濃郁, 再試一試湯粉, 再加啲芽菜,九層塔再,加啲辣椒 , 河粉得掛湯能力非常之高, 再加埋牙菜嘅爽口, 簡直百感交集, 真係冇得彈另外朋友就食一個燒豬頸肉飯, 因為要即叫即整關係, 大概等咗15分鐘, 但係絕對值得等, 分量非常之多,燒豬頸肉既邊皮都幾脆, 內裏軟熟又好juicy, 我覺得飯香非常之夠, 軟硬程度啱啱好 , 再加埋醬汁一齊食, 令人百般滋味在心頭

今晚朋友要OT ><差唔多成8點先收工，所以去左佢公司附近既餐廳食dinner !見到有間越南野 pho 778，好似唔錯，又唔洗點排隊，就一於食下。一去到朋友先飲杯咸檸七～冰涼、夠濃又醒胃消暑，唔錯！ 而我就點左杯椰青水，好解渴！ 小食，我地點左個越式蔗蝦～超正呀，蝦肉彈牙美味，點埋隔離既甜辣汁，好開胃！ 主食，要左個安格斯生湯河粉～湯底味道濃又唔會過鹹；呢個生牛肉湯河提供安格斯牛肉，牛肉肥瘦均稱，而且好鮮嫩！ 朋友要左個雞扒撈檬～塊雞扒煎得好香，仲見到肉汁慢慢流出，食落真係非常嫩口，又脆又嫩！ 最後叫多個菜食，唔會油膩，唔錯！ OVERALL 小評：味道：★★★★☆環境：★★★★☆服務：★★★★☆衛生：★★★★☆抵食：★★★★★

看了報導説灣仔新開了一間主打溫哥華風味的越南河粉餐廳。我以前在北美唸書，在我居住的城市裡有很多越南移民，他們的 pho 弄得很美味，大約美元5.99便有一大碗足料的 pho，而我在大學時宿醉後會視 pho 為comfort food 呢哈哈！ 所以我對 Pho 778 很期待，今天還刻意在午膳時段和兩位同事乘電車來吃。餐廳狹窄，所以12點時已開始排隊等位。在等候的時候看看餐牌，價錢十分合理。本以為會打上外國名義而把價錢吊高。枱上還貼上教學講解如何享受 Pho，十分可愛。配料的九層塔，芽菜，辣椒和青檸也真的吝嗇。侍應給了我們一碟，説是三人份量。我們也有驚訝，這個怎樣看也是一人份量吧？而我最喜愛的青檸是1/10 的 size 嗎？我點了安格斯生牛肉牛丸湯河粉。報導說湯底用牛骨、牛肉、秘製香料、薑、洋葱等熬煮十多小時，我就覺得湯底確實是比外面的更濃味，但沒有清甜的味道和鮮味，和北美的比較也差太遠了。牛肉和牛丸的份量也少得可憐。安格斯牛肉不算入味，但煮得嫩滑而不韌，可惜數量只有數片。牛丸頗彈牙，但是切成小粒，吃下很不夠喉。份量來説有偷功減料的感覺。我當然也要跟北美的吃法吧！混上了很多拉差辣醬和

放工時間去左灣仔一間有”溫哥華” 味道的越南粉。聽落幾吸引, 一去到餐廳鋪面雖小 但坐得幾舒服。而兩個waiters好貼心, 他們很有耐心的介紹店裡不同款式的越南河, 更值得一提係佢會介紹哂湯粉入面既材料, 呢種服務在香港真係好難得! 佢有特別介紹 -特大XL火車頭湯河 (大約三人分量) 。但當日我地得兩個女仔,所以我叫兩左個標準大既安格斯生牛肉河 ( $45)  再加15蚊轉set 可以多個小食。要特別一提既係可以另外加牛肉 ($12), 辣椒($2), 炸蔥($2), 芽菜(42), 青檸($2) , 湯($5),魚露($2)。不過個湯其實已經有最基本的材料同好濃既牛肉味。而飲落個口感又唔會覺得膩 成件事好神奇 ,而生牛肉好嫩滑 完全唔韌 個waiter仲建議我地可以加啲拉差醬同甜甜地的海鮮醬 我地試完 覺得成件事超match。另外, 我地叫左個雞翼同春捲。雞翼同春捲黎個時熱辣辣, 好脆口總括黎講真係又好食好抵食!! 見到佢個Menu仲有我好鍾意食既越式法包 (BANH MI),下次經過買黎試試先!!! 

八點幾在灣仔看完醫生，要找個地方吃晚飯。見這裏竟然有欄杆在門口讓人排隊，夜晚又有位，就走入去試試看。店鋪細細，看見桌上有教大家怎樣吃越南湯河的指示，也就叫了一碗安格斯牛肉牛筋湯河。晚上河粉已經賣光了，就改了檬粉。另外叫了一碗香茅豬扒飯。湯檬先到，牛肉還是粉紅色，浸了一陣才吃，果然很嫩滑！湯底其實不錯，可惜湯只是微溫，加上去的芽菜等配料也是生生的。香茅豬扒飯則沒有什麼特別。見隔離枱要了一個法包，我們也另外點了一個扎肉法包，請店員切開一半。法包好快就到，但看來不像樣，麵包咬下去不脆不熱，扎肉像是剛從雪櫃拿出來，也沒有什麼其他配料，質素和添記、甚至是灣仔其他有賣法包的店舖相距甚遠。可以再光臨⋯只限牛肉湯粉。