月橋正宗越南湯粉

Open Now

Now Closed

近年大家去深水埗同太子，唔再係去買電子零件，亦唔係去掃街，因為呢區已經大變天！多咗好多文青小店，嘆完杯咖啡再四圍尋覓，乜呢度真係太子咩？行吓行吓，嚟到月喬正宗越南湯粉，見到網上評價都唔錯，一於入嚟食吓嘢，享受一吓越南式嘅文青啦！香茅雞翼講到越南小食，又點少得香茅雞翼呢？香茅雞翼即叫即炸，火候控制得啱啱好，外皮炸得相當香脆，又保持到雞肉嫩滑！越式紙米卷而講到傳統嘅越式小食，紙米卷當然唔少得。紙米卷以米紙包住扎肉、檬粉、生菜、蘿蔔絲同青瓜絲，咬落去有扎肉嘅彈牙，又有煙靭嘅米紙，同埋香脆嘅蘿蔔絲同青瓜絲，真係每啖嘅口感都非常豐富。蝦餅扎肉撈檬胃口麻麻地，最啱就係食夠晒開胃嘅撈檬啦！扎肉清爽彈牙、而蝦餅脆口彈牙，加上酸酸甜甜嘅醬汁，確實醒胃又有驚喜，明明無乜胃口都輕鬆KO！招牌火車頭湯粉招牌火車頭湯粉份量十足，大隻仔都一定夠飽啦！配料有牛肉，牛丸，牛𦟌同牛腩。牛肉同牛𦟌都充滿肉味，肉質嫩滑；牛丸彈牙又爆汁，相當驚喜；至於牛腩用上爽腩，肉質軟腍之餘，仲帶多一份油香，夠晒驚喜。

睇完米紙嘅越南河粉比拼所以知道依間店，經開太子，咁就試吓老闆係越南人，聽到佢哋私底下交談都係用越南話裝修與環境: 小店格局，鋪仔細細得10張枱左右，所以一個人嚟係要搭枱嘅，枱面都算乾淨企理服務: 樓面姐姐非常親切，同後面枱嘅食客(唔似熟客)傾偈有講有笑，自己員工用膳，有啲類似越南整法嘅魚，佢主動offer嗰對食客試食食物:叫咗個火車頭河粉，湯底有鮮味，啲湯都可以飲埋，有唔同嘅牛配料，牛丸，牛腩，肥牛，全部都好食

鮮茄魚餅蟹膏湯檬粉 大大碗！就咁睇色水唔似蕃茄湯，不過飲落卻充滿鮮茄味，彷彿屋企煲蕃茄薯仔湯咁😂 兩塊煎魚餅幾香口，蟹膏好大pat，偏淡口味的～.越式米紙卷 咬一啖清爽利落🤩餡料份量足，沾上每檯都有嘅魚露汁，中規中矩👍🏻.越式法國麵包（牛肉）賣相好吸引！大大個包脆卜卜，仲有好多牛肉同配菜，食落好夾😊.扎肉青木瓜沙律 呢碟每一啖都好似食緊健康落肚咁🥳爆多青木瓜絲紅蘿蔔絲！.越南滴滴咖啡（少煉奶）一滴、兩滴、三滴……差啲被杯咖啡催眠🥹戴住口罩都嗅到好香咖啡味，望住濾杯內咖啡越嚟越淺，就知就快飲得🤩攪勻煉奶，好好飲！

近期試了不少標榜正宗越南人開設越南餐廳一定order牛湯河 呢間有網媒加持 專誠抽空到訪環境可以 樓面流動快 對衛生一般期望好了忙起上嚟 見一侍應準備檸茶時 徒手拎檸檬片落個杯沖好 就繼續樓面工作 umm..太過率性?另一邊 侍應態度很親切提醒我們還有下午茶可以落單 價錢實惠點 很好喔～幸好我叫的是滴滴咖啡 無事很濃郁的越式咖啡風情 帶點微微焦香 好喝 火車頭湯河 亦不過不失 我會形容係越南街坊味道同區來說 係幾好既正宗越南餐廳👍🏻

最近我們迷上了吃越南菜，尤其是生牛肉湯河，之前都試過好幾家越南餐廳，但未到訪這家男朋友bookmark了好久的餐廳，專誠來一試😛我們低估了食物的份量，兩個人共點了兩份小食及兩碗麵食😂越式紙米卷裡面有米粉﹑扎肉﹑紅蘿蔔及生菜等，蘸上酸酸的醬汁，非常清爽開胃！而且也不要少看米卷小小一條，事實上也頗飽肚的。香茅雞翼炸得金黃香脆，醃製的香茅調味也恰到好處，五隻雞翼都大大隻又juicy🤤招牌生牛肉湯河的生牛肉份量超級多！雖然算不上是非常新鮮牛味濃郁的牛肉，但軟硬度適中，浸久了也不會過韌👍🏼牛骨湯底十分清澈﹑清甜，配搭芽菜﹑青蔥等伴著掛滿湯汁的河粉，非常滿足，我個人最喜歡將牛肉夾著九層塔一起吃🤍鮮茄魚餅蟹膏湯粉見同樣是很多人推薦的選擇，材料非常豐富絕對是當中的CP值之冠！有一隻蝦﹑數片扎肉﹑兩片炸魚餅以及大量蕃茄及蟹膏，配料種類非常驚人😁蕃茄湯底不是非常濃郁像全碗都是茄膏的那種質感，而是清澈的像中式湯一樣的蕃茄湯，選擇了配搭金邊粉，每啖金邊粉也可以夾一口鹹香的蟹膏進食～雖然地點距離地鐵站有一段距離，但絕對值得再三回訪🥰

呢間越南小店原來唔少忠實粉絲🤣晚市都唔少人等位😛 專登為咗佢嘅牛肉粉慕名而來🤩 小店座位不多 同好好傾嘅老闆娘傾完計 原來係越南人🇻🇳 唔怪得味道咁地道 同港式越南菜唔同啦🥳 唔單止湯粉 小食同甜品都係自家製 食得出啖啖心思💕 下次仲想試埋佢既法包添⭐️ 招牌生牛肉湯河 🥩牛肉口感好新鮮 咬落好淋❤️ 湯底每日用咗新鮮牛骨去煲 帶濃濃牛味但好清澈😚 特別加上香葉辣椒青檸等各種調味🌶 清爽得黎味道好平衡 好有越南街頭樸素但滋味既風味⭐️ 招牌火車頭湯河 🚂配料有齊晒牛肉牛丸牛腩同牛展 🐮 牛味果然比較濃郁💞牛丸特別彈牙有牛味超正🤪 呢度嘅河粉都特別索湯唔會太厚🍲⭐️ 越式炸春卷 🫔老闆娘特別介紹係自己用心包嘅春卷‼️即叫即炸食落真係超香口🔥 原來用生菜包住再點辣汁呢種地道食法果然特別好味🥬⭐️ 咖啡布甸 ☕️⭐️ 芒果布甸 🥭真係唔Expect甜品都咁有驚喜❤️ 老闆娘話原本諗住Homemade自己但Turns out 效果幾好🤪 布甸口感好幼滑唔會一舊舊Gelatin 用咗黎自越南嘅G7咖啡粉🤎 果然咖啡味好突出好香濃 芒果用料好新鮮 酸甜度啱啱好💛⭐️ 青檸梳打 🍋特別要提一下Follow 舖頭IG會送

成日放工行去巴士站都會經過，雖然店舖不算大，但成日見有人排隊，望入店舖都是滿座。今日就同朋友一試，叫左生牛肉湯濛同凍O下，第一時間緊係飲啖湯，湯底一流，加埋幾粒辣椒，仲正!可以繼續幫襯👍

傳說中的正宗越南湯河專門店，各大YouTuber也紛紛介紹，驚介紹之後果然人頭湧湧，星期日的下午三四點，門外已經需要等三四張枱。到五至六點情況才好一點。好的是星期六日還有下午茶，份量少一點，但價錢也平一點。叫了一個蕃茄蟹膏魚餅湯檬，蟹膏餅有兩件，是固體的形狀這個比較特別，還有扎肉及一隻蝦，魚餅是普遍的鯪魚餅炸香向後配上。火車頭牛河，配料有生牛肉，牛腩，牛展，牛肉丸，配料有青蔥，金不換，少量芽菜，但是沒有蘿蔔。整體和外面的牛骨湯沒有太大分別。是拉差辣椒醬不夠辣。越南法包，外皮烤得香脆，不會摻口，選配了豬頸肉，味道也足夠，裏面的配料不外乎也是蘿蔔絲青瓜等等整體穩陣安全。這裏最主要是性價比高不然不會有這麼多人排隊，一試無妨但要排隊就先諗諗了。

202209月—月橋越式小店下午茶餐地點位於: 太子界限街39號地舖月橋價錢不貴，剛好下午茶時間，茶餐更便宜餐廳面積很少，客人很多點餐:鮮茄魚餅蟹膏湯粉湯粉有一隻蝦、一片扎肉，一片魚餅，兩件碎豬肉丸，有蕃茄做湯底蝦、扎肉、魚餅，豬肉丸等配料味道正正常常，賣相以為味濃的湯底，卻又異常清新，茄味、蟹膏味都唔突出金邊粉粉質柔軟，份量足，沒有驚豔的味道，合格的。越式法包，選了扎肉口味法包外皮烘得香脆、扎肉用厚切形式，啖啖肉，加上青瓜絲、蘿蔔絲、薄荷葉，一口咬下，口感豐富又清新個人就喜歡稍為用醋醃一下青瓜絲、蘿蔔絲，可解膩又開胃。一邊吃，一邊想起第一郡的法包味道更好青檸梳打味道酸酸，透心涼埋單:  $91，小店沒有加一服務費小店格局，由越南人主理，價錢不貴，可以一試餐廳沒有多餘空間，想吹水閒聊，食飽要轉場

月橋店面細，朋友話試下食，夜晚8點後都等左大約15分鐘先有位。一坐低即刻叫野食了🔸生牛肉湯河。湯河湯底唔算濃郁，見到有月桂、桂皮、八角同九層塔香氣，食時加啲青檸汁，啲香氣都ok，牛肉有牛味。🔸招牌小食拼盤，好多肉，會想expect 有其他，點知豬扒佔左大半個盤，可以有多啲其他會好啲。🔸鮮茄魚餅蟹膏湯河，都係湯底較淡，但食得出無味精，一般，可能唔會再叫。總結係平平，淡味唔岩我，可能米紙講得好左，我自己就一般，未必會再黎了

呢間小店已經唔係第一次食佢平凡得來, 分量大, 而且味道係好唔錯!大部分麵食50幾蚊有交易~今次就叫左札肉蝦餅湯河蝦餅既份量好多彈牙好味, 點小小雞醬~~河粉湯底唔算太濃之前來食過豬頸肉撈濛都好正,厚切, juicy, 小小脆邊咁,炸春卷又係好正食落似係自己包,不過果次冇影到相

記得佢啱開時(疫情前) 我黎過幾次，就係鐘意佢人少少，越南人主理，制作用心又足料😋果時鋪頭得2～3個人手，招呼好熱情，食物味道好價錢又實惠。事隔兩年幾，依家應該係小有名氣喇係呢區，事關我今日下午兩點幾入去，都坐到冇晒位咁滯好suprise! 每張枱限坐4人，張張都俾人搭晒枱咁滯好彩我一位都仲有最後一個位俾我😁✌🏻一坐低就見佢放低張印有QR code嘅紙仔，原來依家佢有自助入單，不過因為唔係每個客人都知，所以d職員都好樂意替客人落單呢下nice不過今日見佢地連埋廚房入面嘅員工，一共有成6個人，好似咁細間鋪頭又多左d喎😅堂食叫左碗生熟牛肉湯河$55，幾大碗，河粉比較厚身有肉感，唔易浸稔索吸湯，湯底清香唔油膩飲落夠熱牛味又重，好飲生牛肉大約有3大片，熟牛就好似係近腩位嘅，有d油脂連住，都有好幾件。兩款肉都重牛味，我用枱面嘅橙色辣椒醬加d撈檬汁搞勻，用黎點牛肉食，好味好多喎少少酸辣咁，食唔停。食左一半再加d撈檬汁入湯底搞勻，碗粉又變左另一個口味，多左陣酸甜味，又係好正，差d唔記得講佢嘅芽菜係粗身果隻，放係底，食落口感好爽脆 臨走時叫左個越式法國麵包$41拎走都等左一陣先有，即叫即整呀嘛～👏🏻😁

月橋店面細細，人氣高企，所以平日夜晚8點後都等左大約半個鐘先有位。一坐低即刻叫左個生牛肉湯河、火車頭、越式炸春卷同埋香茅雞翼。湯河湯底濃郁，有月桂、桂皮、八角同九層塔香味，食時再加啲青檸汁，啲香氣更加提升出黎，牛肉好有牛味。火車頭勁多料，有牛肉、牛丸、牛𦟌、牛腩，份量爆棚。小食炸春卷即炸熱辣辣，又鬆化又唔會炸到乾晒，香茅雞翼有肉汁，同埋醃雞翼醃得好入味，不過香茅味可以再多啲就更好喇😋最後叫左杯青檸梳打，又消暑又解渴，正😄

叫了生熟牛河，春卷，豬頸肉，青檸梳打，河粉湯底好味，河粉好滑，熟牛唔會黐牙，份量足，味道好，加幾滴青檸汁一流，春卷唔似交貨，內容十足，豬頸肉爽滑，加多杯青檸梳打，爽到爆。

加拿大其實有好多越南華僑因為越戰時期收留咗好多越南難民。有咁多越南華僑當然會有好多好食嘅越南牛肉粉。本人喺加拿大咁耐當然成日食越南牛肉粉，所以對牛肉粉都算熟悉。我都去過幾次越南胡志明市，河內，芽莊同蜆港，食過好多當地唔同嘅越南牛肉粉。亦都係悉尼說過佢哋嘅越南牛肉粉（原因同加拿大差唔多）。相比之下，其實香港嘅越南牛肉粉大部份都唔好食，超重味精同埋貴。其實香港錦麗都唔錯。之前喺中環嘅蔡瀾牛肉粉都OK但好貴（$145一碗越南牛肉粉）。.其實我食越南牛肉粉有一個小習慣，就係食之前將甜醬、辣醬同魚露撈落個牛肉粉食。多與少自己調校。.講返你間舖頭。我喺呢間叫咗個火車頭。呢間真係算唔錯👍，價錢又平👍（相比之下）。我推介唔好叫生牛肉河粉。唔係因為佢哋唔好食，係因為生牛肉貴成本高，好難食到好嘅生牛肉。所以我會推介火車頭，全部都係熟肉。