月橋正宗越南湯粉

Open Now

Now Closed

性價比極高，美味越南菜小店。✨招牌生熟牛肉湯檬 $56湯底濃，牛腩好腍幾入味。牛肉唔韌。✨越式炸春卷湯檬 $56最好食既越式炸春卷之一。皮薄，饀料有粉絲，蘿蔔絲、木耳絲等，好足料。非常香脆，但唔覺油膩。✨酸辣鳳爪 $42鳳爪大大隻，夠酸同夠辣，爽口。✨香茅雞翼 $32每隻都好厚肉，煎到金黃，好入味。

小店由越南人主理, 鋪仔細細喺lunch time時間都幾熱鬧今日一個人嚟食就叫左個招牌火車頭湯河, 用手機app落單好方便。如果細食女仔可以揀返少湯粉, 因為個日食完成碗真係飽到放工! 佢嘅湯底清香唔油膩，食完唔會有口渴感覺，河粉軟硬度剛好，特別好食嘅係牛展，質感爽滑，牛味濃牛腩唔韌唔會痴牙，牛丸都好爽口，$60嚟講真係好抵食，非常足料。食完之後點左杯越南咖啡$25，咖啡味好濃加埋煉乳, 口感好順滑唔會太苦太甜。

#fafafoodblog太子 #fafafoodblog越南菜🍴招牌火車頭河粉62 蚊🐂🍜火車頭首先河粉好爽口足料 湯底好香牛骨湯味 有軟林既牛肉 彈牙口切既牛展 肉味濃既牛丸 同半肥瘦既牛腩 湯底配 d 葱花 香茅 辣椒 調味 調出牛骨湯既香味 正 🍴月橋四寶飯雞翼豬扒札肉煎蛋 60 蚊四寶飯 首先白飯好夠多 有酸白蘿蔔同蘿蔔絲 葱花 煎蛋 將蛋汁撈埋飯一齊食 配有 d甜咸既醬汁 好味 雞翼煎得夠香脆 帶 d甜 🐥札肉彈牙 豬肉味濃 而豬扒有一大塊切成件 🐷 煎得好香 有 d葱花調味 要黎送飯一流 🍴酸辣鳳爪 42 蚊🐥凍食既鳳炸 有蘿蔔絲 洋葱點綴 鳳爪好夠份量 凍得黎好彈牙 盡吸辣醬汁 好味🍴越式炸春卷 32 蚊炸春卷 炸得好香脆而且夠薄 入面有好香口既蘿蔔絲木耳絲豬肉碎🐷🥕 點 d甜酸汁就好惹味#越南菜 #鳳爪 #酸辣 #雞翼 #札肉 #煎蛋 #雞翼Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻Decor&Hygiene 環境衞生：👍🏻👍🏻Value for $ 性價比：👍🏻👍🏻👍🏻👍🏻👍🏻Service

平日晚市係太子揀咗月橋越南湯粉餐牌簡單清晰 有湯粉 飯 同撈檬三類我地分別叫咗月喬四寶飯（雞翼、豬扒、扎肉、煎蛋）同越式炸春卷湯粉份量十足嘅四寶飯 肉類仲多過飯量豬扒同雞翼都炸得金黃香口而煎蛋係半流心嘅❤️可以拌蛋汁食飯炸春捲同湯粉分開上👍🏻先講湯粉 調味係清淡簡單 配搭春捲食感覺平衡返油膩😋炸春捲 脹卜卜大大件內以粉絲同木耳絲為主如有芋頭會更加分呢扎肉青木瓜沙律好耐無食 依碟沙律嘅扎肉味道較四寶飯入面嘅濃味吸收左沙律嘅甜酸醋汁配埋爽脆嘅青木瓜十分開胃吸引越式飲品加咗全個椰青貼心地準備埋匙更 方便挖起果肉食椰青正常發揮 清甜解渴最鐘意係淡淡果肉店內坐位空間舒適唔算太多位 平日晚市入座有機會要等一陣埋單兩人$200都唔洗 抵食

太子嘅月橋係食越式河粉，空間雖然狹長，地方唔夠大，但勝在食品CP值高企，吸引好多食客光臨，我都係常客。今日試吓鮮茄魚餅蟹膏金邊湯粉，鮮茄做湯底冇得輸，濃郁鮮甜，魚餅炸得甘香，蟹膏嘅鮮味提升整個金邊粉嘅層次，每啖都有滿足感覺，由於份量勁多，女士可能要share好啲，一個人食晒，可能太飽啦！朋友點咗生熟牛肉配金邊粉，湯頭好清澈，飲落好鮮味，完全係正宗牛肉味，生牛肉一浸即可入口，順滑清甜，淋身冇渣；而厚切牛腩則大大件，有啲趙頭，金邊粉幼身軟滑，完全吸收咗湯汁，好好味。配料十足，有蔥花、芽菜、洋蔥及九層塔，令口感更豐富。跟餐配咗個椰汁紅豆冰，只需半價，抵飲！好有椰汁清香味，甜度啱啱好，紅豆細細粒，香甜夠軟，冰凍解渴。叫一個小食香茅豬頸肉一齊食，豬頸肉切得薄薄地，每片點啲酸汁嚟食，好香口入味，食之不厭。今日法式麵包售罄，想食！唯有再嚟多一次吧！

太子一間毫不起眼的鋪頭，就係食正宗越南河粉嘅好地方，今日專程帶阿妹嚟幫襯。月橋嘅內隴唔算大，只有幾張四人枱，但食客不斷。阿妹食招牌火車頭配金邊粉 ，原來有四款食材，包括牛丸、牛肉、牛展及牛腩。招牌湯底，香氣十足，牛丸彈牙，牛肉嫩滑，牛展甘香，而牛腩軟淋，阿妹覺得非常好食兼抵食 ，仲話有處身泰國嘅感覺。佢再配一杯特飲咸檸七，只係加九蚊，阿妹話咸檸七鹹鹹地又有氣，可以開聲及化痰喎。我就叫咗一碗牛腩牛展金邊粉 ，牛展切得薄身，一片片夠爽口彈牙，冇靭嘅感覺；相對牛腩就大大件，較厚身，有嚼勁，而湯有清香牛肉味，一邊食住金邊粉，一邊飲啖清湯，好夾。對於大胃王嘅男士就非常適合，因為無論材料或者金邊份都好大份，非常飽肚。兩人再叫咗個越式炸蝦餅， 係即叫即炸嘅，顏色好靚，係金黃色，好吸引食慾，香氣四溢，急不及待放入口，熱熱地零舍好味有鮮蝦嘅甜味，爽彈之餘又脆香，我大力推薦呢個小食，阿妹都豎起手指大讚。我跟餐就點咗椰汁紅豆冰，好香椰汁味，加埋淋身紅豆粒粒，香甜好飲。阿妹話下次阿哥再請食飯嘅時候，都會再考慮返噚味。

太子界限街有好多餐廳俾呢間餐廳招牌❤️吸引入面姐姐都係越南🇻🇳人味道一定正宗啦～雖然餐廳細細不過有好多選擇午餐時間到達｜～我哋叫咗招牌四寶飯豬頸肉湯粉越南滴漏咖啡☕️紅豆椰汁冰～仲有炸蝦餅🍤首先到係四寶飯裏面有扎肉、香茅豬扒、雞翼、煎雞蛋🍳豬頸肉肉質好好 ，一啲都唔鞋～～香嫩有油香 同份量超多呢必叫👍🏼香茅豬扒，雞翼調味都好足夠！扎肉都比坊間好食彈牙 唔會霉～蝦餅都好香 蝦餅夠彈口熱辣辣好食😋可怕今日無越南春卷都好少想試越南滴漏咖啡☕️ 非常香濃必試，好似身處越南一樣濃郁既熱帶咖啡包裹着濃濃奶油香味G7咖啡係越南很有名的咖啡之一每粒咖啡豆都係來自越南高原最好咖啡區精選出來～👍🏼🫶🏼

米紙YouTube片入面曾經介紹過呢間越南餐廳,咁啱係太子專程過黎試下由正宗越南師傅整嘅越南河~環境唔大,12點黎到已經坐滿等咗一陣,見到好多人都過黎買外賣～餐廳人手比較少,用qrcode相對容易處理客人訂單,非常方便!—————————————————————📍 月橋正宗越南湯粉地址: 太子界限街39號地舖✍🏻/食評/◍ 招牌生熟牛肉檬粉 $56◍ 招牌生熟牛肉河粉 $56以為生熟牛肉係指一半生一半熟肥牛片,原來係生牛肉片同熟牛腩🤣🤣湯底好重牛味, 食得出有八角,月桂,九層塔香味,牛肉肉質軟硬適中, 肥瘦適中,河粉索曬D牛肉湯,非常掛汁!◍原個椰青 $35超級平又大大個好新鮮, 椰青水十分清甜,飲完之後仲可以食埋入面D椰肉,好容易刮而且椰肉好滑

喺太子界限街附近有好多餐廳，呢日見到有間店面唔起眼嘅越南小店，門口好多人等緊位，望望餐牌，選擇多價錢又好抵食，我哋都等埋一份🤭店舖空間係比較細，但係老闆娘好熱情，會企喺門口同等緊嘅客人傾吓計，親和力十足🙌🏻香茅雞翼河粉 好開心雞翼另外上碟，咁就唔會唔脆啦😌份量都真係比較大碗，湯底好重牛味👍🏼雞翼有五隻大大隻呀，全部都金黃色，入面啲雞肉白雪雪好滑，非常惹味可口🤤生牛肉河粉每次食越南河粉一定會食揀生牛肉💁🏽‍♂️又係大大碗，牛肉望落好新鮮啊，整體上濃郁又唔會太鹹，啱晒鍾意食得清清地嘅我🙆🏻‍♀️🙆🏻‍♀️椰青 今日真係特別想飲椰青，老闆娘話賣剩最後一個啦係你㗎啦! 老闆娘好風趣，似乎好鍾意同客人交流😂 椰青啲肉都好淋，我全部食晒😂😂埋單晚餐每個人都係$60左右，性價比非常之高🙌🏻有人氣係有原因嘅! 唯一可以改善地方係太細間啦，希望老闆快啲開分店啦😆

🔺 月橋正宗越南湯粉 (太子)呢間係我食過咁多間最平靚正既越南粉，下午茶平均$50包埋野飲❗️仲要係好食又大碗😍老闆娘仲好好人tim～🔻招牌生牛肉湯河 ($42)一碗有成十塊生牛肉超誇張，仲要係下午茶時段完全冇話細碗阻果d，生牛肉愈食愈好味，嫩肉牛味重，唔怪得咁多人食😂🔻招牌火車頭湯粉 ($46)入面有4個餸：有牛肉，牛展，牛丸，牛腩，平時係出面食碗越車粉都成舊水走唔甩，呢到下午茶$46😱😱其他時間只係$60就有碗四餸越南湯河，真係抵到爛❗️呢到湯底清得黎唔會好淡口，好味到湯都飲埋，食完又唔口渴，同埋河粉都好靚，唔會碎濕濕～🔻越式炸蝦餅 ($47)炸蝦餅份量都ok,即叫即炸熱辣辣，蝦味重又彈牙，正🔻越式炸春卷 ($32)炸春卷外面香脆入面勁足料，有木耳、粉絲、甘荀絲，點埋個汁一齊食好好味。🔻跟餐凍飲+$5凍檸茶、凍奶茶，都似茶餐廳沖出黎咁上下～全日都有跟餐價，唔會好似普通越南餐廳咁貴要另外嗌冇跟餐～

想食越南粉，即刻諗起月橋，點左生熟牛肉湯河、炸春卷撈檬加碟灼生菜生熟牛肉湯河食之前飲一啖湯，再榨D青檸汁落湯度，個湯即時提鮮，牛肉就採用最平價果隻肥牛，肥多過瘦，由於脂肪比例多，食落都唔會鞋，河粉好滑，比金邊粉好食炸春卷撈檬撈檬加咗青瓜絲同花生碎，食落清新有咬口，撈檬水較淡，酸咸都唔夠，唯有自己加D魚露，春卷好多餡料，有粉絲、木耳絲，炸得剛剛好，唔會食到一口油兩碗粉份量大大碗，店員服務態度非常有禮貌，小店用心做，真係值得支持下

今日同老婆送阿女去補習，順便早啲出去食午餐，响太子附近望下有咩食👀，發現一間“月橋正宗越南湯粉”，雖然上幾個星期才食過越式食物，但阿囡同老婆都想食😅，於是入去試吓呢間😂。店員好快走過來招呼我哋坐低，又放低張QR code 同我哋講可以自己下單。見過餐牌📔食物類唔多，其實某程度係唔同配料，重複配搭檬粉，湯河或飯。都好！唔使三心兩意😆。香烤猪扒撈檬 $47猪扒烤得好香😍，猪扒同檬粉份量都多，抵食🥰。香茅豬頸肉湯河 $56 (+$2熱飲)豬頸肉燒得好香，薄薄的有七八片，有肉香味，非常好食😋！熱飲我叫了熱咖啡，杯咖啡已經調好了甜度，味道好似小時候食嘅咖啡糖😅，偏甜🥲。越式炸春卷撈檬 $56有2️⃣條炸得非常香口又大件的春卷，春卷餡料冇乜特別😶，但勝在大大份，夠哂飽肚😚。總括而言，食物價錢親民、上枱速度快、份量大，店員服務態度好👍，我覺得呢個價錢都係抵食，有機會會再食🤭。

入面都坐得少迫基本上無位俾你放到袋價錢都幾親民札肉木瓜沙律 好大碟 三個人share都多火車頭河生牛肉河牛河味道真係一般過一般因為都算平 勉強對得住個價錢香茅雞翼好普通 唔叫都得

招牌火車頭湯粉鮮茄魚餅蟹膏湯檬越式炸春卷香矛雞翼個招牌火車頭湯粉湯底味濃👍用嘅牛肉都好濃味，肉厚身，量都多，但除咗生牛肉外，會有牛腩😂😂😂感覺似平時食港式牛腩粉麵咁。個鮮茄魚餅蟹膏湯檬真喺唔推介🤦🏻‍♂️🤦🏻‍♂️湯底味淡如水，成碗食晒無論喺個湯、檬粉定d餸，都無蟹膏味。越式炸春卷都炸得好香口，料足，叫做正正常常。但個香矛雞翼都炸得好香口，內脆內嫩有汁水，但無乜肉味😂😂😂。除咗d牛肉用料夠濃味，其他嘢都無乜特別，似普通粉麵鋪啦。

近年大家去深水埗同太子，唔再係去買電子零件，亦唔係去掃街，因為呢區已經大變天！多咗好多文青小店，嘆完杯咖啡再四圍尋覓，乜呢度真係太子咩？行吓行吓，嚟到月喬正宗越南湯粉，見到網上評價都唔錯，一於入嚟食吓嘢，享受一吓越南式嘅文青啦！香茅雞翼講到越南小食，又點少得香茅雞翼呢？香茅雞翼即叫即炸，火候控制得啱啱好，外皮炸得相當香脆，又保持到雞肉嫩滑！越式紙米卷而講到傳統嘅越式小食，紙米卷當然唔少得。紙米卷以米紙包住扎肉、檬粉、生菜、蘿蔔絲同青瓜絲，咬落去有扎肉嘅彈牙，又有煙靭嘅米紙，同埋香脆嘅蘿蔔絲同青瓜絲，真係每啖嘅口感都非常豐富。蝦餅扎肉撈檬胃口麻麻地，最啱就係食夠晒開胃嘅撈檬啦！扎肉清爽彈牙、而蝦餅脆口彈牙，加上酸酸甜甜嘅醬汁，確實醒胃又有驚喜，明明無乜胃口都輕鬆KO！招牌火車頭湯粉招牌火車頭湯粉份量十足，大隻仔都一定夠飽啦！配料有牛肉，牛丸，牛𦟌同牛腩。牛肉同牛𦟌都充滿肉味，肉質嫩滑；牛丸彈牙又爆汁，相當驚喜；至於牛腩用上爽腩，肉質軟腍之餘，仲帶多一份油香，夠晒驚喜。