新越越式料理 (Moved) New Location

以前係九龍城讀書個陣已經好中意去依道食lunch因爲大份又抵食，但自從grad左之後就好小食了。最近重遊舊地，當然要再試試佢啦！果然水準無變😚依然咁好食，我叫左我最鍾意食嘅鮮茄牛腩河🍅($55)同以前一樣咁大碗，而且番茄味濃郁好鮮甜！😍啲牛腩全部都好大舊而且一啲都唔韌！！佢個湯仲有完整番茄粒㗎，無令我失望😚 (9/10)今次叫多咗行小食，叫左蝦卷！($44)佢係越南粉卷嚟㗎 ，一邊好多了，越南米粉再加生菜同埋蝦做餡👍🏻口感非常豐富大舊都一啖都食唔晒呀 (8/10)

由於真係太近屋企！又忍唔住再幫襯第二次～ 九龍城除左食泰菜越南菜都係不錯既選擇。我就一定要叫炒粉既～ 呢個係炒金邊粉，醬汁唔似平時食開，反而好似落左唔少醬油。有d似干炒牛河既味哈哈！不過大大碟又即叫即炒，好夠熱鑊氣都ok～ 配料都唔算少而媽媽就最鍾意食撈檬，同埋佢最愛既香茅豬扒，豬扒有點兒薄身而且唔算好嫩。同炒粉一樣呢個撈檬都係大大碗，除左檬其它配料好似生菜絲胡蘿蔔絲都比得好多，所以撈起上來配咁多蔬菜好refreshing～除左主食之外，相反小食質素就有點兒失準。呢個青木瓜沙律好一般，比較硬身，個沙律汁亦都調教得嘛嘛地，有d失望。好彩春卷都唔差，炸得夠酥脆，熱辣辣既時候包埋個生菜一齊食真係好正！不過春卷比較細條，入面唔算多餡。

今晚老公要去九龍城上堂，所以陪佢食個晚飯先，見好耐無食過越南菜，就選擇了這家。食店裝修簡單有少許越南風，雖然只係小店，但都坐得好舒服自在。"軟殼蟹卷" 口感好豐富，除了脆脆嘅軟殼蟹，仲有滿滿的粗粉絲，加上越式甜醬又幾好味，由於佢唔係米紙卷，入面無薄荷葉，又係另一種食法。"順化蔗蝦" 大大件，剛炸起，好香口，蝦膠好鮮甜又彈牙，還有少許蔗香，正！"蒜蓉法包" 蒜蓉好香，唔會焗得太硬好啱我，又香口，真係唔停得口。"越式海南雞飯" 可能係用(走地雞)的原故，肉質特別厚實，有雞肉味，口感好好，個飯亦唔錯，有少少味道鹹鹹哋的，配埋酸蘿蔔份外開胃。"椰汁綠豆冰" 最愛飲品之一，因為去了皮的綠豆，配上椰汁，冰冰凍係好正！

當九龍城好多餐廳都越嚟越貴嘅時候，我覺得新越越式料理價錢相宜、嘢食味道不俗。第一次嚟食叫越式扎肉撈檬，今次第二次嚟食，我就試吓有湯嘅粉，所以叫左越式番茄牛腩湯河。叫完冇耐，我個河粉都已經上咗食得啦河粉粉底Size絕對唔少已經索左湯底味道，好正啊而餸菜都份量唔少，牛腩都有5、6大嚿，芽菜爽口，除咗蕃茄之外，個湯仲有紅蘿蔔去"Our"，所以好鮮甜。牛腩肉質豐富，牛味重，只有少少肥膏，對食開瘦肉嘅我感到滿意紅蘿蔔嘅味道絕對有驚喜，非常鮮甜，大大嚿，好好食如果再多返啲番茄，個湯底就完美啦

尋日揸車去九龍城攞嘢比朋友，途經福佬村道，見對面有停車場，咪泊低㗎車塭嘢食先。見到對面有間越南菜，老友話想食，咁就入去試下。入到去，高樓底，環境相當清雅，兩條麻甩佬二話不説，你知喇，男人老狗，最怕就係諗食乜，就叫個價值HK$278既二人餐啦。上菜時間都幾快，啱哂我呢啲無耐性既人。先來一個雞絲椰菜沙律。一睇，嘩，咁大碟既？食落口又唔錯，爽口開胃。兩杯飲品唔會過甜，啱哂我呢啲大肥佬。跟住再上火車頭湯河，用料足唔在講，湯底更加係一絶，飲落口，無半點味精感覺，而馬拉盞炒菜，熱辣辣，爽甜，又係一絶。到主菜上場，蒜蓉牛油焗大頭蝦，蝦肉一食落口，就知大㕑既功力有反咁上下，口感一流，配上特製蒜蓉，搞到我想叫多隻黎食。最後上埋甜品香蕉批，坦白講，真係好食到唔捨得走。

今日同媽媽出去食飯，近近哋就去咗九龍城食見到openrice上面 ， 呢間餐廳 都好多正評！於是試一試！ 叫咗一個木瓜鮮蝦沙律， 木瓜絲份量充足 咬落去好爽， 而蝦就普通啦冇咩特別， 最想講嘅係，平時木瓜沙律都係好辣嘅， 而呢一個就酸酸甜甜， 唔會話好辣啦 ，食落去好開胃 ，推介越式扎肉炒金邊粉 入面有啲椰菜絲，蘿蔔絲，蛋絲，洋蔥，芽菜 ，配料好豐富， 而調味適中另外叫咗個豬頸肉紙米卷， 紙米卷好薄， 而且食落好煙韌 ，紙米卷內除左有豬頸肉，仲有檸檬粉同生菜 ，點埋個醬汁一齊食，好fresh！ 立即中和翻炒金邊粉 既油另外，值得一提嘅係依間餐廳環境畀人感覺好舒適 ！而且都好抵食，所以我下次都會再黎

在結賬時，太太與我向女服務員詢問「收唔收咭」。該名女服務員好似什麽也沒聽到的，望着太太和我， 默不作聲。太太和我見到這個狀况，再次，重覆地嘗試詢問該名女服務員數次，但是，這女服務員依舊仍然沒有回答。一段時間後，這女服務員終於以不情願的聲音回覆了一句「店外有寫」，指示太太和我出店舖外面查看相關資訊。以上文章所敍述就是這店的服務質素。補充一點資料，該女服務員相信是該店經理。連管理人員的服務都是這差勁的水準

放假無野做搭10分鐘小巴由旺角入去九龍城碰吓運氣啦，話晒九龍城都係東南亞係食嘅聚集地。今次決定試吓越南野。門口有少量人排隊，根據我過往經驗有人排隊嘅差極都有個譜先講下個咖喱羊腩河，我都估唔到越南餐廳整個羊腩有幾好食肉質炆得夠林，又唔會太干變湯渣，湯味濃郁，但我略嫌咖喱唔夠辣！（我平時譚仔食開中辣）生熟牛肉湯河，湯底牛肉味濃,D牛肉都幾新鮮呢個沙律一啖咬落去有好清甜嘅蔬菜味入邊嘅蟹肉都大條，每啖都食倒蟹肉，配合埋番茄嘅清甜味最後呢杯鹹檸七，好濃嘅甘味甜味同埋鹹味，飲得出佢可能係用左靚嘅鹹柑桔，同出邊飲嘅好唔同，一定要試

今日難得去九龍城做嘢，又可以借機嘆下呢道既美食九龍城除左泰菜出名，越南菜都有好幾間，同個同事揀左間人氣比較高既-新越越式料理！雖然黎到已經兩點，但都坐滿曬人，都幾多人幫襯！午市套餐，都好多款式亦有散點美食咸檸七，跟餐+$8夠咸味同檸味，非常解渴！串燒-豬$ 36望個樣以為會有d鞋，但食落係一d都唔鞋，夠淋夠juicy蒜蓉包$23夠鬆化，但蒜蓉味可以再多一點跟餐加配蝦餅$18好彈牙，又夠脆口，好食跟餐加配春卷$18新鮮即炸，皮薄又夠脆咖喱雞翼河粉$52河粉好滑，咖哩味濃下次一定要試生牛肉河，聞到隔離枱果碗湯底勁香抵食！

去食午餐，食物普通，但服務態度嚇親人。侍應姐姐話我點餐講得唔清楚，態度勁差，到叫埋單時另一位侍應姐姐黑口黑面，好似我地得罪佢咁，咁嘅服務係想趕客走？呢間野真係無下次。

眾所周知九龍城最多的就是泰國菜跟越南菜這間越南菜的湯河味道比較新穎 可能這就是為什麼它叫新越越式料理雖然份量充足 而且味道不錯但見菜單上的食物價錢略微有點貴 都在60元以上蟹肉湯河+沙嗲牛肉湯河+馬拉盞炒通菜 （$185）

行經九龍城有間食越南嘢既餐廳。鋪內樓低極高，現在實再好小見到，還可以掛個大雀籠。好有氣派。我叫左柚子大蝦沙律$54，是用生菜絲、紅蘿蔔絲，柚子、和半邊蝦再加特制沙律汁製成。味道酸酸甜甜，尢其生菜和蘿蔔絲一起吃時特別醒胃，柚子和蝦都ok的。越式扎肉金炒邊粉$54，呢碟粉都好有越南風味，金邊粉好煙韌，一條條扎肉都幾爽口，蛋絲嫩滑，調味剛好。龍眼冰$24，清甜味美，龍眼肉好食，夏天飲一流，可生津解渴。另一杯凍奶茶，奶滑茶香，都幾好飲。呢度既午餐非常多選擇，可以天天唔同口味，都係一個好食堂。

今日同朋友嚟九龍城食飯，唔想又食泰國菜，因此選擇咗越南🇻🇳餐廳，來點新意。店面不算大，晚市時間客人多，還挺熱鬧的。雞絲拼炭燒豬扒湯河 $56（可選牛湯底或雞湯底）朋友鍾意食清淡口味的，佢話河粉好滑，雞絲同豬扒都唔錯，呢個價錢可以話係相當抵食！咖哩雞翼湯河 $51我作為重口味人士，當然會選咖喱啦！雞翼真係令人一試難忘，肉質嫩滑又入味，非常推薦！蒜蓉牛油焗大頭蝦 $168店內招牌菜，估唔到蝦仔咁大隻！原本覺得價錢稍貴，但見到隻蝦重量級，頓時覺得合情合理！蒜蓉同牛油嘅配搭真係無得輸，蝦肉鮮甜味美，蝦頭嘅蝦膏梗係精華所在，我哋都食到大吮拇指呢！椰汁涼粉紅豆冰 $27 （升級特飲 +$8）凍奶茶（跟餐凍飲 +$3）

朋友話呢個鋪頭啲粉好好食，一大班朋友就一於黎試下啦。我地一人嗌咗一個粉之餘仲嗌咗唔同小食。生熟牛肉河有驚喜，湯底濃郁鮮甜，唔會似一般越南粉鋪頭咁，湯還湯粉還粉，呢間係做到連河粉都好入味。睇一睇menu,原來佢地係專登去越南取徑拎特許經營牛肉就係用安格斯牛肉，薄薄地都唔錯。雞絲河味道相對較淡，原來可以選牛湯，不過朋友無選到。雞絲幾滑至於咖哩牛腩河就好濃咖喱味朋友特意推介紅米牛柳粒飯，原來真係好好味！牛柳粒煎得好香，加埋啲汁甜甜地，送飯一流。酸辣鳳爪的辣味好出，亦夠酸；不過就硬身咗啲。燒豬頸肉無特別呢個都好好食，粉皮好薄，汁好入味。不過個牛肉卷就令人失望，菜同檬太多，牛肉味唔出，味道淡😕

九龍城一向都係美食嘅集中地，平時食泰國嘢、潮州嘢食得多，今日想試吓越南野。呢間新越越式料理餐廳喺福佬村道近衙前圍道，位置唔算偏遠，雖然呢區冇地鐵，但係從又一城搭小巴一落車就見到。餐廳嘅佈置簡約，人唔算好多，環境比較寧靜，餐廳座位坐得都幾舒服。1) 馬拉盞鮮蝦炒飯 (⭐⭐⭐⭐⭐): 蝦嘅數量唔少，食落有濃濃既香蝦味，而且蝦既顏色令炒飯賣相吸引。飯唔算太油，份量適中，作為主菜一定可以醫肚。2) 蝦醬炒通菜 (⭐⭐⭐⭐⭐): 用一個煲嚟裝，可以保留到菜嘅溫度。通菜唔算太鹹，講求健康嘅人都應該會歡迎。菜質地爽口，而且食到蝦醬嘅味道。3) 法包牛柳粒 (⭐⭐⭐⭐⭐): 味道酸甜，有牛柳配料，層次豐富。仲有沙律做配菜，以生菜為主。呢碟令人有啲喺西餐廳食野嘅感覺。另外，點咗椰汁紅豆冰，香滑可口。見到餐廳有二人餐同四人餐。不過為免太飽，我地就咁散嗌左幾碟餸。最後埋單，平均一人都係只需要＄100多啲，都叫做幾抵食。