新越越式料理 (Moved) New Location

好多時經過呢間餐廳，但由於門面唔係太搶眼，之前都未幫襯過。今日同朋友經過，又唔知食咩好，於是入咗餐廳，決定試一試！入到去環境唔錯，裝修簡潔，比想像中雅致。坐落都幾舒服，服務員都好主動向我地推介美食。1) 蝦醬炒通菜 (⭐⭐⭐⭐⭐)食親泰國、越南野，幾乎都會點㗎啦。諗住天氣未係時候，所以冇抱太大期望，識落比想像中新鮮。2) 馬拉盞鮮蝦炒飯 (⭐⭐⭐⭐⭐)味道都唔錯，唔算好油膩。飯身軟熟，唔會黐埋一舊舊，分量到唔少。3) 法式包配牛柳粒 (⭐⭐⭐⭐⭐)絕對係令我有啲驚喜既一碟菜，牛肉汁新鮮，牛柳粒有咬口。沙律配菜醒胃，同牛柳粒嘅配搭新穎。4) 咖喱牛腩煲 (⭐⭐⭐⭐⭐)好入味，牛腩軟熟、有薯仔，可以揀配白飯定麵包。我哋揀咗白飯，咖喱配白飯好開胃、入味。淨係啲咖喱汁都可以餸到兩碗飯（當然亦可以用嚟配法式包）！咖喱牛腩煲係推介嘅重點美食。最後三人份量，買單一共三百幾蚊，但已經食得好飽！總括黎講，呢間野原來都唔錯嘅，值得推介一下。

同朋友一直好喜歡去九龍城搵食，這次發現了一間超級美味的越南美食，十分驚喜呀！鮮茄牛腩河（$50）濃濃的番茄味，酸酸甜甜的，十分開胃，配上爽口的河粉，真心推介呀！新越火車頭粉（$79）真心足料！在上台一刻已經十分驚喜！不愧是店內主打，湯底清甜，令人回味！特色越南大頭蝦（$168）蝦非常鮮甜美味，肉質鮮嫰，又大大隻，對於海鮮控而言必選呀！海底椰冰（$8）口感清爽，香香甜甜，有濃郁的椰子味，解渴一流呢！整體上，環境相對舒緩，店員有禮，食物質素不錯，性價比都幾高，絕對可以有下次！

今日同朋友嚟九龍城食飯，唔想又食泰國菜，因此選擇咗越南🇻🇳餐廳，來點新意。店面不算大，晚市時間客人多，還挺熱鬧的。雞絲拼炭燒豬扒湯河 $56（可選牛湯底或雞湯底）朋友鍾意食清淡口味的，佢話河粉好滑，雞絲同豬扒都唔錯，呢個價錢可以話係相當抵食！咖哩雞翼湯河 $51我作為重口味人士，當然會選咖喱啦！雞翼真係令人一試難忘，肉質嫩滑又入味，非常推薦！蒜蓉牛油焗大頭蝦 $168店內招牌菜，估唔到蝦仔咁大隻！原本覺得價錢稍貴，但見到隻蝦重量級，頓時覺得合情合理！蒜蓉同牛油嘅配搭真係無得輸，蝦肉鮮甜味美，蝦頭嘅蝦膏梗係精華所在，我哋都食到大吮拇指呢！椰汁涼粉紅豆冰 $27 （升級特飲 +$8）凍奶茶（跟餐凍飲 +$3）

探完朋友~同朋友行去九龍城食飯本身打算隨便就間茶餐廳就算但被這間越式餐廳門口吸引到我們就選擇這間越南餐廳入到去，餐廳裝潢很美看到餐牌有套餐，而且包飲品價錢都算平民，所以都見有不少客人我跟朋友點了一個飯，一個撈檬，兩個小菜炭燒豬頸肉飯跟豬扒扎肉撈檸不算特別，都幾普通撈檬的醬汁亦不算酸跟辣但小食方面真的值得推介炸軟殼蟹:炸漿開得很好，而且椒鹽炒，十分惹味馬拉盞炒椰菜苗:馬拉盞很香，同鮮甜的椰菜苗很夾另外我還點了一杯龍眼冰~非常清甜埋單總共295兩個主菜，兩個小食，兩杯飲品這個質素真的不錯!

首先間餐廳裝修幾靚，吊係天花嗰2個雀籠好特別，我仲影左張相留念！ 梳化位置亦都坐得好舒服！ 環境算幾好！ 不過原來睇野真係唔好咁表面！ 先唔好講碗順化粉個湯蘇到咩咁！真心難食！ 最恐怖，食食下野見到個counter有野郁郁下，一望，成隻老鼠係佢座住嗰個茶壺旁人行過，成條尾仲要纏住個茶壺行，我一手啱啱飲緊佢加完俾我嘅熱茶，真係即刻想嘔出來！唔知一個地方可以要有幾dirty先會可以係個counter上面有老鼠行！真係唔知講乜！永不會再幫襯！

又係一個人出嚟搵食啦，今日去九龍城食越南粉！九龍城雖然好多嘢食但係越南餐廳就好少，幾乎係冇乜選擇！ 今次來這一間位置都好容易找到容易泊車！不過開12點，對我來說有點遲，行咗半個鐘先可以有得食內裏裝修的確帶點越南感覺，白色簡單為主！正宗越南粉不能少的兩樣醬汁，是拉差同埋甜醬海鮮醬，食牛肉可不能缺少，如果冇咗佢這一間一定唔好食,好在這裏都有提供另外一樣的正宗越南粉不能缺少的就是香葉同埋檸檬，這個餐廳都有！不過本人就不大喜歡落太多香葉一兩片就夠主角來了生牛肉湯河，湯底屬於濃味的一種，牛味重香料味道夠，這個湯底的確不錯牛肉都嫩，生度啱啱好，河粉都不錯午餐來食＄50埋單，的確抵食！

今日午餐過咗嚟九龍城食越南粉，揀咗呢間好多年嘅新越，雖然佢哋中途改咗名又改返，不過我估應該師傅冇轉過，都仲係幾正宗，聽說是在越南學過的，同我去越南食的都幾相似午餐都是50幾蚊，一碗麵，包一杯野飲飲品我就飲最普通嘅凍檸茶，未到就冇乜特別啦今次我叫了生牛肉湯河，內多一定要先飲一啖湯，我覺得越南粉靈魂就係個湯，飲得出真係真材實料煲過，非常香濃牛味，比起出邊連鎖自稱正宗的好味好多好多碗麵份量都夠大, 不過我就覺得啲餸太少，得兩三塊下次有時間可以試吓佢嘅火車頭，應該不錯吧

之前食過呢間越南餐廳 印象及整體感覺都非常好 今天又來光顧了點解我今日會再次踏入呢間餐廳 是咁的 因為上次見到隔離枱點咗個椰青蒸蟹 非常吸引 但係我上次食咗碗湯河已經飽咗 我同自己講下次一定要嚟試下椰青焗大頭蝦$168 椰青焗蟹$248心大心細兩樣都想食最後揀咗大頭蝦 因為易食啖啖肉超級巨型嘅大頭蝦 一分為二 賣相極為吸引超誇張嘅蝦膏 金黃鮮橙色 蝦膏味極為香濃 而且軟滑 齒頰留香蝦肉鮮嫩彈牙 非常新鮮 啖啖肉享用完大頭蝦之後 再食埋椰肉同飲埋椰水 個喉嚨超舒服 椰青水非常鮮甜 餐廳加埋蛋白一齊蒸 又清又滑又養顏 之後再叫多個順化蔗蝦$56超級巨型兩大條炸庶蝦 即叫即炸熱辣辣 外皮炸得金黃 蝦膠彈牙 最後仲可以咬下條庶 甜甜地幾好味今次依然對餐廳嘅印象非常好 最令我留下印象嘅係美味嘅食物一般嘅越南湯粉 晚市套餐 以及自選菜式 一應俱全餐廳樓底高 完全冇侷促嘅感覺 白色為主調 簡約舒適 是一個用餐的好地方

今日同同事去左九龍城食野我叫左個火車頭河粉，原來勁大碗，份量好多，一個人食唔曬，不過湯粉有好大陣雪味，有點失色，牛肉份量有點小........呢個蝦卷好一般，無特別

九龍城可以說是美食之都,但很多人想到九龍城只會想到食泰國菜,但其實這裏有一間美味既越南菜,很多人都不太知道!今是和老公黎到呢一間越南菜小店試試餐廳的一大賣點,相信不用多講說了,要食當然要食正宗既越南粉啦,胡志明市既湯底為賣點,一定有保證啦~我地最終點左一個2人餐首先黎既係佢地既招牌生熟牛肉熟粉, 大大碗足夠2個人食,識食一定係第一時間飲啖湯, 我可以講,湯底係極濃郁既牛肉味,而且帶點清甜, 而且入面既粉好滑, 平時好少食到咁好味既,果然,湯底決定一切~菜苗夠青綠,入口勁爽口,特別值得讚係佢唔會太咸,食到菜既鮮甜~飲品我點左特式既雙檸蜜,而老公點左咸寧七,超好味! 餐前既小食有我最愛既春卷, 外脆內軟,熱到噴煙,用生菜包住食超正~而最後既燉蛋,好香蛋味,為今次晚餐劃上完美句號!所以越南粉,正宗真係好重要,好多店為左香港人既口味已改變原有味道,但這家店令我食到越南時食到既味道,價錢合理,~

九龍城一直憶我既感覺都係食泰越菜，所以想食越菜點會唔去九龍城呢？今日接女朋友收工，就直接去啦，而且九龍城又多錶位泊車，真係好方便。入正題，價錢都好大眾化，款式又算多。軟殻蟹米子卷，岩岩炸起，唔會有油味，夾埋菜食，配答非常好。皮又夠薄，掂呀。香矛豬湯河，湯底濃郁，香矛又夠野味，而且仲額外有芽菜食，夠曬飽肚，睇相都知好味啦。最後呢個不得了，西蘭花本已是我最愛既菜，夠爽口火喉岩岩好，牛肉夠冧夠入味，呢個番茄都好新鮮。必定番食

今晚去左九龍城食越南菜，這間餐廳樓底幾高，感覺幾舒服碗碟都很有特色柚子蝦沙律唔記得叫走花生，加左花生口感不太好因爲我唔食花生的。但這個沙律很清新，酸酸地，好開胃落左越南既酸甜汁馬拉盞炒芥蘭好香鹹魚香，味道很入味，不過食到底就有點咸，d汁沈哂底蟹肉炒粉絲呢碟粉絲炒得好夠火喉好好味呀，而且味道剛剛好，唔會好咸食得好少野既我都食左大半碟炸春卷春卷皮炸得好鬆脆熱辣辣食至正，而中間是有粉絲、少許肉碎、木耳絲，所以感覺唔會太heavy

餐廳特意從越南胡志明市的生牛河名店買來特許經營權 等我哋可以食到正宗嘅越式料理牛肉湯底 今次有口福了來到九龍城吾一定食泰國菜 越式料理都係一個唔錯嘅選擇 而且夠曬正宗 夠曬地道餐廳有多款湯河粉 湯檬粉 或者撈檬粉提供選擇 我當然要試下餐廳嘅招牌 生牛肉湯河喇 除咗粉麵類之外 仲有越式小食和主菜提供選擇 幾多元化㗎檯面有一堆越式醬料 包括酸甜辣椒醬 新鮮辣椒 砂糖 酸醋等等 其後職員還附送上 香葉和青檸 可加入湯可之中 簡直夠曬地道風味熱辣辣嘅湯河就在我面前 要將生牛肉浸透在熱辣辣嘅湯之中 整熟啲牛肉 牛肉細嫩 肉質林滑啖湯一啲都唔油 非常清澈 但味道相當濃郁 湯底相當出色河粉非常幼細 唔容易斷開蒜蓉牛油焗大頭蝦 滿滿嘅蒜蓉 鋪滿了整隻大頭蝦 牛油和蒜蓉嘅香味 令我垂涎三尺大頭蝦超級大隻 和男朋友一人一半 啖啖肉 相當滿足大大個蝦頭入面全部都係金黃色嘅膏 實在太好味了

很久沒有平日放假，難得休息就跟好友到九龍城吃下午茶，逛了一會發現新越越食料理的價目和餐牌最吸引，加上餐廳裝潢舒服大方，二人決定來個越式下午茶。下午茶餐四十有找(需要加一)，而且款式多樣，點了越式春卷和雞絲撈檬，另外再單點了芝士蝦丸和柚子蝦沙律，務求吃一頓滿足下午茶!雞絲撈檬 $33-HKD (下午茶餐)天氣熱，湯檬實在吃不下，所以越南撈檬最合時不過~雖然已過中秋，但氣溫仍像夏天的時候，柚子酸中帶甜，越吃越開胃越式春卷 $35-HKD (下午茶餐)即點即炸的春卷，以生菜包裹來吃，外脆內軟的口感，大愛芝士蝦丸 $62-HKD (下午茶)跟傳統蝦餅的口感和味道都一樣，質感Q彈一粒粒的size更易分配蝦丸內藏芝士，吃的時候記得要小心吃別熨到咀。椰汁紅豆冰和海底梆冰 $24-HKD加錢轉的特飲椰汁味香濃，味道很不錯!

第一次踩入依到開始寫下食評，第一篇要好好紀念下，哈哈...眼見而家愈黎愈多不論越式定泰式既生牛肉河粉既餐廳開張，呢樣食物係香港真係好受歡迎，睇下有啲越南湯河既餐廳門口長期有條長人龍係到排隊就知啦。今日放咗工同朋友兩個人又出發去搵好味既生牛肉河粉，由於九龍城對我地兩個黎講都算就腳，就揀咗呢間Pho 試下。黎到已經差唔多8點，餐廳入面位唔算太多，但已經坐满咁滯，生意都幾好，我地坐喺比較入面既位。湯河有套餐可以揀，價錢唔貴，包埋野飲都係50幾蚊。或者都可以揀佢本身set 好既二人餐，有炒菜同甜品添我地每人都叫咗一碗生牛河，湯底濃厚甜美，生牛肉都幾新野同滑，熟咗都唔鞋，河粉亦都唔錯食親牛河都有送既配菜，千層葉同青檸我地仲叫咗個串燒豬肉三串同牛油雞翼，very juicy,惹味最後送上我地既特飲，青檸梳打同椰汁三色汁，食越南牛河必叫既，絕配。