越色牛肉粉餐廳 (Closed)

我入過去兩次，兩次都未叫野食就走。點解？第一次，兩個人入去，成間鋪無人，佢俾左張貼牆二人檯我，問左俾大啲得唔得，張檯放兩碟野都唔夠位咁，即刻起身走。第二次，落雨唔想行咁遠，俾多次機會佢，今次我指左四人檯先，有個侍應都示意ok，臨坐低個下有個女經理大叫「兩位坐呢邊」，一望二人檯左右都係人，佢解釋話四人檯要留俾三至四人，我x，入面又係幾張吉檯。我又起身走了。野食我就唔知好唔好，但服務差成咁，好似求佢俾個位咁，真心唔會有第3次機會，行遠啲去利園俾貴啲都冇咁嬲。

晚上肚瘓瘓，想食啲有熱嘢，便想起牛骨湯底的越南河粉。在銅記都有數間可食，今次試試這間，都近地鐵站。去到人客滿了大半，姐姐指了我地去搭枱，幸好座位尚算濶落，不過枱與枱距離還是很近，坐得不算舒適。先點了生牛肉河，牛肉新鮮，有牛味。湯頭味道不太強烈，尚算清甜，熱度剛剛好用來灼熟啲牛肉，可惜侍應沒有給我們青檸芽菜辣椒。另叫了個春卷，正常味道，包菜足夠包完所有春卷，惟欠缺給我們醬汁，只好落是拉差。還叫個特別的青咖喱豬頸肉炒飯，這個尚算有驚喜，咖喱味不太濃，味道平衡，飯也炒得乾身。總括來說，份量尚算大碟，湯河及越式春卷正路，這個價錢這個地區，算不錯了嘛。

剛去完希慎道Apple Shop 整完電話,就去咗後面街蘭芳道嗰間越南餐廳食午飯。平日食晏時間經常有人排隊，可能今天是最後一天的假期，所以無需等位。平日有套餐都OK抵食，但今天因為假期，所以冇套餐叫！香茅豬扒飯 （$58-）豬扒炸得都幾香，但肉質比平時「梅」，可能「那」肉過咗龍！蔬菜份量都唔算少，而且有紅色嘅紅蘿蔔仔和綠色嘅西蘭花，最喜歡的就是有片蒸蛋，蛋裏原來夾着有粉絲，木耳絲...等材料，營養豐富之外又特別。成碟飯五顏六色，賣相靚不在話下，營養價值都好高！

本人一向都很欣賞越南菜，見到這間裝修特別得越南餐就試了。背後的海報很有意思，也表達越南的特色。餐單也有古典味度。配料跟一般越南餐一樣，酸魚露，辣醬等等。要試越南餐一定要吃越南湯河~Pho 湯底味清甜，但可惜欠缺越南河重要材料，芽菜，鮮辣椒，青檸，變得很普通。豬頸肉烤得不錯，嫩滑味濃。原本打算試越南filer 咖啡，可惜沒有，只飲奶茶，奶茶太甜。價錢來說對於銅鑼區算是便宜，但追求正宗越南餐，這裡還有點距離。

暴雨底下，諗住搵間近屋企嘅地方食晚餐，平時成日經過但係都冇行入嚟試，今日有機會啦。記得之前越色喺登龍街都開過，不過我以前都未試過。環境座位都算唔錯，有啲越南餐廳，有好大浸魚露嘅氣味，但係越色無，呢個環境底下食都食得開心啲啦！餐牌方面選擇眾多，大多數喜愛嘅菜式都係晒度。呢支梳打水好熟口面喎，好似去泰國嗰陣時都有飲過，夠晒氣有夠凍，食越南餐一定要叫檸檬梳打。香茅雞扒，雞扒肉質鮮甜，香茅味十足，配埋蒜片同埋蔥粒，份量足夠兩個人食都可以。呢個湯底令我諗起以前係外國讀書時候食嘅一間越南餐廳嘅味道。係啦，越南粉就係應該呢一個湯底嘅味道。湯底清甜，味道不太濃但係又不失應有嘅越南粉湯底嘅元素。河粉方面我揀咗錯嘅越南河粉，都幾好呀有得揀粗或幼。粗身河粉比較soft 啲，煮得剛好本來我哋仲想叫炸春卷，但係已經一早沽清了，有點失落，因為食越南粉一定要食炸春卷先叫做完美不過佢哋盡責嘅員工已經同我地講咗唔好意思。

I LOVE PHOHaving said that, ever since i came back to Hong Kong I've always been looking for good pho. Lately there's been more pho restaurants, but I still come back to this one. For one, this location is rather convenient (the other one that i LOVE, you gotta walk up central/soho area... and theres very limited seats); and two, there used to be one at Tang Lung Street but it was closed down a few years back, so around CWB area, this is the only one that i go to now... Not saying its the BEST.

有時網上嘅comment，真係有可信價值。呢度咁多食評話呢間嘢服務態度差，我都要試，抵我大開眼界！一入到去，同佢講2位，佢指一指張吉枱，完全無諗過帶你入去，都算，可能當時人多，咁我哋自己坐低啦，坐咁耐水都無杯。到點嘢食，個侍應好似發夢咁，我男朋友個生牛肉粉食哂咁滯，我個豬頸肉粉同share 食嘅蒜蓉牛油雞翼影都未見。咁我追佢啦，個侍應聽完應都無應我，走去廚房嬉皮笑臉咁話: 爭個豬頸肉同雞翼呀！講講吓見佢哋成班人堆起部機前，應該係發現無落單啦。結果等咗成25分鐘先到，完全無唔好意思！個豬頸肉質地似湯渣，係我食過最難食嘅豬頸肉！雞翼都有好勁嘅雪藏味，雖然唔貴但茶餐廳都好食過佢！呢間嘢請我食都唔會再嚟，成班後生侍應態度咁差，係比食物差更令人氣結嘅地方！奉勸大家唔好去受氣！

話說放工之後又去銅鑼灣拍拖，但男友支放工就唯有周圍行下。行到呢間野門野，睇下門下個menu,價錢同野食都好似幾唔錯。就例牌按入OpenRice search 下間野既食評啦，廢事中伏呀嘛。但係唔睇又是可，一睇就笑到我，呢間野啲食評好多focus都唔係擺係啲野食身上，而係一位服務態度奇差既「四眼哥哥」身上。基於我本身既好奇心都好豐富，就係門口裝下（間鋪係玻璃門），想了解下邊位係其他食評提及既四眼哥哥，但當然失敗啦，睇唔到。好喇，終於等到男友放工來到，我提議食呢間。一坐低，哇成間啲waiter 都係四眼哥哥來既！失望。好喇，基於前人既經驗，唔想俾人問候，我同男友神速點左野食，好快食完走。碗生牛肉河個湯底唔錯。唔太咸，帶小小甜。啲越南河都煮得岩岩好，唔會太腍。

有一晚去銅鑼灣，諗唔到食咩好，所以求其揀左越南間餐廳。一人叫左一碗湯粉，再加一份米紙卷。我點左香茅雞扒湯河，雞扒整得好香，肉質幾滑，好好食，份量都算多。湯河的湯頭一般，味道比較清淡，但d河粉質素幾好，好滑而且煮完唔會太淋，整體來說幾好食。牛肉米紙卷牛肉唔夠味，一啖又食唔哂，牛肉又咬唔斷，食得好狼狽。雖然蔬菜新鮮，但整體而言唔好味，我勸大家唔好要叫牛肉米紙卷。總結：好吃的雞扒，普通的pho, 可以接受。如果lunch同想平平地食，可以試一試。

Went order takeaway, 特別叫外卖吃肉丸 When I got home there was no 肉丸. Called the store and they said 下次比返 or i can go pick it up now, which really is not an option. Then he hung up. How do you know who I am, 有唔拿我資料, just hang up。let me help you know who I am, 甘不如我幫你記得我。

那個四眼中年男子，服務態度差到無朋友。卑面色你睇，有吉枱唔卑你，要你响外面吹風。食物味道不錯，蕃茄牛腩，味鮮甜。湯粉湯好味。但恐怕唔再來，唔想睇人面色，受人氣😤😤😤

門口帶位姐姐態度可親，味道亦不是差。其趕客行為是點菜時，那中年眼鏡的態度令我一行行四人想馬上起身走人，第一次到，看下菜單很正常，想多一下，竟馬上不耐煩說唔會等好耐呱！沒想過居然會有這樣不禮貌的對待顧客。

Food was so so. Service was downright terrible. No smiles from the staff at all. Our server was completely ignorant of the dishes and couldn't answer any of our basic questions. When we asked the manager for a knife to cut the giant lump of rubbery squid on our papaya salad, he said ok, and then promptly forgot all about our request. We then asked another server for the knife, and she said the restaurant doesn't have any. Doesn't. Have. Any. Knives. In. A. Restaurant. That just about says it

今晩難得飛起老公，約了好姐妹去行街shopping，怎料未開始行，姐妹就喊肚餓，我們便決定先食個快飯！在銅鑼灣覓食有很多選擇，但基於年近歲晚，已經吃過不少餐大魚大肉，今餐我想吃點"輕kan"，又有種fresh的感覺…姐妹很明白我心意，二話不說就拉我來吃越南菜，such a good idea由於時間尚早，七點左右人流未開始多，我倆甫到埗就立即有座位。良久未有吃越南菜，揭開餐牌每款也感到新鮮，每款也想試，但姐妹自嘲雀仔胃，所以我倆各自一碗招牌生牛肉河，她就只許我多叫一款炭燒牛肉米卷……但在伙計離開前，我趕緊再叫一個蝦餅姐妹馬上話蝦餅件頭很大，小心吃不下！我心想，蝦餅能有多大，才不怕吃不下呢！結果，蝦餅來的時候，我傻眼了！它真的頗大的，那厚實程度更令我一度懷疑這其實是大蝦球來吧？沒誇張，咬下去真的又多汁又結實，滿口是蝦，香味充斥了咀巴，而且超超超彈牙！！(慶興最後有叫到！)而在我帶著對蝦餅歡喜若狂的心情，要吃起生牛肉河粉時，我反而感到這招牌有點不過不失，無疑它是有牛肉湯底應有的清甜，河粉也很順滑，但就只是做到意料內的美味而已，沒在蝦餅給我的驚喜，還略嫌湯上桌時未夠熱度，因爲我向來喜歡喝很滾

放工一個人唔知食乜好，不如食玩越南湯粉，直覺諗最穩陣一定係大粒肉湯河，因為出事機會率較低哈哈竟然有意外收穫喎！生牛肉一啲都唔肥，湯底亦意外地濃郁，配料可以自己加檸檬葉用手滅碎，令湯底口感回香更有層次，再加新鮮青檸檬令湯底更加Refreshing 架👍🏻👍🏻👍🏻Ps: 最好嘅地方係佢營業時間比較野去到10點半鐘可以叫嘢食，啱晒我啲夜貓一族，一支公放工周圍都閂晒門!最好不過之選😂😂😂😂😂