越好

Open Now

Now Closed

去新城市廣場逛街，順道 dinner。我們不太喜歡新城市廣場的食店，多人又趕住埋單，所以去連城廣場睇下有咩好食......友人愛吃越菜或泰菜，剛好有間越菜，價錢又合理，於是便入內晚餐。座位不算多，但都寬敞，坐得舒適。食物選擇不算很多，但有套餐，抵食！當然點了「越好生牛肉河」、「蒜香雞翼檬」、「炸蝦餅」及「越南炸春捲」。越好生牛肉河，牛肉肉質嫩滑，河粉爽滑，濃湯加上香料，味道清甜、好味 蒜香雞翼檬，雞翼鬆脆、香口！配料加上酸汁，醒胃！越南炸春捲，鬆脆、好味！但我覺得炸蝦餅最好味 蝦肉彈牙，炸得香脆，惹味！仲有兩杯飲品，「自制香茅茶」及「鹹檸七」，味道不太甜，OK!

依間越南菜特別之處係竟然來自馬拉，仲係32年嘅老店，以越式生牛河打響名堂🐂 今次登陸香港沙田作為首間海外分店！店舖以黃色作主調，帶少少街頭風嘅感覺。菜式主要分為湯河，撈檬同飯類，價錢貼地親民~ 仲有一/二人餐，有埋小食同飲品，每人$90內搞得掂😎-越好生牛肉河($58) 每日限量供應250碗！湯底以大量牛筒骨，牛腩，同不同香料熬製12小時而成，望落呈淺啡色，飲落偏清帶牛味，唔會好似出面咁濃味，食完好口喝個種😌 牛肉份量都幾多，有5-6塊，生熟啱啱好，仲見到粉嫩嘅紅色🥰 口感嫩滑，冇筋，帶少少油脂香~ 河粉就普通左啲，希望會有啲煙煙韌韌嘅感覺。*越南豬扒檬($56) 塊豬扒嘅size都幾大，用左自家製醬汁醃製而成🐷 所以食落幾夠味，肉質都夠鬆軟有水份，唔會乾爭爭~ 配埋旁邊嘅醃菜食啱啱好*炸蝦餅($38) 有四塊，炸得都算乾身，唔會油淋淋。食落都彈牙，幾惹味嘅~🦐*泡菜仙爪($26) 雞腳冇骨爽口，酸酸甜甜咁，係幾好嘅開胃小食。

🍴生牛肉河 HK$58湯底用牛筒骨、牛腩、多種香料熬足12個鐘，牛味十足，牛肉用上美國牛胸腹肉，肉味濃郁，幾欣賞佢切得唔算薄，啖啖肉得黎夠嫩滑，河粉都幾滑。🍴四寶湯河 HK$60四寶有生牛肉、牛腩、牛展、牛丸，全部牛味都幾濃，牛腩、牛展夠腍，牛丸彈牙。🍴酥炸牛油雞翅 HK$38雞翼本身醃得鹹香入味，外脆內嫩，加埋炒香嘅蒜蓉牛油真係食一打都唔夠喉。🍴越南炸春卷 HK$36炸米纸外脆內韌，幾有層次，包住豬肉、木耳、芋頭等餡料，脹卜卜好豐富，再點少少魚露提鮮。🍴自製香茅茶 HK$22、青檸梳打 HK$22香茅茶幾香，唔會太甜，青檸梳打檸味啖左d。📍 越好沙田沙田車站圍1號連城廣場1樓109號舖

好耐冇去過沙田，之前太多遊客沙田總是人來人往，好多人，現在雖然人流都唔少，但的確鬆動左，行得舒服。呢度連住好幾個商場，的確可以行一整天，行完街就同朋友去了連城廣場搵嘢食。那裏主要是小型連鎖餐廳，性價比高，還有多種選擇。最後我哋揀咗去食越南野，越好，見佢有一個抵食二人餐都幾吸引。每人一款主食，一個小食再加飲品，平均80多元，性價比都幾高。生牛肉湯河牛肉份量都唔少，而且充滿牛肉香，縱使牛肉沒有太多脂肪，但口感仍然鮮嫩，非常好食。湯底味道濃郁，有牛肉的清甜，再加上香料配菜，香氣十足。炸蝦餅食得越南嘢，我一定會叫炸蝦餅，覺得佢香脆可口。炸蝦餅炸得酥脆，蝦膠一但配上越式酸甜醬，非常惹味。一客都有四件，自己食晒都不覺膩。香茅雞扒飯食越南野又點少得香茅，所有用香茅腌的肉類我都非常喜歡。雞扒經過炭燒，讓它更帶焦香味，雞皮好脆口，上面更帶點花生粒，讓味道更有層次感。旁邊的涼拌酸菜，青瓜絲等等也十分開胃，在整個飯帶點爽脆口感，酸甜味道。炸牛油雞翼雞翼炸得酥脆，外皮脆裏面肉質鮮嫩，牛油味道不算太出，比較像原味雞翼，不過係炸得不錯，很香口。青檸梳打梳打不會太甜，加點青檸好清新，可以中和一下頭先的濃味感。

現在沙田連城廣場都沒有什麼特別吸引的食品🤷🏾‍♂️有拉麵店寫上，下午茶竟然是半份拉麵，令人瞠目結舌。😨這間越式餐廳的下午茶，看餐牌還可以，有豬扒或是春卷撈檬，點了個春卷撈檬，春卷都叫做又夠熱夠脆，內裏有些肉粒，外皮夠脆，不會太乾，溫度夠熱。但是撈檬強差人意，份量少，而且檬粉非常之鞋口，乾身，有個碎濕濕，夾上來覺得乾身，味道不太好，只有輕微酸辣，沒有什麼魚露味。因此，這個檬粉吃起上來，蔥粒又小，味道又偏淡，整體和以往在小巴黎吃的那種越南撈檬，味道差很遠。現場大播廣東/台灣流行曲，感覺與旺角餐廳或港式西餐無異。

沙田新城市連城廣場疫情期間很多新店進駐，這間餐廳經常爆滿，PHO適合香港人口味。這店價錢合宜，二人和四人小聚好地方。越好四寶湯河：聽到名稱就知道是招牌湯河之一，四寶包含牛丸、牛腩、牛展、生牛肉。四款都各具特色，牛丸爽口彈牙，牛腩肥瘦均勻，牛展牛味濃郁，生牛肉軟綿綿，的確出色！不得不提河粉都非常滑溜，尤其是湯底都是上湯，鮮味特別香濃！炸蝦餅：薄身的蝦餅炸得香脆彈牙，不能吃出鮮蝦味道，一客有四大片，分量十足，沾上酸甜辣醬更加香口。蒜蓉牛油雞翼：蒜味特別香，配合炸雞翼一流。雞翼大大隻之外，咬下去可見雞汁流出，外脆內院非常出色！鹹檸七：咸檸檬和青檸都有半個，所以味道特別濃郁，鹹檸七的確醒胃，配合越南菜酸酸辣辣，非常合拍！

越好 (沙田).雞翼撈檬配上湯娃娃菜 .一人套餐有得叫一碗主食配小食同飲品，雞翼係蒜香，剛炸起熱辣辣又脆，配冰涼嘅檬粉好好好食.香茅豬扒湯河配泰式魚餅 .豬扒未算太人味，但湯底反而濃郁值得一讚！少有嘅越式湯河如此濃味！魚味有四五舊，份量頗多，飲品更配有特飲選擇.📌 越好 (沙田)沙田沙田車站圍1號連城廣場1樓109號舖.—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodblogger#hkgirl #foodporn #越好

沙田站一出連城廣場，有新開越南餐廳，聽聞係越南嘅過江龍餐廳，1988年開始，係間老字號。專食越南湯河，一於就叫一碗生牛肉湯河試試佢。食物選擇唔算多，張Menu一眼望晒，好清楚😌越好生牛肉湯河$58一嚟就梗係要飲啖湯試吓先啦，湯底好濃郁！😋牛肉幾嫩滑，而且份量都幾多，有好多塊。另外叫咗一碗越南豬扒撈檬$56豬扒略嫌肉質比較鞋，呢碗檬粉份量反而比較少，個汁重蒜香味，食完個口好有蒜味🤣叫咗杯青檸梳打，呢杯就比較甜，個底好多糖漿🙈🙈應該要叫佢少甜！仲叫咗一份酥炸牛油雞翼$36果然好香脆，肉質好滑，每隻雞翼上面都有蒜茸，都幾重口味，熱氣少少不過好食嘅👍🏻

越好 (沙田).⚜️一人餐 雞翼撈檬配上湯娃娃菜 鹹檸七⚜️.我個人每次都會食撈檬因為夠開胃，個雞翼係蒜蓉雞翼好好食(⁎⁍̴̛ᴗ⁍̴̛⁎) 炸得香脆，又有蒜泥係面，飲品有得揀特飲唔洗加錢🥰食完雞翼熱氣食娃娃菜好舒服清清地.⚜️香茅豬扒湯河配泰式魚餅 青檸梳打⚜️.豬扒唔係好厚炸嘅，香茅味唔算濃郁，泰式魚餅配上酸甜醬好吃😋特別一提佢個湯幾濃郁，牛骨淆製！.📌 越好 (沙田)沙田沙田車站圍1號連城廣場1樓109號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️—————————————————————-#hkig#hkigfood#hkfoodie#foodie#food#food#foodstagram#hkfoodlover#hkdaily#foodiehk#foodig#foodlife#hkfood#hkfoodblogger#hkgirl #foodporn #越好

呢間餐廳嘅下午茶價錢其實我覺得都可以嘅， 食物質素就普通， 但係店員服務就真係麻麻地，衛生意識亦都唔係話算太強，可能因為地方實在太細啦。Hence, I will not come back next time.

下午茶時段，本來想入去試吓，廣告標榜這間餐廳價錢不貴，亦想支持新店開張。但接待員非常不禮貌，在門口時沒有叫人量體溫，入去後又問人有冇量體溫。做餐飲業，最緊要就是服務。

近來可能是入秋有少少涼意關係，就是想吃暖暖的越式湯粉，而且是充滿香草味的那種湯底，無意中發現了這間新開越南菜小店原來這是一間由馬來西亞🇲🇾開來的過江龍，在當地已有名氣，香港是首間海外分店。店鋪細細，座位有點迫，但光線充足樓底高，整體環境還ok，今次點了2個主食，2個小食和2杯飲品首先是每日限量250碗的招牌生牛肉湯河湯底好清甜，香草味很有越南🇻🇳風味，牛肉比一般厚身，算多又大塊，河粉都好滑，整體不錯吃越南菜必定要吃炸豬扒撈檬豬扒賣相好靚，幾乾身很香口，但肉質稍嫌乾了點另外小食點了春卷和魚餅，好看又好吃，春卷外脆內煙韌，魚餅有魚味帶少少辣又彈牙，有驚喜飲品選擇不多，奶茶、咖啡、汽水、鹹檸七、青檸梳打幾款，堂食都是外賣杯，飲不完可以帶走

見到網上報到沙田開咗間新越南餐廳，一於試吓叫咗一碗四寶河粉 無論湯底定係牛肉都比連鎖越式河粉餐廳要差牛丸求其一間餐廳嘅都比佢好 牛肉肥到好似一啲平價肥牛一樣 唔怪得有其他食評話難食到食唔落不可一不可再

**⚠️此試食不是自費**呢間餐廳係馬來西亞有成32年老字號，今次嚟咗香港號過江龍越式餐廳🤩今次開係沙田，眾多過江龍餐廳雲集嘅商場👍🏻餐廳裝修都感到有越式風味而且價錢合理☺️同埋好似快餐嘅形式，實在幾啱鍾意咩都快嘅香港人🥰越好生牛肉河 $58角落評分：🌕🌕🌕🌕🌗生牛肉份量都多，而且唔係普通嘅肥牛，比較似係牛板肩/牛小排果啲👍🏻肉味好香同埋口感幾適合做湯河☺️湯底就好入味，係用咗12小時慢火熬煮湯骨而成🥰美中不足係食落嘅味道冇越南食果啲咁似，但以一個生牛河係絕對好食😍而且價錢都幾抵食，正常人都實會夠飽☺️越好雙寶飯 $65角落評分：🌕🌕🌕🌕🌑雙寶飯有雞扒同豬扒，兩款扒都醃得好入味，豬扒同雞扒都好嫩滑👍🏻唔洗點佢提供嘅醬汁都好好食🤤最正係飯上面有隻太陽蛋，煎得好靚😍不過都係食落感覺唔似越南菜，要點咗啲醬汁先似係越南食果啲食物😂蒜香雞翼 & 炸蝦餅 各$38角落評分：🌕🌕🌕🌕🌗雞扒上面放咗啲真·蒜茸😍令到啱啱炸好嘅雞翼好香蒜香味🥰炸蝦餅就即炸好好味☺️呢兩款小食都值得叫👍🏻.青檸梳打 & 咸檸7 各$22角落評分：🌕🌕🌕🌑🌑兩款飲品都好平平無奇😂不過搞檸梳打唔似泰式果款咁，佢會幫你落埋梳打水同埋較甜🥰

沙田區搵食！網上見到這間過江龍餐廳在馬來西亞原來十分有名！朋友又想食東南亞菜，0岩晒！炸春卷油要控制得好，否則米粉紙很容易焦黑，這裡的剛剛好～春卷外皮皮薄香脆，內裏餡料軟綿，外脆內嫩！檬粉拌勻泰式醬汁同吃，酸酸甜甜帶點辣，十分過癮！煎蛋色澤鮮黃，賣相吸引～雙寶飯是豬扒、雞扒 雙併。雞扒醃得入味、豬扒不會太乾身，外皮有點脆口。配旁邊的炸蒜、蔥同吃，拌飯一流！一來已經散發陣陣牛油香。雞翼肥大，外皮脆卜卜。入口蒜香、牛油同時刺激味蕾，十分滋味。牛油、蒜蓉、嫩滑雞翼結合，邪惡又美味！好吃～蝦餅煎至兩面金黃，點泰式辣醬同吃，十分惹味。略嫌蝦餅不夠彈牙！