越好

Open Now

Now Closed

近排天氣好悶熱，唔係好想食熱辣辣嘅嘢，行過見到有間餐廳有撈檬食，就買個試下～我叫咗個雞絲扎肉撈檬。其實都幾唔錯，但因為之前食過一間好好食嘅越南菜，有對比就即刻分得出高下。越南菜一定唔少得醃蘿蔔，呢間嘅醃蘿蔔切得好粗，食落顯得好硬。榨菜同扎肉唔知點解都好鹹，溝埋其他餸食嘅時候就唔覺，但淨係食嗰樣就太鹹喇口痕嘅話黎食都唔錯，但如果真心想食越南菜就會推薦其他餐廳。

招牌四寶湯河($60)湯底清甜不油膩，有齊生牛肉、牛腩、牛丸同牛展，既有濃郁牛香又不失嫩滑口感，略嫌牛𦟌筋部比較多；越式河粉通透順滑，影相浸咗好耐都唔覺得淋，不錯！越南豬扒撈檬($56)豬扒肉質鬆軟腍，醃得好入味，撈入秘製魚露酸甜汁清爽惹味！炸魚餅炸魚餅超好食，炸得香脆不油膩，推介！蝦醬雞中翼炸得香脆炸粉唔算太厚，略嫌蝦醬味唔夠岀。總括黎講，以呢個價錢食到 32年老字號 同馬來西亞最好既越南餐廳之一😲 值得一試！

我一向係好鍾意食越南嘢的有朋友之前介紹我話這間越南餐廳越好 Pho Vietz啲湯粉及小食好好食朋友仲說是大馬過江龍 係做正宗味道的越南風味美食😋😋 啱曬我😁😁所以嚟開沙田做完嘢就來食晚餐😋😋~越好四寶湯河60有牛肉牛展貢丸豬肉片😋😋果然秘製湯底好入味而且清香鮮甜😋😋我鍾意食辣嘅 自行加左辣椒粒😁😁正👍👍~沙嗲串燒撈檬56牛肉串燒好香脆入味👍👍檬粉材料豐富又新鮮有青瓜紅蘿白蘿蔔酸菜生菜食落去感覺清新又爽口這個辣的😋😋🥰🥰👍👍~越南炸春捲36~炸蝦餅38炸物不油膩😋😋 👍👍~凍菊花薑蜜22唔係太甜好香菊花味同薑味😋😋店員仲另外比左杯冰我自己隨意加👍👍~恐龍美祿25cream上面加咗啲脆脆嘅美祿幾好味😋😋Pho Vietz 的夏日清爽組合真係值得再來😋😋

成日都覺得新城市好多餐廳都偏貴，今日就比我搵到附近都可以友又平又好食嘅美食！今日要食嘅係喺連城廣場一樓嘅「越好」，雖然舖頭一眼睇晒，餐牌都係得一張，勝在食物質素都拍得住帶餐廳！我哋叫咗：香茅雞扒撈檬雖然塊雞扒冇咩香茅味，但甜甜地，而且肉質鬆軟，同凍檬嘅味道幾夾。而且夏天食凍檬簡直胃口大增！佢嘅酸汁亦比其他餐廳鹹，所以食落都幾濃味😋生牛肉湯河牛肉煮到半生熟，肉質嫩口，湯底夠濃郁，而且夠大碗，唔使驚食唔飽，正☺️炸越南春卷雖然細細條，但餡料十足，豬肉碎配上香菇，再加上炸到脆卜卜嘅外皮，食落去好有層次！😍蝦醬雞中翼蝦醬味唔係好濃，似普通炸雞翼，不過賺得夠脆夠熱，都幾好味。美祿同蜂蜜柚子茶最後叫咗兩杯飲品，特別要講下美祿，因為佢有啲似麥當勞嘅美祿恐龍，上面有好大嚿cream痛朱古力卜卜脆，正🥰最後埋單約$180，沙田黎講算抵食，性價比極高！😉

大家有去過來自馬來西亞人氣越南餐廳－越好 @phovietzhk 嗎？越好已有32年歷史，現登陸沙田連城廣場，不用坐飛機也可以吃到又便宜又好吃的越南菜了！鎮店大熱招牌生牛肉湯河 (HKD58)，每日只限量供應250碗，湯頭用上了牛筒骨、牛腩，加上薑、洋葱及白蘿蔔以慢火熬煮12小時，再加入12種香料，牛筒骨熬成的湯頭呈淺褐色，湯味清香濃郁，一點渣滓和油膩感都沒有，河粉順滑夾起時不會斷掉，好好吃！沙嗲串燒撈檬 (HKD56) 的牛肉串帶微辣，十分入味哩，拌好魚露醬汁吃特別開胃。小食有越南炸春卷 (HK36) 及炸魚餅 (HKD36)，兩款都很好吃，炸魚餅非常爽彈，吃起來會停不下，這樣一份才$36 太划算了吧。最後來一杯恐龍美祿 (HKD25) 實在滿足，一定會再訪！

呢間越南菜夠抵食，所以都幾多人。7:30pm 去到幾好生意，等位等左20分鐘左右。二人餐$168 包兩款指定主食、兩款小食及兩杯飲品！二人餐嘅指定主食如果唔啱，想食其他主食，就可以加$8轉。▶️招牌生牛肉湯檬牛肉夠多又大塊，肉質唔錯。湯檬都幾好食，有芽菜、芫荽。有辣椒青檸俾你調味。▶️越南春卷撈檬春卷有5件都幾多，夠香脆幾好食！撈檬夠凍，加埋魚露算幾好！▶️炸蝦餅 有4件，扁平圓形，點埋甜辣醬唔錯。▶️蝦醬雞中翼有4隻，炸得金黃香脆，蝦醬味食落似南乳味，幾惹味～▶️飲品鹹檸七、青檸梳打兩杯都好飲！

在周一的晚上，要到沙田宜家買家居用品, 一場來到這邊，就想想附近有什麼地方平日想去但又沒時間去的，就來這裡, 來到時見店子的裝修很企理，燈光火猛的。 除了餐牌之外，還要留意店內的告示牌，看看那些是推介項目、時令推介和新菜色。 飲品方面，就來一杯青檸梳打, 青擰的天然酸味再配上梳打水, 是喝得夠爽。先來個小食蝦醬雞翼, 是即叫即炸的,每隻都炸得外層香脆, 但內裡的雞肉還是嫩滑和肉汁豐富，配合蝦醬, 吃起來就更加惹味, 有意外驚喜。吃越南菜又怎能缺少一味牛湯河？這菜色給命名為越好生牛肉河，可見店子是信心十足的。先飲牛湯，呈深色的湯頭鮮美而醇厚，灑幾滴青檸汁，鹹酸味俱備，吃得過癮, 河粉本身爽滑而有米香，質素也不錯, 牛肉淥得僅熟，口感嫩滑，整碗粉份量也不算太小，這裡的牛湯河，也吃得過。食物是正宗而且有水準, 價錢也是經濟實惠。

好耐冇黎過連城廣場😶！全部餐廳唔同曬！「越好」黃色裝潢！Pho Vietz夏日清爽組合！正宗味道的越南風味美食！係大馬過江龍！吸引咗我地試下！食物價錢唔係貴！小食幾多元化Tim !越好四寶湯河一🥣就齊生牛肉、牛展、牛腩、牛丸😍！岩曬心多多嘅🐽🐽！先試一啖個湯！牛味濃郁🤤！河粉滑啫啫！的確唔錯！越好湯河配豬扒豬扒剛炸起熱呼呼的！份量都幾多！湯十分清甜！忍唔住喝多兩口😬！炸蝦餅一客四件最岩share ☺️!蝦餅爽彈！左）越南香茅茶右）洛神花茶少冰少甜味道岩岩好😎

Pho Vietz夏日清爽組合！抵食越南菜🤤今日同老公去左沙田，搵大馬過江龍嘅「越好Pho Vietz」，品嚐正宗味道的越南風味美食😍老公試左鎮店之寶～招牌生牛肉湯河，牛肉味道不錯，特別喜歡它加了薑、洋葱及白蘿蔔。而我因為乜都想試，所以點了招牌四寶湯河。牛肉嫩滑、牛丸彈牙、牛腩爽滑、牛展軟腍嫩滑，同埋最重要系碗河好夠熱呀！😋小食我地點了越南炸春卷同蝦醬雞中翼🤪 越南炸春卷外皮酥脆，唔會太熱氣，鮮蝦配蔬菜囗感清爽唔油膩，而蝦醬雞中翼我本人好怕蝦醬，不過估唔到原來炸出黎又幾香口！飲品我地揀左咸檸7同恐龍美祿，推介恐龍美祿，清涼解渴。

無論夏天或冬天，越南粉都會是大眾喜愛的主食，既可選涼拌，亦可選熱湯，任君挑選。之前吃過一遍越好留下不錯印象，今次又跟朋友重臨越好，回味一番越式好滋味。越南炸春卷跟中式炸春卷的最大不同是越南炸春卷用米紙做春卷皮，咬一口酥脆的春卷皮會發出咔滋咔滋的聲響，豬肉內餡扎實不鬆散，整體不會過於油膩，我和朋友可以用搶著吃來形容。蝦醬雞中翼頗為碩大，雞皮炸得金黃香脆不油，火候掌握不錯，雞肉細嫩多汁，鹹鮮的蝦醬充份雞中翼中，無敵可口，一吃食慾大開。越好四寶湯河份量相當足料，一個女生吃這碗湯河已很夠。深褐色的湯頭喝起來有著香醇的牛肉鮮甜味，河粉滑溜溜的，跟越南吃到的咬感差不多。生牛肉給得不手軟，粉嫩肉質非常柔軟。熟牛腩燉煮數小時，軟腍而不爛，牛丸甚有彈勁，牛汁豐沛。越南豬扒撈檬上桌時聞到豬扒的香味，豬扒頗有嚼勁，完全不乾柴，有大口吃肉的快感。豬扒上灑滿花生顆粒和蔥花，大大增加豬扒撈檬的美味度。然後將魚露醋汁均勻攪拌檬粉和菜蔬，酸酸甜甜激對味，夏天吃特別開胃。青檸梳打裡頭漂浮著酸美的青檸和清香的薄荷，入口有股獨特的香味，格外清爽解膩，飯後來杯青檸梳打有助腸胃消化。桂圓紅棗茶甜度不需要特別調整，它的甜味均來自

住咗沙田咁耐，一向都知道新城市廣場嘅餐廳都係行高檔路線，有時想食得平民少少都冇乜選擇。但竟然係連城廣場入邊有呢一間價錢超值，食物質素高嘅平民餐廳，以後又可以做飯堂我哋點左一人套餐再散叫，一份都只係$86 ，有主菜有小食有嘢飲，特飲仲唔使加錢，淨係講價錢已經好吸引。但係佢哋並唔將貨就價，嘢食真係幾好食，雖然選擇唔算好多，但係我哋兩個餐嘅所有嘢都係唔錯。生牛肉湯檬湯底係濃牛肉湯，有點洋蔥清香，食得出冇味精，因為食完完全唔會口渴。生牛肉非常嫩口，肉質嫩滑牛肉薄切，滿滿牛肉香味，入口完全無筋。份量好大，男士都夠飽。越好湯檬配豬扒煎香左嘅豬扒另外上碟，配上花生碎蔥花，非常惹味。調味剛剛好，唔需要點醬汁都已經好夠味。肉質有咬口，唔會一咬就散，亦都唔會軔到咬唔開。炸春卷推介！春卷炸得香脆得來又唔會有太多嘅油份，非常脆口，食多幾件都唔會覺得Heavy泡菜仙爪開頭以為泡菜係韓式泡菜，原來係用醋醃咗嘅菜同埋蘿蔔；而仙爪就係鳳爪。同傳統嘅白雲鳳爪好類似，鳳爪醃得夠入味，醃菜亦都好開胃青靈梳打及鹹檸七呢度晚飯時間一個人都只係80幾蚊，如果下午茶過嚟仲平都只係40幾蚊，有碗麵有嘢飲，喺沙田市中心來講真係好抵食！

今日同老公行新城市連城廣場，去咗啲樓上舖行街街之後，行落嚟嗰時發覺有一間越南餐廳，唔知係咪新開，但未見過，但見啲嘢食幾平，就拉咗老公入去坐低試下。入到去見到依幅壁畫得幾靚，令到成間有裝修好好睇好舒服。雖然鋪頭細細，但係都有唔少選擇，基本越南餐廳有嘅佢都有，最重要係佢地既價錢非常經濟實惠。越南豬扒撈檬：開頭以為咁平，都應該唔會好大碗，點知嚟到塊豬扒仲大過我塊面，檬粉都好多，豬扒好多肉汁，而且好入味，檬粉個汁都剛剛好，唔會太甜亦唔會太酸。越好四寶湯河：包括有生牛肉/牛𦟌/牛腩/牛丸，生牛肉淥得剛剛好，唔會太熟亦唔會太生，好新鮮好有牛肉味，牛展同牛腩都好好食唔會太韌，最值得一讚就係佢個湯，超級甜冇味精。蝦醬雞中翼：見到有個幾特別嘅小食，梗係叫嚟試下，估唔到蝦醬配雞翼，出奇地夾。越式春卷：價錢相宜，而且份量都好足，配埋佢個秘製醬汁，超級好食。越南香茅茶：一杯好特別嘅飲品，但飲落又唔會好怪，消暑解渴一流。恐龍美祿：好濃嘅美祿味，上面仲加埋個cream,簡直好邪惡嘅享受。幫佢影張全家幅先。佢哋仲有一人套餐同二人套餐揀，一個人食又得兩個人食又得。晚市外賣仲有85折，超級抵食。

我就喺沙田返工，平時自己食lunch就多數去瀝源果邊平平地揀茶餐廳食，好少去新城市果邊食，因為自己一個食簡單d就算，好野留番夜晚先至食。今晚放工果陣老婆話過黎沙田想行街，叫我揀間好野食，於是上openrice搵就搵左呢間餐廳，我發覺我真係發現得太遲，因為呢間餐廳簡單就係價錢夠抵之餘味道都好出色！ 首先睇睇價錢，大概$60已經有勁多選擇，喺沙田區真係唔易搵到，咁但係同老婆食當然要叫得豐富d，分別叫左越好雙寶飯，沙嗲串燒撈檬，蝦醬雞翼，炸蝦餅，恐龍美祿同埋桂圓紅棗茶。首先雙寶飯好豐富，有雞排豬排，仲要有太陽蛋同蝦餅，賣相同味道都勁吸引。沙嗲串燒撈檬真係有少少辣辣地好惹味，檬煮得好味彈牙。雞翼炸得好香口，皮脆肉嫩又juicy，值得encore。炸蝦餅好足料，口感十足。 食得咁豐富，每人都係大概$100，絕對係沙田區性價比最高既餐廳之一，今晚食完勁滿足，平時lunch我又有新選擇

沙田連城經常開新野，隔三差五就會過黎轉一轉，去試下新野。今次開左間越南pho:炸物每碟都係新鮮出爐，炸得色澤金黃酥軟蝦餅不錯，豬排係食左咁多濃味野之後感覺較淡，可以再醃濃d香茅味竟然有懷舊美碌飲，仲有恐龍美碌(太邪惡啦所以無叫)!湯底牛肉味道濃郁，特別檸檬葉味好重，生牛肉不會"鞋"口。不過食落好似無放炸蒜，同埋不會好似平時咁有碟青檸檬辣椒仔等提供比你自己落，鐘意食酸同蒜既朋友要留意。可能正宗既越南粉係無既? 定係比漏左?值得提醒當日光顧店內客人不算多，但店員講野較急同短速，特別係男店員，感覺比較cool。客人辛苦工作左一日，如果店員熱情d都會令人感覺煥然一新，所以服務態度都係重要的一環。鋪頭食物不差，加油！

如果黎開沙田，通常都會過連城廣場食野，比起新城市會平少少平時食開海南雞飯，今日就試下對面越南餐廳價錢唔貴，有套餐，飯類，湯檬，撈檬等等兩人叫左份小食，越南炸春卷，炸得鬆化，沾上甜辣醬更滋味咖央多士中間有件厚牛油，再配上甜香咖央醬沒有不好食的可能叫左個豬扒撈檬，配料都係醃製過蘿蔔，必有青瓜絲同生菜絲反而沒有最重要的蔥油，只有蔥花豬扒大大件，煎到香口，雖然偏瘦但食起來唔會太鞋口而且幾入味，夏天個人最喜歡食撈檬朋友叫越好雙寶飯，(豬扒，雞扒)份量十足，朋友表示味道不錯恐龍美祿上面更加上cream，飲起來唔會太甜膩