Platform (Closed)

平時都唔會入大圍，今次咁啱入去搵朋友終於都有機會試到呢間出名cafe🤣🤣🤣Cafe位於一堆村屋既地鋪，唔係大圍沙田友可能要花少少時間搵，最好有一個熟路既袋路🙌🏻🙌🏻🙌🏻兩點鬆啲去到入座率都有7-8成，果然越黎越多人識得欣賞香港既Cafe。座位都幾多但全部連枱，感覺都係有啲擠迫。Cappuccino係水準之上，Brunch set既選擇好多❣️❣️❣️我地食呢個係夾蛋捲feel既bagel好特別，見好多人都有食🙈🙈🙈

知道呢間cafe出名食bagel，估唔到淨係bagel款式都有10+ 😂 最後要左The New Yorker 配芝麻bagel，第一印象係擺盤好靚～Bagel好食，沙律醬汁唔係常見嘅醋汁，都非常好食另外叫左馬鈴薯糰試下，以為細細碟結果好飽肚好飽肚好飽肚（重要的事要説三次），千祈唔好睇少呢個份量。卡邦尼汁好食，溫泉蛋煮得啱啱好，唔算驚為天人但係好食嘅相比之下咖啡似乎冇咁出色，我地要左杯piccolo 同mocha，冇乜特別，朋友話杯mocha好甜

本身自己係唔食bagel，因為之做M記嗰陣時食過bagel，覺得一般般，所以對 bagel本身興趣不大。自從食有friend 介紹咗去N1 嘅bagel之後，從此就知道bagel都可以咁好食。之前聽過platform係專門係去食bagel嘅小店，所以果日係沙田打完波就去試吓。入到去之後環境都尚算可以，一間普普通通嘅小店，因為本身鐘意坐bar枱，所以揀咗個窗口個角落位去坐。 坐咗一陣叫咗個Avocado Smoked Salmon bagel 🥯 同一杯Flat While ☕️。Flat While ☕️都唔係太酸，啲奶都冇蓋嗰陣咖啡味，飲落去都幾滑到OK。但係一去到Avocado Smoked Salmon bagel 🥯 ， 佢果個bagel 顏色已經唔太好睇，好似完全冇烤個普通麵包咁樣，表面睇上去已經覺得好淋，完全冇一個Bagel應該有嘅硬度。切落去果下係淋到好大力都切唔開，而且食落去嗰一下完全係凍嘅，問題係啱啱出爐冇理由會係凍㗎嘛。再者食落去果下個口感完全係淋，佢個包底係淋到咬唔開，脆都唔脆口。個感覺係食緊一個完全未發酵過麵團，見到好多人讚佢bagel好食，到最後結果令大失所望。佢

ᴍᴀɪɴ·法式蛋卷 配布里歐麵包 $92﹟蛋卷做到好厚身, 好有視覺效果😍而且佢裏面既饀料都好足, 食到有羽衣甘藍, 車厘茄, 煙肉粒, 豬肉粒, bell pepper粒粒, 面頭再有埋ricotta cheese一齊mix埋食, 成件事好豐富🤤🤤淡淡既蛋香, 清清地唔會太鹹, 個蛋夾埋少脆少甜都夠軟身既麵包一齊食得岩岩好😛🍴ᴍᴀɪɴ· 美式手撕豬肉 配自選味道Bagel $88﹟Bagel有原味, 芝士味, 同埋我簡左既芝麻味🥰手撕豬肉配左佢地既燒烤醬, 食食下好似食到有種豬腳薑既味道🤨個bagel真係做到外脆內軟！！平時食親既bagel都係偏硬身😂所以呢個真係比到驚喜🥳🥳🥳另外仲有兩塊炸到卜卜脆既芝士脆片, 加埋一齊食即時提升口感, 仲可以夾埋旁邊既青蘋果絲, 係一個清新既配搭👏🌱🥤ᴅʀɪɴᴋ·Cheese Latte $45﹟層次感同賣相都非常吸引, 但飲落既芝士味偏淡, 反而有少少失望...🙈🥤ᴅʀɪɴᴋ·Cucumber Latte $48﹟呢個配搭都係第一次新嘗試, 抱住中伏既心態, 但原來下次可以encore😋好有心思地將青瓜絲砌成一朵花, 再雪成冰, 但可惜佢唔太浮得

🐭年第一啡☕️食埋呢間大圍站cafe完成😆🤗試呢度招牌嘅Bagel🥯🥯仲有飲一杯傳說中嘅Cheese Latte🧀☕️😳😳揀咗4號 美式手撕豬肉Bagel🥯首先試下個青蘋果絲🍏入口好青甜👍🏻👍🏻初初諗住好酸😂沙律🥗好新鮮醒胃🤤Bagel夠鬆脆添上熱辣辣嘅手撕豬肉好好食😋😋😋好耐都無食過咁好食嘅BagelCheese latte相對無咁出芝士味有少少失望總結都可以番啅🤣下次就試下佢出名嘅手工甜品🤤🤤🤤

轉黎轉去 又搵到間唔錯既咖啡店喎估唔到喺村屋搵到驚喜下次會再試吓出名既手工bagel🥯法式蛋捲配布里歐麵包呢道攞盤好靚 一上枱已經心心眼😍蛋捲材料豐富 菠菜+蕃茄+煙肉.....襯意大利芝士乳清 但一啲都唔膩沙律菜主要以羽衣甘藍為主配搭又fresh 又健康配上自家製布里歐麵包塗上牛油&蜜糖值得推介！💯Cheese Latte..............................$42咖啡底加芝士味既奶泡 姐係芝士奶蓋咖啡花瓣只係用黎點綴奶泡有啖啖鹹香 咖啡底又唔太甜整體感覺又幾夾Matcha Latte..............................$45抹茶味都夠 拉花穩定 質素屬中上可能係假日下午茶時段比較多人 餐枱好密好嘈如果想要好chill好慢活既感覺可能平日會好啲 始終空間有限麻

小店位置在一條屋邨內 不算易找 花了少少工夫才去到 卻見到長長人龍 但很快就可入座🤭衝著這家店的bagel而來🥯原味 芝麻 芝士三種味道最後選了邪惡的芝士🧀 bagel烘得外脆內軟 保有帶韌度的口感 煙鴨胸意外嫩滑 咬開仍有肉汁 和荷包蛋一同包入bagel中 味道很好!😋相比煙鴨胸bagel 這個牛油果bagel較為失色 選了芝麻口味 但不知為何包身沒有烘熱  口感紮實 食起味道偏淡 沒有預期好食~芝士奶蓋飲得多 但多數都是和珍珠奶茶一起飲 芝士latte倒是第一次飲 感覺新鮮🤣芝士奶質地濃厚但味道不算太濃☕️淡淡的芝士鹹香味和微澀的latte味道很配 入口非常順滑😌其實只是加上綿花糖裝飾的朱古力😆不過外表加分 飲落朱古力味濃郁但不會過甜🍫這家小店bookmark了好久終於去了 完成to-eat list塵封的一項😌

大圍唔聲唔聲其實收埋左好多好野食🤤🤤🤤今次介紹間係村屋入邊既cafe先～-港式煲蛋 配 原味/芝麻/芝士bagel睇個賣相已經覺得好正😍😍煲仔入邊隻蛋唔係熟哂 仲係流心既 入邊仲有啲芝士同辣肉腸一齊焗 撈埋個bagel一齊食好惹味😚😚我簡左芝士味bagel 上邊有啲焗左既芝士 不過佢唔係傳統極煙un果種bagel😂😂似係普通麵包多啲 但味道都okay的～黑松露帶子扁意粉 $98黑松露味夠香同creamy☺️☺️雖然冇話煮得太淋但個人覺得可以再硬啲-啲野飲就真係正啦！😍😍勁多唔同&新奇味既咖啡！Cheese Latte $45好似似緊芝士奶蓋味既咖啡☺️咖啡味又夠香濃 推薦推薦❤️Peanut Latte上邊有好多花生粒 飲落都好香nuts味-仲有法式蛋捲 菠菜蝦肉捲同baileys latte都好想試🥺要等下次了

兩年前我已經黎食過之後亦同朋友黎食過好多次一致好評聽講老闆同老闆娘嘅認識都幾有故事老闆係台灣人同老闆娘結婚之後選擇左係香港定居仲開埋餐廳朋有係咁樣同我講 哈哈一路食一路聽佢講故事基本上佢餐牌上有一半嘅嘢食我都食過而最中意就係佢個手撕豬肉bagel唔會太飽同埋個沙律汁都好好味而佢嘅花茶亦唔錯好飲其實每次我都好想叫佢俾多個杯因為一人一壺會飲唔晒 哈哈最近先留意到佢嘅營業時間只去到八點原本上次想約朋友黎食但對於收六點再出黎嘅朋友黎講太趕所以最尾都放棄左唯有下次再幾啲星期六日黎

細個係附近讀書 個陣田心村得d茶餐廳啊 大排檔同埋d中餐 最印象深刻就係有間小曼谷泰菜係附近但個陣唔好話咁精緻既cafe 連可以chill下既地方少之又少 下下都要出沙田先有啖好食但十年一別 再翻到呢個地方居然多左好多文青小店 再唔係得中餐快餐咁悶室內位置算多 有空間感 坐窗口位有自然光照射 因為已經食左lunch 所以食唔到主食店員告知Daily cake有mango cheese, chocolate同banana cake我同朋友就選擇左前兩樣因為係週末就冇tea set 但係其實分開叫都唔貴 幾錢適中呢杯Cucumber Latte非常特別 朋友既形容係有青瓜清新既香氣 冇諗到同Latte咁夾 都好fresh下 中間青瓜雪到變花型咁代替冰塊 非常signature！另外仲有壺蜜桃茶 係twinings茶包沖 都幾好味～週日係到坐左三個鐘 好難得地有個地方好休閒地同可以可以慢慢傾計 btw 廁所真係好濕 唔太緊急可以選擇唔去

#hoijunCafe篇好菇家族 $92作為菇菇控既小編大愛呢個餐呀💗💗除左有各種當造既菇類外，仲有水波蛋🍳、希臘芝士🧀、沙律菜🥗、黑麥啤家鄉包🥖。健康之餘，亦好好食👍🏻👍🏻-Baileys latte $48好重Baileys味，Baileys愛好者🥃可以試下。不過由於小編當日係食bunch就唔敢飲晒一杯。😂😂-黑松露帶子意粉 $98黑松露味好重，帶子煮得啱啱好，係半生熟狀態。👍🏻👍🏻～～～～～～～～～～～～～～～～～～～～～～～～📍Platform (大圍)🕴🏻大圍田心村254號地舖

位於村內的小店Cafe, 搵左好一陣子先搵到間鋪，週末去大排長龍🤯 等到頸都長先食到～HIT ME!! 敲我朱古力 Brownies, coffee cake, icecream, crumbs&nuts 好有層次，好正！所以都唔平～ 最上層係脆皮朱古力，敲碎就有vanilla醬流到下層的coffee cafe同brownies🤤 旁邊的crumbs果碎增加口感👍🏻法式蛋卷（Brioche only) 餡料大概有豬肉、紅黃波椒、羽衣甘藍、ricotta cheese, 蛋卷包住呢啲食材，幾特別從未食過😆 略嫌唔夠熱～ 沙律菜係幾好，不過由於我討厭椒，所以一般般😅☕️Lemon Ginger 都係用茶包，味道good! 

沒有朋友的帶領，絶對不曉得香港有專食「貝果」（Bagel ）的小店，而它位於田心村內，不算易找。店舖位於村屋地下，不算大，但裝修雅緻，因滿座，不方便影相，只好影吓窗邊小飾物。餐牌選擇不算很多，但款款望落都吸引，朋友提醒份量頗大，我們三個女人，決定要2個Bagel 加個甜品。我們叫了牛油果煙三文魚丶美式手撕豬肉丶雜莓忌廉芝士餅，飲品全選不同款的咖啡。三文魚Bagel先上，先試沙律菜，無比新鮮，好似剛從農場摘下來，兼份量十足。貝果包也很專業，外皮帶點煙韌，內裏夾著牛油果及煙三文魚，加有其自製醬汁，新鮮好味，原來三文魚與牛油果很配。😋😋😋手撕豬肉貝果又是另一番滋味，香濃的手撕豬肉，咬落一陣陣豐富的肉汁流出，齒頰留香，與煙三文魚貝果完全不同口感和味道。手撕豬肉味道濃郁，三文魚則較清新，兩者都好味。因為手撕豬肉較膩，沙律菜還加有青蘋果沙律，減退油膩，正！👍🏻👍🏻👍🏻雜莓芝士餅亦很好味，整個芝士餅很軟滑，芝士味香，加上Raspberry 乾，豐富了味道和口感，絕不失色於貝果。咖啡亦很專業，不單止香濃，亦滑口，絕對比連鎖店優勝。👍🏻👍🏻👍🏻 Platform 絕對是值得繼續支持的小店。

我一直都有個夢想，就是在村郊地方開一間自己 Cafe。😉今日被我遇上了一間我夢想咖啡小店，位置就在田心村一間路口小屋地下，店外有著離芭及綠葉陪襯，店內是簡約又有心思擺設充滿著溫暖人情味。🍴燒煙鴨胸配芝麻貝果🥯麵包 $96自家芝麻貝果溫度剛好，保持外脆內軟，口感滋味鴨胸軟嫩味濃配以黑醋醬更突顯味道，一食傾心。伴碟的薯蓉同沙律菜，份量十足亦相當豐富，當中有我愛的羽衣甘藍及火箭菜，太合適我吧！煙三文魚牛油果配芝麻貝果，同樣出色！🍵荔枝配玫瑰花🌹茶 $42啖啖優香，呷一口清甜味道已為味蕾添上甜蜜感覺。☕️Piccolo 短笛咖啡 $35口感軟綿香濃順滑，拉花技術也顯功架。👍我的黑咖啡🍴菠菜蝦肉卷 $98菠菜及蝦肉做餡，厚厚的車打芝士汁，兩者都非常夾，滿嘴都洋溢著芝香。冰火蘋果批 $72賣相驚喜度已滿分，新鮮即切蘋果片撒上肉桂糖烤香，再襯上玫瑰棉花糖，無限喜悅隨即展現在嘴角上。棉花糖下層藏有粒珠，這是一顆又大又滑又甜的雲尼拿雪榚球，very amazing 😉 這家小店實在是真心推介👍

講啲插曲先，去鋪頭門口等朋友期間，見到一位年輕媽媽帶埋小朋友同另一pair媽媽小朋友講話:「間嘢真係好好食架冇呃你」，聽到嗰吓即刻覺得更加期待，結果冇失望！！我本身想試菠菜蝦肉卷可惜賣哂，於是揀咗黑松露帶子意粉($98)，或者你地已經會大概想象到啲味道，我都自己都係咁諗，但想話出到黎都少少surprise到我，好香，帶子亦唔少，而且呢個分量出面cafe食可能要~$120啦😆再到甜品，講講侍應先，我完全冇諗過waitress會同我介紹各樣甜品(呢個價位嘅餐廳冇呢個expectation)，亦冇話特別hardsell最貴嗰款，甚至同我地講話如果唔係朱古力迷，最好試其他款😂😂同場加映插曲: 聽到佢同隔離枱嗰客分析，你啱先食咁飽應該配xx ; 你應該未試過我地yy甜品，雖然聽口吻嗰位客人唔係第一次黎食，但今時今日邊啲餐廳仲記得客人未試過乜鍾意食乜咁~ 加分!!Anyway最後揀咗乳酪薏米杯＋hit me朱古力。乳酪嗰個好rich好飽😂因為啲乾果薏米冇偷工減料，俾得好足🤤朱古力嗰款係我朋友揀嘅，因為我聽到侍應話有白朱古力流心嗰陣嚇窒咗，本人好唔喜歡白朱古力，結果款甜品黎到，朋友堅持要我試吓，一試