寶寶雞煲

Open Now

Now Closed

坐直通巴士回來，到終點站都已經是晚飯時間，找了附近這間食鷄煲。環境簡單樸實，無豪華裝修，通常這格局多數是以質取勝，希望不會失望🙏🙏天氣炎熱，揀了這個清淡去火的椰子雞煲 老板好好招呼， 介紹如何烹調 ，湯底用泰國新鮮椰青水、椰青肉、 海南青檸汁、 沙薑 + 蒸餾水 ，所以味道清甜帶少許酸， 入口頓覺精神一振😃😃 湯大滾後落雞，再滾一下然後熄火焗20分鐘，鷄肉剛好熟而不硬，選用鬍鬚雞， 肉質更鮮爽，連皮都可以一齊食，完全唔肥膩，提供了特別醬汁，由秘製豉油+ 指天椒+ 沙薑粉組合，配雞肉簡直是一流鮮蝦水餃 和雲吞全部是自家手工做，大大粒， 餡料漲爆 雲吞加了蔬菜，更有咬口，好好食老闆特別推介蝦丸和牛丸個人偏愛手打🦐 丸， 蝦肉多個粉， 彈牙爽口， 這個必吃桂花蚌蚌肉爽滑鮮甜，記得滾一滾就食得啦！封門柳差不多是牛最嫩部位，切得唔算太薄，大約灼15秒就食得， 嫩滑之餘牛味濃，無叫錯最後是雜菜盤，份量不少，食完非常飽，呢餐真是滿足，質素

天氣開始涼，立即跟朋友相約吃雞煲!朋友住在太子附近，近日他發現了一間「寶寶雞煲」，位置相當便利，在地鐵太子站D出口行一分鐘便到，非常方便，於是我們便決定相約去嘆一嘆!雖然說是雞煲店，但也有很多火鍋湯底選擇，我們心思思想試椰子雞煲，也想試蕃茄薯仔牛柳湯底，剛好老闆出現推介我們試試他們的招牌雞煲，還建議我們可以加一份沙爆魚肚在雞煲煮，我跟好友一聽，就覺得「正喎」! 想像到魚肚跟雞煲醬煮在一起，一定超級惹味! 所以我們最終點了雞煲BB辣! 雞煲來到已經流口水，非常香的芫茜，超吸引!雞煲炒魚肚是天作之合! 魚肚，必點!雞煲吃得多，但這次真的感到非常驚喜。雞煲本身的味道很惹味、很濃，不算太勁麻辣味，剛剛好! 魚肚吸盡雞煲精華，每一口都爆汁，食一碟完全不夠，跟朋友說好下次再去要叫雞煲+兩碟魚肚!老闆推介炸魚蛋，外脆內彈牙，好味，值得一試啊! 尤其沾他們的醬汁吃，更香口!點了半份吊龍 (牛肉)這個部位的牛好豐滿，肉質細緻嫩滑，牛味夠香濃，必點推介!另外點了一份生蠔，每隻都大大粒，脹卜卜，好新鮮!脆魚鯇大大件，夠晒鮮味!推介手打丸! 這是手打蝦丸及手打牛丸!手打牛丸咬落陣陣陳皮香味，好驚喜!手打蝦丸咬

上次返大陸食雞煲，真心無下次，排得耐，d雞又瘦！決定要留港消費!明智決定！13年既寶寶雞煲新址重開，要捧場！講講環境先，冷氣夠凍，而且唔會嘈到要大叫先傾到偈，可以悠閒地食！2人枱唔大張但有架3層車仔放食物，所以空間係夠用的。係等雞煲既過程食左炸魚蛋，大大粒，好彈牙我地揀左奇味雞煲加崩沙魚肚同豬腸，超級入味，微辣好惹味，係停唔到咁食，我同阿佬連青椒同菜都食埋。火鍋食材基本上全部都好新鮮！黑豚肉係薄切，而且肉味好濃郁，連白菜仔都要讚，我偷聽到隔離枱都盛讚白菜仔好甜！但唔該，粟米都好甜。魷魚切既大細可以食到彈牙厚肉，又唔會唔大件，唔係求其切完就上枱。力推手打蝦丸，成粒PingPong咁大咁彈，真材實料！飽肚系列其實係想叫晒，但奈何眼闊肚窄，最後叫左韓國薯仔麵。孤陋寡聞，望落似公仔麵，但食落又有薯仔麵，都埋口感都彈牙，已經準備好去超市入貨！阿佬知我唔食牛肉，永遠將牛肉放到最後，2個人相處就係咁，互相遷就配合！言歸正傳，牛肉應該係手切牛，阿佬話牛多汁有鮮味！牛丸食得出係手打，口感唔係死實實，即係彈牙！成餐飯隔離枱不停話好新鮮好好味，雖然煩，但確實係事實！意外收穫係試左艾丁格小麥啤酒，幾好飲！連2

一路都想試私房菜！經朋友介紹這間餐廳老闆非常熱情嘅招待。入到去鋪頭一原來有兩層但係都冇想過去座位都比較寬敞。首先叫咗雞煲同埋打邊爐嘅料雞煲今次叫錯咗應該叫干鍋果種，但係味道都正常佢有得揀新鮮雞係鬍鬚雞嗰隻，食落比普通嘅雞仲要好食嘅。比較少脂肪同埋肉質結實，雞煲辣度就啱啱好佢哋的蝦滑係自家製嘅比較新鮮而且用了都足料，食落去同外邊嘅都唔同十分推薦另一推薦嘅係鯇魚腩，我同女朋友都鍾意食呢個，鯇魚腩分量多而且每一件都比較厚，好有咬口同埋魚味！手切牛肉吊龍，佢呢度嘅牛肉同大陸嘅差唔多，新鮮牛肉非常有肉味！手切牛肉係火鍋嘅精髓！手打牛丸，手打牛丸仍然都係自家製，牛肉嘅比例比較多有牛肉味總括而言佢呢度嘅火鍋配料都是新鮮的大多數都係自家製！而且老闆都會解釋食材嘅來源同埋資訊。非常熱情

我在太子尋找美食的旅程中，偶然發現了一家名為「寶寶雞煲」的火鍋雞煲餐廳，這裡給我留下了深刻的印象。這家餐廳以其新鮮的食材和精緻的料理而聞名，給我帶來了一場美味的盛宴。首先，他們的M9和牛絕對是這裡的明星菜之一。這種高級和優質的牛肉切片，肉質鮮嫩多汁，入口即化，令人陶醉。搭配手切的肥牛，更增添了豐富的口感和風味。每一口都能品味到牛肉的鮮美，讓人回味無窮。而他們的招牌雞煲也是必試之選。這道火鍋以濃郁的雞湯為基礎，配以新鮮的雞肉和豐富的蔬菜，營造出一碗香氣撲鼻的美味湯底。雞肉鮮嫩，湯汁濃郁，讓人感到溫暖和滿足。此外，他們的蝦滑和沙薑雞腳也是令人驚艷的小吃。蝦滑彈牙可口，帶有海鮮的鮮甜味道，而沙薑雞腳則是可口，讓人垂涎欲滴。在配料方面，他們的百花釀油條絕對是必點之一。這些脆脆的油條外酥內軟，搭配著豐富的鮮美湯底，口感更加豐富。此外，他們還提供了大杯的鹹檸七、可樂等飲品，讓整個用餐體驗更加完整。在「寶寶雞煲」，我不僅享受到了美味的食物，還感受到了他們對食材和烹飪的用心。餐廳的服務也非常出色，服務員熱情友好，提供了快速而周到的服務。總的來說，「寶寶雞煲」給我留下了難以忘懷的美食體驗。他們的新鮮食材

🍴新鮮胡鬚雞奇味雞煲 198 蚊🐥個雞煲點左小辣 乾炒既雞煲 食完再落湯打邊當選人， 首先個煲乾炒 d汁好香濃 甜度適中 帶 d香辣惹味 雞肉新鮮胡鬚雞 雞肉好彈牙入味 皮夠香滑 用左芫茜青紅椒調味 加埋大腸同豬皮 豬皮頸爽口肥美入味 大腸中間既肥膏好正 食落好有口感🐷🍴椒鹽鮮魷鮮魷好香脆 用左新鮮魷魚 好彈牙入味 點 d酸醋汁就好好食🦑🍴椒鹽粟米 🌽粟米切成幼身 椒鹽整 粟米本身新鮮香甜 配埋椒鹽既香味 同甜味撈埋一齊 真係好有驚喜🍴薯粉 佢係好粗身既薯粉黎 好煙 un彈牙 出面好爽口🍴手切牛🐂牛肉花紋好靚 肉質 juicy彈牙 肉味濃 落到7成熟就夠好新鮮好味 🍴水餃 包得好靚 皮好爽 水餃入面好足料 大大隻蝦肉 豬肉 木耳絲 正#打邊爐 #雞煲 #火鍋 #大腸 #奇味雞 #手切牛 #水餃 #薯粉 #鮮魷 #粟米 Score 平均分< 8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~

打邊爐愛好者就係無論幾時，天氣幾多度都照打邊爐，以前已經識得寶寶雞煲呢間舖頭，喺旺角嗰邊，而家原來轉左喺太子，好耐冇食過發現多咗好多湯底選擇，呢排天氣乾，所以揀咗個椰子雞湯底潤一潤，差唔多有半隻雞份量雞件一齊上，滾咗一陣差不多熟曬就可以先飲一啖湯，算幾清甜，我哋另外叫左拎手切牛頸脊，響鈴，蔬菜拼盤，海鮮方便叫咗帶子同埋白鱔片，嘢食都好新鮮，切得有厚度，牛頸脊尤其好有牛味唔會靭，總括嚟講啲嘢食質素真係唔錯。特別推介大家叫個牛筋丸，因為佢個質地係非常爽口彈牙，入邊仲有啲汁爆出嚟，係我鍾意嘅口感。

朋友大佬帶我哋去太子食隱世雞煲，寶寶雞煲 位置砵蘭街，交通好方便。餐牌勁多不同湯底選擇！經理推介我哋試吓個正宗椰子雞煲，然後整碟靚牛，再叫啲小食、火鍋配料，鍾意飲啤酒嘅再嘆兩杯，咁就Perfect啦！正宗椰子雞煲椰子份量一啲都唔少，仲有成半隻雞，先飲碗靚湯，湯頭真係唔錯，味道鮮甜，材料豐富，大大件新鮮雞，湯底夠濃郁。連點雞嘅醬汁都特別講究，秘製醬汁砂礓海南青檸，我哋試咗果然香氣四溢，雞肉滑嫩多汁，口感層次非常豐富。潮汕牛肉 （吊龍）牛肉選擇多，我地鍾意打邊爐，揀下食特別部位，吊龍 肉食紅潤，老闆每天街市採購新鮮食材。吊龍肉質鮮美，入口柔軟，肉汁濃郁，好好味之餘肉味亦都鮮美，咬落去有少少嚼勁。餐前小食椒鹽新鮮九肚魚食特別嘅必食推介！椒鹽新鮮九肚魚炸得好香脆，魚肉鮮嫩，有少少骨，配上椒鹽更加提升香味。惹味剛剛好，外酥脆內滑嫩，味道鮮美，果然冇介紹錯啊！炸釀百花油條鬆脆可口，味道恰到好處，啱啱炸起，熱辣辣香噴噴，蝦膠彈牙，非常好食。手打丸類手打三寶丸可以一次過試多幾款，手打蝦丸、牛丸、自製鯪魚球、自家製韭菜餃、菜肉雲吞，款款都好新鮮。丸丸非常彈牙，有鮮味。餃餃皮薄餡靚，粒粒飽滿，食落好滋味，

今日同朋友嚟咗旺角嘅砵蘭街食邊爐，餐牌有很多不同湯底！我哋揀咗個鴛鴦鍋，一邊係蕃茄薯仔牛柳邊湯底，另一邊係古法香辣雞煲，兩款湯底風味迥異，好正呀！餐前小食方面，有啲好特別嘅椒鹽鮮魷，炸得好香脆，魷魚肉質鮮嫩，配上椒鹽更加提味；仲有脆皮日本豆腐，豆腐煮得剛剛好，外皮酥脆，內裏滑嫩，味道鮮美；椒鹽粟米亦唔錯，粟米鬆脆爽口，椒鹽味道恰到好處。主菜方面，餐廳提供多款新鮮食材，澳洲M9安格斯和牛，肉質鮮美，入口即化，肉汁濃郁；封門柳亦都好好味，肉味鮮美，咬落去有啲嚼勁；手打蝦丸、鮮牛丸、自製鯪魚球、潮州魚蛋、自家製韭菜餃、菜肉雲吞等等，每款菜式都好新鮮、好滋味，令人回味無窮。另外，日本生蠔亦都好新鮮，鮮甜可口，是生蠔愛好者的不二之選。最令人期待嘅係限量豬腳後蹄筋，一隻豬豬有兩條，豬腳後蹄筋含有豐富嘅膠原蛋白，能夠促進皮膚健康同美容，仲有助強筋健骨。最後，我哋都試咗新鮮鵝腸同雞雜，味道鮮美，鵝腸香氣四溢，雞雜滑嫩多汁，口感豐富。總括而言，呢間砵蘭街嘅邊爐餐廳係物超所值。食物唔止新鮮好味，服務亦都很。如果你鍾意食邊爐，呢間餐廳一定係你嘅不二之選。

今日早收工 想打邊爐慢慢坐下傾下計經過見到呢間寶寶雞煲就走左入去見到佢個餐牌最吸引我嘅地方就係有得叫半碟/4粒 真係太好啦 2個人可以揀多幾種唔同嘅類別一坐底 店員就好貼心問我地要唔要叫杯飲品先 因為外邊實在太熱啦🥵一人一杯特大檸賓同大龍鳳檸樂 同個名一樣 大到係用Hoegaarden杯呀… 餐牌上有好多唔同種類既煲, 見舖頭名叫寶寶雞煲, 咁我就梗係揀雞煲試吓啦🐔寶寶奇味雞煲(干煲)🐔當我地叫既時候 店員👨🏻好好 問我地要唔要加啲配料落去 俾左幾個建議我哋 有豬皮,魚肚,豬腸 我地今次揀左魚肚, 雞煲好快就黎到 一打開 我就心心眼 係爆多既芫茜呀 同埋好香 佢辣道都有幾種可以選擇. 雞又有得揀新鮮定冰鮮雞 一定要試下新鮮雞 啲肉質好滑同好入味 重有啲崩沙魚肚 好厚身好有口感💯💯火鍋配料🐷招牌豬雜四式大拼盤🐷豬雜真係好少係打邊爐嘅地方見到有豬粉腸,豬肚,黃沙豬潤,豬白肺店家除左豬潤外 其他都以經炆過 所以淥一陣就已經可以食 同埋以經煮過 感覺上好乾淨店員重好詳細解釋豬潤要淥幾多分鐘先為之好味👍🏻推介呢個豬雜拼盤👍🏻🔪手切雪花肥牛🔪淨係牛款已經有好多唔同選擇電花肥牛係好均勻嘅雪花 而且厚

好耐冇食過港式火鍋，朋友介紹呢間位於旺角砵蘭街的火鍋店，食材款式多，湯底又正，聽到我口水都流晒，決定今晚試吓😄餐廳裝修企理，坐得舒服，店員有禮👍睇睇餐牌，真係唔簡單，淨係湯底都有十幾款，火鍋食材更加豐富，差不多想食嘅都有😅諗咗好耐，終於決定叫咗個鴛鴦鍋：一邊係蕃茄薯仔牛柳邊湯底，另一邊係古法香辣雞煲，(份量一啲都唔少好，有成半隻雞），飲咗幾啖湯，湯底真係唔錯😋餐前小食～椒鹽鮮魷，脆皮日本豆腐，椒鹽粟米，啱啱炸起，好乾身，非常好食☺️澳洲M9安格斯和牛～油脂分布平均，入口軟滑。封門柳～牛味濃郁，店員話加埋牛胸腹一齊食，口感超正。手打蝦丸、鮮牛丸、自製鯪魚球、潮州魚蛋～非常彈牙，有鮮味。鮮牛丸重好有D陳皮味，好食。自家製韭菜餃、菜肉雲吞～皮薄餡靚，非常飽滿。限量豬腳後蹄筋～店員特別推介，因為一隻豬豬有兩條，但要煲45分鐘，食落口，煙煙韌韌，充滿骨膠原。這裏還有新鮮鵝腸和雞雜，唔係咁多地方有得食，鵝腸好爽脆，雞肝好綿滑。(知道膽固醇高，最多做返多啲運動)😅加埋兩支大啤，真係飽到上心口😜總括嚟講：這間火鍋店食材新鮮，種類繁多，又夠刁鑽。對火鍋食材有要求的朋友，一定要你試吓🥳

話說今晚約左舊朋友食飯，好耐冇見，網上搵到一間評價不錯既*寶寶雞煲*，又可以坐耐D，我地決定試下店內環境清潔食物選擇多，我地鍾意打邊爐，揀下胡椒豬骨煲胡椒豬骨煲，材料豐富，豬骨大大件，湯底夠濃小食先到，精心皮蛋鮮香嫩滑不苦，炸魚角+墨魚餅熱辣辣，夠彈牙飲品大大杯，凍檸賓，夠晒解渴！肥牛叫左手切+M9，牛新鮮，肉味頗重，油花都不錯，水餃都鮮甜美味三寶丸是手打，爽滑彈牙，最好食係牛丸，牛味重，魚卜膠原豐富，鮮味無窮雜菇拼盆份量多而且新鮮，冬菇味濃多汁白鱔片新鮮，口感爽彈，桶蠔大大粒，肉質結實清爽，夠鮮甜今次同朋友食左2個幾鐘，服務幾好，會主動換碟，又唔會趕人走，食物質素都不錯，係一個火鍋好選擇

呢隻我經過太子砵蘭街，見到有間寶寶雞煲新裝修，地方算干淨，就入去試吓。餐廳用紙張去選擇菜，我2個人order左8樣野。1.冰鎮惹味水魷魚🦑： 好新鮮，獨特調味，有少少辣，食完第一條就想食第二條2. 手打蝦丸： 用料足，大大粒蝦仁，$50半份有4粒，彈牙夠新鮮3. 韮菜餃： 韮菜餃水準之內，食落吾會太油，皮薄吾會太易穿，煮熟左會收晒水，有少量汁剛剛好。 4. 豬展筋： 正，但有啲肥，減肥人士食一兩條好了，我當然會清晒成碟啦。5. 脆鯇片：厚切鯇魚片，雖然吾係貴食材，但係有啲食肆吾太注重，以為客人食吾出，隨便選材，寶寶鯇魚片好新鮮，睇相都感受到。6. 鵝腸拼雞腸： 一餸兩味，可以試2種味道，好值得一讚個雞腸，啲雞脂肪好肥美，遇熱水即收縮，煮分零鐘食用，真係好好味。7. 炸魚皮：炸魚皮好脆8. 手切新鮮牛肉（風門柳）：入去呢間餐廳可以話必叫，風門柳可以話牛肉最好食部分，好有牛肉味又夠新鮮，半份都夠2個人食。9. 大龍鳳可樂（珍寶裝）

整體服務冇咩大問題叫左個雞煲 半隻雞 加啲豬皮 雞煲都還可以然後自然就打邊爐叫左肥牛，豬紅等等食到豬紅 發現好強烈既水味 佢個湯底系吾last 到成程雞煲加打邊爐 系得個食材味 真系冇味我食雞煲真系未試過去點調味料呢次都真系失望 吾食放題都系想食啲好食既雞煲 已經都吾系我以前食到戈種嘩 真系好正可以系咁食既感覺

寶寶雞煲吸引我嘅地方係因為佢哋雞煲係湯煲唔係乾煲😍，麻辣雞煲夠麻夠辣，而且佢哋都知我重口味會幫我加料，有次食食下勁得滯要即刻去廁所。🤣🤣🤣🤣🤣坐低例牌青島啤啤先🍻🍻😜不過今日推介呢個係胡椒豬肚雞煲。雞肉有爆香過食落口特別香口，豬肚洗得乾淨煮得夠淋，濃濃雞湯，打邊爐前一定要飲返幾碗湯先。😋😋😋😋😋其他推介嘅都有佢哋嘅手包水餃雲吞等等大大粒皮薄足料😋😋😋😋😋另外仲有邪惡肥雞腸夠曬香，烚完雞腸個湯底仲更加濃雞味正。 😋😋😋😋😋高膽固醇都要耐唔會試一試。😝😝😝其他火鍋配料海鮮新鮮，手切本地牛肉嫩滑，種類繁多，分量有大有細方便客人選擇👍🏻，夜晚九點半後仲有九折優惠👏🏻，真係晚飯宵夜嘅好地方。😊🍻