寶寶雞煲 (Moved) New Location

今日係太子附近覓食，出左太子站近砵蘭街好多野食，今日隨便撞入左間雞煲食，因為個名好正，叫寶寶雞煲。門口寫住全日無加一火鍋雞煲，超抵，9點後食仲全單9折，真係好抵食。話明雞煲，當然主打食雞煲。佢餐牌上面有好多款，香辣雞煲、麻辣雞煲、香辣豬仔肚雞煲、椰子雞煲等等。我就叫左個醉雞煲。估都估唔到，佢個醉雞走地雞煲係落重藥材，一上黎已經飄住藥材香。走地雞要另外加錢，食開雞都知走地雞先係真正真材實料既雞。雞皮爽脆，雞肉結實，口感同味道都比一般急凍雞好味好多。而且同左落材一齊煲，個湯一上黎仲可以飲半碗先，正！另外叫左配料，包括鴨血、炸響鈴、午餐肉、同埋本地新鮮手切牛肉。手切牛肉呢個真係值得講一講，佢菜單寫住必點，試左之後果然真係特別唔錯！牛肉味好香濃，因為係牛肉所以好少肥肉都無，嫩滑香口，而且份量絕對唔少，半份$108都相當大碟，兩個人食剛剛好。另外鴨血好滑同新鮮，響鈴好大條，而且脆卜卜。打邊爐就唔少得叫野飲，咸檸七唔係到到有得飲，所以叫左杯特大，$28特大杯，十分抵，而且咸檸味好正！呢個值得推介。另外仲叫左一渣洛神花茶，都係$28，真係好抵飲。食物質素好唔錯，野食份量配得上價錢，而且不收加一，真係

放工約了老公拍拖撐枱腳，老公說天氣開始涼，想去打邊爐，但又很久無食過雞煲。 在太子的寶寶雞煲，每次行過都坐滿人，除左可以食雞煲外，還可以打邊爐，所以就去一試。寶寶雞煲除了有雞煲外，還有海鮮火鍋，可選擇日式鰹魚湯底或粥底，打完邊爐還可以食海鮮粥，諗都覺得好吸引啊~~~但店名是寶寶雞煲，那今次當然先試招牌雞煲啦，海鮮火鍋留待下一次。雞煲都有幾款：招牌、古方麻辣、香辣等等，人少少可以選半隻雞，亦可自由選擇冰鮮雞或走地新鮮雞，客人各有喜好，可以自由選擇配搭。今天二人世界，人少少，選了寶寶奇味雞煲。店員介紹走地雞肉比較結實 (可能因為成日周圍走~~~)，肉亦較少。所以我們選了半隻冰鮮雞，辣度方面，都可以選微辣、中辣或大辣。因為我不太食到辣，當然要微辣啦~~~~點完菜，店員會放下辣椒+蒜蓉醬油 $6，這個醬的辣椒及蒜蓉比例剛好，不會過辣，打邉爐時沾上少許，可帶出食物的鮮味。寶寶奇味雞煲 / 半隻 / 超微辣 $138寶寶奇味雞煲是較乾身的，沒有太多汁。上枱時，雞煲熱辣辣，上面舖滿芫茜、芹菜、洋蔥、京蔥、青椒、紅椒等配菜，雞本身已經熟，不過在客人臨食前，店員會在客人面前再配合這些配菜一齊炒，即時香味

天氣漸漸轉涼，又是雞煲的季節喇！(雖然我一年四季都在吃雞煲) 今天第二次來到寶寶雞煲，這是我近來吃過最美味的雞煲之一。原來只有寶寶奇味雞煲是乾煲，其他都是有湯底的煲。雞煲我還是喜歡乾煲，所以這次仍是點了奇味雞煲的，醬汁依然十分香濃惹味，連芫茜、洋蔥、蔥等配料都煮得十分入味。我們上次選了半隻新鮮雞不夠吃，所以今次選了全隻冰鮮雞，果然大隻一點，不過肉就不夠新鮮雞嫩滑了。手切新鮮牛肉再度Encore，肉質柔軟又有彈性，牛味濃郁，口感帶一點爽和嚼勁。炸魚皮上菜時仍是熱的，卜卜脆！由於是新鮮炸起的，浸了湯後，仍然保持到香脆可口，必食！這響鈴有很多layers，所以口感十分鬆化，沾了湯汁吃，一流！莞茜是老公要求點的，因為別的餐館很少可以吃到整棵莞茜，還要這麼新鮮的。緊記莞茜不要浸太久，否則會變得太淋，失去了爽口的口感。

今晚同好姊妹食飯, 兩個女仔盡訴心中情👭🏻, 所以就去左食我地平時最中意食嘅雞煲啦🐔🥘🤣 上網見E間雞煲未食過, 就去試下先😊 我地叫左半隻走地雞, 一個小食同一d超索湯系列嘅火鍋配料😋😍🤗食d咁熱氣嘅野, 緊係要整番罐加多寶先😂古法麻辣雞煲(小辣)🐔🥘, 味道唔咸, 小辣亦唔算辣🌶, 唔會話超級濃味果種, 個人覺得個味道岩岩好, 雞肉幾滑幾入味😊椒鹽九肚魚🐟, 九肚魚幾大條, 炸得好香口, 食落口係超級熱出哂煙, 味道唔錯!食完半隻雞, 點可以就咁輕易放過個湯底呢😏, 超索湯系列隆重登場👏🏻👏🏻📢📢😋🤣😝😝 有請咁多位佳麗出場!🤣👏🏻👏🏻炸響鈴就咁浸半秒已經好正, 加埋d湯汁真係不得了😋火腿午餐肉🐖海帶美國特級肥肉🐂, 牛味幾濃, 雪花唔係十分勁所以唔會太肥而且唔會有種好快膩嘅感覺😊雜菇🍄爽滑重慶粉, 的確幾滑而且索哂d湯汁, 不過個粉比較幼身, 無薯粉咁有口感🤔

👭寶寶雞煲(旺角)👭1⃣招牌香辣雞煲(半隻) $115呢到既雞煲可以揀冰鮮雞同走地雞，但其實冰鮮雞同新鮮雞既營養價值差不多，38就揀左價錢比較平既冰鮮雞。另外呢到雞煲都有好幾款，38揀左比較少見既濕雞煲，即係直接有湯係煲入面，而唔係乾身既雞件。好處係唔洗一次過食哂啲雞先食配料，而係可以一啖雞一啖配料😆相隔住食無咁易漏。辣度方面揀左小辣，老實講38係覺得唔辣既🤣但湯底本身都幾夠味，比起乾身款既清啲。雞件砍得比較細件，口感嫩滑，脂肪唔算多，但無左38最愛既雞腳🥺如果有埋就好啦..2⃣炸響鈴 $18餐廳即叫即炸響鈴，而且呢到既似係自家製，同出面響鈴既外表好唔同😛口感亦非常酥脆👍🏿3⃣嫩鴨血(半份) $28呢到既鴨血唔會一夾就爛，但口感好嫩滑，配上醬料食好滋味😋而且好like餐廳有半份既size，岩哂少人聚會。4⃣手打陳皮牛滑 $48一食落口覺得簡直係彈牙版既牛肉球，有微微陳皮同芫荽味，牛肉球愛好者必叫🤣不過38覺得用嚟落牛肉支木棒唔多好用，都係平時用開既陶瓷/膠棒更好用，無咁痴住。5⃣百花釀油條 $48呢個名好靚既菜式其實係將 預先醃好咗嘅蝦滑釀喺一開二既油炸鬼裏

今次走到去太子區搵食一於走去食雞煲！ 全日無加一，９點後有折！招牌雞煲，食過回味! 奇味雞煲先食雞,乾炒,沒有太多醬汁,無咁油膩！仲食到雞肉既原汁原味同脆爽肉質有洋蔥，蒜，蔥，紅綠椒片等食材爆得香，雞肉乾身帶點脆感！可自由選擇辣度，我們選了超微辣係ＢＢ班都岩食既滋味辣度～ 可選新鮮走地雞或冰鮮雞肉質脂肪少，肉味濃，健康好吃！ 再來一杯特製既自家煮洛神花茶微酸清熱，如果甜少少就更加好喝! 當食完雞件後,就可以加雞湯換打邊爐食法了! 兩個人吃,點了一客美國肥牛肉多而油少,牛肉味濃,大火燙15秒就食得了 手工餃子包得夠大隻,中細火煮,吸滿雞煲汁就已經好吃 私心最愛手工雲吞包了原隻蝦肉,仲有肉餡好飽滿,皮又夠薄身,比餃子好食！ 食完肉，叫返份時蔬＄３０食下先！ 煮到最後，湯汁係濃郁，用來煮菜最夠味!埋單大約$444有醬料費要收,不收加一！太子基隆街11號地下G/F, 11 Ki Lung Street, Prince Edward港鐵太子站 C2 出口, 步行約2分鐘

雞煲出名，咁嚟到梗係要試下。奇味但味道一啲都唔‘奇怪’。揀咗新鮮走地雞，肉質好實，啖啖肉，係咪走地雞走得多，肉都會實啲。雞煲上枱嘅時候都差不多熟哂，店員兜兩兜，即刻香氣撲鼻，就連啲配料都好入味。雞煲過後，店員加入上湯，即到打邊爐時間。主攻丸，叫咗四款： 手打蝦丸、自製墨魚丸、台灣貢丸、薑味豬筋丸。貢丸好爽，而薑味豬筋丸重薑味，之後係食到似豬潤嘅味道。日本黑豚肉，好好味，好爽，唔會話好肥或者好韌，打邊爐一流。其他配料都唔錯 (冬瓜片、冰豆腐、黃芽白、鳳城水餃)。佢大部份嘅食物都而有一份或半份俾你選擇，咁就可以試多啲。朋友另外點咗‘巨無霸裝鹹檸七’，真係好大杯，凍飲配火鍋，正。

相約男朋友到太子打邊爐，好抵食的全日無加一火鍋雞煲，9點後食，還有全單9折優惠這間當然出名雞煲，如：招牌香辣雞煲、古法麻辣雞煲、香辣豬仔肚雞煲、椰子走地雞煲等等，好多款不同口味不同配搭，也可選擇性海鮮粥底鍋或日式鰹魚昆布湯等，打邊爐又有得食埋粥。餐廳環境不錯，整齊又有上下層，位置都幾多；服務好友善又有效率，快捷又熱心先點了餐前小食脆皮日本豆腐粒一口一個有少少椒鹽在上面，即點即炸，好香口但要小心不要燙到，外皮炸得香脆又薄身、內面豆腐好嫩滑美味！推介點了寶寶奇味雞煲香噴噴熱辣辣上枱，服務員哥哥幫我們炒勻，香味立即出來了！乾身醬汁滿滿本地雞好香、惹味又好有口感，配料香菜甚多，有：芫茜、芹菜、蔥段、紫洋蔥、青椒等等，好香口又美味！食完雞煲就可加湯變火鍋，我們點了不同打邊爐的材料。手打蝦丸蝦好爽又大粒，真的是名付其實的手打，好多蝦肉；鮮蝦雲吞內餡包了爽口蝦肉及豬肉、雲吞皮薄又軟滑；牛筋丸好濃烈的牛味，好正好濃郁，不會硬身，男友讚；流心芝士丸中間是香滑濃郁流心的芝士溶，外面的口感彈口又有口感；手切新鮮本地牛厚厚的牛味濃郁又唔肥好正，手切得好靚又擺得好整齊，好軟好正，必點推介，我們2人點了一碟份量！

小編係一個雞煲控，友人話帶小編去一試個好正既雞煲，果然冇失望呀店舖唔大，但坐得都算舒服，而且裝修得幾有特式店名叫得做「雞煲」，當然要試下佢既雞煲，就叫左個寶寶奇味雞煲呢到既雞全隻嘅冰鮮雞或走地新鮮雞，價錢差唔多當然選新鮮雞而辣度有得揀超微辣、微辣、小辣、中辣、大辣，友人太食得辣就叫左個微辣上枱前已經整好，店員會揭起蓋炒一炒，D配料同香料味撲鼻，已經流哂口水雞件係預先炸過，食落香脆嫩滑，而且雞味幾好濃，不愧為新鮮雞辣甜咸適中 味道有層次滲哂落雞肉入面，十分惹味不過略嫌麻味不重，可能係叫微辣既關係仲有每個人都要加６蚊醬油錢，呢個秘製醬油—辣椒蒜蓉豉油，少少辣又好惹味，岩哂打邊爐用食完之後，店員就幫我哋加入濃郁既豬骨湯就打邊爐，加完都仲好夠味呢到既火鍋配料好多選擇，而且好好咁有得選半份，岩哂2-3人都可以試到多Ｄ款打邊爐又點少得炸響鈴一上到台叫到做熱辣辣，因為係即叫即炸，浸完幾秒都已經吸哂湯味，而且豆味都幾香濃脆鯇腩好新鮮同大大舊，食落好彈牙同爽口，仲有Ｄ係骨腩，真係大滿足手打陳皮鮮牛滑，食落唔係好嫩滑但又幾好食，好有陳皮味同牛肉味，愈食愈覺得似山竹牛肉球呢個魚皮餃食完都少少忘不了因為佢個皮

係呢個時勢嘅太子平日夜晚都爆曬證明寶寶雞煲寶刀未老呢個做緊嘅優惠真係超抵，可惜今日冇粥底火鍋，於是我哋叫咗皮蛋芫荽湯底打個邊爐超級足料勁多芫荽仲要有成隻皮蛋喺裏面，芫荽控必食！198冇+1就有海鮮拼盤食去邊度搵！有膏蟹花甲龍躉肉象拔蚌仔唔記得左叫咩名嘅貝殼類樣樣都勁鮮甜香煎墨魚餅都好好味細細舊做餐前小食岩哂炸魚皮真係勁大兜，食極都唔完好脆厚切午餐肉係打邊爐必點！清遠雞件就算碌耐左都唔會老，好神奇，非常有雞味魚腐超級大舊個味道都好特別娃娃菜新鮮好甜洛神花茶清熱解膩好好味，下次要再試下佢個雞煲， 隔離食超級香

餐廳安排左我地坐樓上，靜靜地，雖然樓底矮，但冷氣強勁，食雞煲一流!仲可以有電視睇。食物選擇多，侍應落單認真，會confirm我地一次。5個人，半隻雞份量偏少，叫左超級微辣，但我唔食得辣，所以對我黎講都係偏辣，但超級好味。由於我唔食牛，所以叫左豚肉，擺碟好靚，但肥肉有d多。最近鐘意左食皇帝菜，打邊爐必叫，呢間餐廳仲可以雙併，咁就唔驚有人自私食。海蝦好鮮甜，食左幾隻，白鱔片不過不失，正常水準。值得讚賞既係雖然都有漏單，但態度好好，同埋即時follow up，咁樣個個都舒服。佢仲有教我地冰豆腐要早早放，可以吸味，會好食d。呢d有實力既餐廳，唔怪得成晚一路有客黎幫襯啦！

約了朋友食生日飯,選擇咗位於太子嘅寶寶雞煲.因為我哋兩個人所以叫咗半隻雞,味道係揀咗奇味雞煲,好味今次係我第一次試奇味，比起平時係出面食嘅麻辣雞煲，原來奇味都可以好好食㗎！牛魔王拼盤(M9和牛，鮮牛肉，肥牛粒)呢碟野唔使講都，見到都已經知道係好好食！爽脆白鱔片，呢個都係我嘅最愛，烚一陣就已經可以食，真係脆架，其實我本人本身都好鍾意食爽脆嘅嘢， 呢啲真係一級棒後尾仲再叫多咗一碟😂😂總括嚟講今次係好美味嘅一餐生日飯！

#寶寶雞煲係好傳統嘅木圓台，圍爐雞煲/火鍋。🤣呢道雞煲就出哂名好食。😼但今次我地揀左海鮮粥底火鍋，👻試下係咪都好似佢既雞煲咁有水準。$198包哂加一同醬油錢，💸好抵。但好可惜今日無粥底。💡我地揀左皮蛋莞西湯底。當海鮮火鍋咁食。皮蛋莞西湯好足料，👍🏼清清地又下火，又唔會遮蓋左海鮮嘅鮮味。海鮮出乎意料地新鮮。我地四位，👏🏻有8款海鮮。兩款大蜆同象拔蚌仔都無沙而且鮮甜。😸其中一款大蜆同象拔蚌仔仲好彈牙。仲有2隻滿滿深橙色蟹膏既奄仔蟹。睇到都流哂口水。🤤蟹膏更身甘香，蟹肉鮮味。鮑魚同魷魚都好彈牙🦷。海蝦超級大隻，每人兩隻。肉好實淨，蝦🦐味好重，蝦頭仲有好多蝦膏。蠔仔唔大隻但蠔味都幾重，👀味道有啲似食金蠔。仲有龍躉片，厚身。膠質重，😝最重要係冇腥味！我哋對於😇海鮮都係超級滿意。配料方面👇🏻。香煎墨魚餅，其實係炸墨魚餅，😋一上枱勁香，超彈牙，✨而且熱辣辣。好食呀！我地秒速解決左佢。肉類都好新鮮。佢既雞件果然用黎打邊爐都一樣好食，🐥皮薄脂肪少，雞味香，幾嫩滑。🐮牛肉就唔使講手切牛就係好食。手打肉丸都大大粒。😉有彈性。但牛丸加咗陳皮，唔鍾意食陳皮嘅人可能會覺得怪怪地，😝但我覺得呢個配搭都幾特別，可以試

今日去寶寶雞煲最出名當然係雞煲 但見佢竟然出左粥底火鍋所以決定要去試#海鮮粥底火鍋 (每位 $198)(美味指數: 😋😋😋😋😋)本來想點個粥底火鍋但今日無左粥底 最後轉左皮蛋芫荽湯底 海鮮全部都好大隻好新鮮 全部都好鮮甜 有蜆 象拔蚌 海蟹 魚 蝦 鮑魚 生蠔 同魷魚 海蟹好多膏 蜆無沙鮮甜 象拔蚌魷魚鮑魚蝦爽口彈牙 生蠔夠肥美除左海鮮之外 4-8位仲可以加配9款火鍋配料#香煎墨魚餅煎到兩面金黃色好香口 脹卜卜熱辣辣 香脆炸皮包住彈牙墨魚滑 配埋個泰式辣醬好惹味#手打牛丸不得不提既係黎個手打牛丸 真材實料之餘 仲食到陳皮既甘香味 仲好彈牙#美國鮮牛肉牛肉好高質 好有牛味 肥瘦均勻最後飲返個海鮮精華皮蛋芫荽湯 好濃郁 大滿足#巨無霸裝鹹檸七 $28(美味指數: 😋😋😋😋😋)大大杯 仲俾足一整個鹹檸檬 好足味(5分為最高)整體食物質素: 性價比:推薦指數:

今日同朋友去太子買花，行到攰，決定係太子食埋嘢先走。朋友話有間雞煲好出名，叫寶寶雞煲。間舖有兩層，我哋坐樓下，雖然店舖唔大，但坐得都算舒服～店員服務唔錯，一坐低就介紹佢地個招牌雞煲比我們。寶寶奇味雞煲($178半隻走地雞)雞煲可以揀半隻／全隻嘅冰鮮雞／走地新鮮雞，有得揀超微辣、微辣、小辣、中辣、大辣。我們2個人就叫左半隻走地雞小辣，之後就俾咗個秘製醬汁俾我哋。雞煲上枱前已經整好，之後再炒幾下，等芫茜、京蔥，洋蔥完全入曬味。個店員炒嗰時，聞到個香味已經流哂口水🤤🤤可能我們揀左走地雞，所以佢好彈牙，好有口感，而且肉質依然嫩滑🐔本身走地雞佢行得多，少d肉，所以雞煲愛好者絕對要叫全隻！秘製醬料（$6）不得不提佢個秘製醬油，辣椒蒜蓉豉油，佢個分量調配得好好，幾惹味！食完雞煲之後，店員就幫我哋加入清湯，開始打邊爐喇！🍲✔️炸響鈴（$18/半碟）炸響鈴好大條,同真心即炸，唔係係個盒拎出來嗰d! 浸得幾秒完全吸曬d雞味，好好食！✔️手切雪花肥牛（$108）雪花肥牛牛肉味濃，肉質鮮嫩，淥10秒就食得👌必點✔️手打三寶丸($48)每款2粒，有牛丸，墨魚丸，錂魚球，佢真係手打，因為好彈牙，最重要佢咬入去係勁鬆軟，