Poseidon Restaurant & Bar (Closed)

諗住同女朋友預祝定生日先，當然正日又再食多餐啦因為呢個星期係女朋友生日week！就同女朋友去食下野先！入到去見到環境幾好，黑黑地有幾浪漫。入面空間都好大 每一個客人都可以坐梳化咁滯。見到餐牌嘅選擇都有好多，女朋友點左以下呢啲。原隻麵包蟹海膽意大利飯$198係原隻麵包蟹入邊有意大利飯，每粒飯都癡滿芝士，最緊要係返上面鋪滿勁多海膽。海膽擺入口感覺好鮮甜非常之滿足，疑犯一邊亦都有好多蟹肉非常足料！水牛城雞翼$88諗住呢個價錢都唔係好多隻點知嚟到見到擺盆勁靚，好有驚喜。雖然雞翼唔係話特別辣但係啲汁勁豐富！pina colada $88係一款甜雞尾酒，由蘭姆酒、椰漿和鳳梨汁混合mix再以裝飾鳳梨角，甜甜地咁幾岩好仔飲。朱古力蛋糕 推介甜品 $78因為今日女朋友生日所以即刻叫佢寫Happy birthday，侍應都非常之配合好好人。朱古力蛋糕嘅mousse 非常厚實！每一啖都好滿足，份量雖然唔係好大但係兩個人食已經非常之飽。整體都好滿意下次想食下其他野食。

今日難得收早同埋疫情終於緩和返，就出去尖沙咀搵好嘢食由於屋企成日叫外賣所以今次想食啲特別野，知道尖沙咀有一間食海鮮非常出名就去試吓地理位置10分方便地鐵站一出行7分鐘就到，首先我哋嗌左海鮮拼盤，漢堡包配薯條，仲有我至愛嘅雞翼，先講個海鮮拼盤非常足料一般嘅海鮮都有而且佢嘅烹調方法比較新奇係用咗自家醬汁去配合成件事係升華咗，而且拼盤仲有我最愛嘅蒜蓉包一共有4塊作為前菜非常香口，而單骨雞翼揸得非常香口好食過快餐店嗰啲，依個漢堡包簡直無得輸芝士加生菜再加麻煩漢堡扒好Juice而且漢堡扒煎得啱啱好唔會太過乾身，隻薯條係我鍾意食嗰種，而且服務都好細心會預備手套同埋一個筒俾你裝骨，希望疫情快啲過可以多啲人一齊去食。

揀左呢間樓上鋪酒吧又可以飲嘢又可以食水煙，所以就同老公去ＣＨＩＬＬ下!上到去見到人個環境幾靚，座位又好寬,好舒服的位置MENU有好多選擇, 見到有好多人食, 所以都食左以下既。鱘魚黑魚子煙三文魚他他 $128個賣相超吸引!! 一層一層加上上面的金泊!已經WIN晒!下面醬汁加上最低層的紅菜頭粒上面一層係鱘魚粒,再加上煙三文魚粒和魚籽，一口切食晒所有料，再放入口，凍凍地感覺好正！好唔捨得食晒。酥皮焗蟹肉盒$128酥皮盒好精緻!見到好靚,好考手工! 酥皮勁脆, 真係好似食左陣風咁，而入面全部都係蟹肉，好足料！不過記得係前菜好開胃。食野真係好CHILL 環境好正,見到好多人食龍蝦,下次好想再食!!

呢間西餐廳，係置於鬧市之中嘅樓上舖，旺中帶點悠閑，氣氛不錯🥂我和男朋友閒日晚上8點book咗位，都算多人，所以記得book位！Starter : 黑魚子煙三文魚他他😋極力推介！作為前菜非常開胃，一粒粒爆汁黑魚子配上煙三文魚，最底層係已調味的紅菜頭，可口又清新🥰Snack: 脆炸甘蔗蝦🍤剛剛炸好的炸蝦球配上泰式辣醬，香脆又惹味，而且拎住碌蔗食好過癮🤩Main dish: 手打美國安格斯牛肉漢堡，啱晒胃口大的男朋友，份量夠晒大份，而且漢堡扒調味不錯，男友大讚，佢話食完已經好飽🤣🤣Main dish: 原隻麵包蟹海膽意大利飯🦀海膽mix蟹簡直就係一流嘅配撘，口感好creamy ，味道又鮮，我同男友每人大口大口幾啖，勁快就清晒😋Dessert: 檸檬雪芭，清新解膩，為晚餐畫上完美句號🤠

今次去咗尖沙咀一間樓上西餐廳 環境都算大 播輕柔音樂 講細聲啲都會聽到咁🤣幾有氣氛 靜靜地啱晒同朋友傾計野食方面都幾多選擇嘅 我地叫咗香烤半隻波士頓龍蝦海膽海鮮汁意大利粉 龍蝦一半都幾大隻㗎 啖啖肉 如想食埋蟹鉗 要主動問店員拎鋏先會比你 無跟既 鉗本身無扑碎 海膽作為小小既點綴 海鮮汁鮮甜 配意粉好match亦都試左炭燒美國頂級安格斯斧頭扒 呢個就啱四人份量 4人食啱啱好 我哋叫咗medium 肉質ok 肥瘦適中 嘅配菜都幾好食有薯容同埋少少烤蔬菜 可解油膩感叫埋德國豬手配酸椰菜 大大隻 皮脆肉厚 配蜜糖芥末醬 有少少酸菜配 水牛雞翼熱辣辣 開胃再一人一杯野飲 埋單1600幾 4人食得好飽

Poseidon位於亞士厘道其中一棟大廈，唔算起眼，但啲嘢食好食，尤其是海鮮，好值得試吓👍環境昏暗，令人食慾大增😛除咗室內位置，仲有好寬敞、望落幾舒服嘅室外位置，仲可以shisha添！呢晚叫咗個龍蝦海鮮拼盤同個德國鹹豬手，兩樣都好正，好滿足😋本來仲想叫生蠔嘅，不過當晚冇供應。不過都好彩食唔到，因為叫嘅嘢已經好多😂烤龍蝦海鮮拼盤 $438呢個拼盤係二至四人份，包含好多款海鮮同配菜，所以食到好滿足🥰龍蝦有成半隻，下手臂咁長🦞另外仲有蝦、蜆、青口、帶子，全部都相當新鮮，而且彈牙、冇沙。配上辣辣地嘅卡真醬，好惹味！德國豬手配酸菜 $238因為個拼盤已經好大份，所以上呢個豬手嘅時候都嚇親我哋，因為同樣大份🤣 雖然最後食唔曬，但都有打包返屋企繼續享受😋皮脆肉嫩，中間嘅骨好大舊，好啱鍾意食骨嘅朋友🍖🦴伴碟有同豬手最夾嘅酸菜，另外仲有creamy當中帶薯仔粒嘅薯蓉。總括嚟講，呢度海鮮好好食，個德國豬手都值得一試！我哋今次叫嘅份量應該有四人份，所以都幾抵食！另外佢哋都有好多優惠畀喺openrice上面訂座嘅人，所以抵上加抵，真係抵試👍

📍 Poseidon Restaurant & Bar📍 尖沙咀 • 亞士厘道24-38號天星大廈4樓《Poseidon Restaurant & Bar》好像是去年新開張的餐廳，那時候看見OpenRice上有優惠，就跟朋友來了。試過一次以後，發現好吃又蠻划算，所以再度來訪❣️餐廳環境昏暗，室內大部分是卡座，蠻舒服；也有更休閒的室外空間，可以跟三五知己更chill的聊聊天，也可以在這裡享受shisha～食物質素高，部分店員服務很好💕 而且OpenRice優惠不少，推薦😘烤龍蝦海鮮拼盤 ($438)Poseidon lobster grill強力推薦‼️第二次來還是要點這個，因為太好吃了🤩這個是「兩至四位用」，多人分享也很不錯😛含：新鮮龍蝦半隻、虎蝦、魷魚、三文魚、扇貝、青口、蜆，每一款都感覺很新鮮🦞🦐🦑🐟另外還配有玉米、香腸、多士、西蘭花、椰菜花，配上香辣的Cajun sauce (卡真醬)，非常惹味，一定要把多士沾醬汁吃！！🤩•德國豬手配酸椰菜 ($238)Crispy pork knuckle主菜沒有感覺要吃意粉或飯，於是點了這個｛德國鹹豬手｝🍖 份量很大，不僅骨頭很大，肉也很多，足夠

今晚要同閨蜜食餐好嘅！朋友推介呢間餐廳俾我，真係無介紹錯😍🥰♥️餐廳大部分都係sofa座位，坐得夠哂舒服，而且燈光暗暗地，好適合同朋友黎chill下傾下計🍷🍷<Salmon Tartare and Calviar>賣相不得了，打卡一流🥰重點係，超多Calviar!!!!配三文魚同紅菜頭好match，紅菜頭令到整體味道level up，亦唔會好”漏”👍🏻👍🏻<焗生蠔>我地揀咗菠菜芝士、煙肉芝士焗生蠔s，隻隻都好肥美，啖啖都係芝士好evil 呀😳<酥炸麒麟魚配叼香草忌廉牛油汁>推介！麒麟魚啖啖肉，一啲骨都冇，啱晒最怕有魚骨嘅我。個汁好香牛油味，超正！個皮係重點！脆卜卜到好似食緊薯片咁！House Wine質素唔錯

隱世小店 樓上酒吧餐廳Poseidon💒特別鍾意佢哋嘅酥皮焗蟹肉盒～外皮好脆而且唔會太細 好似薄薄一張紙咁 好特別， 入面充滿住好多嘅係🦀肉小食叫左芝士肉醬牛油果薯條入面有好多牛油果😋 食落去好邪惡之餘但係又有啲健康冇咁有罪惡感主菜係傳統意式之士扁意粉配海膽， 喜歡海膽嘅人就唔好再過啦 🤫食完仲想坐一陣？ 冇問題！可以叫佢哋嘅水煙，好chill 牙🥰

Poseidon係一間樓上酒吧餐廳，我覺得佢最大賣點係私密度高，因為高身卡位如果唔係企高，係完全睇唔倒隔離枱，就好似一個私人包廂咁，加上環境暗暗地，都幾有情調。不過通常哩啲餐廳都會貴夾唔飽，但Poseidon嘅碟頭又出奇地大份， 所以都幾啱情侶黎。Poseidon嘅menu都幾多野揀，前菜小食漢堡飯麵主菜甜品樣樣都有。可樂($28) - 天氣開始熱，坐低叫左杯可樂先，夠冰凍即刻cool down晒。芝士肉醬旋牛油果旋風薯條($88) - 薯條好大份，上面有大大pat肉醬同牛油果蓉，旋風薯條連住少少薯皮，香脆得來仲好有咬口，真係食到停唔倒口。德國豬手配酸椰菜($238) - 德國豬手好大份，絕對夠兩個人食。旁邊除左酸椰菜仲有薯蓉。豬手唔會太鹹，豬手皮仲脆脆地但又唔會太硬，味道都唔錯。總結，野食唔錯，份量偏大份，最鍾意佢個高身卡位，除左之前提到私隱度高之外，喺而家疫情期間，感覺亦比較安心。

位於亞士厘道小巷樓上📍超級隱蔽食物擺盤係有心機環境裝潢走型格既路線有好多梳化位🛋位置幾闊落坐得舒服餐牌主要都係海鮮為主有心思思想叫大大份Seafood Platter呢度餐牌好適合四至六個人過嚟食飯有唔少拼盤選擇而兩個人黎食都有好多熱門推介 😋/ 原隻麵包蟹海膽意大利飯 ($198) /呢幢菜式賣相亦都非常精緻唔好以為放喺麵包蟹殼上面份量就會好少因為廚師將材料堆到好滿🤩絕對足夠兩個人一齊食意大利飯細細粒呈半熟感保持咬口綿密配搭芝士同香濃入味嘅醬汁焗香色香味俱全/ 鱘魚黑魚子煙三文魚他他($128) /顏色分明 - 白、紅、黃、黑、金色組成賣相非常吸引視覺效果💯冇諗過呢個價錢會有呢一個高質素Tartare他他記得要一次過食晒每一層去感受鱘魚黑魚子既香濃配埋油脂味重既煙三文魚🐠同時搭上清甜既紅菜頭同埋忌廉dressing呢個配搭每一啖都會令人好滿足好開胃．/ 美國醬燒豬肋骨配薯條 ($238 half) /用刀切開時唔需要用力已經感受到肉質既軟嫩酸酸甜甜帶微辣嘅BBQ sauce 同豬肋骨好夾食落唔難咬開反而有種入口即溶嘅感覺薯條🍟食得出幾新鮮外脆身內軟份量唔少仲配搭埋沙律菜平衡口感🥗/

因為星期六去食嗰餐真係好正，服務又好，環境又好，所以第2日又去，但星期日食物質素就失色，服務都好好，結論，都會再俾機會佢。All day breakfast, 所有食物都係熱騰騰，旦好滑，什菌蕃茄好香，薯餅剛剛炸起，滿分。每一片菜都剛剛沾滿沙律汁，不多不少，好認真處理，唔係求其淋啲汁上去，好有心。大大件肉眼，肉質味道半熟剛剛好任飲Chardonnay, 合格。新鮮，冇難度，配搭得好好味星期日呢件肉眼真係……

Celebrating my loved ones' birthday in this restaurant todayOnce I stepped out of the lift, I just saw many tiny yet mesmerising details in the interior design of the restaurantThe enclosing illusion design of the lift is very eye-catching and artisticLobsters everywhere! You don't need to read the menu to know their signature dishes--- Ordered an appetizer and 1 main dish for tonightFor the appetizer, we had  - Salmon Tartare and Caviar (Citrus beetroot, french dressing top with gold leaf)This

之前係ig度見過有人推薦呢間既Paella同埋海鮮拼盤，所以今日就帶左母親大人黎到呢間樓上bar & restaurant慶生餐廳設計新穎，好多地方都睇得出佢地既心機室內環境舒適，卡位闊落坐得幾舒服，一班人黎都冇問題---呢度食物選擇都幾多，主要都係食海鮮既---鱘魚黑魚子煙三文魚他他 （$128）一上菜就見到厚厚既黑魚子層好吸睛，三層食材厚度差唔多，母親大人一見到已經好滿意呢個combination都幾唔錯，上面個兩層都係鹹既食材，底層有d淡淡既蒜+酸香既鱘魚黎balance翻幾唔錯。碟面上既香係凱撒沙拉醬坐點綴呢道菜用黎打卡真係一流---烤龍蝦海鮮拼盤 （2-4人） （$438）呢個拼盤都幾大兜，入面有龍蝦、大蝦、青口、蜆、粟米、德國香腸、西蘭花、蒜蓉包 ......呢個係餐廳既signature， 前後幾檯都係叫呢個haha海鮮料就比想像中少左d，如果2個人食就可以試曬所有食材2個人食既話齋叫呢個加兩杯飲品同埋小食應該都好夠了扇貝大大粒咬落去彈牙juicy德國場辣辣地外層好脆可口，唔錯唔錯佢既三文魚好好食，好淰身，大推醬汁都有d辣，食唔到辣既朋友要留意下啦---White Fre

今日同幾個朋友趁着疫情緩和就即刻去間高質西餐試試。我地叫左個水牛城雞翼（spicy buffalo chicken wings) 好好味😋夠熱又夠辣夠野味同出面個啲唔同得個鹹字。之後我地叫左個30oz斧頭扒，一上枱我地已經聞到個香味。我地叫左5成熟，煮得岩岩好呀好夠肉汁，內面肉質好嫰滑又重牛味。跟住我地再點左德國鹹豬手好脆皮，一切開香噴噴 ，肉好滑一啲都唔老。跟菜既酸菜同薯蓉好夾個豬手，佢重配埋個汁 一啲都唔油膩。最後再叫埋個龍蝦海膽意粉好重海鮮味海膽都好新鮮。而餐真心好好味係好享受既一餐，難得而加可以4個朋友食飯 食餐高質既西餐真係好滿足💕💕☺️☺️