Poseidon Restaurant & Bar (Closed)

開放返堂食緊係要瘋狂出去食嘢😛今晚就搵左間尖沙咀上樓既西餐廳！🤪海鮮拼盤來之前睇OpenRice 已經對呢個拼盤好有興趣，果然好新鮮呀😭 每樣海鮮都好鮮甜，特別喜愛翡翠螺，好爽口，正！美中不足係今晚冇生蠔，用左扇貝代替，不過扇貝一樣好滑溜🎉 有3款醬汁，各有風味🤗水牛雞翼呢個都幾辣㗎，不過咁先夠惹味，醬汁好夠多，酸酸辣辣好開胃👍🏻德國豬手拼酸椰菜主菜🎉服務員好細心，主動幫忙切好一件件，皮脆肉滑，好值得一試。份量好大，兩個人係食唔晒😂😂

One of my friend's recommended me a restaurant and suggested that I could bring my wife there for dinner. Since we were free tonight, we decided to go there tonight. Poseidon Restaurant & Bar was located at Astoria Building, few minutes walk from Tsim Sha Tsui MTR.The whole restaurant was huge, covering the whole floor, and having outdoor area for people to take shisha. The lighting was dim and table arrangement was spacious, suitable for private chat and group gathering. They offered snack, sea

今次幫襯呢間位於大廈四樓嘅西餐廳係經朋友介紹㗎！唔講都唔知一棟大廈裡面有間咁大環境咁好嘅西餐廳，仲估唔到有室外座位添。去Happy Hour 坐出面飲酒吹水都幾relax㗎。當晚我哋被安排坐喺室內窗邊卡位，坐位夠好闊落兩個人坐得好舒服。被安排入座後店員好細心咁向我哋推介佢哋嘅熱門菜式。餐牌上嘅選擇實在太多，小食、前菜、漢堡包、意粉、海鮮、扒類、甜品。▫️烤龍蝦海鮮拼盤 (HKD438) - 足夠2-4人享用嘅海鮮拼盤，有半隻龍蝦、三文魚、虎蝦、蜆、扇貝、青口、魷魚、粟米、西蘭花、香腸，仲有4塊蒜蓉包添！我覺得咁多款海鮮入面以虎蝦同龍蝦最吸引。虎蝦煎得好香，肉質爽彈，配埋特別為呢個烤海鮮拼盤而製作個Cajun sauce，簡直係perfect match。龍蝦雖然只得半隻，但勝在厚肉肥美。我哋兩個人食完呢個海鮮拼盤已經半飽喇🤣 有時食海鮮少不免都會用對手去剝殼，呢餐都唔例外呀，由其係食龍蝦鉗會整到對手好污糟。店員會自動自覺為食客提供濕紙巾和膠手套，咁貼心值得俾讚👍▫️原隻麵包蟹海膽意大利飯 (HKD198)將原隻麵包蟹拆肉跟意大利飯一齊煮，除咗足料嘅蟹肉外，沾在飯粒上嘅醬汁充滿陣陣嘅鮮海膽味

疫情下好耐冇出去食飯，今日就約咗朋友嚟食西餐。依間餐廳應該主打海鮮，我地見好耐冇食過生蠔，就叫咗半打。最令人期待嘅生蠔出現啦，六隻生蠔放係一個好大嘅貝殼碟上面，令到成碟有好grand嘅感覺。生蠔好肥美同鮮甜，好creamy, 有海水味嘅鹹香。另外配埋檸檬同埋其他三款醬汁點。另外叫咗一個pasta同一個main course.西西里醬鮮蟹肉扁意粉見佢係王牌所以點嚟試吓，果然係冇推介錯。苜蓿沙律下面嘅蟹肉都食到蟹肉嘅鮮味。西西里醬扁意粉更加吸引到味蕾，因為蕃茄味香濃， 而且內醬都好足料。另外點左個又係王牌嘅酥炸麒麟魚配叼香草忌廉牛油汁。呢個魚好特別，佢個魚皮係連埋魚鱗一齊炸。估唔到又幾好食，因為佢個皮有埋魚鱗就更加酥脆。牛油汁配埋嫩滑嘅魚肉好好食。

同朋友book咗位你呢間西餐廳食飯 本身想叫生蠔，但係餐廳賣曬，唯有下次再試過 先叫咗個餐湯，係青豆忌廉湯青豆味幾重，不過味道唔生，飲落暖暖地幾舒服 然後叫咗個 德國香腸拼盤除咗又有三款腸之外，配菜有薯蓉，同埋酸菜成個碟重淋上gravy三隻腸一面，紅色嘅香腸比較長同埋粗，係平時喺香港食開嘅脆皮腸嘅味道size中等嘅係白色香草雞肉腸，我覺得係三款之中味道最好嘅，肉汁較多，而且香味獨特 細條到好似手指嘅腸grill得好香，面頭甚至有啲焦黑，不過肉汁較少較乾身，食落仲有點皺皮淨低嘅兩個main都不過不失，分量唔多，但勝在用料都幾足三文魚他他層次豐富，口感有啲爽口，有一啲軟身加上脆卜卜加咗藜麥嘅忌廉同埋魚子，係好新鮮嘅配搭 麵包蟹risotto入面有好多蟹肉&蘑菇，而且飯粒係食到米心，真心唔錯

最近晚市開番，終於可以放工後約朋友happy hour chill一chill😋今次就bk左呢間位於尖沙咀嘅Poseidon Restaurant & Bar食dinner. 餐廳環境較為氛暗，環境闊落，坐得都幾舒服。食物方面以西餐為主，有唔少嘅海鮮選擇。Salmon Tartare & Caviar ($128)分量比我想像中細，Layer由上而下分別係魚子醬、 三文魚同紅菜頭，口感層次都算豐富。三文魚經過煙燻處理，中間夾左粒粒嘅洋蔥，整體黎講味道都唔錯。Brown Crab & Sea Urchin Risotto ($198)鮮黃色嘅Risotto釀左係麵包蟹蓋入面，上面加左海膽，成個賣相都幾吸引。Risotto 望落份量唔算係好多，但其實都幾足夠。食落唔係好覺有海膽味，反而蟹肉嘅鮮味非常突出，味道算係唔錯😋German Sausage Platter ($128)成晚較為令人失望嘅一道菜，分別有3款唔同嘅德國腸，外層煎至焦香，但味道唔算特別好食。

😋半價食大餐 50% off Dinner 🍽 —————Booked on eatigo for 50% off and it was great value for money (yes we paid for everythg ourselves)! Saw a number of ppl ordering their seafood platters and they looked delicious, but the eatigo discount doesn’t apply to these items. 🍖德國豬手配酸椰菜Crispy pork knuckle HKD 238Quality was decent overall, pork knuckle had a nice crisp skin and tender texture. 🤗🍝傳統西西里茄鮮蟹肉扁意粉Sicilian Crab Meat Linguine HKD 178The crab meat linguine had lovely flavours, although the taste of the

Chilling with bff禁堂食之後終於終於第一次同朋友出街食晚飯Excited之餘都要認真揀一間餐廳去食飯想食嘢同飲嘢，最後揀咗呢度！環境好暗，氣氛唔錯，適合傾計❤️Salmon tartare and caviar 好多好多caviar 反而salmon份量唔多不過好好食送酒一流☺️呢份deep fry fish fillet令人好難忘本身以為會好多骨，點知唔係全塊脆卜卜好好食😋House wine都唔錯啊❤️

今晚老友請我食生日飯...因為疫情嘅關係我哋已經幾個月冇見面...所以佢話藉着我生日...就帶我去一間...坐得舒服....食得舒適...可以慢慢傾嘅餐廳...等我哋可以好好聚一聚餐廳環境真係好舒適...唔單止座位闊落...而且仲可以望到窗外嘅街景我自己就點左呢個焗龍蝦拼海膽蕃茄意粉龍蝦都好大隻而且肉質嫩滑而且呢個龍蝦焗得唔會太濃仲有一大劈海膽我哋仲叫咗一客三色串燒...三色串燒有...豬雞牛...三種不同味道都可以試哂我老友就叫左燒春雞佢話俾我聽皮脆肉嫩而且上到枱真係聞到好香...連我食緊嘅意粉...我都忍唔住叫我老友俾我試吓成餐精華所在就係呢個甜品...是日廚師推介朱古力蛋糕呢個蛋糕極有香濃朱古力味道...而且好軟熟...少少凍凍地嘅感覺...再加埋軟滑嘅質感...其實我自己都可以食到兩個今晚真係多謝老友幫我慶祝生日而且我哋仲過咗一個開心嘅晚上

和朋食去了尖沙咀亞士厘道24-38號天星大廈4樓Poseidon Restaurant & Bar 食飯。這是一間非常有情調的西餐廳，門口的霓虹燈 已經相當有氣氛，餐廳佔地寬敞，坐得舒服， 而且有格調。店員也十分殷勤有禮，招呼我們到一張卡位安坐，感覺各自成一角。我們點了蜜糖燒雞半隻，串燒拼盤，香烤半隻波士頓龍蝦及海膽配海鮮汁意大利粉，甜品是廚師推介，朱古力蛋糕。香烤半隻波士頓龍蝦及海膽配海鮮汁意大利粉，賣相已經好吸引，龍蝦啖啖肉，配上海膽的鮮甜甘香，意粉煮得軟硬適中😉👍蜜糖燒雞半隻，烤得皮脆，肉嫩多汁，伴了新鮮的沙律菜，有些意大利黑醋調味甜甜酸酸，沙律菜中和了烤雞的油膩，感覺清新又健康。串燒拼盤，有兩串牛肉，兩串雞肉，兩串豬肉。作為餐前小食，與朋友分享確實不錯。甜品是廚師推介的朱古力蛋糕，朱古力mousse打得非常鬆軟，入口即用，而且朱古力味香濃，這個甜品很推介，作為一餐的完結唔，非常圓滿。總結：Poseidon Restaurant & Bar 是一間非常有型格的西餐廳，店內氣氛讓人放鬆，與朋友知己在餐廳內食飯傾偈，是個很好的選擇😉👍

前幾日嚟到位於尖沙咀小巷嘅Poseidon Restaurant & Bar, 雖然位於內街，不過閒日晚上都幾多人，所以大家嚟之前記得預先訂位喔～餐廳走氣氛型格路線，卡位有私隱度，暗暗地幾有情調 🥂  呢度主打海鮮，seafood platter, paella, snacks 份量大啱開心share~整體而言食物擺盤有心機，個人推薦Linguine醬汁濃郁 😋  頭盤Salmon Tartare有魚子醬又有金箔感覺好豪 😂  鍾意小酌一杯嘅朋友可以試下cocktail, snacks亦有好多品種啱送酒！如果想放工輕鬆一下，呢間係唔錯嘅選擇~========================❖ Starter 🐟 Salmon Tartare and Caviar $128一層層顏色分明賣相吸引，鱘魚魚子喺口中卜卜爆開，煙三文魚咸香搭配清甜嘅紅菜頭同紅葱頭，加上酸酸嘅 creamy dressing 整體清新 🌱  如果serve with tortilla/ potato chips, 食嘅時候冇咁論盡( ˙꒳˙ )❖ Main Course🥘  Poseidon Lobster Gr

早排同事話有間食海鮮嘅西餐廳想試，又喺尖沙咀，喺公司行過去都係大概15至20分鐘左右，所以就約咗日放工一齊去食。咁我哋坐底之後一共嗌咗五碟菜式，之後每一款嚟個簡介。首先嚟個前菜，我哋叫咗個「鱘魚黑魚子煙三文魚他他」，個他他好開胃，少少酸嘅醬汁加埋上面嘅他他，個他他頂再放多幾塊金箔，令佢望落好似再high class啲。直接介紹咗今晚嘅主角先，「烤龍蝦海鮮拼盤」，賣相係咪好吸引呢？海鮮種類多，而且每款都新鮮，絕對唔係雪藏貨。除咗隻龍蝦得半隻唔夠分，其他分量都足夠四個人分。有魚下一樣介紹係肉，我哋本來想叫個肉眼扒，但係最後改變主意，嗌咗碟「美國醬燒豬肋骨配薯條」。肋骨好腍好入味，不過我掛住食海鮮淨係食咗好少肋骨。下一碟係「傳統西西里鮮蟹肉扁意粉」，雖然賣相都係好正，但係相對上面幾碟個意粉比較普通，唔係話唔好食，個意粉都好味，只係個海鮮拼盤同他他實在太好食，如果拼盤同他他係9.5分，個意粉會係8分。然後因為口痕所以要咗個「芝士旋風薯條」，熱辣辣嘅薯條加埋啲芝士再點佢個黑松露蛋黃醬，好正。整體嚟講，食物水準都好高，食完好滿足，等政府取消晚市限制之後，我一定會帶朋友嚟呢度happy hour。

平時午餐喺亞士厘道食lunch就食得多，都係第一次喺呢度dinner搵嘢食，見到間幾有情調嘅西班牙酒吧餐廳 就決定試試佢 侍應安排我地坐低之後 就開始點嘢食 發現原來呢度有戶外嘅天台區 侍應好禮貌 幫我地安排到出去天台坐 小小微風 一路望住尖沙咀嘅城市夜景 聽住餐廳播嘅音樂 享受晚餐感覺非常Chill 好Relax餐牌推介海膽麵包蟹意大利粉飯賣相好精緻適合一個人食嘅份量 上面有舊馬糞海膽 鮮甜濃郁 意大利飯用咗芝士 同埋 麵包蟹嘅硬膏去煮 每啖飯都有濃郁嘅蟹膏味 鍾意食蟹嘅人一定鐘意令一個推介食物係龍蝦海鮮拼盤拼盤海鮮嘅種類都唔少㗎 扇貝～青口～虎蝦～三文魚～魷魚～龍蝦 仲有粟米～西蘭花～香腸加上檸檬汁 提升海鮮嘅鮮味 每一樣海鮮都係新鮮即烤 建議每啖海鮮都一定要點滿拼盤入邊嘅醬汁食 牛油多士都要點 餐牌上面建議二至四人食用 我同女朋友兩個食 覺得份量啱啱好非常滿足整體呢間餐廳嘅質素都唔錯 佢嘅食物質素有水準 待應好有禮貌 有情調既環境 性價比合理 值得來試一試

生日飯，環境燈光效果幾好，座位安排妥當，上餐都幾快，店員有禮貌，整體唔錯，食得都幾廚房舒服海鮮盤非常好食意粉也不錯，嘢飲幾有創意，至於豬手個份，對於本人來講口味有少少重，但係整體來講都唔錯

今日同男朋友去尖沙咀食飯男朋友話今晚帶我食海鮮我都好期待咁之後上到去我哋就見到有得坐室外我哋都好興奮呀因為都幾好feel咁因為我哋得兩個人但係又好想試佢哋招牌嘅海鮮拼盤所以我哋就叫咗呢個海鮮拼盤再加一個麵包係海膽意大利飯個海鮮拼盤嚟到係勁靚勁多海鮮啦 有龍蝦帶子魷魚大蝦三文魚仲有啲粟米西蘭花 而且佢仲有蒜蓉包俾你整個汁非常之細心 可以吸收晒成個拼盤嘅精華而且佢哋亦都好貼心提供呢一個手套同埋濕紙巾味道方面我覺得都相當唔錯啲海鮮好新鮮而且我汁都唔會好漏之後個意大利飯個賣相非常之精緻而且味道又好濃郁嘅蟹膏味總共嚟講呢一餐我非常滿意