莆田

Open Now

Now Closed

成日見到廣告好吸引嘅$219兩道蟶子，一直都想食依間，最近中環開佐分店，今日收工終於約到朋友一齊去食一坐低就有一壺荔枝桂花茶，好濃桂花味，茶味回甘$219兩道蟶子，有8款煮法可以揀，我地就叫佐銷量冠軍嘅嘅鐵板鹽焗蟶，同寫住再次回歸嘅蔥姜炒海蟶💁🏻‍♀️🌟鐵板鹽焗蟶粗鹽同花椒上面放住一粒粒飽滿嘅蟶子，焗得乾身但又能鎖住蟶子原本嘅鮮味同肉汁🌟蔥姜炒海蟶蔥姜同所有海鮮都好夾，醬汁包住蟶子，咸香帶出蟶子嘅鮮甜海鮮味🐟砂鍋黃花魚湯我哋叫佐例牌嘅份量，但上到枱個鍋嘅份量比想像中多好多，起碼可以夠四至六人飲砂鍋盛住原條香煎黃花魚配上硬豆腐和芫荽，以慢火熬鎖住魚嘅鮮味，魚肉🐟嫩滑🥬馬來風光鮮鹹嘅三巴醬炒翠嫩嘅通菜🐤芋香鴨外面酥脆內裡軟滑嘅芋頭蓉包住鹹香嘅滷水鴨肉，特別鮮味。🍚鐵鍋包菜飯原個鐵鍋上枱，另外有碟花生、蝦米、蔥同芹菜粒，可以按照自己嘅喜好加落去個飯再撈勻。本身飯裏面有肉粒同聖子粒等海鮮，足料又好食。最後我哋叫咗兩個甜品❤️薄荷枇杷凍有原粒新鮮枇杷，下面係冰冰涼涼又滑捋捋嘅果凍，清甜爽口💛桂花陳皮燉雪梨清甜嘅圓過雪梨配上甜甜嘅桂花糖，清潤又香甜

我會詳細分享在餐廳莆田品嘗的體驗。我吃過蒜蓉蒸海蟶,大大的蟶肉鮮嫩彈牙,飽滿飽滿的,沾滿了蒜茸汁水,香味四溢。蒜茸未有蓋過海鮮原有的甜鮮味,反而令它更加突出,回味無窮。這個做法可以真正突出海鮶的優質品質。再來就是蟶炒黃金蛋。蟶肉爽脆,與滑嫩如黃金般的蛋液完美融合,互相調和,互相襯托。一口咬下,蟶肉的彈牙配搭蛋液的濃郁,實在是人間美味,令人食指大動。最後介紹的就是姜母鴨。慢火熬製的湯汁濃郁香醇,帶點微微辣味,與肉質鮮嫩的鴨肉完美結合。姜的清香更為整道菜增添層次,回味無窮。這道菜暖胃又暖心,好適合在寒冷的天氣下細細品嘗。總括來說,餐廳莆田的菜色香味俱全,每一道菜式都別具特色,充分發掘食材的原味,實在是令人流連忘返。

今日我要分享我係莆田既食評，佢哋嘅菜式味道出眾，尤其係佛跳牆、蒜蓉蒸海蟶、蟶炒黃金蛋同芋香鴨等菜式。首先要講番佛跳牆,呢道菜真係令人記憶猶新。佢哋嘅高湯熬煮得好耐,湯頭濃。湯中有好多新鮮材料,例如鮑魚、海參、雞肉等等，入口即化。另一道驚艷嘅就係蒜蓉蒸海蟶。佢哋嘅海蟶肥美飽滿,加埋蒜蓉醬汁一蒸，蟶肉又彈又滑，帶點甜口，再加上蒜香調味，真係絕妙!海鮮控一定要試下呢道好好味嘅菜式。講到蟶炒黃金蛋，佢哋嘅蟶肉又彈又嫩，加埋蛋黃又香又滑，每一啖都被蛋香包裹住，爆發出滿滿嘅鮮味。最後要提嘅係芋香鴨。佢哋嘅鴨肉鮮嫩多汁，而且喺芋蓉上炸過，令鴨肉更加香濃醇厚，簡直係人間美味!總括嚟講，莆田嘅菜式可口,每一道菜都叫人難忘。佛跳牆、蒜蓉蒸海蟶、蟶炒黃金蛋同芋香鴨，全部都係堪稱經典嘅菜式。如果你鍾意食有特色嘅地道菜,我真係強力推薦你來試下佢哋嘅美食!

餐廳地點很方便，繁華路段，午市的座位都坐得滿滿！午市一人餐有齊滷水嫩豆腐、蝦曲頭水紫菜、興化炒米粉、霸王花杞子排骨湯、紅棗蓮子雲耳湯，性價比十分高，份量也足紅燒豬蹄鮑魚煲的豬手份量十足，冧軟易入口，炆得很入味！超級推黃金荷葉包，荷葉包外脆內軟，酥香十足，夾上鬆軟的肉絲及洋蔥同吃，美味非常！莆田荔枝肉的甜酸汁味道剛剛好，荔枝肉香脆鬆軟，肥瘦適中，完全沒骨！蟶子是他們的推介菜，新鮮肥美，當造的真的要多吃，特別是椒鹽哆頭蟶炸後，香脆惹味又彈牙，而鐵板鹽焗蟶就最能吃出鮮甜味，廚房更刻意下刀令蟶子不開殼，肉汁都保留在殼內！

我又去食莆田啦☺️今次去3月先新開嘅中環店環境及座位都舒適，服務亦周到～ 佢有落地玻璃～日頭嚟應該感覺更開陽～😛都係嗰句嚟到梗係要食蟶子啦！哆頭蟶於莆田當地嘅黑泥灘塗裡吸收充足營養，每一隻都肥肥嫩嫩，鮮甜爆汁！炸、炒、蒸、焗、煮，點整都咁鮮嫩肥美～ 多達 8 款哆頭蟶菜式，『 $219 任選兩款蟶子菜式 』 正👍🏻🌟《 農家蟶溜湯 （原價$139） 》呢個係當地嘅傳統風味湯品～ 看似家常蛋花湯，但入口後有蟶子嘅甘甜～ 烹調⼿法“溜”，即⽤純地瓜粉包裹食材後燉煮，以保持食材嘅脆嫩度，再加啲醋胡椒粉提鮮～👍🏻 🌟《 老酒堅豎海蟶 （原價$139）》係熱食嚟架～蟶子入口爽彈鮮嫩，唔會有好濃嘅酒味，而係酒同蟶鮮好平衡～👍🏻🌱《 蝦苗頭頭水紫菜 💲58 》必點～酸酸咪咪好鮮爽又開胃～🐟《 軟煎黃花魚 💲228 》新鮮黃花魚雙面煎香，再淋以我覺得帶麵豉味嘅特製醬汁，以慢火燜出濃香～外焦內嫩，撈飯唔錯～🍲《 興化炒花粉 💲118 》莆田興化米粉幼細，亦係自然日曬米粉，特別軟棉有米香～佐以十多種配料同上等濃湯燜炒，味濃鮮美，爽身彈牙～ 🥬《 金湯時蔬 💲88例 》有皮蛋同莧菜～湯汁可口，我有飲架～ 菜

踏入5月，有個雙親節二人餐幾抵；今晚叫豬蹄凍做前菜，好正，好似咸咸甜甜嘅啫喱咁。另外做緊海蟶Promote，$219就有2食，超抵。揀左鐵板鹽焗，好鮮味；椒鹽好香口好肥美。米睇佢外殼size細細隻，裡面舊肉大到凸出殼咁滯。個家鄉炆荀乾，用肉去炆，夠甜，爽口。鮮貝燴絲瓜，走過油，好香；竹笙蟹肉魚鰾羹，濃淡適中，每啖都食到湯料，豐富。海蔘一品煲，有海蔘有冬菇，都入哂味；最鍾意食興化炒米粉，好香芹菜味，米粉乾身唔油，好香。甜品係雪耳蓮子紅棗糖水配紅團，係類似茶粿嘅東西，裡面有啲綠豆蓉，熱食，幾特別。

呢間新開嘅分店，地方又大又靚，仲有好多卡位添！聚會都覺得特別好坐。必食$228/2味 海蠣菜式✨福建特色海蠣煎金黃色海蠣煎外酥內嫩，有蛋香，蠔肉份量豐盛，夠哂鮮味。✨撈汁海蠣濃郁嘅撈汁和海蠣好夾，入口鮮嫩多汁，鮮甜得嚟帶微酸微甜風味，好開胃。莆田1人餐，有齊小食、主食、湯品和甜品。我哋order咗兩份，足足有六款小食，鹵水嫩豆腐、冰浸苦瓜、蝦苗拌紫菜、家常州筍乾等，可以一次品嚐到多種不同小食，豐富味覺體驗。款款都好有特色，其中冰浸苦瓜讓我最難忘，苦瓜原本帶有淡淡苦味，沾上蜂蜜醬汁，苦味立即一掃而空，入口清新爽脆。莆田海鮮滷麵滷麵上擺滿了各種海鮮配料，如蝦仁、魚片、蚌肉等。麵條滑溜，吸收哂海鮮鮮甜味道，鮮味十足。興化炒米粉一絲絲米粉配上各種蔬菜和肉類拌炒，口感柔軟，帶來豐富層次感。一品醉蚶新菜式，醉蚶醬汁濃郁，味道帶有醇厚酒香和醋香，酸酸甜甜，入口鮮嫩又多汁。

【中西區】【莆田】一直都好想試呢間新加坡嘅福建菜，見佢哋推出咗 「$219 兩道蟶子菜式」，咁正就梗係帶埋羶鹵獅去試。呢間餐廳本身就好出名蟶子嘅菜式，係必試嘅，出咗呢個優惠之後就更加一定要叫。我哋就試咗「蒜蓉蒸海蟶」同「椒鹽哆頭蟶」，兩者都好食。前者係似蒸魚嗰隻食法咁樣嘆啲蟶子，後者就特別在竟然係椒鹽炸，配埋茶樹菇，好特別，都好好食。跟住試 $78 嘅「百秒黃花魚」，用一百秒時間煮嘅黃花魚，真係勁滑。而 $118 嘅「鐵鍋包菜飯」同 $98 嘅「媽祖平安麵」各有特色，味道濃而不膩。試埋 $88 嘅「紅毛榴蓮汁」，果香幾夠幾好飲，我都係第一次接觸呢種生果，飲落佢有啲似石榴嘅味。埋單價連埋加一就 $661.1，打開 Storellet app 嘅會員頁面有「莆田會員優惠」，午市用佢哋嘅 $20 現金券就平啲啦，晚市食嘅話仲去到 $50 現金券添喎。唔止咁樣，佢哋仲有個印花卡活動，每食一個蟶子菜式有一個印花，儲六個印花可以換一張優惠券。呢張會係一張「送一個蟶子菜品」優惠券，即係買六送一，正呀喂。而印花卡嘅收集印花時期係 15/4 到 15/6，印花卡嘅有效期就去到 31/7，實夠時間處理啦。

識我既朋友都知我鐘意食中菜其中莆田都係我大愛之一佢地最近進註左中環佢地係位於中環皇后大道中139號L Place 7樓中環店既裝修走華麗風成個環境都坐得好舒適食物個方面 水準依然一樣無變咁好食個人大愛個海蠣煎蛋餅食落個味道好香口 而且啲海蠣都好足料@hkputien Location : CentralLocation : CentralPrice : $100-$200/p.pEnvironment (10 is chill): 7/10Yummy (10 is delicious): 7/10

L.Place 新開咗莆田，環境又靚又光猛，有好多梳化位，好好坐，仲有lunch set可以選擇添！椒鹽豬手:兩片起order，椒鹽豬手外皮酥脆，口感有嚼勁，椒鹽味道鮮美濃郁，帶有微辣，好香口。莆田荔枝肉荔枝與嫩滑嘅肉排真係好夾，口感鮮嫩多汁，啖啖都食到荔枝嘅甜美，酸酸甜甜。福建特色海蠣煎海蠣節獨有嘅菜式，賣相金黃，口感鮮美，味道鮮咸帶有海蠣嘅原汁原味，令人回味！燉湯: 建蓮排骨雪耳湯排骨燉得軟軟，湯汁清澈入口甘甜，唔錯！小食拼盤有多款選擇，我哋揀咗鹵水嫩豆腐、冰鎮苦瓜、蝦苗拌紫菜、家鄉炆筍乾，款款都有獨特風味，一人想試多幾款啱唒。主食興化炒米粉米粉綿軟細滑，好吸湯，口感鮮嫩順滑，各種配料都算多，有蟶子、雞蛋、紫菜等，啖啖都覺得好鮮味。經典臘味包菜飯包菜脆嫩，臘味豐富，入口有鹹香，味道豐富，睇落細細碗，但其實食落都幾飽肚，好滿足🌸

原來中環都新開咗莆田係L Place 7/F，餐廳裝修格調舒適。今日去咗食吓蟶子節。$219可8款點2款本人覺得好抵食。鐵板鹽焗蟶熱辣辣鹽焗蟶子店員窩心提示小心塊鐵板熱。食落鮮甜肥美。鹽焗絕對可以帶出蟶子既鮮味。蒜蓉蒸海蟶蟶子配上蒜蓉同薑蔥絲。食落鮮嫩肥美。芋香鴨外層炸得好鬆化食落芋泥同帶有咸香味既鴨肉好好味。椒鹽豬手皮脆肉嫩，外脆肉軟真係好惹味。紅菇海鮮滷麵呢一款麵有十幾種料，食落真係好滿足好豐富。紅菇仲係好有益既食材。

莆田 - 時令蟶子菜品今日介紹一間位於中環區嘅中菜館，主打福建嘅閩菜，而最近仲有限定嘅蟶子節，推出多款唔同烹調方法嘅特色蟶子菜品。蟶子節限定 $219/2款鐵板鹽焗蟶可以將蟶子嘅味道原原本本呈現出嚟嘅鹽焗食法，簡單嘅海水鮮味。薑蔥炒海蟶另一款就係海鮮常見嘅煮法薑蔥炒，不過這款就類似薑蔥炆蟶子比較貼切。福建特色海蠣煎 $128啖啖海蠣肉嘅特色煎，有口感之餘又夠晒鮮。砂鍋黃花魚湯 $138原條黃花魚熬製嘅奶白色鮮味魚湯，當中作加入豆腐、芋頭等配料。

第一次來到莆田中環新分店，裝修明亮時尚，座位夠多好舒適。💖做緊蟶子節優惠，219元可以選擇2款蟶子菜式，經理話蟶子優惠前日先開始，今年蟶子特別大隻飽滿😋💯🍶老酒豎海蟶用黃酒蒸煮，充滿酒香。海蟶非常鮮甜. 🔥蔥薑炒蟶子好香口惹味，有鑊氣👍😋莆田荔枝肉小朋友最愛，食到汁都撈😝🦆芋香鴨想試好耐，外皮酥脆，芋泥包著鴨肉。🥢興化炒米粉每次來必食，米粉炒得夠乾身，配料好多。🌽鮮榨玉米汁天然玉米香甜，口感濃郁，好回味。❤️🥜閩南花生湯傳統福建糖水，食出媽媽的味道😉😋現在做會員晚市惠顧滿 500元，有50元折扣，另外中環店有外賣自取8折優惠。

係L Place新開既莆田, 環境好正有空間感, 裝潢雅緻, 店員全部好有禮貌, 成個感覺好舒服。好快已經準備好熱茶同埋前菜小食。趁海蠣節一定係order $228有2道既海蠣菜式🦪同一食材有7種唔同製法, 仲款款都好有特色。🧡福建特色海蠣煎🧡農家海蠣湯🧡兩道菜都落足料, 啖啖都食到粒粒飽滿既海蠣!! 海蠣煎外層帶酥脆感, 加埋蛋香好好味。農家海蠣湯帶點醋既酸香, 鮮味又開胃, 一丁點腥味都冇!軟煎大黃花魚成隻手臂咁長既黃花!! 外層煎到好香有D位仲帶微脆, 內裡魚肉鮮嫩, 條魚好新鮮! 醬汁醬油香突出, 伴飯一流! 見到出左唔少新菜式,  叫左個一品醉蚶同埋甜品白果芋泥。獅蚶隻隻都好鮮甜, 一口一粒配上惹味秘製酸辣汁, 超滋味~以白果芋泥作結超滿足, 芋泥口感細膩, 味道濃厚!無論環境，服務定食物都好正🧡🧡🧡

最近餐廳喺中環開咗新店，現時做緊海蠣節，新推幾款以海蠣為主嘅菜式，7種食法，一次點倆會有特別優惠！呢間分店裝潢十分優雅，座位寬敞，空間感十足，適合同屋企人嚟享受福建菜🫶黑松露海蠣燒豆麵好大一盤，適合多人share，以骨湯熬製，濃郁鮮香嘅山海雙珍，燜至豆麵爽滑入味，飲落溫和，麵條Q彈，滑嘟嘟好難夾起，另外值得一讚嘅係海蠣份量十足，鮮甜可口，原汁原味，好有驚喜😎惹味之選有九層塔香燜海蠣，呢款都好值得一試，海蠣外層酥脆，咬落鮮嫩搭配香噴噴嘅九層塔同洋蔥後再淋上特調醬汁燜製，一個字，正！個人喜歡芋泥香酥鴨，酥炸芋泥夾著厚切滷鴨肉，酥糯鹹香，店員建議搭配辣醬，果然唔介少錯，會令整體味道昇華咗！蔬菜類都有唔少選擇，營養均衡，健康又好味道，鮮貝燴絲瓜以雞湯熬煮，軟淋入味，一粒一粒咁接住食，食到停唔到口😜 地道燜豆腐加入海鮮同雞蛋一齊燜製，份量好多，偏清淡，老少咸宜、而芥蘭豆皮係清炒嘅，鹹香味突出，滑嫩爽口，性價比高！