莆田 (形點 I)

Open Now

Now Closed

元朗yoho mall 行街，不少食店都推出抵食套餐，最後鍾情莆田推出【下午菜。聚】套餐😸~ $49至$59！我哋決定再行陣，就去享受一個悠閒的下午茶！欣賞店子堅持用好食材，製作原味的莆田菜！食材簡單但賣相好，feel 到用💕做，食物花心思，漁民紫菜飯蘊含特色👍👍🤗座位環繞乾淨企理，服務員態度非常好，最終同好友共享了經濟而幸福快樂的時光！

被莆田的鰻魚節吸引兩個人食只能五選一決定一試榮譽推薦的普寧豆醬蒜香焗食法呢個真推色香味俱全半價配冰鎮福建老酒唔知飲緊咩似飲藥酒滷水嫩豆腐無咩特別值得一讚酥炸冰榴連

能夠日本米芝蓮的福建菜你一定要嚟試下呢間蒲田你到位於地鐵站上蓋好鬼就腳呢度打破平嘢冇好的格局價錢平的東西都好好味 最好味就係22蚊一碗的扁 鮮湯碗湯好鮮味 而且仲有十多粒 扁鮮 非常之豐富抵食之後就要推介鰻魚骨 鰻魚骨 炸到鬆脆可口送酒最啱所以我哋就叫咗一瓶福建 古酒 有陣果噗的藥材味 飲落暖笠笠。 驅寒保心暖胃。之後就嗌咗個 醃製黃花魚 同樣都係平價 菜式 魚肉好鬼嫩滑 燴 到 芬 香。最後就 叫咗個炆蘆筍 用想打邊爐保持蘆筍的溫度蘆筍好入味 絕對超值

昕昕爸爸知道莆田鰻魚節又返來就決定來個鰻魚之夜😲一入到去就上咗餐前小食－木耳，食落感覺有d薑的辣和醋味~~~蟶子熱過咗，依家開始鰻魚節~~~普寧豆醬蒜香焗鰻魚($168）－呢個係我極力推介，一上枱的香氣已經夠曬吸引，食落啖啖惹味😋😋冰切日本烤鰻魚($79）－跟壽司的薄切鰻魚差不多，不過上枱時感覺美觀，令人食起上來覺得有愉悅感~~~鐵板香煎鰻魚($168）－舊年食過感覺係不錯，但今晚同時間點咗普寧豆醬蒜香焗鰻魚後就被比下去，性價值降低咗。百秒黃花魚－初初昕昕話想食就點咗，點知佢因為食其他餸就只係食咗少少就放棄咗🤦‍♀️🤦‍♀️莆田鹵麵－呢個色香味美，食落好似有dd酒味，值得下次再點👍👍金銀蛋浸時蔬－純粹個人想吃菜而點，時蔬係莧菜，味道不錯~~~

早2年朋友試過莆田既蟶子後，印象深刻，一直嚷住想再去食，奈何呢個係季節限定菜式，唔係隨時有得食。最近我發現莆田既"哆頭蟶節"又返黎，即刻帶朋友去食，滿足佢個胃。岩岩坐低店員即刻遞上一壺菊花茶同一碟小食（泡椒辣木耳）。菊花茶清甜下火，為之後食熱氣野打定底。泡椒辣木耳酸酸辣辣，幾惹味。鐵板鹽焗蟶子鹽焗蟶子外層乾身，內裡多汁，味道咸香咸香，鮮味濃，8個煮法中最鍾意呢個。8分紅菇鮮蟶湯本住好奇心第一次嘗試紅菇，外形好似姬松茸，咬落好硬，冇咩味，食唔到。蟶子圓潤飽滿，較鐵板既大dd，味道清甜鮮味。湯頭好簡單，只係用左紅菇.蟶子同薑片煮，味道好淡，得淡淡菇味同薑味，有d 失望。 5分莆田扁肉湯扁肉細細粒，1啖2粒，雖然食唔出係咩肉餡，但有嚼口，湯底係醋酸同醬油混成，好開胃。 7分海蠣煎薄薄地一塊蚵仔煎，由蠔仔，蛋，薯粉混合煎至金黃，加上大量蔥花，非常香！可能而家唔當造，蠔仔有d 細，但數量頗多，海蠣煎冇落太多薯粉，主要都係用蛋成形，值得一試。 7分總體而言：味道：水準之上，不過小菜選擇比較小性價比：頗貴服務：店舖有提供口罩袋同濕紙巾，好體貼環境：店舖明亮，整體感覺舒適

莆田從星加坡來香港開設分店，真的不是猛龍不過江，他們每一家分店，也包持水準，所以但凡週末，如果不是早點過來，或預早訂位，否則一定需要輪候，經常大排長龍。他們的菜式比較精緻，份量較少，價格偏高（以連鎖食肆來論），但因為真材實料，味道非凡，所以也有不少捧場客，香港人始終是願意花錢吃好東西的。他們的茶是菊花，這樣有助清熱降火。莆田滷麵和扁肉湯，是個人喜愛，每次必點，全因吃出鮮味。坊間鮮有福建餐廳，因此他們的菜式，在外面也難有比較。他們每一道菜，也看出用心烹調，因此整體滿意。

是你教我認識蟶子乾的滋味，當我成為你的擁䠢後，你變得不值得我再欣賞了！曾經說出今生不愛你 ......  先不要罵，歌星不是重點！幾年過去了，直至上次出走時，在香港機場吃過機場店的限定食物，信心又返來了！我指的是新加坡過江龍、曾成為 2016 香港澳門米芝蓮推介餐廳，主打清淡純樸福建菜的「莆田」！放假不外出的日子，我們兩名元朗友，通常光顧的是本區用心的小店，不過那天早上老公想起機場的「莆田」滋味，同時也想吃得清淡一點，於是倆人便首次到訪「莆田」的元朗分店！我們是當天首兩位客人，通過口罩和量體溫兩關，踏入明亮整潔的用餐環境！中午設有套餐，二人餐也有兩款，我們挑的才 HK$198 ，價錢不貴，菜式也能對上口味，好容易便點上了！女侍應給我們倒上兩杯薑茶便到外面招客，畢竟時間尚早，聽到她跟別的客人提到免茶免加一的優惠，嘴巴雖喝著熱熱辣辣的薑茶，心裡忽笑起來了 ....... 薑茶真的很好喝，請女侍應給我們添加了一次，後來她便主動給我們追加，服務細心體貼！那檸檬味的白蘿蔔前菜，滿滿檸檬香，比起醋醃的味道清新多了，平日自己做涼菜也愛用新鮮的檸檬汁，所以十分合意，成為我的大愛！上菜速度也蠻快的，先來

每年農曆新年都會去莆田吃撈起賀新年，今年當然亦不例外。看到今年他們還推出了多款新年套餐，少至二人套餐也有，就算人少少也可以吃到撈起。 我和媽媽二人點了一份吉祥二人套餐。這份套餐包括了一份鴻運發財魚生撈起 (煙三文魚)。 店員會協助一邊講新年賀年祝福，一邊落每一款不同的材料、醬料，最後再大家一齊撈起，寓意撈到風生水起又有趣又好味！撈起材料豐富，多重味道和口感，秘制醬料也很開胃呢。除此之外，套餐亦包括多款賀年菜式。石斛番鴨燉南日鮑。鮑魚新鮮爽脆，湯頭充滿鮮味，非常清甜，還有鴨的味道， 分量大概能舀到4碗！年年有魚。香煎黃花魚。雖然黃花魚沒有到很大條，但卻很新鮮。魚肉嫩滑有鮮味，加上甜甜的醬汁，味道很配搭。富貴麥片蝦。寓意富貴的金黃麥片蝦。蝦肉大隻爽口彈牙，外殼香脆可口，不過對我來説最好吃的卻是麥皮。采用來自新加坡的麥片，用牛油炒過，加上辣椒等調味，香脆惹味可口！媽祖平安麵。材料豐富的平安麵綫，有蝦肉、蜆肉、聖子乾、豬肉片、紫菜、鷄蛋、芹菜等食材味道豐富，口感多元，麵綫也很滑溜，很好吃。最後還有甜甜蜜蜜的桂圓蓮子銀耳羹作結。這份新年套餐真的很豐富抵吃，兩個人吃分量真的很多。

過時過節新年到，總會和親朋戚友拜拜年上網不斷在找一些有新年特色的餐廳，但當然不要太貴.結果在谷歌大哥的幫助下，我就找到了莆田莆田是食福建菜的曾經獲得米芝蓮榮譽.他們推出了新年套餐最少可以兩人食，最多幾多都得啦而且菜式好然後又有名貴的鮑魚價錢都只是$300一位左右，我早訂枱還有八八折聽員工說初一到初三去食，不用另外加錢還每人有利是收.鴻運發財魚生撈起認認真真都可以成日聽我還是第一次食最搞笑的是店員會一邊加入材料一邊唸唸有詞講吉利的說話例如落青檸在煙三文魚時會話大吉大利到最後一齊撈材料時會話都係撈起風生水起勾起主要豉油蔬菜絲為主，酸酸甜甜十分開胃.石斛番鴨燉南日鮑鮑魚大大隻正呀！新年點少得鮑魚呢？燉湯非常清甜，而且有好幾件鴨件一睇就知道餐廳落重本！.年年有魚清蒸做法加上茨汁，健康又好味又有意頭.富貴麥片蝦這個就有少少似是尋寶遊戲兩個人食入邊仲有四隻大蝦肉質爽滑，而且有小小似桂花的炒蛋作裝飾，更加有意頭.媽祖平安麵有一種很窩心媽媽菜的感覺。賣相未必太突出，但我覺得這是最好食的一道菜。.桂圓蓮子銀耳羹最後當然是不了甜品，清肺潤喉是總結的完美一餐！值得一題係環境優美，而且服務員專業，不會有食過年

仲有幾日就到CNY 🧧係時候同親朋好友團團圓圓慶新年我今日就去左莆田食新春吉祥二人套餐啦基本上每道菜都好好意頭 食既人就自然開心———————————————————1 鴻運發財魚生撈起撈起撈起撈到風生水起煙三文魚配上薄脆、莆田炸紫菜等逐個step加上去 再配埋吉利說話 夠晒開胃.2 石斛番鴨燉南日鮑湯大大隻鮑魚加上石斛番鴨既香味燉晒落個湯度好鮮甜！👧🏻👦🏻我地一人飲兩碗 好幸福呀♥️.3 年年有魚🐟軟煎黃花魚 (200g) 煎香左皮既黃花魚 而魚肉仲好軟滑！.4 富貴麥皮蝦🦐係街食蝦最驚就係唔識剝殼但呢度富貴麥皮蝦就可以成個連殼食麥皮仲要甜甜地脆脆地 口感好得意.5 媽祖平安麵呢道菜令我好驚喜！事關佢入面有好多唔同既材料包括海鮮同煎香既腩肉 令成個麵好香！.6 桂圓蓮子銀耳羹最後緊係唔少得一個甜點潤潤啦

莆田出名又多分店就大家都知㗎喇今次就揀咗元朗店去試一試呢間過江龍因為怕等位嘅關係 6點半就入咗座嚕🙈舖頭好大 座位多之餘都好有空間感第一次嚟食 就緊係試下啲招牌先啦 最穩陣嘛😆遇到鰻魚節 就揀咗坊間少見啲嘅泉水煮喇仲嗌咗幾款招牌福建菜✨冰浸苦瓜 $49筆者其實係唔食苦瓜嘅 不過見佢咁出名又唔係周圍有得食 就決定挑戰下😆個擺碟都擺得幾吸引 怕苦嘅朋友可以點蜜糖食苦中帶甜 口感爽脆 最後回甘的確係苦瓜入門級嘅好選擇✨莆田扁肉湯 $22食完苦瓜第一啖好鹹😆建議唔好兩樣放埋一齊食hahaha個湯其實好好味 再配埋紫菜增加口感同香味個扁肉嘅皮更加係精粹 口感比普通雲吞水餃皮煙韌同濃味值得試下✨興化炒文粉 $86米粉比平時食嘅較幼身同碎啲但炒得好香好入味再加埋自家製嘅辣媽辣醬 成件事就更加惹味喇✨閩香洋燒排 $139其實一碟係有4條嘅😛個汁酸酸甜甜 好似鎮江骨咁不過佢啲肉質就嫩好多呢個相對就普通咗少少✨泉水煮鰻魚 $168重頭戲到喇 魚湯入面有杞子 個湯都非常鮮甜飲得酒嘅建議落埋酒 因為會令到個湯更加香鰻魚份量都唔少 個皮好滑 啲肉都好鮮甜事實證明食材新鮮嘅話真係簡簡單單煮已經好好味整體嚟講 莆田

Yoho Mall一向多餐廳選擇，今日就同2位閨蜜選了米之蓮餐廳聚會，黎至新加坡打著福建菜的名義，當然要一試等侯入座期間，還可免費添飲提供的飲品，是日供應: 薑茶，涼涼氣候喝剛好，薑味香而不辣啊很快點了數個精緻小菜，3人便邊吃邊喝了冰浸苦瓜賣相已經給高分吧，像蓮花一樣美美的。冰凍的苦瓜味道，只有識食的人才懂欣賞，實在令人難以忘懷呢鐵板香煎鰻魚用鐵板上的饅魚，香噴噴熱辣辣的上枱，熱度夠真係覺得味道都好啲呢閩香洋燒排好惹味的肉排，肉質仲非常淋，上枱轉眼已清莆田扁肉湯小雲吞紫菜湯，味道小咸不濃郁，作為中餐湯不錯莆田鹵麵雜錦撈白麵，有肉有菜有湯，啖啖的味道，幾口子分享一齊食剛好肉鬆茄子從不知茄子跟肉鬆也配啊，炸好的茄子，加上咸咸的肉鬆，正馬來風光辣辣的十分開胃的菜，配飯一流風味燜苦瓜朋友非常欣賞這個菜，說是她吃過必須要再點的，因為味道出面吃不了呢金湯時蔬食菜時與上湯一同進食，味道不錯，上湯味道不濃，襯熱食最啱

聽好多朋友都推介過莆田好吃，今日終於有機會試試啦！餐廳環境好舒適，首先要讚下這裡的服務，姐姐好親切，經理仲親自同我們介紹菜式，好nice!見餐牌原來哩期做緊【莆田鰻魚節】，好吸引呀！😍鐵板香煎鰻魚鰻魚好鮮味，佢標明係活鰻魚，所以只需要加少少海鹽同檸檬汁就已經超級美味，因為係鐵板上，就算吃到最後，魚皮都仲係脆的，超讚。👍👍👍閩香洋燒排醬汁少少酸甜，重點係成條肉排燜到啱啱好，淋得來又有咬口，好夠入味，吃到廚師嘅烹調功夫。👍👍👍冰浸苦瓜第一次吃生苦瓜，原來都幾特別，因為去了皮，切得好薄，配埋蜜糖吃，又幾夾喔！莆田扁肉湯果然係皮比肉更加香，原來皮係用肉整的，真係好考功夫。興化炒米粉米粉好特別，比平時吃開的米粉細條好多，有點似新竹米粉，配料豐富，有冬菇絲、花甲、青菜、蝦仁、腩肉片，配埋自家製作的辣椒醬真係好嘢味!原來辣椒醬係老闆娘自己研製出來，用青紅辣椒、蒜蓉同青檸製成，仲可以買返屋企。今餐真係好滿意，下次要帶屋企人一齊來。

晚上和爸爸來到元朗YOHO莆田吃晚餐，讓他品嚐米芝蓮美食。先來每人一碗莆田扁肉湯，扁肉小巧，外皮煙韌，似魚皮餃。湯頭加入紫菜煮滾，鹹鮮香味足，還帶點微酸醋味，味道多層次。冰浸苦瓜:師傳刀功很好, 苦瓜切得好薄，還擺到成朵花的形狀。沾些附上蜜糖就不怕苦，爽脆口感似青蘋果，清涼開胃﹗興化炒米粉:米粉幼滑，配料豐富，有爽口鮮生既蝦、蜆肉、蔬菜絲等，滋味非常﹗閩香洋燒排:醬汁入味，甜酸帶些微鹹味, 肉質好淋，入口即融，不用費勁去咬。 泉水現煮活鰻魚:鰻魚利用清水煮方式，只放薑絲、枸杞、鹽，煮10分鐘左右，可以吃出鰻魚本身鮮甜味。上桌時更可以根據自己喜好加入適量米酒， 去腥之餘，亦可以增加鰻魚湯鮮甜味。鰻魚份量算多，爽滑彈牙，忍不住一舊接一舊放入口，夠晒滋補﹗

莆田係我經常光顧嘅餐廳， 見到佢有新菜色， 所以特登來試吓， 莆田鰻魚節主打新鮮活鰻魚。有多種煮法， 包括有 1）泉水現煮活鰻魚、2）鐵板香煎活鰻魚 & 3）冰切日本鰻簿片。 我哋叫咗《鐵板香煎活鰻魚 》， 香煎鰻魚好惹味， 非常厚身味， 加上鹽同埋檸檬汁，鮮味十分， 口味爽口彈牙， 正！ 新鮮到真係加少少鹽已經好好味！好正呀！《冰鎮苦瓜》， 外觀十分美麗， 2mm薄片苦瓜， 廚師刀工利害， 味道甘甜多汁， 配上蜜糖，十分好食！ 《扁肉湯》， 扁肉皮薄薄， 口感彈牙滑溜，肉餡非常鮮甜，整體不錯！ 《閩香洋燒排》， 咬落肉質超腍，味道酸酸甜甜， 不肥膩， 好食！最後叫道《莆田滷麵》， 份量不少， 材料豐富， 有鮮蝦、蜆肉、豬肉&冬菇絲等等。 湯底非常鮮甜，麵條掛上香濃湯底， 非常滋味！