莆田 (形點 I)

Open Now

Now Closed

過咗生日都仲有生日飯聚！老友特登入元朗同我補食生日飯，俾咗幾個選擇佢，佢就揀咗莆田，平日我哋中午12:15pm左右到，唔使等位人唔多，一早上網睇過Menu，今日再睇下二人餐，但幾款都有魚，我唔食魚所以最後我哋都係揀一人嘅下午頭等餐，主食四選一（小份），小菜六選一，另加指定當日燉湯。我哋都係揀咗紅茹海鮮滷麵，小菜兩個人可以揀晒六款，是日燉湯就係冬瓜湯，之前上網睇過話芋頭鴨好似幾好食，所以最後都叫埋。枱上面已經有一大瓶菊花茶，侍應亦有講，啲嘢食都嚟得好快，之前上網見好多人話要等好耐，但係唔知係咪因為平日我哋又比較早，所以上菜速度好正常算叫做快添，侍應嘅服務態度亦正常同友善，冇咩問題。入返主題先，主菜同小菜都幾精緻，果然係有星嘅餐廳，另外加個芋頭鴨果然係幾好食，完全唔肥膩，真係值得一試，不過今日個燉湯係冬瓜湯就比較普通咗少少。主菜份量真係唔多（但人哋講咗係小份）食晒成個餐如果係男士或者比較大食少少嘅就真係唔多夠喉，不過我哋叫咗個芋頭鴨，食晒就覺得啱啱好。如果唔另外加嘢，呢個價錢好合理亦都係水準之上值得一試，其實係想試二人餐嘅，不過選擇真係太少，而且幾款都有魚，希望可以改善一下。

喺度食過幾次晚巿覺得食物質素唔錯，記得有次食期間限定嘅蟶子兩味都好好食平時喺街食親貝殼類海鮮好多時都會有某幾隻有沙，但呢個竟然隻隻都無沙，而且新鮮得黎都算幾大隻今次行過見到竟然有下午茶仲要咁抵食，唔洗諗啦，即刻入座同個fd每人一個set前菜冰鎮苦瓜、小食迷你肉餃、雪耳蓮子糖水唔少得主食，興化炒米粉👆🏻下午茶份量👆🏻平時晚巿份量環境唔錯，幾乾淨，d姐姐幾好service下午茶仲好似免茶錢，任飲菊花茶埋單每位$70左右（應該無記錯）

米芝蓮一星，集團式經營預左性價比低🤦‍♀️水晶豬蹄凍🐽啲錢係咪俾曬啲裝修費🥺細細舊，有啲似食啫喱，但無左豬蹄肉香味，凍既位無彈既質感，咬落會散曬😤唔加醬係無味😞芋香鴨炸得香脆👍芋頭蓉十足，一舊已經好膩，但係個值得推介既菜式💕雖然分量少少，滿足感大大傳統海蠣煎尚可，但比較細隻，無左個飽滿既質感，但煎完算香脆，只係個人中意潮洲蠔仔餅😌呢個我一般般莆田滷麵🥣一上碟嚇到眼都突👀紫色既湯底😨 令我既食慾即刻下降，但都會入口試試。又唔係黑暗料理黎既😅但就係好結身湯底，掛曬係麵身🍜味道就不過不失，普通麵條，特別在...唔係四圍有啲咁驚奇既料理架🤣⭐️ 味道 6.5/10⭐️ 價錢 6/10⭐️ 環境 8/10⭐️ 服務 6.5/10⭐️ 等候時間 長

今日早左去到yoho mall，一小時就搵間堂食午餐，去到剛好唔使等位，坐在靠牆二人位，枱與枱之間非常窄，我要吊腳側身避過hip位先勉強過到（自問正常中等女性身材）店內裝修金銅色+鏡子🪞，瑰麗風格，坐低已落單（1235）結果上菜非常緩慢，1247上湯（未催單），1257上小食（係催左單下嘅時間）1305等唔到主食，同個女經理講主食要改外賣，佢都知廚房問題（因見到好多枱客催）女經理無收外賣盒嘅錢！（我旁邊兩個姨姨同我同時間落單，我1308走佢哋都未上到主食）明顯廚房負擔唔到午市嘅人潮，打工仔一小時食飯，咁嘅出菜速度，上到菜都食唔切午市頭等餐（$68）主食（4選1）興化炒米粉：最後變咗返公司食，外賣盒企理，焗左一陣，賣相是明顯上左碟再倒入盒，所以啲餸全部在盒底，所幸呢款都焗得，味道唔會因外賣而影響太大，幼米粉半乾濕，爽口而唔會太乾，唔會一夾住就斷，索晒啲調味，材料有爽口中蝦一隻，有殼蜆兩隻，蜆肉正常無沙，其他蔬菜絲正常，整體好味前菜（6選3）一個3格小盤上菜蝦苗拌頭水紫菜：凍食，夾起一小束，味道偏淡，很清爽開胃，夾雜蝦乾碎，味道多了層次，好味家常燜荀乾：凍食荀乾炆得入味，帶啲煙韌又有咬勁，

在午餐時段，當我打算點單時，便舉起手打算向店員下單，但一名店內員工（疑似店員或經理）多次經過卻視而不見，後來是另一員工在遠處前來下單，而點單後卻因店員可能不足需要前往收銀處下單，但是在經過時，該名員工（身穿黑色西褲及外套的）卻像是在黑面，因此雖然食物質素尚可但不會再次光顧。

><4位餐($398)包茶芥同加一 服務態度幾好 添水拎辣醬都迅速廚房出餐有點慢 唔知係咪多單上菜順序有點奇怪 唔跟餐牌但食物係熱騰騰嘅精美四小拼蝦苗拌頭水紫菜/ 水晶豬蹄凍 / 九轉小腸螄蚶(冇就轉咗筍乾)大白菜燉軟豆腐清淡得嚟又吸滿湯頭煲內有蝦乾 豬肉片 薑片 蒜頭辣汁花蛤花蛤未吐好沙 所以問可唔可以改用蟶子哆頭蟶飽滿短身 加上辣炒幾惹味 有驚喜可惜有幾隻有沙/唔新鮮冇開殼黃金荷葉包呢個好食 外脆內軟綿側邊預留咗空位插刀切開夾住炒香肉條洋蔥一齊食但係未上枱時 見到碟炒肉條就咁放喺包上面金湯時蔬加入皮蛋鹹蛋作芡紅菇海鮮滷麵四人餐嘅主食 同之前食過嘅二人餐係同一款器皿裝lol 個豌好淺 起碼要用豆腐個窩上菜 先夠食今次食嘅麵條比較碎濕濕 未夠完整甜品(紅棗雪耳糖水)糖水偏甜 𢳂得唔平均><><><><><><><><莆田元朗元龍街9號形點一期2樓2040號舖

感覺比以前退步了如圖內所寫，蠔餅無蠔，我地問果陣侍應話可能師傅漏左蠔，會換俾我。隔左一陣出來同我講師傅話今日d 蠔太細隻，所以睇唔到？！！！？？ 所以幫我取消左呢碟。詐諦就呃客人，客人食唔出就當蠔餅賣？如果無人出聲就當有蠔賣，咩鋪頭？客人食得出就幫客人取消果碟就算？我取消當時聽到後面有另一台客order 蠔餅，可惜無人話俾佢地知蠔餅無蠔，因為我夾左一舊係自己碗，好認真地搵過哂，一隻蠔都無才問的！！！呢d 擺明欺騙wor!總括：份量略為偏少，大部分食物味道ok.不過煮法比剛開頭幾間鋪時已遜色了很多。曾經是我的飯堂，睇住佢每況越下其實都有d 可惜。希望佢地睇到會有改善啦。

得知是米芝蓮一星的莆田，必試首先一入座侍應看到有小朋友，立刻送上一客蒸水蛋和氣球，十分貼心，特別適合有小朋友的家庭百秒黃花魚價格公道而魚身十分香滑，但黃花多幼骨吃時也要小心蠔餅多蠔，十分多蠔，不似一般餐廳酒樓只有小量蠔，鮮味肥美可口莆田荔枝肉先炸後炒，亦做到香脆內軟，喜歡吃香口野岩晒莆田麵線多料，湯濃，如人數多可加興炒米，同樣出色冰鎮苦瓜沒有影相，但苦瓜很好吃，冰冰甜甜，如想開始試吃苦瓜可叫特別一提，莆田如多人等位，也會在門外沖茶，有茶水提供，十分體貼。

今天約了朋友相聚, 到元朗形點購物逛街, 行到累想搵地方坐下。見到莆田有提供分別49及59的下午茶餐,而且望入去環境也頗為舒適, 佢決定去試一下, 我們點了一個49元及一個59元的套餐, 每份套餐是包含一個主食,兩個小食及一碗糖水,小食也有多款選擇,鹹甜的都有,應該可配合不同的人士口味需要, 主食我們點了一份紫菜燜飯及一份炒米粉, 燜飯的口感很特別,口感有點似糯米飯的感覺,但不會似糯米飯會油和滯啲感覺,而且用料很足,幾乎每一口都會食到碎蠔鼓,味道不錯。米粉是幼細的那種, 也煮得很惹味,唯一敗筆是兩粒蜆都咬到有沙。至於其他小食就不過不失,總的來說,這價錢,這環境絕對值得推薦。

原本星期日約左朋友去三聖村食海鮮，點知中午12點去到，成條街triple parking，酒樓入面更係people mountain people sea,免得又有群組，轉軚去元朗區，一樣車水馬龍，慨嘆搵個清靜地方都難。泊車入形點，諗住食肆多啲，分散人流，但多數都排隊，瞥眼見到呢間莆田，乾淨企理有特色，仲話米芝連星級，決定坐低慢慢食。點左酥炸黃花、鐵板豆腐、黃金海蠣餅、冰心榴蓮，結果除左個冰心榴蓮，其他連相都唔影，有啲失望。首先酥炸黃花，外皮唔夠酥脆，差少少；再嚟鐵板豆腐，唔夠啫啫聲，冇聲氣，普通排檔更勝一籌。最期待黃金海蠣酥餅，海蠣算新鮮，但係酥餅皮唔夠酥脆，炸得亦唔好，上枱餅底聚左一層油😟，最後係冰心榴連，用酥皮包住榴連蓉，外皮一樣唔脆，底下有啲汁，食唔出咩材料，不甜不滑，可有可無，唯獨是個榴蓮蓉還可以。整體而言，個米芝連招牌有啲名過其實，雖然價錢唔算好貴，菜式算有特色，但廚功鑊氣差左啲，失色不少，希望食店攞左米芝連星，要保住嗰招牌，對廚房嘅要求一定要維持，否則最後都係會俾人踢走。

莆田的一位午餐，免茶免加一，好扺食。$68, 有燉湯，主食四揀一，小菜六揀三。主食雖然寫住小份，但我覺得份量係夠食的。燉湯，日日不同，今日係冬瓜薏米幹貝排骨。盅燉的湯，熱辣辣，幾好。小菜，用碟仔放上，好精緻，很好。興化炒米粉，炒米粉好乾身，有啲疏菜，味道爽口，有2隻蜆，1隻蝦，豆卜，味道幾好。只是紫菜，好乾好硬。紅菇海鮮滷麵，紅菇是脆口的，好得意，有菌類的味道，真是從來無食過。這個滷麵，軟糯可口，好食。埋單$136。試了紅菇滷麵，很好。

今日入元朗去到已經3點幾，好肚餓之際。竟然俾我見到荃灣都有嘅莆田，之前喺荃灣都好想試，一直都未有機會，今日俾我見到即刻入去，食返個下午茶。49蚊可以揀兩款點心，我揀咗古法糯米丸和酥脆莆田扁肉，一款主菜係醬爆肉絲湯麵和蓮子雪耳糖水一碗。都算好抵食，份量亦都不少。而且糯米丸入邊，仲包著香濃的黑芝麻餡，而外皮很軟糯又不黐口，值得推介。而湯麵就用上幼細的麵線，食落順滑，完全不用咬就吞下了，非常好味！餐牌還有很多不同款式，真係可以嚟試多幾次。

2020年12月22日(星期二）平日放假認真chill，一心想去流浮山食生蠔最後食唔成，變陣去咗行商場。疫情下限聚令、晚市禁堂食，傍晚5點幾，食肆依然係門堪羅雀，實屬艱苦經營。無意間見到莆田，反正未試過福建菜，即興就幫襯。放眼盡是藍浪，締造輕鬆用餐氣氛海蠣做緊推廣，仼選兩款唔駛$200海蠣煎米粉形似煎蠔餅，只是中間夾住米粉煎香。海蠣超微小，比起潮州薄殼還要細，冇腥味不過都冇鮮甜味；米粉煎餅做咗主角。配以香濃辣椒醬提鮮、菊花杞子茶去油膩，一流九層搭海蠣香氣撲鼻，中芹、紫洋葱、九層塔極惹味，令食指大動炒芋芯原來喺甜食。薄脆漿灑上糖霜內藏幼嫩芋頭，冇得彈最後以薑茶作結。值得再回頭

🕰️用餐時間：18:00-19:15 👥人數：4人餐廳主色調為大眾所喜的Tiffany Blue 💙~🍵 菊花茶清新解膩；前菜(送)雲耳、花生酸菜—酸菜出奇地不太鹹👍🏼酥炒芋芯 ($89)極力極力推介！內裏芋味濃，外有一層薄薄糖衣包裹著，很是香口。旁邊有兩三桌人也點了這個呢 😍$199任選2道海蠣菜的餐牌🦪 超抵食！ 傳統海蠣煎🦪粉醬很少，所以海蠣及蛋味很濃😆海蠣黃金米粉🦪米粉屬於很幼那種，可以更易與海蠣和蛋融洽~ 咬下去~ 淡淡海蠣+蛋香~ 😚黃金海蠣餅 (3件) 🦪 ($39)可能其他菜式太美味了，這道反而沒有想像中那麼好吃呢~金銀蛋炒波菜湯底蛋黃濃度高，真想就這樣把湯也喝了~

食肆近來都有外賣優惠，便選一家未試過的食肆試試。門面另一邊有禮盒裝產品，甚是精美。過往也曾經好幾次經過這食肆，店員都會主動請經過的客人試試贈飲，飲品亦會定期更換，今次經過可以試飲姜茶，夠姜的味道，頓時醒醒神再看看外賣優惠。大白菜燉軟豆腐 有肉絲、長形豆腐、芹菜及細件海鮮，豆腐軟綿綿。材料全是清淡，但湯底卻是主角，淡淡香氣、淡淡甜味與鮮味。鹹香黃花魚 打開盒蓋便散出陣陣黃花魚香氣，鹹香味適中，魚頭魚尾及某些位置都是香脆，魚身細小但非常好味及喜愛!興化炒米粉 – 小份 米粉非常幼滑乾爽，放涼了口感也保持得很好。材料豐富，有蝦、蜆肉、菜、花生等都新鮮好味!莆田荔枝肉 – 小份荔枝肉有兩盒，是汁和酥肉。酥肉一口口，香酥好味，沾上有荔枝肉的甜酸汁令味道變得鮮甜。農村擦粉 – 小份 有濕潤的擦粉，粉質柔軟細滑，有湯汁的味道。湯內有海鮮及菜等材料，令味道豐富，湯的質感半糊半湯狀，有點像羹湯的舒適感兼易入口。雖然是外賣，但品質極滿意，有香酥、有香煎、有軟滑的米粉和擦粉，確是特色。外賣盒分門別類，外賣袋亦同樣精美，可以重用之餘也可短程保溫，確是貼心服務。